‹
›
return to all results
| DiBe ID | 111 |
| ACTORS |
|
Issuer(s)
(= author) |
Function/title:
count/countess Name: Robert II of Jerusalem Institution/jurisdiction: Flanders Diocese: Diocese Tournai Principality: Flanders Religious order: |
|
Author(s) of the actio juridica (= disposer) |
Function/title:
count/countess Name: Robert II of Jerusalem Institution/jurisdiction: Flanders Diocese: Diocese Tournai Principality: Flanders Religious order: |
|
Beneficiary(ies)
(= recipient) |
Function/title:
monastic house Name: Institution/jurisdiction: Watten Diocese: Diocese Thérouanne Principality: Flanders Religious order: Augustinian Canons |
| DATE |
|
Scholarly dating
(preferential) |
6/1/1093 (donnée par document / mentioned in document - ) |
|
Scholarly dating
(any) |
6/1/1093 (donnée par document / mentioned in document - ) Scholarly qualification: - |
| 6/1/1094 (nouveau style / new style - DEHAISNES-FINOT/PIETRESSON DE SAINT-AUBIN) Scholarly qualification: - | |
|
Date in the charter
|
6/1/1093 |
|
Place-date (in the text) |
Bruggis |
|
Place-date (normalised) |
Bruges (BELGIË, Vlaams Gewest, West-Vlaanderen)
Diocese: Diocese Tournai Principality: Flanders |
| SUMMARY AND DESCRIPTION |
| Summary | prend l'abbaye sous sa protection et lui donne des biens (énumération) |
|
Description
|
Language:
Latin Authenticity: unsuspected document Textual tradition: copy (records) Nature of the charter: charter |
| FULL TEXT OF CHARTER |
| In nomine patris et filii et spiritus sancti. Quoniam fragilitas humane nature per elationem superbie et contumaciam inobedientie per mortem sibi fecit finem uite qui si non peccasset uiuere poterat sine fine ac proinde quod a prioribus et per priores fiebat posteris eorum non omnino notum esse poterat magna dei dispensatione signa litterarum sunt inuenta quibus posteritas humana posset scire quid apud anteriores constaret euenisse. Ad laudem igitur et gloriam et honorem dei patris omnipotentis ego Robertus comitis Rotberti Hierosolimitani filius gratia dei Flandrensium Bononiensium Tornacensium Taruannensium Attrebatensium princeps monarchius litteris presentibus notificari uolo meis contemporalibus et deinceps succedentibus Bernoldum religiose conuersationis uirum et mutabilis uite exemplar et speculum fratrum in ecclesia sanctorum Nicholai et Richarii in loco qui dicitur Watania deo canonice militantium prepositum ab eminentia potestatis a deo michi tradite cum eisdem fratribus humiliter expetiisse ut eandem ecclesiam adhuc rudem adhuc nouellam adhuc ex recenti natiuitate tenerrimam et nondum infantiam pueritie transgressam ego puer et primeue etatis adolescens in tutelam et patrocinium defensionis mee susciperem ut ita praeueniente et subsequente misericordia dei utrique cresceremus in timore et amore dei prouectu et incremento temporalium et spiritualium bonorum donec occurramus genitori et nutritio nostro Iesu christo in uirum perfectum in mensuram etatis et plenitudinis eius. Quod innocue petitionis desiderium esse perpendens et idcirco brachiis pietatis et anchora caritatis amplectens maxime ideo quia ibidem deo militantes excubiis animarum uigilanter insudantes christi bonus odor uidentur esse deo in omni loco in hiis qui pereunt et in hiis qui salui sunt et quia praedictus praepositus in agro dominico non bubalis seuis et indomabilibus sed bobus mansuetis et iugum christi suaue et Leue ferre gaudentibus aratro ewangelico die noctu que non cessat arare secundum doctrinam dicentis: mane semina semen tuum et uespere non cesses et illud ewangelicum: quod autem cecidit in bonam terram hii sunt qui in corde bono et optimo audientes uerbum retinent et fructum afferunt in patientia hiis inquam omnibus prout melius ualui medullitus deliberatis destinaui solempniter hilariter que predictam ecclesiam infra ambitum muri propugnaculi nostri et asylum tuitionis nostre cum omnibus ad se pertinentibus mobilibus et immobilibus que possidet et possessura est suscipere susceptam que deo auxiliante contra omnem uiolentiam et iniustitiam omnibus diebus uite mee proposse a deo michi attributo et attribuendo irrefragabiliter defendere sublimare et propagare ut sicut predictus pusillus grex cui complaceat patri suo dare regnum pro eo quod uendit que habet et dat elemosinam et facit sacculos qui non ueterascunt thesaurum non deficientem in celis ante omnes alias ecclesias in terra iurisdictionis mee a me adhuc pusillo et puero magnis desideriorum uotis huius securitatis et quietis munitionem anhelauit impetrare. Ita quoque ante omnes alias et pre omnibus aliis semper michi in omnibus suis