Diplomatica Belgica - Record 11409
DiplomataBelgica
colophon | about | copyright | contact | version française
Search | Tradition Search
DiBe 1 of 1
‹
›
return to all results
DiBe ID 11409
ACTORS
Issuer(s)
(= author) 		Function/title:  count/countess
Name:  Philip of Alsace
Institution/jurisdiction:  Flanders-Vermandois

Diocese:  Diocese Tournai
Principality: Flanders
Religious order: 

Author(s) of the actio juridica 

(= disposer)

Function/title:  count/countess
Name:  Philip of Alsace
Institution/jurisdiction:  Flanders-Vermandois

Diocese:  Diocese Tournai
Principality: Flanders
Religious order: 
Function/title:  other
Name:  Robert
Institution/jurisdiction:  Boisleux

Diocese:  Diocese Arras
Principality: Flanders
Religious order: 
Beneficiary(ies)

(= recipient)

Function/title:  monastic house
Name: 
Institution/jurisdiction:  Marchiennes

Diocese:  Diocese Arras
Principality: Flanders
Religious order:  Benedictines
DATE
Scholarly dating
(preferential) 		27/10/1169 (donnée par document / mentioned in document - )
Scholarly dating
(any) 		27/10/1169 (donnée par document / mentioned in document - ) Scholarly qualification: -
Date in the charter
27/10/1169

Place-date

(in the text)

Atrebati

Place-date

(normalised)

Arras (FRANCE, Hauts-de-France, Pas-de-Calais)

Diocese:  Diocese Arras Principality:  Flanders
SUMMARY AND DESCRIPTION
Summary notifie que Robert de Boisleux a usurpé la possession d'une partie du "gavalum" de Boiry-S . -Rictrude ; il prétendait tenir ce bien en fief du comte de S . Pol et a renoncé à ses prétentions après qu'Anselme , comte de S . Pol aie déclaré devant le comte qu'il n'en était rien
Description
Language: Latin
Authenticity: unsuspected document Textual tradition: original
Nature of the charter: charter
FULL TEXT OF CHARTER
In nomine Patris et Filii et Spiritus Sancti, amen. Ego Philippus, Dei gratia Flandrensium et Viromandensium comes, notum fieri uolo tam futuris quam presentibus Ingelrannum, quondam comitem de Sancto Paulo, gaulum de Bairi uilla Sancte Rictrudis, sicut illud tenebat de comite Flandrie, totum et extra uillam et intus in omni potestate, supradicte sancte ecclesie Marcianensi dedisse pro anima sua et patris et matris suę. Huic autem largitioni assensum prebuit Anselmus frater eius, qui nunc est comes Sancti Pauli, et Agelina soror eius et Robertus filius supradicte Ageline et Anselmus de Hosden sororius eius. Modo autem subscripto gaulum illum ecclesię dedit: in manum comitis Theoderici de quo illud tenebat reddidit, comes uero per manum Hugonis abbatis Sancte Rictrudi contulit, cumque abbas feodum de manu comitis accepisset, tam Ingelranno quam successoribus eius ab hominibus comitis, qui intererant, in perpetuum abiudicatus est. Deinde Ingelrannus comitem exorauit ut rem scripto firmaret, et ne aliquis malefactor futuris temporibus de eadem re ęcclesiam infestaret, inde fideiussor existeret. Comitissam etiam Sibillam, matrem meam, et meipsum ipsi ecclesię fideiussores dedit. Comite igitur Ingelranno defuncto, Robertus quidam miles de Bailos quandam partem supradicti gauli per annos aliquot iniuste tenuit. Pro qua iniuria Marcianensi ecclesie illata, monachi sepius querimoniam ante me deposuerunt. Ego uero militem prefatum conueniens ut ab inquietatione monachorum resipisceret precepi. Que respondit se illis nullam facere iniuriam, quia partem illam gauli de qua conquerebantur tenebat de comite Sancti Pauli. Quo audito, precepi utrique parti ut de hac re certam diffinitionem audituri in meam Attrebati conuenirent presentiam. Et conuenerunt die a me denominata, monachi scilicet cum suis priuilegiis et Robertus cum suis amicis et Anselmo comite Sancti Pauli. Lectis ergo priuilegiis, comes ille Anselmus a me cunctis audientibus interrogatus est, utrum in scriptis illis aliquid falsitatis deprehenderet, et si Roberto contra priuilegiorum decreta faueret. Qui respondit in priuilegiis quidem nullam se deprehendere falsitatem, de elemosina quoque quam frater suus cum suo assensu ecclesie dederat Marcianensi et de qua nunc agebatur nec Roberto nec alicui unquam aliquid dedisse nec dare uelle. Robertus uero, hęc audiens et suo se destitutum uidens aduocato, tandem suum recognoscens reatum, in conspectu meo et prefati comitis baronum quoque meorum, fide data, promisit se supra memorate ecclesię de gaulo illo nullam ulterius facturum iniuriam nec damnum aliquod illaturum. Ne igitur aliquis temerarius in posterum de hac causa iuste terminata Marcianensem ecclesiam infestare presumat, cartulam scribi et sigillo meo insigniri, testium quoque idoneorum annotatione roborari feci. Signum Roberti prepositi Brugensis. Signum Anselmi comitis Sancti Pauli. Signum Symonis de Oysi. Signum Hellini dapiferi. Signum Michahelis conestabuli. Signum Walteri de Attrebato. Signum Gerardi prepositi Duacensis. Signum Balduini de Oriuilla. Signum Walteri de Auerdun. Signum Hugonis de Auerdun. Signum Balduini de Noella. Actum Attrebati, anno Domini M°C°LX°VIIII°, in uigilia apostolorum Symonis et Iude.
Source DE HEMPTINNE TH.-VERHULST A.-DE MEY L. 2001
EDITIONS AND SECONDARY LITERATURE
Editions
DE HEMPTINNE TH.-VERHULST A.-DE MEY L.. De oorkonden der graven van Vlaanderen (juli 1128-september 1191) , Deel II, Uitgave. Band II. Regering van Filips van de Elzas (Eerste deel: 1168-1177), Addenda en errata in deel II, band I (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 2001., n.309, p.57-59,
Secondary literature BRUCHET M.. Répertoire numérique. Série H. Tome I. Fonds bénédictins et cisterciens. 1 H à 35 H (Archives départementales du Nord), Lille, 1928., col.1, p.189, LINK

 

Collaborator: Philippe Demonty
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015