‹
›
retourner aux résultats
| DiBe ID | 8513 |
| ACTEURS |
|
Auteur(s)
(= auteur de l'acte écrit) |
Fonction/titre:
comte/comtesse Nom: Philippe d'Alsace Institution/juridiction: Flandre-Vermandois Diocèse: Diocèse Tournai Principauté: Flandre Ordre religieux: |
|
Disposant(s) (= auteur de l'acte juridique) |
Fonction/titre:
comte/comtesse Nom: Philippe d'Alsace Institution/juridiction: Flandre-Vermandois Diocèse: Diocèse Tournai Principauté: Flandre Ordre religieux: |
|
Bénéficiaire(s)
(= bénéficiaire) |
Fonction/titre:
autre Nom: Canieth (Heluinus) Institution/juridiction: INCONNUE Diocèse: Principauté: Ordre religieux: |
|
Fonction/titre:
autre Nom: Boisleux (de), Jean Institution/juridiction: INCONNUE Diocèse: Diocèse Arras Principauté: Flandre Ordre religieux: |
|
|
Fonction/titre:
bourgeois/citoyen/habitant Nom: Hukedeu (Sagalo) Institution/juridiction: Arras Diocèse: Diocèse Arras Principauté: Flandre Ordre religieux: |
|
|
Fonction/titre:
institution monastique Nom: Institution/juridiction: Arras (S.Vaast) Diocèse: Diocèse Arras Principauté: Flandre Ordre religieux: Bénédictins |
| DATATION |
|
Datation interprétée
(préférentielle) |
24/12/1180 (terminus ante quem - DE HEMPTINNE-VERHULST-DE MEY) |
|
Datation interprétée
(toutes) |
24/12/1180 (terminus ante quem - DE HEMPTINNE-VERHULST-DE MEY) Qualification érudite: - |
| 25/12/1179 (terminus post quem - DE HEMPTINNE-VERHULST-DE MEY) Qualification érudite: - | |
| //1180 (donnée par document / mentioned in document - ) Qualification érudite: - | |
|
Date dans la charte
|
//1180 |
|
Date de lieu (dans le texte) |
Atrebati in capitulo beati Vedasti |
|
Date de lieu (normalisée) |
Arras (S.Vaast) (FRANCE, Hauts-de-France, Pas-de-Calais)
Diocèse: Diocèse Arras Principauté: Flandre |
| RESUME ET DESCRIPTION |
| Résumé | le comte de Flandre et de Vermandois promulgue un jugement de la cour de Flandre déboutant Heluinus Canieth , au profit de Jean de Boisleux , d'un fief lige tenu de S . Vaast sur ses censitaires ; autorisant en outre le changement de ce fief en censive , sa vente à Sagalo Hukedeu et la rétrocession faite par celui-ci à l'abbaye |
|
Description
|
Langue:
latin Véracité: document non suspecté Tradition de l'acte: copie (source diplomatique) Nature diplomatique: charte |
| TEXTE DU DOCUMENT |
| In nomine sancte et indiuidue Trinitatis, Patris et Filii et Spiritus Sancti, amen. Ego Philippus, Dei gratia Flandrie et Uiromandie comes, omnibus hec legentibus uel audientibus salutem. Si locis uenerabilibus Deoque dicatis et eorum deuotis famulatoribus congrua beneficia gratanter impertiens eos ab extrinseca incursione et seculari inquietudine mea auctoritate immunes facio, id mihi ad presentis et eterne uite quietem et gloriam promerendam non mediocriter profuturum confido. Eapropter memorabile quoddam a me in ecclesia Beati Uedasti de Atrebato, que Nobiliacus dicitur, efficaciter Deo auctore elaboratum et sollempniter definitum, uolo et decerno litterarum apicibus annotari, testibus communiri, sigilli mei auctoritate roborari, ne per succedentia tempora contingat illud uel baratro obliuionis sepeliri uel iniquorum calumpniis immutari uel neglectu posterorum aliquatenus oblitterari. Grauis querela inter ecclesiam Sancti Uedasti et Iohannem de Bayloes et Heluinum Canieth, nepotem Heluini Dursens , super quoddam legio feodo quem quondam a prefata ecclesia predictus Heluinus Dursens super homines qui de censu Sancti Uedasti erant tenuerat, uentilabatur, ideo scilicet quod predictus Iohannes totius illius feodi post Gerardum de Berneuilla, fratrem et heredem predicti Heluini Dursens, homo legius et possessor existens, totum feodum illum sub censu nouem librarum, presentibus et legitime concedentibus uxore eius Aala nomine, predicti Gerardi filia, ex cuius parte idem feodum ueniebat, et filiis et filiabus, ipsi ecclesie Martino abbate concedente et capitulo consentiente, sub testimonio multorum hominum Sancti Uedasti et scabinorum ciuitatis Atrebatensis, decambiuerat, ea sane conditione quod, si quisquam super predicto feodo ecclesiam Sancti Uedasti impeteret et in curia abbatis uel in curia mea uel quocumque abbati eum infra terminos mei comitatus conducere liberet, contra omnes feodum illum pro ecclesia disratiocinaret. Post illius autem feodi decambitionem predictus Heluinus Canies, nepos Heluini Dursens, super eodem feodo prefatum abbatem et ecclesiam importune impetierat et inuestituram qualemcumque acceperat. Iohanne uero, sicut ex tenore conditionis tenebatur predictum feodum non warandizante, quin potius IX libras ipsius feodi decambitionem ex integro percipiente, Heluinus Canies nichilominus totius eiusdem feodi fructus, qui ipsi ecclesie iure