‹
›
return to all results
| DiBe ID | 11136 |
| ACTORS |
|
Issuer(s)
(= author) |
Function/title:
bishop Name: Nicholas I Institution/jurisdiction: Cambrai Diocese: Diocese Cambrai Principality: Cambrai Religious order: |
|
Author(s) of the actio juridica (= disposer) |
Function/title:
bishop Name: Nicholas I Institution/jurisdiction: Cambrai Diocese: Diocese Cambrai Principality: Cambrai Religious order: |
|
Beneficiary(ies)
(= recipient) |
Function/title:
monastic house Name: Fulbertus abbot Institution/jurisdiction: Arrouaise Diocese: Diocese Noyon Principality: Flanders Religious order: Arrouaise |
| DATE |
|
Scholarly dating
(preferential) |
24/12/1157 (terminus ante quem - TOCK-MILIS) |
|
Scholarly dating
(any) |
24/12/1157 (terminus ante quem - TOCK-MILIS) Scholarly qualification: - |
| 25/12/1156 (terminus post quem - TOCK-MILIS) Scholarly qualification: - | |
| //1157 (donnée par document / mentioned in document - ) Scholarly qualification: - | |
|
Date in the charter
|
//1157 |
|
Place-date (in the text) |
apud Cameracum |
|
Place-date (normalised) |
Cambrai (FRANCE, Hauts-de-France, Nord)
Diocese: Diocese Cambrai Principality: Cambrai |
| SUMMARY AND DESCRIPTION |
| Summary | confirme en les énumérant l'ensemble des possessions et des droits de l'abbaye d'Arrouaise à Beaucamp (Haucourt) |
|
Description
|
Language:
Latin Authenticity: unsuspected document Textual tradition: copy (records) Nature of the charter: charter |
| FULL TEXT OF CHARTER |
| -CRUX- In nomine Patris et Filii et Spiritus Sancti, amen. Nicholaus, Dei gratia Cameracensis episcopus, tam presentibus quam futuris in perpetuum. Licet uniuersis sancte ecclesie filiis congruat quod apostolica auctoritas intonat, que dicit operamini bonum ad omnes, maxime autem ad domesticos fidei, nobis tamen qui auctore Deo ceteris presidemus specialius competit pauperibus Christi diligentiorem curam adhibere, eorumque uota pro officio confouere. Unde, uiri uenerabilis Fulberti abbatis et religiosorum fratrum ecclesie Beati Nicholai de Aridagamantia Iustis postulationibus aurem apponimus, et quos liberius pro nobis Deo uacare uolumus, que sibi firmari expetunt auctoritate nostra communimus: curtem de Belcamp liberam ab omni imperpetuum exactione cum oratorio et cimeterio sub annuo censu V solidorum Cameracensis monete; quicquid Iohannes Maigneret in Oiricurt pro terragio excolendum legitime eis contulit, concedentibus Gerulfo, de Fulcheres et Alardo de Genaincurt herede ipsius, Symone de Belmeis, Hunone de Hunecurt ad cuius feodum pertinebat; nemus de Trescalt quod eis ad sartandum pro terragio dederunt Herbertus de Trescalt et Hugo frater eius, assensu Hadewidis uxoris prefati Herberti, infra uiam que per foramen de Wartes ducit a Cameraco ad Peronam uersus Belcamp, quod hereditario iure prenominatorum erat, et duas garbas decime tam in nemore quam in terra, concedente Hugone de Cameraco de quo illud in feodo tenebant, testibus Iohanne preposito de Haueraincurte et Balduino filio eius, Balduino de Wahircurt, Roberto Paupere, Symone de Vilers, Wiardo Raso; decem mancoldatas terre quas predictus Hugo frater Herberti cum nemore eidem adiacente contulit eis pro susceptione filie sue, teste Waltero de Trescalt; terram quam dedit eis Symon de Uilers cum filia sua conuersa et Sara filia Helduini cum duabus partibus terragii et duabus garbis decime illius terre eisdem collatis a Iohanne nepote ipsius Symonis; medietatem de Baincamp quam pro filia sua conuersa dedit eis Balduinus maior de Wahircurte cum terragio, assensu Oilardi de Inci de cuius feodo erat et Symonis filii eius, a quibus et hoc ipsum recognitum est coram canonicis Sancte Marie Cameracensis, uidelicet Hugone decano, magistro Willelmo, Roberto filio Huardi, Waltero