Diplomatica Belgica - Record 10365

DiBe ID

10365

ACTORS

Issuer(s)
(= author)

Function/title: bishop
Name: Simon of Vermandois
Institution/jurisdiction: Tournai-Noyon
Diocese: Diocese Tournai
Principality: Flanders
Religious order:

Author(s) of the actio juridica

(= disposer)

Function/title: bishop
Name: Simon of Vermandois
Institution/jurisdiction: Tournai-Noyon
Diocese: Diocese Tournai
Principality: Flanders
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: Drongen
Diocese: Diocese Tournai
Principality: Flanders
Religious order: Premonstratensians

DATE

Scholarly dating (preferential)	24/12/1140 (terminus ante quem - PYCKE-VLEESCHOUWERS)
Scholarly dating (any)	//1140 (donnée par document / mentioned in document - ) Scholarly qualification: -
	24/12/1140 (terminus ante quem - PYCKE-VLEESCHOUWERS) Scholarly qualification: -
	1/1/1140 (terminus post quem - PYCKE-VLEESCHOUWERS) Scholarly qualification: -
Date in the charter	//1140
Place-date (in the text)	Tornaci
Place-date (normalised)	Tournai (BELGIQUE, Région Wallonne, Hainaut) Diocese: Diocese Tournai Principality: Flanders

SUMMARY AND DESCRIPTION

Summary

Simon de Vermandois, évêque de Tournai-Noyon, confirme à l'abbaye la possession de l'église de Drongen et les terres et décimes que Thierry , comte de Flandre , Iwanus de Gent et d'autres bienfaiteurs ont donnés à ce monastère à Zalegem [Oost-Vlaanderen, Sint-Niklaas, Beveren (Vrasene)], Hulst (NEDERLAND, Zeeland, Hulst), NEDERLAND, Hulsterlo (Zeeland, Hulst), Lokeren (Oost-Vlaanderen, Sint-Niklaas, Lokeren), Petegem-aan-de-Leie (Oost-Vlaanderen, Gent, Deinze)

Description

Language: Latin
Authenticity: unsuspected document Textual tradition: copy (records)
Nature of the charter: charter

