Diplomatica Belgica - Record 1150

DiBe ID

1150

ACTORS

Issuer(s)
(= author)

Function/title: bishop
Name: Henry of Leez
Institution/jurisdiction: Liège
Diocese: Diocese Liège
Principality: Liège
Religious order:

Author(s) of the actio juridica

(= disposer)

Function/title: bishop
Name: Henry of Leez
Institution/jurisdiction: Liège
Diocese: Diocese Liège
Principality: Liège
Religious order:

Beneficiary(ies)

(= recipient)

Function/title: cathedral/collegiate chapter
Name:
Institution/jurisdiction: Liège (S.Lambert)
Diocese: Diocese Liège
Principality: Liège
Religious order:

DATE

Scholarly dating (preferential)	//1154 (donnée par document / mentioned in document - )
Scholarly dating (any)	//1154 (donnée par document / mentioned in document - ) Scholarly qualification: -
Date in the charter	//1154
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	déclare avoir acquis pour le chapitre des châteaux et des alleux dans diverses localités (énumération)
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine sancte et indiuidue trinitatis Heinricus diuina fauente clementia secundus Leodiensis episcopus omnibus in perpetuum. Ad pontificis spectat propositum res ecclesiasticas recolligere conseruare et augere. Huius igitur uoti semper memor et conscius non solum de recolligendis uel conseruandis uerum etiam de augendis et multiplicandis rebus ecclesie sollicitus fui sciens etiam quod periculose suscipitur talentum nisi reddatur multiplicatum. Hec ergo sunt que secuntur que deo iuuante propriis laboribus et expensis et diligentia acquisiui ecclesie sancte Marie sancti que Lamberti que est in Leodio et in quibus dignitatem ipsius sublimaui ampliaui honorem potentia auxi et dilataui castrum de Rohde et allodium et honor cum omni integritate sua tam in ecclesiasticis quam in secularibus tam in familiis quam in aliis terris scilicet cultis et incultis siluis aquis aquarum que decursibus et in reliquis omnibus quocumque modo uel genere ad ipsum pertinentibus uel que possunt uel debent pertinere eodem et simili per omnia modo et plenitudine acquisiui castrum de Belmont et allodia de Hastenoit eodem quoque modo et indifferenti per omnia ratione et integritate acquisiui tria allodia que apud nos sunt cuiusdam uiri nobilis Cononis nomine hec autem allodia sic uocantur Repe Thiedenbecke Scanz et castellare quod in ---. Notissimum autem esse uolumus quod hec tria allodia ad mensam nostram et episcoporum qui post me futuri sunt devenient post obitum predicti Cononis et coniugis sue Albere castrum quoque de Duraz acquisiui cum omnibus attinentiis munitionum et necessariis eodem et simili modo acquisiui castra et munitiones quorum nomina sequuntur castrum de Fontaines castrum de Borne castrum de Reuonia castrum de Esmeiruile securitatem quoque castri de Walecurt acquisiui. Predicta autem allodia et castra quam necessaria et utilia sint non solum ciuitati nostre uerum etiam uniuerso episcopatui melius apud nos expertum est et amplius scitur quam scripto breui possit exponi. Acta et peracta sunt hec anno incarnationis dominice M° C° L° IIII°. Huius rei testes sunt Alexander prepositus maioris ecclesie archidiaconus Elbertus archidiaconus Reinerus archidiaconus Amalricus archidiaconus et magister Philippus archidiaconus Bruno archidiaconus Hugbertus decanus.

Source	BORMANS S.-SCHOOLMEESTERS E. 1893

TRADITION

Original	Yes Liège, Archives de l'Etat [AE], T51 - 10 BIS
Manuscripts	Liège, Bibliothèque Générale de Philosophie et Lettres (BGPhL), Manuscrit 188 (1635-1640)
	Liège, Archives de l'Evêché, Documenta Leodiensia, Rayon 3/7 ()

EDITIONS AND SECONDARY LITERATURE

Editions	BORMANS S.-SCHOOLMEESTERS E.. Cartulaire de l'église Saint-Lambert de Liège (Publications de la Commission royale d'Histoire. Chroniques belges inédites. Series I in 4°), I, Bruxelles, 1893., 1, n.44, p.72,
Secondary literature	PAQUAY J.-VAN SWYGENHOVEN CH.. Chartes et documents anciens concernant la paroisse de Diepenbeek dans: Bulletin de la Société scientifique et littéraire du Limbourg, 28 (1910), p.128-200., n.1, p.128,
	COENEN J.. Limburgsche Oorkonden (98-1340), 4 vol., Maaseik, 1932-1942., 1, p.175,
	REUSENS E.. Revue critique. Cartulaire de l'église Saint-Lambert de Liège, dans: Analectes pour servir à l'Histoire ecclésiastique de la Belgique, 25 (1894), p.93-210., p.111, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.739, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.191, LINK LINK