de Moures, Iohanne preposito de Haueraincurt; alteram uero partem Baincamp habent ad sartandum ex dono Ilbaldi maioris de Hunencurt, eidem reddentes terragium, et alteram ex dono Roberti Pauperis de Goiselcurt similiter ad sartandum pro terragio, teste predicto Balduino participe eorum et Symone de Uilers; preterea concesserunt eis Symon de Uilers et Sara filia Helduini terram de Archunval et terram Warneri Pro terragio in perpetuum; sartum unius modii sementis dederunt eis in terram Sancti Quintini Erembaldus et Heldiardis uxor eius, assensu filiarum suarum et Iohannis generi eorum, teste Hugone presbitero, Ernoldo Paruo, Waltero de Felcheres; tres modiatas nemoris ad sartandum in Curtisellis ex dono Iohannis de Ribercurt et in feodo ipsius terram Hugonis et terram Hadewidis de Ribercurt, ipso concedente ac Pagano filio eius, testibus Huberto presbytero, Symone de Uilers, Balduino de Wahircurte et fratribus eius Atsone Aucupe, Iohanne Ad Barbam et Giroldo; alodium etiam quod eis liberum dedit cum filia sua Radulfus de Rumeilli iuxta terram Sancti Quintini, assensu Ade uxoris sue et filiorum ac filiarum suarum; dedit quoque eis alodia sua subtus Vilers Huardus de Cameraco, assensu Rumoldis uxoris sue filiorumque eius ac filiarum, ita libere sicut ipse tenuerat ea; ex dono Iohannis filii Wicardi terram de Gondoucurte cum terragio liberam et duabus garbis eiusdem terre a Iohanne de Marcuing eisdem collatis; quicquid etiam capitulum Sancte Marie Cameracensis excolendum concessit eis in perpetuum in Cantegnuel et in territorio de Ribercurt et in nemore quod dicitur Lebus Sancti Gaugerici, cum quodam curtilli ante Belcamp de dote altaris de Noella, quod dedit eis ad sartandum assensu prefati capitulis Robertus filius Huardi concanonicus noster, sub annuo censu XII denariorum et II-orum caponum in Natale Domini; similiter et alodia que dederunt eis Iohannes Papalardus et Mathildis uxor eius apud Felcheres et Harmiis, concedentibus filiis et filiabus eorum, sicut libere ea tenuerant; in territorio de Uilers unam modiatam nemoris ad sartandum quam dedit eis pro redditione terragii Hugo maritus supradicte Sare, testibus Symone de Belmeis de cuius feodo erat, et Balduino de Walheircurte. Ut hec igitur rata eis et illibata perpetuo maneant, presentem paginam imaginis nostre impressione signamus, testiumque suppositorum astipulatione corroboramus. Prouide paci et tranquillitati eorum prouidentes inposterum, data benedictione pontificali huius nostri decreti conseruatoribus, in preuaricatores excommunicationis sententiam promulgamus quousque resipuerint et condigne penitentes suprascripte ecclesie Beati Nicholai satisfecerint. Signum Iohannis, Alardi, Radulfi archidiaconorum. Signum magistri Willelmi. Signum Ulrici diaconi. Signum Anselmi canonici. Actum est hoc apud Cameracum anno ab incarnatione dominice M°C°LVII°. | |
| Source | TOCK B.-M.-MILIS L. 2000 |
| TRADITION |
| EDITIONS AND SECONDARY LITERATURE |
|
Editions
|
TOCK B.-M.-MILIS L.. Monumenta Arroasiensia (Corpus Christianorum. Continuatio Mediaevalis, 175), Turnhout, 2000., n.78, p.170-173, |
| CHARTAE GALLIAE. Base de données de chartes médiévales, Ressource électronique, F00564, LINK LINK | |
| Secondary literature | MICHEL H.. Inventaire sommaire du cartulaire d'Arrouaise, dans: Bulletins de la Société des Antiquaires de Picardie, 28 (1917-1919), p.251-273., p.271, LINK LINK |
| TOCK B.-M.-MILIS L.. Monumenta Arroasiensia (Corpus Christianorum. Continuatio Mediaevalis, 175), Turnhout, 2000., p.170, | |
| PIETRESSON DE SAINT-AUBIN P.. Répertoire numérique. Série G. Tome II. Fascicule 1. Clergé régulier. 3 G à 5 G (Archives départementales du Nord), Lille, 1968., col.1, p.121, LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
