Diplomatica Belgica - Record 10350
DiplomataBelgica
colophon | about | copyright | contact | version française
Search | Tradition Search
DiBe 1 of 1
‹
›
return to all results
DiBe ID 10350
ACTORS
Issuer(s)
(= author) 		Function/title:  bishop
Name:  Simon of Vermandois
Institution/jurisdiction:  Noyon-Tournai

Diocese:  Diocese Noyon
Principality: France
Religious order: 

Author(s) of the actio juridica 

(= disposer)

Function/title:  bishop
Name:  Simon of Vermandois
Institution/jurisdiction:  Noyon-Tournai

Diocese:  Diocese Noyon
Principality: France
Religious order: 
Beneficiary(ies)

(= recipient)

Function/title:  monastic house
Name:  Theoderic abbot
Institution/jurisdiction:  Noyon (S.Eligius)

Diocese:  Diocese Noyon
Principality: France
Religious order:  Benedictines
Function/title:  chancellor
Name:  Hugh of Péronne
Institution/jurisdiction:  Noyon-Tournai

Diocese:  Diocese Noyon
Principality: France
Religious order: 
DATE
Scholarly dating
(preferential) 		10/5/1128 (approximation - PYCKE-VLEESCHOUWERS)
Scholarly dating
(any) 		//1128 (donnée par document / mentioned in document - ) Scholarly qualification: -
10/5/1128 (approximation - PYCKE-VLEESCHOUWERS) Scholarly qualification: -
Date in the charter
//1128

Place-date

(in the text)

Noviomi

Place-date

(normalised)

Noyon (FRANCE, Hauts-de-France, Oise)

Diocese:  Diocese Noyon Principality:  France
SUMMARY AND DESCRIPTION
Summary Simon de Vermandois, évêque de Noyon-Tournai, notifie l'accord passé entre l'abbaye et son chancelier au sujet du moulin de Pulset, situé sur l’Oise dans le faubourg de Noyon, que ce dernier tenait en fief de l’évêque.
Description
Language: Latin
Authenticity: unsuspected document Textual tradition: copy (records)
Nature of the charter: charter
FULL TEXT OF CHARTER
In nomine Patris et Filii et Spiritus Sancti. Symon, Dei gratia Nouiomensium atque Tornacensium episcopus, successoribus suis episcopis et canonicis Sancte Marie tam presentibus quam futuris, fratri Theoderico abbati Sancti Eligii et ceteris fratribus tam presentibus quam futuris, in perpetuum. In procurandis ecclesiis ea que utilitati fratrum commodiora sunt et melius competere uidentur, dignum est prouidere. Siquidem uenientes ad nos abbas Sancti Eligii, frater in Christo laudabilis Theodericus, et cancellarius noster Hugo de Perona, indicauerunt prouisam inter se compositionem de quodam molendino de Pulset in suburbio Nouiomensi qui de episcopatus feodo ad usum cancellarie pertinebat. Talis utique molendinus remotus ab urbe, Ysare exundanti nimium uicinus, cum pluribus indigeret expensis, modicam aut fere nullam utilitatem cancellario conferebat, cum ex alia parte suprapositis Sancti Eligii molendinis transitum inde fluentis aque refundens ex ipsa redundatione retrofluentis unde damnosum monachis inferebat impedimentum. Habito itaque cum personis ecclesie nostrisque domesticis consilio, ipsis laudantibus, eodem cancellario postulante, predictum molendinum de Pulset cum sessu et districtu suo, exceptis uidelicet hospitibus et reliqua terra cum suis appendiciis, abbas et monachi sibi suisque successoribus in perpetua libertate sub annuo censu tenendum susceperunt ea nimirum diuisione. Sane in potestate abbatis et monachorum erit ipsum molendinum destruere siue restituere ita quod, restituto siue destructo molendino, semper in singulis annis, in festiuitate sancti Remigii uel infra subsequentes quindecim dies, monachi suique successores cancellario suisque successoribus tres modios frumenti Nouiomensis de grangia Sancti Eligii acceptos et ad hospicium cancellarii conductos persoluent. Quod si forte in predictis terminis uel usque ad festiuitatem omnium Sanctorum requisitum a cancellario uel eius nuncio censum monachi reddere neglexerint, episcopus compellat monachos ut infra subsequentes quindecim dies cancellario predictum censum decem solidorum lege restituant. Hoc ut firmum sit et inconuulsum in posterum permaneat, statuimus et presenti scripto cyrographo tam clericorum quam ipsius abbatis et monachorum communi assensu sub anathemate confirmantes, Beate Uirginis et nostro et ipsius abbatis sigillo confirmamus. Actum Nouiomi, M° C° XX° VIII°, anno ab incarnatione Domini, indictione VIa, epacta XVIIa, in presentia domni Mathei Albanensis episcopi et apostolice Sedis legati. Signum Symonis episcopi. S. Fulcheri decani. S. Andree cantoris. S. Leuulfi succentoris. S. Haimerici prepositi. S. Albrici presbiteri. S. Arnulfi presbiteri. S. Rogeri diaconi. S. Arnulfi filii Iohannis. S. Theoderici abbatis Sancti Eligii. S. Guillelmi prioris. S. Hatonis cellerarii. S. Guaszonis. S. Gregorii monachorum. S. Rainardi abbatis Sancti Bartholomei. S. Gaufridi abbatis Sancti Medardi Suessionensis. S. Symonis abbatis Sancti Nicholai de Silua. S. Henrici abbatis de Monte Sancti Quintini. S. Aluini abbatis Aquicincti. S. Guillelmi abbatis Sancti Theoderici Remensis. S. Rogeri de Torota. S. Hugonis de Perona. S. Fulconis Rufi. S. Petri Ballet. S. Fulconis maioris. S. Teszonis maioris Sancti Eligii. S. Rohardi pastoris. S. Harduini Sartaus. S. Stephani marescaldi. Ego Hugo cancellarius subscripsi.
Source PYCKE J.-VLEESCHOUWERS C. 2015
EDITIONS AND SECONDARY LITERATURE
Editions
PYCKE J.-VLEESCHOUWERS C.. Les actes des évêques de Noyon-Tournai (7e siècle -1146, 1148). Episcopalis officii sollicitudo I, vol. 1 (Tournai – Art et Histoire, Instruments de travail, 25, vol.1), Louvain-la-Neuve, 2015. , n.234, p.341-342,
Secondary literature GUYOTJEANNIN O.. Episcopus et comes: affirmation et déclin de la seigneurie épiscopale au nord du royaume de France, Beauvais-Noyon, Xe-début XIIIe siècle (Mémoires et Documents publiés par la Société de l'Ecole de Chartes), Genève,1987., p.189,
PYCKE J.-VLEESCHOUWERS C.. Les actes des évêques de Noyon-Tournai (7e siècle -1146, 1148). Episcopalis officii sollicitudo I, vol. 1 (Tournai – Art et Histoire, Instruments de travail, 25, vol.1), Louvain-la-Neuve, 2015. , p.341,

 

Collaborator: Philippe Demonty
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015