Diplomatica Belgica - Record 10354

DiBe ID

10354

ACTORS

Issuer(s)
(= author)

Function/title: bishop
Name: Simon of Vermandois
Institution/jurisdiction: Tournai-Noyon
Diocese: Diocese Tournai
Principality: Flanders
Religious order:

Author(s) of the actio juridica

(= disposer)

Function/title: bishop
Name: Simon of Vermandois
Institution/jurisdiction: Tournai-Noyon
Diocese: Diocese Tournai
Principality: Flanders
Religious order:

Beneficiary(ies)

(= recipient)

Function/title: monastic house
Name: Absalon abbot
Institution/jurisdiction: S.Amand
Diocese: Diocese Tournai
Principality: Flanders
Religious order: Benedictines

DATE

Scholarly dating (preferential)	//1133 (donnée par document / mentioned in document - )
Scholarly dating (any)	//1133 (donnée par document / mentioned in document - ) Scholarly qualification: -
Date in the charter	//1133
Place-date (in the text)	apud Sanctum Amandum
Place-date (normalised)	Saint-Amand (FRANCE, Hauts-de-France, Nord) Diocese: Diocese Tournai Principality: Tournaisis

SUMMARY AND DESCRIPTION

Summary	Simon de Vermandois, évêque de Tournai-Noyon, accorde à l'abbaye l'autel de Mouchin (Nord, Lille, Mouchin, Mouchin) libre de tout personat , mais à charge des redevances épiscopales d'usage
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine sancte et indiuidue Trinitatis, Patris et Filii et Spiritus Sancti. Amen. Simon, Dei miseratione Tornacensium seu Nouiomensium episcopus, uniuersis sancte matris ecclesie filiis, tam presentibus quam futuris, in perpetuum. Pontificalis officii speciale debitum est in uinea Domni pro spe diuini denarii instantius laborare et fidelium et precipue illorum tamen qui crucem Christi portantes sub contemplatiua uita Deo deseruiunt, facultates augere. Ad hoc etiam sic nos inuitat apostolica exhortatio : « dum tempus habemus, operemur bonum ad omnes, maxime autem ad domesticos fidei ». Quocirca, karissime frater Absalon, abbas Sancti Amandi, tuam tuorumque fratrum humilem petitionem pia deuotione suscipientes, ut diuina gratia opitulante religio in uestro loco commodius crescat, et ad sustentationem fratrum facultas uestri monasterii ex nostro gratuito dono augeatur, ut etiam nos nostrique successores orationum uestrarum simus participes, consilio et assensu archidiaconi nostri Roberti nostrorumque clericorum, altare de Moscinio tibi tuisque successoribus et ecclesie tue iure perpetue libertatis et absque persona possidendum concedimus, ita tamen ut pontificales reditus et iura synodalia secundum tenorem prioris consuetudinis singulis annis persoluantur. Presbiter sane qui inibi ad arbitrium abbatis et fratrum cantaturus constituitur, curam de manu nostra seu ministrorum nostrorum suscipiat et de suscepta cura siue de iure synodali nobis seu nostris ministris respondeat. Huius traditionis nostre ratio ut in posterum firma et inconuulsa perpetuo maneat, ne aliqua ecclesiastica secularisue persona infringere, permutare uel aliquo modo inquietare presumat, in uirtute Sancti Spiritus ex pontificalis auctoritate officii penitus inhibemus et presentis scripti astipulatione et sigilli nostri assignatione corroboramus. Testium etiam nomina subsignamus. Signum Roberti archidiaconi Tornacensis. S. Gonteri decani. S. Theoderici prepositi. S. Hugonis archidiaconi Nouiomensis. S. Gualberti abbatis de Altemonte. S. Bartholomei Hamensis abbatis. S. Bernardi de Glasia. Actum apud Sanctum Amandum in capitulo fratrum, anno Uerbi incarnati M° C° XXXIII, indictione XIa, anno episcopatus domni Symonis X°. Ego Hugo cancellarius subscripsi.

Source	PYCKE J.-VLEESCHOUWERS C. 2015

TRADITION

Original	No
Manuscripts	Lille, Archives départementales du Nord [AD], 12 H 1 (1201-1300)

EDITIONS AND SECONDARY LITERATURE

Editions	PYCKE J.-VLEESCHOUWERS C.. Les actes des évêques de Noyon-Tournai (7e siècle -1146, 1148). Episcopalis officii sollicitudo I, vol. 1 (Tournai – Art et Histoire, Instruments de travail, 25, vol.1), Louvain-la-Neuve, 2015. , n.258, p.369-370,
Secondary literature	PLATELLE H.. Le premier cartulaire de l'abbaye de Saint-Amand, dans: Le Moyen Age, 62 (1956), p.301-329., p.326,
	PLATELLE H.. Le temporel de l'abbaye de Saint-Amand des origines à 1340 (Bibliothèque elzévirienne. Nouvelle Série: Etudes et Documents), Paris, 1962., 1, p.191,
	PYCKE J.-VLEESCHOUWERS C.. Les actes des évêques de Noyon-Tournai (7e siècle -1146, 1148). Episcopalis officii sollicitudo I, vol. 1 (Tournai – Art et Histoire, Instruments de travail, 25, vol.1), Louvain-la-Neuve, 2015. , p.369,