Diplomatica Belgica - Record 10288

DiBe ID

10288

ACTORS

Issuer(s)
(= author)

Function/title: bishop
Name: Adalbero II of Chiny
Institution/jurisdiction: Liège
Diocese: Diocese Liège
Principality: Liège
Religious order:

Author(s) of the actio juridica

(= disposer)

Function/title: bishop
Name: Adalbero II of Chiny
Institution/jurisdiction: Liège
Diocese: Diocese Liège
Principality: Liège
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: Park
Diocese: Diocese Liège
Principality: Brabant (Leuven)
Religious order: Premonstratensians

DATE

Scholarly dating (preferential)	24/12/1141 (terminus ante quem - DILLO-VAN SYNGHEL)
Scholarly dating (any)	24/12/1141 (terminus ante quem - DILLO-VAN SYNGHEL) Scholarly qualification: -
	25/12/1140 (terminus post quem - DILLO-VAN SYNGHEL) Scholarly qualification: -
	//1141 (donnée par document / mentioned in document - ) Scholarly qualification: -
Date in the charter	//1141
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	confirme à l'abbaye ses possessions et ses droits (énumération)
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


Ego Albero secundus Dei gratia Leodiensis episcopus notum facio omnibus Christi fidelibus futuris et presentibus quod dux Godefridus qui et comes Louaniensis una cum filiis suis Godefrido et Henrico parchum, qui adiacet Louanio in australi parte, sancte Marie libere ac legittime sine quolibet respectu donauit, deuotio quoque Christi fidelium non affuit ac pro remedio animarum suarum noue eiusdem loci ecclesie bona sua in usus fratrum ibidem interuenientum contulere, horum nomina et bonorum quantitatem partim hic adnotauimus, ut memoriter res gesta in perpetuum habeatur: ab ipso itaque duce Godefrido qui eundem locum instituit incipiamus, qui quamdam partem silue sue iuxta uillam Fossam nomine ad excolendam curiamque construendam prefate ecclesie cum predictis filiis suis Godefrido atque Henrico tradidit et confirmauit et siluam que inter duo uiuaria sita est eidem ecclesie perpetuo possidendam contulit. Quidam etiam uir liberalis Walterus de Crainham partem silue de Morslo ibidem contulit; Werenboldus quidam seipsum et duo bunaria per predictum Galterum a quo tenebat ibidem obtulit; dominus Nicholo de Vdinchem decimam de quatuor molendinis de Ralenbeka predicte ecclesie dedit; Ida unum bunuarium et dimidium; Arnoldus de Rotthem et domina Mabilia unum bunuarium prati in Wilsela; Alricus censum qui exibat de bunario et dimidio quem Ida dedit; Eustachius de Tilt unam mansiunculam Louanii et duas Rabrexuort et arabilis terre unum bunuarium et dimidium; Gosuinus de Compteca quinque diurnalia terre iuxta parchum; idem Gosuinus et Andreas de Louanio unum mansum iuxta parchum; Tydelinus, uillicus de Louanio, quatuor bunaria et molendinum infra parchum; Reinzo de Thildunc quatuor bunaria; Herso Louaniensis unum mansum in Egenhoua, predicto Reinzone ad quem pertinebat concedente et donante; Berengardis dimidium bunuarium iuxta parchum; Minna unum bunuarium in uilla Herent; Euerardus de Grauen sextam partem decime de Willenbringe; Balduinus de Zanthoua unum mansum in Winga; Marsilis de Pellenberga duo bunuaria iuxta parchum; Lambertus aduocatus de ista allodium in Nuenrode; Ingelberus Scarpo decem bunuaria in Humelgem; Gerardus de Euersberga molendinum de Vinkenbos consentiente et confirmante Arnoldo, dapifero, a quo tenebat; Alardus de Baltershem sex bunuaria in Meltbroec; Gislebertus de Brocham sex bunuaria et sextam partem molendini ad Sanctum Medardum; Gosuinus de Heuerla seipsum cum uxore et filia concedentibus filiis duos mansos terre arabilis in uilla Egenhoua et duo molendina domino Godefrido duce confirmante ad quem pertinebat prefate ecclesie libere contulerunt; Reinerus predicti Gosuini filius tercium molendinum eodem duce confirmante in uilla Heuerla eidem ecclesie contulit; Reinerus de Fossam seipsum et quicquid possidebat tam in allodio quam iure hereditario; Gosuinus quatuor bunuaria; Odegeua unum bunuarium; Conegundis unum bunuarium; Tybaldus et Stephanus et uxor eius Gertrudis octo bunuaria in predicta uilla Fossam prenotate ecclesie donauerunt; Stephanus de Wesembeka uir liberalis cum uxore sua et filiis suis quicquid possidebant uidelicet duos mansos terre arabilis et quatuor bonuaria et sex mansiones cum dimidio molendino in uilla Wolua et ibidem quatuor bunuaria, apud Ophem duo bunuaria cum parte silue Varenberga; apud Barla in Thessandria tantum allodii unde quolibet anno nouem solidos Antwerpiensis monete et sex denarios predicta ecclesia recipit, cuius frater Rothardus nomine partem de silua Varemberga eidem ecclesie contulit; domina Geila et filius ipsius Franco, castellanus de Brussele, dimidium mansum in uilla Wesembeka et mansiunculas ibidem et partem silue de Varemberga sibi attinentem supranotate ecclesie contulere; Gerardus de Wolua uir liberalis cum uxore et filiis suis quatuor mansos et tria bunuaria et sex mansiunculas in uilla Landenes; apud Gozenhoua dimidium mansum et duas mansiunculas et dimidium molendinum et predicte silue Varemberga partem sibi attinentem; preterea quicquid possidebat per manum ducis Godefridi predicte conferebat ecclesie; Wigerus quidam de Lewe seipsum et unum mansum iuxta eandem uillam; Lidekinus seipsum et dimidium mansum ibidem; Radulfus ibidem dimidium mansum; Thorbertus mansum et dimidium; Godefridus quartam partem mansi; Helias bunuarium et dimidium prati; Theodericus et soror eius quinque diurnalia in eodem loco prememorate ecclesie sancte Dei Genitricis, Marie, deuote contulerunt. Ut autem hec rata et inconuulsa permaneant auctoritate diuina et communi Leodiensis ecclesie decreto nostraque carta sigillata corroboramus. Hec infringi omnino uetamus et infringere conanti anathematis sententiam intentamus. Facta est hec confirmatio anno dominice Incarnationis M° C° XL°, regnante domino Conrado secundo, Romanorum rege.