necessariis familiarior et peculiarior existat me cum in domino pubescat proficiat atque senescat quamuis tamen deo opitulante nulli ex omnibus aliis uelim negare quidquid honoris defensionis et propagationis me scio debere. Suscepi itaque eam pretaxato modo suscepte que tradidi pro salute anime mee et antecessorum meorum omnem terram que uocatur Merielant atque Goselant de curte mea apud Lobergam ad uitam fratrum predictorum sustentandam omnem quoque terram de Hoole Holoca Oostholoca uidelicet et Westholoca cum suis paludibus rogante Iohanne Taruannensi episcopo quam idem episcopus de me et antecessoribus meis eatenus in feodum tenuerat omnem que terram quam Regemarus seruiens meus scilicet mensuram unius funiculi in noua terra que uocatur Bruoch de me in feodum tenuerat rogante eodem quam ipse predictis fratribus equipollenti pretio antea uendiderat. Dedi etiam totam terram circumquaque ipsius Wataniensis ecclesie sitam ab aquis subter currentibus usque ad proximam siluam cum paludibus Frouemed uidelicet et Cumed liberaliter uti michi prouenerat a meis progenitoribus ea dumtaxat conditione ut tam claustrum quam et eius officine ibidem cum annuo censu terre ipsius edificentur edificatis que et ut necessarium fuerit constructis atque peractis omnibus eadem terra cum annuali redibitione et commodo in sustentationem fratrum integre deinceps redigatur. Ut autem hec omnia rata firma que et inconuulsa de hinc in eternum permaneant et ut ipsi fratres tam praesentes quam posteri pro salute mea et antecessorum successorum que meorum obnixius apud deum interueniant neue quis uel ego aut heres uel proheres meus seu quelibet alia persona aliquatenus cum iactura infringere audeat summopere precipio cartam que istam cum agye crucis tropheo cum signo auctoritatis et excellentie mee sigillo insigniri confirmari que et corroborari astipulans omnia facio. Si quis uero quod absit preoptatam hanc munificentie nostre donationem minuere in aliquo uel annullare seu fraudulenter et iniqua molitione sibi usurpare temptauerit secundum statuta canonum cohercitus anathematis gladio feriatur quoadusque satisfaciens emendet quod confirmationis huiusce paginam temerare deo quoque consecrata uiolare presumpserit. Fecimus autem hanc donationis nostre confirmationem Bruggis in plena curia in epiphania anno incarnationis domini MLXXXXIII indictione prima presentibus proceribus terre Conone et Gerardo fratre eius Alardo pincerna Gerardo stabulario Gerbodone de Wenti Sigario de Monteia Askrico et Balduino filio eius Rodulfo cubiculario Lamberto nigro Reingoto Onulfo dapifero Lethardo de Henny Razone de Gauera Teinardo castellano Winemaro de Lens Fromoldo de Casleto Gorlone fratre eius Bertulfo Brugensi praeposito Reinero paruo Ledelino Conone Folperto Gummaro canonicis et capellanis Siboldo et Lugerico notariis nostris multis que aliis de optimatibus nostris. | |
| Source | VERCAUTEREN F. 1938 |
| TRADITION |
| EDITIONS AND SECONDARY LITERATURE |
|
Editions
|
VERCAUTEREN F.. Actes des Comtes de Flandre (1071-1128) (Publications de la Commission royale d'Histoire, Series I in 4°), Bruxelles, 1938., n.12, p.38-41, |
| Secondary literature | DEREINE CH.. Etude critique des chartes accordées par Robert Ier (1072) et Robert II (1093) de Flandre à l'abbaye de Watten, dans: Revue Bénédictine, 93 (1983), p.80-107., p.80-107, |
| DE SAINT-GENOIS J.. Monuments anciens, essentiellement utiles à la France, aux provinces de Hainaut, Flandre, Brabant, Namur... et autres pays limitrophes de l'Empire: recueillis par le Cte Joseph de Saint-Genois, [s.l.], 1782-1804., I,1, p.469, LINK LINK LINK | |
| DEHAISNES C.-FINOT J.. Inventaire sommaire des archives départementales antérieures à 1790. Nord. Archives civiles. Série B: Chambre des comptes de Lille. Art. 653 à 1560, I, (2e partie), Lille, 1906., p.423, LINK LINK | |
| PIETRESSON DE SAINT-AUBIN P. & A.-M.. Répertoire numérique. Série H. Tome II. Ordres religieux divers. Ordres militaires. Hôpitaux et établissements de bienfaisance. 36 H à 214 H (Archives départementales du Nord), Avesnes-sur-Helpe, 1943., col.1, p.189, LINK | |
| GODEFROY D.-J.. Inventaire chronologique et detaillé des chartes de la chambre des comptes a Lille, s.l., s.d., n.40, p.19-20, | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.579, LINK LINK | |
| NIEUS J.-F.. "Cum signo auctoritatis et excellentie mee sigillo". Sceaux et identité symbolique des comtes de Flandre à la fin du XIe siècle, dans: Cahiers de civilisation médiévale, 58 (2015), p.43-64., note 117, p.61, |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
