Diplomatica Belgica - Record 1133

DiBe ID

1133

ACTORS

Issuer(s)
(= author)

Function/title: canon/canoness (in a personal capacity)
Name: Elbertus
Institution/jurisdiction: Liège (S.Lambert)
Diocese: Diocese Liège
Principality: Liège
Religious order:

Author(s) of the actio juridica

(= disposer)

Function/title: canon/canoness (in a personal capacity)
Name: Elbertus
Institution/jurisdiction: Liège (S.Lambert)
Diocese: Diocese Liège
Principality: Liège
Religious order:

Beneficiary(ies)

(= recipient)

Function/title: cathedral/collegiate chapter
Name:
Institution/jurisdiction: Liège (S.Lambert)
Diocese: Diocese Liège
Principality: Liège
Religious order:

DATE

Scholarly dating (preferential)	//1085 (donnée par document / mentioned in document - )
Scholarly dating (any)	//1085 (donnée par document / mentioned in document - ) Scholarly qualification: -
Date in the charter	//1085
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	donne en alleu des biens situés à Liers , Hognoul , Ans [Identification incertaine] , Heers et Vervoz (Clavier)
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine sancte et indiuidue trinitatis ego Elbertus seruus sancte Marie sancti que Lamberti dilectione spirituali et respectu sancte fraternitatis impetraui a dominis et confratribus nostris dari michi totum illud allodium quod ipsi eo die liberum et quietum in manu sua tenebant comparatum a Rigildes et filio eius Liebuino uidelicet unde VI mansi iacent apud uillam que dicitur Lyers XVI bonuaria apud Holuole et accepi inde donum in capitulo in presentia fratrum et per consensum eorum de manu Hugonis prepositi in legitimam hereditatem ut et ego in uita mea tenerem et illi post me quibus ego tenendam in uita mea disponerem et post illos deinceps heredes mei quicumque de progenie nostra canonici sancti Lamberti fuerint et semper proximior genere habeat gratis inde a preposito donum accepturi. Eodem in tempore cooperante deo et amicis meis impetraui a domino meo Henrico episcopo montem quemdam qui uocatur Stocois et loca aspera et inculta eidem monti adiacentia et ad uillam Ans pertinentia ita quod presentibus dominis et fratribus et multis ex familia ecclesie pluribus que liberis hominibus posuit terram illam super altare sancte Marie ut esset fratribus in allodium michi uero in hereditatem et omnibus quibus ego distribuerem ad purgandum et ad plantandam uineam. Inde accepi donum in capitulo de manu domini Hugonis prepositi in presentia fratrum et per consensum eorum ac sicut et antea feceram pro alia hereditate dedi fratribus uinum quod dari solet pro testimonio tam ego quam illi qui meo conductu sub eadem conditione ibidem a me acceperunt donum quisque de sua particula. De supradicto uero allodio pro salute anime domini mei Henrici episcopi item pro redemptione anime domini mei Gerardi et pro mea hoc fieri constituo fiat inde anniuersarius domini mei Henrici episcopi et domini mei Gerardi secundo die a festiuitate omnium sanctorum simul cum commemoratione omnium fratrum nostrorum pariter que cunctorum fidelium defunctorum quo die habeant fratres XV solidos in refectorio et pauperes XX denarios XX ibidem nostri pauperes VI candele VIII presbiter qui annuam missam cantabit XX solidos ut libentius et promptiori animo superaddat misse cotidianam uigiliam et VII penitentiales psalmos hora qua ad missam preparatur candela XV solidorum ut in ipso noctis initio statim accendatur et de cera purissima fiat nec piget aut pudet nos talia mandare per litteram cum dominus etiam remotis mysteriis dicat ad litteram fieri debere lucernam de oleo purissimo. Quod uero de hoc anniuersario dixi hoc idem dico de meo nichil addens nichil minuens nisi quod quandocumque suprema michi hora uenerit illum collocari uolo in IIII-ta feria que christiane appellatur caput ieiunii quo die etiam omnium fratrum nostrorum defunctorum inseratur commemoratio et in die dominica que sequitur caritatem que prelibata est XV solidos fratribus exhiberi constituo et pauperibus XX denarios XX ibidem et nostris VI et pro candelis VIII et presbiter totum illud seruitium misse et uigilie et psalmorum faciet quod et superius in altero anniuersario domini mei prefinitum est et similiter XX solidos accipiet candela uero similiter incipiens seruire statim in ipso noctis exordio et de cera purissima XV solidorum habebit. Addo etiam ad supplementum predicti seruitii hereditatem meam de Hairs et de Vernoth quod si cui termini isti uidentur novi aut quasi incogniti precor ut ignoscat paruule nostre intentioni sciens quod unusquisque in suo sensu abundat fixum que tenens pacienter esse accipiendum quod fidei spei et caritati que non est contrarium. Volo autem ut ad altare sanctissime dei genitricis Marie et misse iste fiant et luminaria iugiter ardeant in honore sancte et indiuidue trinitatis et uictoriosissime crucis et intemerate uirginis Marie sancti que Michaelis archangeli necnon et beati euangeliste Iohannis sanctorum que omnium electorum dei. Actum est hoc anno ab incarnatione domini M° LXXX° quinto indictione VIII-a regnante imperatore facto Henrico quarto anno Henrici pontificis X°. Hoc nostrum constitutum si quis minuerit si quis in alios quam qui prefiniti sunt usus retorserit uel aliqua mala actione fratribus inde dampnum intulerit in conspectu superni iudicis sciat se rationem redditurum uice sacrilegii et summi criminis.

Source	BORMANS S.-SCHOOLMEESTERS E. 1893

TRADITION

Original	No
Manuscripts	Liège, Archives de l'Evêché, Documenta Leodiensia, Rayon 3/7 ()

EDITIONS AND SECONDARY LITERATURE

Editions	BORMANS S.-SCHOOLMEESTERS E.. Cartulaire de l'église Saint-Lambert de Liège (Publications de la Commission royale d'Histoire. Chroniques belges inédites. Series I in 4°), I, Bruxelles, 1893., 1, n.27, p.43,
Secondary literature	COENEN J.. Limburgsche Oorkonden (98-1340), 4 vol., Maaseik, 1932-1942., 1, n.206, p.105,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.80, LINK LINK