Source	DILLO M.-VAN SYNGHEL G.A.M. 2000

TRADITION

Original	No
Manuscripts	Heverlee, Archief Abdij Park, Cartulaire D (ancien D14)-Rayon VII-26 (1401-1500)
	Heverlee, Archief Abdij Park, Cartulaire B (ancien A/11)-Rayon VII-24 (1201-1300)

EDITIONS AND SECONDARY LITERATURE

Editions	NELIS H.. Notitia relatant quelques une des premières donations à l'abbaye du Parc, dans: Analectes de l'Ordre de Prémontré, 2 (1906), p.24-26., p.20-21,
	DILLO M.-VAN SYNGHEL G.A.M.. Oorkondenboek van Noord-Brabant tot 1312, II. De heerlijkheden Breda en Bergen op Zoon, 1 (709-1288) (Instituut voor Nederlandse Geschiedenis), 2 vol., Den Haag, 2000., II,1, n.897, p.45-47, LINK LINK
Secondary literature	DILLO M.-VAN SYNGHEL G.A.M.. Oorkondenboek van Noord-Brabant tot 1312, II. De heerlijkheden Breda en Bergen op Zoon, 1 (709-1288) (Instituut voor Nederlandse Geschiedenis), 2 vol., Den Haag, 2000., II,1, p.45, LINK LINK