‹
›
retourner aux résultats
| DiBe ID | 7680 |
| ACTEURS |
|
Auteur(s)
(= auteur de l'acte écrit) |
Fonction/titre:
évêque Nom: Nicolas I Institution/juridiction: Cambrai Diocèse: Diocèse Cambrai Principauté: Cambrai Ordre religieux: |
|
Disposant(s) (= auteur de l'acte juridique) |
Fonction/titre:
évêque Nom: Nicolas I Institution/juridiction: Cambrai Diocèse: Diocèse Cambrai Principauté: Cambrai Ordre religieux: |
|
Bénéficiaire(s)
(= bénéficiaire) |
Fonction/titre:
institution monastique Nom: Institution/juridiction: Mont-S.-Martin Diocèse: Diocèse Cambrai Principauté: Cambrai Ordre religieux: Prémontrés |
| DATATION |
|
Datation interprétée
(préférentielle) |
//1137 (donnée par document / mentioned in document - ) |
|
Datation interprétée
(toutes) |
//1137 (donnée par document / mentioned in document - ) Qualification érudite: - |
|
Date dans la charte
|
//1137 |
|
Date de lieu (dans le texte) |
|
|
Date de lieu (normalisée) |
Diocèse: Principauté: |
| RESUME ET DESCRIPTION |
| Résumé | confirme la fondation de l'abbaye de Bony de l'Ordre de Prémontré et son transfert au lieu dit Mont-S . -Martin |
|
Description
|
Langue:
latin Véracité: document non suspecté Tradition de l'acte: tradition inconnue Nature diplomatique: charte |
| TEXTE DU DOCUMENT |
| In nomine sancte et indiuidue trinitatis. Nicholaus dei gratia humilis Cameracensis episcopus tam futuris quam presentibus in perpetuum. Quia pontificali cathedre deo auctore licet indigni presidemus etsi omnibus dioceseos nostre fidelibus prout facultas suppetit in communi prodesse debemus circa illos tamen qui abiecta mundi sarcina felici naufragio ad sancte conuersationis portum enatarunt precipue uigilare decreuimus quatinus eorum beneficio aliquod nostre imperfectioni subsidium comparemus. Notum igitur esse uolumus tam futuris quam presentibus quoniam cum frater Guarembertus locum Boeniensem construxisset et asscitis sibi quibusdam fratribus per dei gratiam in eodem loco abbas esset constitutus uolens deo inspirante artioris obseruantie instituta sectari prefatum locum per manum domini Lietardi predecessoris nostri Cameracensis episcopi ad consilium et ordinationem domni Gualterii abbatis sancti- Martini de suburbio Laudunensi contulit. Cum ergo fratres Boeniensis ecclesie electo sibi de Laudunensi monasterio abbate locum Boeniensem propter sui difficultatem habitationi sue minus commodum estimarent nos locum illum qui Mons Sancti- Martini dicitur eis adquisiuimus et consilio clericorum nostrorum Boeniensem abbatiam cum integritate omnium possessionum suarum ad illum locum transtulimus ipsum que ab omni censuali exactione omni que sonegiarum et debitorum solutione indebita quoque consuetudine assensu archidiaconi nostri et tocius Cameracensis ecclesie absoluimus quatinus grex deo deuotus secundum ordinem Premonstratensem libere ibidem deo famulent et condignos laborum suorum manipulos iusto exactori persoluat. Si uero abbas de Monte Sancti- Martini a regula beati Augustini et consuetudine Laudunensis monasterii deuiauerit abbas sancti- Martini super correctione sua bis tercio ue eum commonebit. Qui si incorrigibilis apparuerit episcopus Cameracensis sub presentia et testificatione abbatis sancti- Martini et duorum eiusdem ordinis coabbatum in ecclesia Cameracensi sine omni dilatione et reclamatione maioris audientie ordinis sui transgressorem deponet. Depositum autem illum episcopus Cameracensis ad ecclesiam beati- Martini remittet et alium idoneum canonica fratrum electione et abbatis Laudunensis consilio e uestigio surrogabit. Abbas autem ecclesie sancti- Martini de qua predictus locus scilicet Mons Sancti- Martini religionis hujus sumpsit exordium ab omni illum temporalis commodi exactione absoluit. Ut uero ibi ordo uigeat inuigilabit et laboris sui mercedem iuges inibi orationes habebit. Ad hec adiicientes decreuimus ut uniuersa que nunc inibi commanentes fratres possident uel quacumque in futuro concessione ecclesiastica largitione principum uel oblatione fidelium iuste et canonice poterunt adipisci firma illis illorum que successoribus et illibata permaneant. Ut autem hec rata in perpetuum sint et inconuulsa scriptum hoc fieri et testium subtitulatione et sigilli nostri impressione roborari precipimus data horum conseruatoribus benedictione in eos qui hec temerare presumpserint anathematis sentenciam perpalantes. Signum Iohannis eiusdem abbatie archidiaconi. Signum Theoderici Alardi Theoderici archidiaconorum. Signum Guidonis prepositi. Signum Gerardi decani et archidiaconi. Signum Guidonis Galterii Guerimboldi Hugonis Herberti Bartholomei Eustachii Gualterii Radulphi canonicorum. Actum anno incarnati uerbi M° C° XXX° VII° indictione XV-a presulatus domni Nicholai I°. | |
| Source | MIRAEUS A.-FOPPENS J.F. 1723 |
| TRADITION |
| EDITIONS ET TRAVAUX |
|
Edition(s)
|
MIRAEUS A.-FOPPENS J.F.. Opera diplomatica et historica, 4 vol., Lovanii, 1723-1748., 3, p.337, LIEN LIEN LIEN LIEN |
| Travaux | WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.194, LIEN LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
