‹
›
retourner aux résultats
| DiBe ID | 77 |
| ACTEURS |
|
Auteur(s)
(= auteur de l'acte écrit) |
Fonction/titre:
pape Nom: Alexandre III Institution/juridiction: Rome Diocèse: Principauté: États pontificaux Ordre religieux: |
|
Disposant(s) (= auteur de l'acte juridique) |
Fonction/titre:
pape Nom: Alexandre III Institution/juridiction: Rome Diocèse: Principauté: États pontificaux Ordre religieux: |
|
Bénéficiaire(s)
(= bénéficiaire) |
Fonction/titre:
institution monastique Nom: Institution/juridiction: Tournai (S.Martin) Diocèse: Diocèse Tournai Principauté: Flandre Ordre religieux: Bénédictins |
| DATATION |
|
Datation interprétée
(préférentielle) |
31/12/1176 (nouveau style / new style - RAMACKERS) |
|
Datation interprétée
(toutes) |
31/12/1176 (nouveau style / new style - RAMACKERS) Qualification érudite: - |
| 31/12/1177 (donnée par document / mentioned in document - ) Qualification érudite: - | |
|
Date dans la charte
|
31/12/1177 |
|
Date de lieu (dans le texte) |
Beneventi |
|
Date de lieu (normalisée) |
Bénévent (ITALIA, Campania, Benevento)
Diocèse: Principauté: Naples |
| RESUME ET DESCRIPTION |
| Résumé | prend l'abbaye sous sa protection , lui confirme tous ses biens , et lui concède plusieurs privilèges (énumération) |
|
Description
|
Langue:
latin Véracité: document non suspecté Tradition de l'acte: copie (source diplomatique) Nature diplomatique: bulle |
| TEXTE DU DOCUMENT |
| Alexander episcopus seruus seruorum dei dilectis filiis abbati monasterii sancti Martini Tornacensis eius que fratribus tam presentibus quam futuris regularem uitam professis in perpetuum. Quotiens illud a nobis petitur quod religioni et honestati conuenire dinoscitur animo nos decet libenti concedere et petentium desideriis congruum suffragium inpartiri. Eapropter dilecti in domino filii uestris iustis postulationibus clementer annuimus et prefatum monasterium in quo diuino estis obsequio mancipati sub beati Petri et nostra protectione suscipimus et presentis scripti priuilegio communimus inprimis siquidem statuentes ut ordo monasticus qui secundum deum et beati Benedicti regulam in eodem loco institutus esse dinoscitur perpetuis ibidem temporibus inuiolabiliter obseruetur. Preterea quascumque possessiones quecumque bona idem monasterium inpresentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis prestante domino poterit adipisci firma uobis uestris que successoribus et illibata permaneant. In quibus hec propria duximus exprimenda uocabulis locum ipsum in quo prefatum monasterium constructum est cum omnibus pertinentiis suis altare de Fasti cum medietate decime pertinentis ad ipsam casam ipsius altaris et possessionem omnem in pratis et in terra arabili et nemore altare de Vals altare de Cuerna altare de Aneulin cum omnibus appenditiis suis altaria de Beueren de Ledegue de Templauia de Muscherun de Euerniis de Spelchin molendinum apud Tornacum quod dicitur de Fosset octo pensas butiri annuatim ab ecclesia sancti Petri Aldeburgensis. Sane noualium uestrorum que propriis manibus aut sumptibus colitis siue de nutrimentis uestrorum animalium nullus omnino a uobis decimas presumat exigere. In parrochialibus autem ecclesiis quas tenetis liceat uobis clericos eligere et episcopo presentare quibus si idonei fuerint episcopus curam animarum committat qui de plebis quidem cura episcopo uobis autem de temporalibus debeant respondere. Sepulturam quoque ipsius loci liberam esse concedimus ut eorum deuotioni et extreme uoluntati qui se illic sepeliri deliberauerint nisi forte excommunicati uel interdicti sint nullus obsistat salua tamen iustitia illarum ecclesiarum a quibus mortuorum corpora assumuntur. liceat etiam uobis clericos uel laicos e seculo fugientes liberos et absolutos ad conuersionem recipere et in uestro monasterio sine contradictione aliqua retinere. Prohibemus insuper ut nullus fratrum uestrorum post factam in monasterio uestro professionem fas sit de eodem monasterio absque licentia abbatis sui nisi obtentu artioris religionis discedere. Discedentem uero sine communium litterarum uestrarum cautione nullus audeat retinere. Preterea libertates immunitates et antiquas et rationabiles consuetudines monasterii uestri integras et illibatas presenti decreto manere sancimus. Obeunte uero te nunc eiusdem loci abbate uel tuorum quolibet successorum nullus ibi qualibet subreptionis astutia seu uiolentia preponatur nisi quem fratres communi consensu uel fratrum pars consilii sanioris secundum deum et beati Benedicti regulam prouiderint eligendum. Decernimus ergo ut nulli omninno hominum liceat prefatum monasterium temere perturbare aut eius possessiones auferre uel ablatas retinere minuere seu quibuslibet molestiis fatigare. Per omnia integra et illibata seruentur eorum pro quorum gubernatione ac sustentatione concessa sunt usibus omnimodis profutura salua sedis apostolice auctoritate et diocesani episcopi canonica iustitia. Si qua igitur in futurum ecclesiastica secularis ue persona hanc nostre constitutionis paginam sciens contra eam temere uenire temptauerit secundo tertio ue commonita nisi reatum suum digna satisfactione correxerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine dei ac domini redemptoris nostri Ihesu christi aliena fiat atque in extremo examine districte ultioni subiaceat. Cunctis autem eidem loco sua iura seruantibus sit pax domini nostri Ihesu christi quatinus et hic fructum bone actionis percipiant et apud districtum iudicem premia eterne pacis inueniant. Amen amen amen. Domine demonstra michi uias tuas. Ego Alexander catholice ecclesie episcopus subscripsi. beneualete. Ego Guillelmus Portuensis et sancte Rufine episcopus subscripsi. Ego Manfredus Prenestinus episcopus subscripsi. Ego Albertus presbiter cardinalis sancti Laurentii in Lucina subscripsi. Ego Boso presbiter cardinalis sancte Prudentiane in titulo pastoris subscripsi. Ego Theodinus presbiter cardinalis sancti uitalis in titulo Vestine subscripsi. Ego Petrus presbiter cardinalis tituli sancte Susanne subscripsi. Ego Iacinthus sancte Marie in cosmidin diaconus cardinalis subscripsi. Ego Cinctius diaconus cardinalis sancti Adriani subscripsi. Ego Hugo diaconus cardinalis sancti Eustachii iuxta templum Agrippe subscripsi. Ego Laborans diaconus cardinalis sancte Marie in porticu subscripsi. Data Beneuenti per manum Gratiani sancte Romane ecclesie subdiaconi et notarii II kalendas ianuarii indictione X-a incarnationis dominice anno M° C° LXX° VII° pontificatus uero domni Alexandri pape III anno X° VIII°. | |
| Source | D'HERBOMEZ A. 1898 |
| TRADITION |
| EDITIONS ET TRAVAUX |
|
Edition(s)
|
RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.177, p.321-322, |
| D'HERBOMEZ A.. Chartes de l'abbaye de Saint-Martin de Tournai (Publications de la Commission royale d'Histoire. Chroniques belges inédites. Series I in 4°), I, Bruxelles, 1898., 1, n.122, p.124-127, LIEN LIEN LIEN | |
| Travaux | WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.248, LIEN LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
