Diplomatica Belgica - Record 10154

DiBe ID

10154

ACTORS

Issuer(s)
(= author)

Function/title: count/countess
Name: Philip of Alsace
Institution/jurisdiction: Flanders-Vermandois
Diocese: Diocese Tournai
Principality: Flanders
Religious order:

Author(s) of the actio juridica

(= disposer)

Function/title: count/countess
Name: Philip of Alsace
Institution/jurisdiction: Flanders-Vermandois
Diocese: Diocese Tournai
Principality: Flanders
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: S.André-du-Cateau
Diocese: Diocese Cambrai
Principality: Cambrai
Religious order: Benedictines

DATE

Scholarly dating (preferential)	24/12/1180 (terminus ante quem - DE HEMPTINNE-VERHULST)
Scholarly dating (any)	24/12/1180 (terminus ante quem - DE HEMPTINNE-VERHULST) Scholarly qualification: -
	25/12/1179 (terminus post quem - DE HEMPTINNE-VERHULST) Scholarly qualification: -
	//1180 (donnée par document / mentioned in document - ) Scholarly qualification: -
Date in the charter	//1180
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	le comte de Flandre et de Vermandois notifie qu'il a pris les possessions de l'abbaye sous sa protection et règle le litige qui opposait les moines à Adam de Walincourt et Gérard de S . Aubert quant au droit de possession des bois de Becquigny , Fourmies , "Communia" et Wattignies-la-Victoire
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine Domini. Ego Philipus Flandrię et Uiromandie comes, nimis condolens calamitati et miseri monachorum de Nouo Castello quas a uicinis suis patiebantur, tam propter Deum quam propter iniunctam nobis a Deo administrationem, pactum cum eis pepigi, quod, ne obliuioni tradatur aut a successoribus meis negligatur, scripto committere curaui et sigilli mei impressione muniri precepi. Spondeo igitur, polliceor et promitto omnibus rebus eorum quas legitime et iuste possident, tutelam et auxilium atque warandiam contra omnes homines me prebiturum successoresque meos precor et moneo ut id ipsum faciant in perpetuum. Quia uero dignus est operarius mercede sua, predicti monachi communi consilio mihi tradiderunt, meque associauerunt ad omnes siluas suas quę sunt in Bekiniis scilicet, in Furmiis, in Communia, in Gateniis, ita dumtaxat ut quicquid ad altaria uel ad decimas seu oblationes fidelium pertinet, libere et quiete atque integre, bona fide ac sine maio ingenio rebus eorum proficiat, quicquid uero residuum fuerit in omni prouentu quatuor locorum bifarie diuidetur et una pars illis, alia uero cedet mihi. Uidens uero quia predictarum siluarum inuasores uel ut ita dicam quamuis iniuste possessores, uidelicet Adam de Wallaincurt et Gerardum de Sancto Oberto, absque magno labore expellere non possem, hoc pacto eos compressi, ut monachis sua omnia indominicata, id est propria quę absque ullius participatione tenent, quieta et libera eis remanerent. Reliquas uero siluas, id est de Bekiniis, de Communia, de Furmiis, de Gateniis, in ea parte quę mihi ex concessione monachorum proueniebat predictis militibus in feodo ex me tenendas contradidi, excepta decimatione quę ad monachos ut superius dictum est pertinet, ita dumtaxat ut ad omnia ad monachos pertinentia manum ulterius non extendant et siluas suas quaquauersum ad mercata uendendas monachi conducent, remota omni alleuatione uel consuetudine et omni wionagio. In uilla uero de Mares nichil sibi prorsus prenominati milites retinuerunt, excepto pauco feodo quod Adam de Wallaincurt possidet. Si quos autem homines in eadem uilla habent qui seruitia eis debent, per manum uillici ęcclesię recipient. Si uero iudicium super uillas Sancti Andreę gaualum mihi dederit, more uillarum Cameracensium ecclesiarum, eandem uillam mihi uendicabo. Predictas ergo siluas sibi concessas in elemosinam largiri alteri ęcclesię quam Castellensi non poterunt, eidem uero ęcclesię conferendi a me licentiam habent. Ne igitur huiusmodi conuentio ab aliquo pacis inimico infringi posset, hanc prenominati milites, Adam uidelicet et Matheus filius eius, Gerardus quoque de Sancto Oberto, fidei pollicitatione in manu mea pepigerunt, eandemque pactionem quod tenerent ac ratam haberent, super corpus Domini Redemptoris Nostri, plurimasque sanctorum reliquias ad altare sancti Andreę iurauerunt. Igitur pro tanto beneficio fratres prefatę ęcclesię concesserunt mihi dum aduixero quotannis missam de Spiritu Sancto, refectionemque tot pauperum quot monachi in ęcclesia continentur. Post decessum uero meum anniuersarius dies obitus mei sollempniter agetur, pauperumque ut supradictum est refectioni inseruietur. Ut autem firma sit ista pagina et ne prescripta pactio transcurrentium temporum reuolutione labefactetur, sigilli mei impressione et testium eam roboraui subscriptione. Signum mei ipsius Philippi Flandrie et Uiromandie comitis. Signum Roberti aduocati. Signum Hellini senescalci. Signum Ewrardi Radul. Signum Willelmi castellani Sancti Audomari. Signum Eustachii camerarii. Signum Micahelis constabularii. Signum Gerardi de Mescinis. Signum Walteri Atrebatensis. Signum Gilleberti de Area. Signum Sawalonis Atrebatensis. Signum Iohannis filii Geruasii. Signum Lamberti Blondi. Signum Adę de Wallaincurt. Signum Mathei filii eius. Signum Rameri de Trito. Signum Hugonis castellani de Belmes. Signum Guidonis de Uilers. Signum Gilionis de Caweleri. Signum Rainaldi de Holcurt. Signum Gerardi Crawart. Signum Walteri et Iuliani filiorum eius. Signum Walteri Furnel et Gerardi fratris eius. Signum Alelmi de Belmes. Signum Godefridi Decani. Signum Walteri Carette. Signum Iohannis de Vals et Fulconis de Uieslis, Fulconisque Clerici, scabinorum de Castello. Actum anno incarnati Uerbi M°C°LXXX°.

Source	DE HEMPTINNE TH.-VERHULST A.-DE MEY L. 2009

TRADITION

Original	Yes Lille, Archives départementales du Nord [AD], 8H 9/43
Manuscripts	Lille, Archives départementales du Nord [AD], 8 H 265 ()

EDITIONS AND SECONDARY LITERATURE

Editions	DE HEMPTINNE TH.-VERHULST A.-DE MEY L.. De oorkonden der graven van Vlaanderen (juli 1128-september 1191) , Deel II, Uitgave. Band III. Regering van Filips van de Elzas (Tweede deel: 1178-1191) (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 2009., n.571, p.82-83,
Secondary literature	DUBRULLE H.. Inventaire des chartes de l'abbaye de St-André du Cateau (1033-1300), dans: Revue des bibliothèques et archives de Belgique, 2 (1904), p.1-11, 124-133, 302-311, 371-388, 468-476., n.3.3, p.10,
	BRUCHET M.. Répertoire numérique. Série H. Tome I. Fonds bénédictins et cisterciens. 1 H à 35 H (Archives départementales du Nord), Lille, 1928., col.1, p.116, LINK