decambitionis competebant, percipiebat, quod in dedecus non minimum et maximum detrimentum eidem ecclesie cedebat. Super quo ecclesia reclamante, quoniam, ut eius aduocatus, in necessariis et iustis eidem succurrere tenebar, utrosque in presentia mea et baronum meorum conuocaui, allegationes audiui, auditis allegationibus, rei geste ueritatem diligenter examinaui. Inquisita igitur et diligenter examinata ueritate, Heluino etiam iniuriam quam hominibus Sancti Uedasti intulerat super improbato iudicio de falsa et iniusta inuestitura quam acceperat condigne emendante, tam barones mei quam homines Sancti Uedasti eidem Heluino Canieth et omnibus heredibus eius et possessionem et ius predicti feodi ex toto abiudicauerunt, Iohannem autem heredem et possessorem legitimam ex parte Aale uxoris sue, salua tamen conditione decambitionis nouem librarum, irrefragabili iudicio esse decreuerunt. Postmodum ipse Iohannes, heres et possessor legitimus adiudicatus IX libras, totius scilicet feodi decambitionem in presentia mea et baronum meorum et hominum Sancti Uedasti et scabinorum ciuitatis, ipso Martino abbate concedente, me etiam annuente et uniuerso capitulo consentiente, Sagualoni Hukedeu octoginta marcis legitime uendidit, presentibus et legitime concedentibus uxore eius sepedicta Aala et filio eorum et filia, Egidio et Iuliana iam adultis, filio quoque et filia Guarneri cognomento Escoth, quos de uxore prefati Iohannis Aala primitus habuerat, Hugone scilicet et Mabilia, legitime concedentibus et predicto feodo renuntiantibus et omnibus quibus ius illud competere uidebatur, ea conditione quod possessionem illam, absque omni redibitione feodalis iuris, sub censu quinque solidorum idem Sagualo de ecclesia Sancti Uedasti teneret. Et quia hoc non posset fieri absque abiudicatione feodalis iuris, ut ipsa abiudicatio rata haberetur et inconuulsa, me dictante, abbate Martino et uniuerso capitulo concedente, baronibus meis et hominibus Sancti Uedasti iudicantibus, totum ipsum ius feodale abiudicatum est. Abiudicata autem omni redibitione feodalis iuris et mutata in possessionem censualem, ipsam possessionem sic tenendam predictus abbas et capitulum, me aduocato existente et annuente, sub testimonio baronum meorum et hominum Sancti Uedasti et scabinorum ciuitatis sepenominato Sagualoni Hukadeu concesserunt. Idem uero Sagualo et censum et possessionem, assensu filiorum suorum Henrici et Uedasti et filie eius Iuliane et mariti ipsius Petri uidelicet de Duaco, sub testimonio baronum meorum et hominum Sancti Uedasti et scabinorum ciuitatis Atrebatensis, quia uoluit et de iure potuit, pro salute anime sue et heredum suorum in elemosinam Deo et ecclesie Sancti Uedasti contulit. Testes homines comitis: Hellinus dapifer; Eustachius camerarius; Rasso buticularius; Michael constabularius; Robertus dominus Bethunie aduocatus Atrebatensis et Robertus filius eius; Gillebertus et Rainaldus de Aria; Guillelmus castellanus de Sancto Audomaro; Iohannes castellanus de Insula; Michael castellanus de Duaco; Balduinus castellanus de Atrebato; Petrus de Maysnil; Iohannes de Waencurt; Eustachius de Vimi; Helbertus de Carenci. Homines Sancti Uedasti: Gualterus de Atrebato; Petrus et Guarnerus et Ingelrannus de Ballol; Bernardus de Gauerella; Dodo de Blangi; Wicardus de Iruileir; Allardus de Imecurt; Theobaldus uillicus de Felci; Iohannes de Biarchio; Gualterus de Heyz; Wibertus et Andreas maiores; Stephanus Ferneiz; Iohannes Hukedeu; Nicholaus Audefrois; Nicholaus Niger; Ingelbertus Loccars; Henricus Pincerna; Hugo de Tyulu; Wicardus Carduns de Nouauilla; Almulricus de Hamblen; Harduinus et alii multi. Scabini: Iohannes Infans; Ado; Henricus Uitulus; Balduinus de Castello; Audefridus; Egidius; Gozo; Symon Fauerelz; Ingelbertus Buticularius; Guillelmus de Petra; Iohannes Hukedeu; Robertus Cosses; Balduinus Li Courtois. Actum Atrebati, in capitulo Beatis Uedasti, anno Uerbi incarnati millesimo centesimo octogesimo. | |
| Source | DE HEMPTINNE TH.-VERHULST A.-DE MEY L. 2009 |
| EDITIONS ET TRAVAUX |
|
Edition(s)
|
DE HEMPTINNE TH.-VERHULST A.-DE MEY L.. De oorkonden der graven van Vlaanderen (juli 1128-september 1191) , Deel II, Uitgave. Band III. Regering van Filips van de Elzas (Tweede deel: 1178-1191) (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 2009., n.564, p.69-72, |
| Travaux | COPPIETERS STOCHOVE H.. Regestes de Philippe d'Alsace, comte de Flandre, dans: Annales de la Société d'Histoire et d'Archéologie de Gand, 7 (1906), p.1-177., n.242, p.86, LIEN LIEN |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.259, LIEN LIEN | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.602, LIEN LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
