‹
›
return to all results
| DiBe ID | 11 |
| ACTORS |
|
Issuer(s)
(= author) |
Function/title:
pope Name: Hadrian IV Institution/jurisdiction: Rome Diocese: Principality: Papal States Religious order: |
|
Author(s) of the actio juridica (= disposer) |
Function/title:
pope Name: Hadrian IV Institution/jurisdiction: Rome Diocese: Principality: Papal States Religious order: |
|
Beneficiary(ies)
(= recipient) |
Function/title:
monastic house Name: Walter abbot Institution/jurisdiction: Tournai (S.Martin) Diocese: Diocese Tournai Principality: Flanders Religious order: Benedictines |
| DATE |
|
Scholarly dating
(preferential) |
31/12/1156 (donnée par document / mentioned in document - ) |
|
Scholarly dating
(any) |
31/12/1156 (donnée par document / mentioned in document - ) Scholarly qualification: - |
|
Date in the charter
|
31/12/1156 |
|
Place-date (in the text) |
Laterani |
|
Place-date (normalised) |
Rome (Lateran) (ITALIA, Latium, Roma)
Diocese: Principality: Papal States |
| SUMMARY AND DESCRIPTION |
| Summary | prend l'abbaye sous sa protection et lui confirme ses possessions |
|
Description
|
Language:
Latin Authenticity: unsuspected document Textual tradition: copy (records) Nature of the charter: bull |
| FULL TEXT OF CHARTER |
| Adrianus episcopus seruus seruorum dei dilectis filiis Galtero abbati monasterii sancti Martini Tornacensis eius que fratribus tam presentibus quam futuris regularem uitam professis in perpetuum. Religiosis desideriis dignum est facilem prebere consensum ut fidelis deuotio celerem sortiatur effectum. Eapropter dilecti in domino filii uestris iustis postulationibus clementer annuimus et prefatam ecclesiam in qua diuino mancipati estis obsequio sub beati Petri et nostra protectione suscipimus et presentis scripti priuilegio communimus statuentes ut quascunque possessiones quecunque bona eadem ecclesia impresentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis prestante domino poterit adipisci firma uobis uestris que successoribus in perpetuum et illibata permaneant. In quibus hec propriis duximus exprimenda uocabulis altare sancti Bauonis de Fiuia altare de Moscherun altare de Villesbecca altare de Beuerna altare de Cuerna altare de Liedengien in episcopatu Nouiomensi ecclesiam sancti Amandi cum appendiciis suis. Decernimus ergo ut nulli omnino hominum liceat prefatam ecclesiam temere perturbare aut eius possessiones auferre uel ablatas retinere minuere seu quibuslibet uexationibus fatigare sed illibata omnia integra conseruentur eorum pro quorum gubernatione et sustentatione concessa sunt usibus omnimodis profutura salua sedis apostolice auctoritate et diocesani episcopi canonica iusticia. Si qua igitur in futurum ecclesiastica secularis ue persona hanc nostre constitutionis paginam sciens contra eam temere uenire temptauerit secundo tercio ue commonita nisi presumptionem suam digna satisfactione correxerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Ihesu christi aliena fiat atque in extremo examine districte ultioni subiaceat. Cunctis autem eidem loco sua iura seruantibus sit pax domini nostri Ihesu christi quatinus et hic fructum bone actionis percipiant et apud districtum iudicem premia eterne pacis inueniant. Amen amen amen. -r- semper ad dominum oculi mei. Ego Adrianus catholicę ęcclesię episcopus subscripsi-. beneualetę. Ego Gregorius episcopus Sabinensis subscripsi-. Ego Hubaldus presbiter- cardinalis- titulo- sancte Praxedis subscripsi-. Ego Odo diaconus- cardinalis- sancti Georgii ad uelum aureum subscripsi-. Ego Iacintus diaconus- cardinalis- sanctę Marię in cosmydyn subscripsi-. Ego Ildebrandus diaconus- cardinalis- sancti Eustachii subscripsi-. Ego Henricus presbiter- cardinalis- titulo- sanctorum Nerei et Achillei subscripsi-. Data- Laterani- per manum Rolandi sanctę Romanę ęcclesię presbiteri cardinalis et cancellarii II kalendas- ianuarii- indictione V incarnationis dominicę anno M° C° L° VI° pontificatus uero domni Adriani pape IIII anno III°. | |
| Source | RAMACKERS J. 1934 |
| TRADITION |
| EDITIONS AND SECONDARY LITERATURE |
|
Editions
|
RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.84 (édition fragmentaire), p.211-212, |
| Secondary literature | WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.196, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
