Diplomatica Belgica - Details Chartre 8731

DiBe ID

8731

ACTEURS

Auteur(s)
(= auteur de l'acte écrit)

Fonction/titre: pape
Nom: Eugène III
Institution/juridiction: Rome
Diocèse:
Principauté: États pontificaux
Ordre religieux:

Disposant(s)

(= auteur de l'acte juridique)

Fonction/titre: pape
Nom: Eugène III
Institution/juridiction: Rome
Diocèse:
Principauté: États pontificaux
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom: Philippe I abbé
Institution/juridiction: Park
Diocèse: Diocèse Liège
Principauté: Brabant (Leuven)
Ordre religieux: Prémontrés

DATATION

Datation interprétée (préférentielle)	10/3/1145 (nouveau style / new style - JAFFE/WAUTERS II/DILLO-VAN SYNGHEL)
Datation interprétée (toutes)	10/3/1145 (nouveau style / new style - JAFFE/WAUTERS II/DILLO-VAN SYNGHEL) Qualification érudite: -
	10/3/1144 (donnée par document / mentioned in document - ) Qualification érudite: -
	//1154 (date impossible / impossible date - WAUTERS XI) Qualification érudite: -
Date dans la charte	10/3/1144
Date de lieu (dans le texte)	Narniae
Date de lieu (normalisée)	Narni (ITALIA, Umbria, Terni) Diocèse: Principauté: États pontificaux

RESUME ET DESCRIPTION

Résumé	prend l'abbaye sous sa protection et lui confirme ses possessions et ses droits
Description	Langue: latin Véracité: document non suspecté Tradition de l'acte: copie (source diplomatique) Nature diplomatique: bulle

TEXTE DU DOCUMENT


Eugenius, episcopus, seruus seruorum Dei, dilectis filiis Philippo, abbati de Parcho, eiusque fratribus tam presentibus quam futuris regularem uitam professis, in perpetuam memoriam. Pie uoluntatis postulatio effectu debet prosequente compleri, quatenus et deuotionis sinceritas laudabiliter innotescat et utilitas postulata uires indubitanter assumat. Eapropter, dilecti in Domino filii, uestris iustis postulationibus clementer annuimus et Parcensem ecclesiam, in qua diuino mancipati estis obsequio, sub beati Petri et nostra protectione suscipimus et presentis scripti priuilegio communimus. Statuentes ut quascumque possessiones, quecumque bona eadem ecclesia impresentiarum iuste et canonice possidet aut in futurum concessione pontificum, largitione principum, liberalitate regum, oblatione fidelium seu aliis iustis modis Deo propitio poterit adipisci, firma uobis uestrisque successoribus et illibata permaneant, in quibus hec propriis duximus exprimenda uocabulis: parchum Louaniensem cum suis appenditiis, allodia de Wisenbeka, de Werleeuue, de Barla, de Runcherio cum decima sua, terram de Morslo, de Humlenghem, de Eghenhoua, de Uphen, de Winga, terram quam habetis in parochia de Leeuwe, molendina de Heuerla, molendinum de Vinkenbosch, decimam quatuor molendinorum in uilla Ralenbeke, decimam Willebrinhem, allodia de Landen, terram que ipsum parcum circumiacet, terram de Fossa cum molendinis et uiuariis et siiluam sic que inter ipsa uiuaria sita est, de Heriichem. Sane laborum uestrorum quos propriis manibus aut sumptibus colitis, siue de nutrimentis uestrorum animalium, nullus omnino clericus siue laicus decimas a uobis exigat. Sepulturam quoque eiusdem loci liberam omnino esse decernimus ut eorum qui se inibi sepeliri deliberauerint uel in infirmitate positi ibi conuerti uoluerint deuotioni et extreme uoluntati nisi forte excommunicati sint nullus obsistat, salua iustitia matricis ecclesie. Decernimus ergo ut nulli omnino hominum liceat prefatam ecclesiam temere perturbare aut eius possessiones auferre uel ablatas retinere, minuere aut aliquibus uexationibus perturbare, sed omnia integra conseruentur eorum pro quorum gubernatione et sustentatione concessa sunt usibus omnimodis profutura, salua diocesani episcopi canonica iustitia apostolice sedis auctoritate. Si qua igitur in futurum ecclesiastica secularisue persona hanc nostre constitutionis paginam sciens contra eam temere uenire tentauerit, secundo tertioue commonita, si non satisfactione congrua emendauerit, potestatis honorisque sui dignitate careat reamque se diuino iuditio existere de perpetrata iniquitate cognoscat et sacratissimo corpore ac sanguine Dei et Domini Redemptoris nostri Iesu Christi aliena fiat atque in extremo examine districte ultioni subiaceat. Cunctis autem eidem loco iusta seruantibus sit pax Domini nostri Iesu Christi, quatenus et hic fructum bone actionis percipiant et apud districtum iudicem premia eterne pacis inueniant; amen, amen, amen. Ego Eugenius, catholice ecclesie episcopus. Ego Conrardus, Sabinensis episcopus. Ego Theodewinus, sancte Ruffine episcopus. Ego Thomas, presbiter cardinalis tituli Uestine. Ego Guido, diaconus cardinalis sanctorum Cosme et Damiani. Ego Octauianus, diaconus sancti Nicolai in Carcere Tulliano. Ego Albertus, presbiter cardinalis sancte Anastasie. Ego Bigoscem., presbiter Romane ecclesie sancti Laurentii in Lucina. Ego Ubaldus, presbiter cardinalis tituli Sancte Crucis in Ierusalem. Datum per manum Roberti, sancte Romane ecclesie presbiteri cardinalis et cancellarii, VI idus martii, indictione VIII, Incarnationis dominice anno M-c XLIIII, pontificatus uero domini Eugenii III pape anno primo.

Source	DILLO M.-VAN SYNGHEL G.A.M. 2000

TRADITION

Original	Non
Manuscrit(s)	Heverlee, Archief Abdij Park, Cartulaire D (ancien D14)-Rayon VII-26 (1401-1500)

EDITIONS ET TRAVAUX

Edition(s)	DILLO M.-VAN SYNGHEL G.A.M.. Oorkondenboek van Noord-Brabant tot 1312, II. De heerlijkheden Breda en Bergen op Zoon, 1 (709-1288) (Instituut voor Nederlandse Geschiedenis), 2 vol., Den Haag, 2000., II,1, n.899, p.50-52, LIEN LIEN
Travaux	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.8715, p.21, LIEN LIEN LIEN LIEN LIEN LIEN LIEN
	DILLO M.-VAN SYNGHEL G.A.M.. Oorkondenboek van Noord-Brabant tot 1312, II. De heerlijkheden Breda en Bergen op Zoon, 1 (709-1288) (Instituut voor Nederlandse Geschiedenis), 2 vol., Den Haag, 2000., II,1, p.50, LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.191, LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.250, LIEN LIEN