Diplomatica Belgica - Record 11044

DiBe ID

11044

ACTORS

Issuer(s)
(= author)

Function/title: bishop
Name: Evrard of Avesnes
Institution/jurisdiction: Tournai
Diocese: Diocese Tournai
Principality: Flanders
Religious order:

Author(s) of the actio juridica

(= disposer)

Function/title: bishop
Name: Evrard of Avesnes
Institution/jurisdiction: Tournai
Diocese: Diocese Tournai
Principality: Flanders
Religious order:

Beneficiary(ies)

(= recipient)

Function/title: cathedral/collegiate chapter
Name:
Institution/jurisdiction: Tournai
Diocese: Diocese Tournai
Principality: Flanders
Religious order:

DATE

Scholarly dating (preferential)	15/4/1182 (donnée par document / mentioned in document - )
Scholarly dating (any)	15/4/1182 (donnée par document / mentioned in document - ) Scholarly qualification: -
Date in the charter	15/4/1182
Place-date (in the text)	Tornaci
Place-date (normalised)	Tournai (BELGIQUE, Région Wallonne, Hainaut) Diocese: Diocese Tournai Principality: Flanders

SUMMARY AND DESCRIPTION

Summary	l'évêque de Tournai (Hainaut) donne à son chapitre cathédral l'autel de Heurne (Oost-Vlaanderen, Oudenaarde) , à charge d'y célébrer son anniversaire , avec distributions aux clercs présents et diverses donations pour les pauvres et les lépreux à Tournai
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine Patris et Filii et Spiritus Sancti, amen. Ego Euerardus, Dei gratia Tornacensis episcopus, tam futuris suam presentibus inperpetuum. Nichil morte certius, nichil hora mortis incertius. Quocirca quia horam qua districtus Iudex ad iudicium ueniet ignoramus et uicinum eius iudicium in proximo uenturum certo certius expectamus, oportet ut nos qui alios bonorum operum radiis excitare debemus uenienti Iudici cum accensa lampade occurramus. Sed quoniam nemo mundus a sorde cuius saltem uel modicus puluis pedum non inhereat uestigiis euangelica auctoritate monemur ut amicos et maxime domesticos fidei de concessa nobis facultate faciamus ut quod nostris meritis non ualemus, ipsorum patrociniis assequamur. Hac ratione inducti, altare de Hurne ęcclesię Tornacensi pro celebratione anniuersarii nostri in perpetuum faciendi, saluo iure nostro ac ministrorum nostrorum, tali ordinatione contulimus ut canonici et presbiteri de maiori altari et omnes presbiteri parrochiales de ciuitate et, si qui alii presbiteri ad celebrandas missas in ecclesia Tornacensi sint uel fuerint instituti, habeant in anniuersario nostro qui uigilie interfuerint sex denarios unusquisque et totidem qui misse interfuerint. Clerici qui in chorum de more ueniunt, si ad uigiliam fuerint, habebunt tres denarios et totidem ad missam qui affuerint. Quisque etiam clericulorum qui ad uigiliam fuerit habebit unum nummum et unum qui ad missam fuerit. Nec aliquis prorsus aliquem de nummis habebit qui dabuntur ad uigiliam, nisi qui uigilie interfuerit. Similiter nec ad missam. Pulsator campanarum duodecim nummos habebit. Leprosi de Ualle habebunt decem solidos et, si quid residuum fuerit ipso die, panes inde emantur et pauperibus iacentibus et conuocatis erogentur. Si quis autem contra hanc donationem legitime factam temere uenire presumpserit, a consortio fidelium Dei quorum sortem demoliri molitur alienus fiat et in extremo examine iudicium eterne dampnationis incurrat. Et si pro delictis suis precem multiplicauerit ad Dominum, oratio eius fiat ei in peccatum. Ut autem hec pagina potiori ualletur fortitudine, ipsam impressione sigilli nostri confirmamus. Signum domni Euerardi Tornacensis episcopi. S. domni Arnulfi decani. S. Gossuini, Roberti archidiaconorum. S. Theoderici prepositi. S. Thome, Tirrici, Henrici, Iohannis cantoris, Gonteri christianorum decani, presbiterorum. S. Raineri, magistri Galteri, magistri Lamberti diaconorum. S. magistri Gilleberti, magistri Symonis, Henrici, Oliueri, Absalonis, Walteri de Iabecca, Iohannis, magistri Guinomari, Symonis, Letberti de Orcha, item Symonis canonicorum. Actum Tornaci, anno dominice incarnationis M° C° LXXXII, consecrationis nostre X°, Kalendis Maii XVII.

Source	PYCKE J.-VLEESCHOUWERS C. 2014

TRADITION

Original	No
Manuscripts	Tournai, Archives de la Cathédrale, Cartulaire C (1101-1300)
	Tournai, Archives de la Cathédrale, Cartulaire D (1201-1400)

EDITIONS AND SECONDARY LITERATURE

Editions	PYCKE J.-VLEESCHOUWERS C.. Les actes des évêques de Tournai (1146-1190). Episcopalis officii sollicitudo II, vol. 2 (Tournai – Art et Histoire, Instruments de travail, 22), Louvain-la-Neuve, 2014. , n.127, p.177-178,
Secondary literature	VLEESCHOUWERS C.. Chronologische problemen aangaande de bisschoppen van Doornik (1146-1218): episcopaatsjaren en jaarstijl, dans: Handelingen van het Genootschap voor Geschiedenis "Société d'Emulation" te Brugge, 117 (1980), p.5-55., p.32,
	PYCKE J.. Répertoire biographique des chanoines de Notre-Dame de Tournai, 1080-1300 (Université de Louvain. Recueil de Travaux d'Histoire et de Philologie, 6e série, fasc. 35), Louvain-la-Neuve-Bruxelles, 1988., n.26, p.39-40,