FULL TEXT OF CHARTER


In nomine sancte et indiuidue Trinitatis. Ego Symon, Dei gratia Tornacensium seu Nouiomensium episcopus. Quia pontificali cathedre Deo auctore presidemus etsi omnibus nostre dyoceseos fidelibus – prout facultas suppetit – prodesse debemus, circa illos tamen qui, abiecta mundi sarcina, felici nauigio ad placidum et tranquillum contemplationis portum enatarunt precipue uigilare decreuimus, quatinus pia uicissitudine eorum orationibus aliquod nobis subsidium comparemus. Notum igitur fieri uolumus tam futuris quam presentibus qualiter Theodericus, Flandrensium comes, assentiente et petente Ywano illustri uiro necnon et Ogero preposito, Trunchinensem ecclesiam cum omnibus appendentiis suis domno Gosuino abbati per manum nostram tradiderit ut in ea cum subiectis sibi fratribus secundum regulam beati Augustini ad tenorem Premonstratensis monasterii uiuat, ita ut quidquid predicto abbati comes Theodericus siue Iwanus in loco qui Salechem dicitur contulerunt, terram uidelicet nonnullam ibidem, paludem quoque adiacentem cum decimationis sue duabus partibus – alteram quarum Erardus uenator Ywani, alteram uero Siger filius Bernardi decani –, per manum meam tradidit cum tercia etiam parte decime quam in Uorrebrouc habebat ; Hulst quoque et Hulstloe cum tota terra in circuitu usque ad adiacentes parrochias ; Burst deinde allodium suum quod ipse Ywanus propria manu apud Salechem in sacro altari Sancte Trinitati deuotissime optulit, militum suorum plurimis hec uidentibus et que uidere libere testantibus. Preterea incultam terram iuxta Belsele et apud stabulum iuxta Lochren uel quicquid prefato loco attigerit uel amplius legitime successerit, ecclesie Trunchinensi tamquam matri sue deinceps appendeat. Ut autem fratres qui pro salute animarum suarum ad hunc locum conuenerint soli Deo quiete uacare possint ab omni exactione tam nostra quam ministrorum nostrorum liberum esse statuimus. Hanc etiam nostre auctoritatis potestate fratribus concedentes ut inuasores uel diminutores siue defraudatores rerum suarum uel ecclesie libertatem excommunicandi et saluo iure pontificali digna satisfactione emendantes absoluendi habeant. Petenghem quoque cum appenditiis suis uel beneficiis fidelium Eustachii scilicet, Raingoti, Gosuini, Galteri, Erici, Ogeue et ceterorum sororum ibidem commorantibus, collatis cum omni successione sua ut supranominato loco ueluti membrum suo corpori sane inhereat, saluo iure pontificali, firma conglutinatione astringimus. Preterea de decimatione omnium animalium ac noualium suorum quicquid nostri iuris esse debebat inperpetuum eis remittimus. Que autem Ywanus in uilla Trunchinensi de feodo comitis, ipso comite assentiente, eis donauit, uidelicet singulis annis ualens marcham argenti totumque pomerium magnum terramque Arnulfi falconarii terramque Gripponis necnon in eadem parrochia paludem ad pisca faciendam, decimationes quoque molendinorum suorum, scilicet et omnium reddituum suorum Trunchinis et Torcungis et in Wasia, que quidem comes diligenti donationi precauens, sub presentia predicti abbatis et Ywani propria manu tercio offerens fideli noticie et ydonee testificationi commendauit, primo quidem apud Salechem super sacrum altare, deinde nichilominus Trunchinis in domo Ywani super textum sancti Ewangelii, postremo uero Gandaui, plena curia sua astante et rei tam aperte uise et audite astipulante. Hec insuper omnia que ecclesia Trunchinensis iam possidet uel quecumque deinceps sana largitione fidelium iure ecclesiastico adepta fuit domno Gosuino abbati prefate ecclesie et conuentui eiusdem eorumque successoribus firma et illibata Deo tutore eiusque filii Genitrice semper Uirgine Maria que eidem loco pertinet inperpetuum permaneant. Ipsi ergo ut hec rata et inconuulsa perpetuo sint, priuilegium hoc fieri iussimus ipsumque sigilli nostri impressione signantes et firmantes, omnes qui supra dicta infringere seu infirmare uel quoquo modo defraudare moliuntur sententie anathematis propalauimus. Actum Tornaci, anno dominice incarnationis M° C° XL°, epacta XIa, indictione IIIIa. Signum Absalonis abbatis Sancti Amandi. S. Walteri abbatis Sancti Martini . S. Gerardi abbatis Sancti Nicholai . S. Sicheri abbatis Sancti Petri Gandensis. S. Euerdei abbatis Sancti Bauonis . S. Theoderici prepositi. S. Willelmi decani. S. Mouini cantoris. S. Euerardi, S. Letberti, Aschrici, Gualteri. S. Theoderici abbatis Sancti Eligii . S. Hermani, S. Gosuini, Guerrici canonicorum. Ego Hugo cancellarius scripsi.

Source	PYCKE J.-VLEESCHOUWERS C. 2015

TRADITION

Original	No
Manuscripts	Ghent, Rijksarchief [RA], Abdij van Drongen 037 6 ()
	Ghent, Rijksarchief [RA], Abdij van Drongen 037 7 ()

EDITIONS AND SECONDARY LITERATURE

Editions	BENEDICTINS DE SAINT-MAUR. Gallia Christiana in provincias ecclesiasticas distributa; qua series et historia archiepiscoporum, episcoporum, et abbatum franciae vicinarumque ditionum.Opera et studio Domni Dionysii Sammarthani, Parisiis-Roma, 1870-1899., 5, col.326,
	PYCKE J.-VLEESCHOUWERS C.. Les actes des évêques de Noyon-Tournai (7e siècle -1146, 1148). Episcopalis officii sollicitudo I, vol. 1 (Tournai – Art et Histoire, Instruments de travail, 25, vol.1), Louvain-la-Neuve, 2015. , n.310, p.434-435,
Secondary literature	PYCKE J.-VLEESCHOUWERS C.. Les actes des évêques de Noyon-Tournai (7e siècle -1146, 1148). Episcopalis officii sollicitudo I, vol. 1 (Tournai – Art et Histoire, Instruments de travail, 25, vol.1), Louvain-la-Neuve, 2015. , p.434,