Diplomatica Belgica - Details Chartre 7605

DiBe ID

7605

ACTEURS

Auteur(s)
(= auteur de l'acte écrit)

Fonction/titre: pape
Nom: Lucius III
Institution/juridiction: Rome
Diocèse:
Principauté: États pontificaux
Ordre religieux:

Disposant(s)

(= auteur de l'acte juridique)

Fonction/titre: pape
Nom: Lucius III
Institution/juridiction: Rome
Diocèse:
Principauté: États pontificaux
Ordre religieux:

Bénéficiaire(s)

(= bénéficiaire)

Fonction/titre: chapitre cathédral/collégial
Nom: Gilbert prévôt
Institution/juridiction: Bruges (Notre-Dame)
Diocèse: Diocèse Tournai
Principauté: Flandre
Ordre religieux:

DATATION

Datation interprétée (préférentielle)	4/5/1184 (donnée par document / mentioned in document - )
Datation interprétée (toutes)	4/5/1184 (donnée par document / mentioned in document - ) Qualification érudite: -
Date dans la charte	4/5/1184
Date de lieu (dans le texte)	Veruli
Date de lieu (normalisée)	Veroli (ITALIA, Latium, Frosinone) Diocèse: Principauté: États pontificaux

RESUME ET DESCRIPTION

Résumé	prend le chapitre sous sa protection et lui confirme ses possessions et ses droits (énumération)
Description	Langue: latin Véracité: document non suspecté Tradition de l'acte: tradition inconnue Nature diplomatique: bulle

TEXTE DU DOCUMENT


Lucius episcopus seruus seruorum dei dilectis filiis Gilberto praeposito sanctae Mariae Brugensis eius que fratribus tam praesentibus quam futuris canonice substituendis in perpetuum. Effectum justa postulantibus indulgere et uigor postulat aequitatis et ordo exigit rationis praesertim quando petentium uoluntatem et pietas adiuuat et ueritas non relinquit. Ea propter dilecti in domino filii uestris justis postulationibus clementer annuimus et praefatam ecclesiam uestram in qua diuino estis obsequio mancipati ad exemplar felicis recordationis Alexandri papae praedecessoris nostri sub beati Petri et nostra protectione suscipimus et praesentis scripti priuilegio communimus. Statuentes ut quascumque possessiones quęcumque bona eadem ecclesia in praesentiarum juste et canonice possidet aut in futurum concessione pontificum largitione regum uel principum oblatione fidelium seu aliis justis modis praestante domino poterit adipisci firma uobis uestris que successoribus et illibata permaneant. In quibus haec propriis duximus exprimenda uocabulis ecclesiam de Sisela cum decimis et aliis pertinentiis suis ecclesiam de Oedelem cum decimis et aliis pertinentiis suis census quos homines uestri uobis annuatim exsoluunt concessionem quoque bonae memoriae Balderici quondam Nouiomensis episcopi quam parochiali ecclesiae uestrae sanctae Mariae quae apud Brugense oppidum sita est fecit felicis memoriae praedecessorum nostrorum Paschalis et Alexandri papae uestigiis inhaerentes auctoritate apostolica confirmamus scilicet ut altare beatae Mariae juxta quod praedecessor noster decreuit ab omni exactione sit liberum. Canonici illic constituti eligendi praepositum suum canonicam habeant et liberam potestatem in canonibus uidelicet expressam qualem etiam canonici habuisse noscuntur nunc de propria ecclesia nunc de aliena praepositum eligentes. Cui quidem episcopus canonicorum spiritualem curam et prouidentiam substantiae temporalis assignet. Ipse uero ab episcopo utramque praelationem accipiat et pro utraque ei reuerentiam canonicam et subjectionem impendat. Cum autem generale interdictum terrae fuerit liceat uobis clausis ianuis non pulsatis campanis exclusis excommunicatis et interdictis suppressa uoce diuina officia celebrare. Sepulturam praeterea ecclesiae uestrae liberam esse decernimus ut eorum deuotioni et extremae uoluntati qui se illic sepeliri deliberauerint nisi forte excommunicati uel interdicti fuerint nullus obsistat salua tamen justitia illarum ecclesiarum a quibus mortuorum corpora assumuntur. Ad haec libertates et immunitates ac rationabiles consuetudines in ecclesia uestra hactenus obseruatas ratas habemus eas que futuris sancimus temporibus permanere. Decernimus ergo ut nulli omnino hominum liceat praefatam ecclesiam temere perturbare aut eius possessiones auferre uel ablatas retinere minuere seu quibuslibet uexationibus fatigare sed omnia integra conseruentur eorum pro quorum gubernatione ac sustentatione concessa sunt usibus omnimodis profutura salua sedis apostolicae auctoritate et dioecesani episcopi canonica justitia. Si qua igitur in futurum ecclesiastica saecularis ue persona hanc nostrae constitutionis paginam sciens contra eam temere uenire tentauerit secundo tertio ue commonita nisi reatum suum congrua satisfactione correxerit potestatis honoris que sui careat dignitate ream que se diuino judicio existere de perpetrata iniquitate cognoscat et a sanctissimo corpore ac sanguine dei et domini redemptoris nostri Iesu christi aliena fiat ac in extremo examine districtae ultioni subjaceat. Cunctis autem eidem loco sua jura seruantibus sit pax domini nostri Iesu christi quatenus et hic fructum bonae actionis percipiant et apud districtum judicem praemia aeternae pacis inueniant. Amen. Signum ego Lucius catholicae ecclesiae episcopus. Signum ego Theodinus Portuensis sanctae Rufinae episcopus. Signum ego Henricus Albanensis episcopus. Signum ego Petrus presbyter cardinalis titulo sanctae Susannae. Signum ego Vincianus titulo sancti- Stephani in Celio Monte presbyter cardinalis. Signum ego Laborans presbyter cardinalis sanctae Mariae trans Tyberim titulo Calixti. Signum ego Isandus presbyter cardinalis titulo basilicae XII apostolorum. Signum ego Gratianus sanctorum Cosmae et Damiani diaconus cardinalis. Signum ego Bobo diaconus cardinalis sancti- angeli. Signum ego Soffredus sanctae Mariae in uia lata diaconus cardinalis. Signum ego Albinus diaconus cardinalis sanctae Mariae nouae. Datum Veruli per manum Alberti sanctae Romanae ecclesiae presbyteri cardinalis et cancellarii IV nonas maii indictione II incarnationis dominicae anno MCLXXXIV pontificatus uero domini Lucii papae III anno II.

Source	MIRAEUS A.-FOPPENS J.F. 1723

TRADITION

Original	Oui Brugge, Rijksarchief [RA], OLV 142 (INV 91 - 0 /7)
Manuscrit(s)	Gent, Universiteitsbibliotheek, Manuscrit 466 (112) ()

EDITIONS ET TRAVAUX

Edition(s)	MIRAEUS A.-FOPPENS J.F.. Opera diplomatica et historica, 4 vol., Lovanii, 1723-1748., 2, p.977, LIEN LIEN LIEN LIEN
Travaux	VANDERMAESEN A.. Inventaris van het oud archief der kerkfabriek van Onze-Lieve-Vrouw te Brugge (Algemeen Rijksarchief en Rijksarchief in de Provincien. Rijksarchief te Brugge), Brussel, 1984., n.16, p.23,
	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.15033, p.464, LIEN LIEN LIEN LIEN LIEN LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.634, LIEN LIEN