Diplomatica Belgica - Record 10304

DiBe ID

10304

ACTORS

Issuer(s) (= author)	Function/title: bishop Name: Henry of Leez Institution/jurisdiction: Liège Diocese: Diocese Liège Principality: Liège Religious order:
Author(s) of the actio juridica (= disposer)	Function/title: bishop Name: Henry of Leez Institution/jurisdiction: Liège Diocese: Diocese Liège Principality: Liège Religious order:
	Function/title: other Name: Arnold Institution/jurisdiction: Kessenich Diocese: Diocese Liège Principality: Loon Religious order:
Beneficiary(ies) (= recipient)	Function/title: monastic house Name: Institution/jurisdiction: Liège (Mont-Cornillon) Diocese: Diocese Liège Principality: Liège Religious order: Augustinian Canons

DATE

Scholarly dating (preferential)	//1159 (donnée par document / mentioned in document - )
Scholarly dating (any)	//1159 (donnée par document / mentioned in document - ) Scholarly qualification: -
Date in the charter	//1159
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	notifie et confirme qu'Arnoul a restitué à l'abbaye la dîme de Borsem dont il avait usurpé la possession
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine sancte et indiuidue trinitatis. Sapienti consilio de discreta prouidentia predecessores nostri ea que gesserunt nobis scripta reliquerunt quia quicquid ab eis prudenter actum esse cognoscitur facillime a nostra memoria laberetur nisi sacre scripture testimoniis de priuilegiis sanctorum episcoporum auctoritate confirmatis commendatum retineretur. Propterea ego Henricus dei gratia sancte Leodiensis ecclesie episcopus notum facio omnibus tam futuris quam presentibus quod Rogerus de Kassenic uir magne nobilitatis quondam dederat pro anima sua et animabus antecessorum suorum ecclesie sanctorum apostolorum Montis Cornelii decimam de Borsis sed Gislebertus frater eius et nepos eius Arnulphus sinistris consiliis intercurrentibus alienauerunt eam ad tempus a supradicta ecclesia. Nunc autem Arnulphus recognoscens se in hoc facto realiter deliquisse penitentia ductus reddidit atque donauit per manum meam eandem decimam supradicte ecclesie cui antiquitus donata fuerat ab auunculo suo Rogero. Postea uero sicut consuetudo est coram omnibus qui aderant werpiuit atque effestucauit eandem decimam huius igitur decime donationem ego accepi de manu Arnulphi et quia comes Godefridus de Duraz presens aderat rogaui eum ut eiusdem decime donationem de manu Arnulphi me cum susciperet quatenus eandem donationem ecclesia sanctorum apostolorum firmius in perpetuum possideret. Postea quaesiui ab archidiaconibus et ab abbatibus et liberis hominibus et hiis qui de familia erant utrum deberem bannum meum mittere super istam decimam que tam legittima affectatione affectata erat supradicte ecclesie quibus omnibus hoc iudicantibus ex auctoritate dei et sancte Marie et omnium sanctorum et domini pape et archiepiscopi Coloniensis et mea in banno posui omnes illos malefactores qui a die illo et deinceps auderent predictam decimam aut uiolenter inuadere aut supradicte ecclesie machinationibus malis auferre. Huius actionis testes existunt qui presentes fuerunt quorum nomina sunt hec Elbertus archidiacon Reynerus archidiacon Almaricus archidiacon Philippus archidiacon Hugbertus decanus de sancto Lamberto Drogo abbas de sancto Iacobo Gerlandus abbas de Floreffia Philippus abbas de Parco Gerardus abbas de Helechines Lucas abbas de Cornelio Henricus comes de Ghelre Godefridus comes de Duraz liberi homines Gerardus de Baronweies Philippus de Thinleu Cono de Repes Henricus de Manes de familia Wedericus de Prato Lambertus et Arnulphus de Hoyo et alii fere omnes qui eadem conuenerant ad placitum christianitatis in ecclesia sancte Marie. Nunc igitur secundum auctoritatem officii mei predictam decimam prefate ecclesie confirmo et sigilli mei appositione consigno ne quis in posterum ausu temerario audeat sepedictam decimam a prefata ecclesia separare abstrahere aut diuellere. Huius confirmationis testes sunt Reinerus archidiacon Almaricus archidiacon Balduinus archidiacon Hugbertus decanus liberi homines Eustacius aduocatus de Hasbania Oliuerus de Tis de familia Lambertus et Arnulphus de Hoyo. Facta est igitur hec legittima confirmatio anno ab incarnatione domini M° C° LV° indictione quarta concurrente quinta epacta XXVI regnante Romanorum imperatore Frederico anno imperii eius primo presulatus uero nostri anno XI°.

Source	DARIS J. 1867

TRADITION

Original	No
Manuscripts	Liège, Archives de l'Evêché, G IV 7 (1601-1700)

EDITIONS AND SECONDARY LITERATURE

Editions

DARIS J.. Notices sur les églises du diocèse de Liège, 17 vol., Liège, 1867-1899., 4, p.38-39, LINK LINK LINK LINK LINK LINK LINK LINK LINK LINK LINK LINK LINK LINK LINK LINK LINK LINK