‹
›
retourner aux résultats
| DiBe ID | 75 |
| ACTEURS |
|
Auteur(s)
(= auteur de l'acte écrit) |
Fonction/titre:
évêque Nom: Evrard d’Avesnes Institution/juridiction: Tournai Diocèse: Diocèse Tournai Principauté: Flandre Ordre religieux: |
|
Disposant(s) (= auteur de l'acte juridique) |
Fonction/titre:
évêque Nom: Evrard d’Avesnes Institution/juridiction: Tournai Diocèse: Diocèse Tournai Principauté: Flandre Ordre religieux: |
|
Bénéficiaire(s)
(= bénéficiaire) |
Fonction/titre:
institution monastique Nom: Institution/juridiction: Tournai (S.Martin) Diocèse: Diocèse Tournai Principauté: Flandre Ordre religieux: Bénédictins |
| DATATION |
|
Datation interprétée
(préférentielle) |
24/3/1185 (terminus ante quem - PYCKE-VLEESCHOUWERS) |
|
Datation interprétée
(toutes) |
//1184 (donnée par document / mentioned in document - ) Qualification érudite: - |
| //1183 (date impossible / impossible date - D'HERBOMEZ (TEXTE)) Qualification érudite: - | |
| 24/3/1185 (terminus ante quem - PYCKE-VLEESCHOUWERS) Qualification érudite: - | |
| 25/3/1184 (terminus post quem - PYCKE-VLEESCHOUWERS) Qualification érudite: - | |
|
Date dans la charte
|
//1184 |
|
Date de lieu (dans le texte) |
Tornaci |
|
Date de lieu (normalisée) |
Tournai (BELGIQUE, Région Wallonne, Hainaut)
Diocèse: Diocèse Tournai Principauté: Flandre |
| RESUME ET DESCRIPTION |
| Résumé | l'évêque de Tournai (Hainaut) rappelle les donations faites à l'abbaye de Tournai (S.Martin) (Hainaut, Tournai) par ses prédécesseurs et lui confirme ses possessions dans le diocèse de Tournai (énumération) |
|
Description
|
Langue:
latin Véracité: document non suspecté Tradition de l'acte: copie (source diplomatique) Nature diplomatique: charte |
| TEXTE DU DOCUMENT |
| Ego Eurardus, Dei gratia Tornacensium episcopus, cunctis fidelibus in perpetuum. Quoniam secundum naturalis ordinis morem et ueridicam apostoli sententiam « parentes debent filiis thesaurizare », curamus summopere ęcclesiis nostrę humilitati creditis bonum ac desiderabilem pacis atque tranquillitatis thesaurum prouidere. Inde est quod benigno fauore animum applicamus precibus iusta supplicantium, mancipantes effectui quorumlibet affectum in claustris sub regula degentium. Rogamur igitur ab abbate et fratribus Sancti Martini quatinus que a singulis predecessoribus nostris prefati Sancti Martini monasterio diuersis temporibus collata cognouimus, quadam carta perstringamus quam confirmatam ad posteros transmittamus. Rogata libenter prestamus. Notum ergo facimus quam modernis tam futuris hominibus idem monasterium olim destructum quod post diuturnam uaste solitudinis destitutionem tandem, Deo miserante, sub felicis memorie Rabbodo, sanctę Tornacensis ecclesię antistite, per quemdam Aurelianensem clericum nomine Odardum, qui ciuitatis Tornacensis pollebat in magistrum, sue reedificationis sumpsit exordium. Hic igitur Rabbodus episcopus magno deuotionis zelo prefato Odardo et fratribus cum eo seruituris Deo liberum tradidit locum monasterii, terras Sancti Martini uocatas reddidit et reddi fecit. Insuper et fermentum quod maeria uocatur ad fermentandam ceruisiam, assensu militum qui de ipso illud tenebant in feodo, sufficienter Sancto Martino liberaliter tribuit. Decedente ex hac luce Rabodo uenerabili episcopo, Baldricus successit episcopus qui gaudens nouellam Sancti Martini plantationem ramos suos protensius extendere et tam interius quam exterius in dies proficere, nouum de antiquo monasterium ad altiora promouere studuit et possessionibus ampliare curauit. Assensu itaque capituli sui, primo altare de Templouio, postmodum altaria de Spelcin, de Samiun, de Paschendal, de Eureniis, de Haltra, de Ysengen, de Guldelgien, de Sara, de Stenpuch eidem monasterio benigne contulit. Concessit etiam simili ratione et scripto confirmauit ut fratres sepefati monasterii in parrochia quę dicitur Era duas mansiones construerent, quarum minutas decimas illis remisit, ea tamen conditione ut pro decimis singularum mansionum XII-cim denarios singulis annis persoluerent. Huic successit Lambertus episcopus qui precibus Walteri aduocati, patris mei, cum matrem suam monialem in eodem monasterio faceret, quoddam molendinum super fluuiolum de Ries quod ipse de eodem episcopo tenebat, Sancto Martino collatum confirmauit. Huius locum Symon episcopus suscepit qui ęcclesię Sancti Martini altaria de Willebecca, de Fiua, de Beuerna et Ledengien libera tenere concessit atque confirmauit. Post hunc Ansellus in episcopum surrexit qui instantia precum Desiderii archidiachoni qui Morinensis ęcclesię presul effulget, Sancto Martino altaria de Curna et de Ledda prebuit, molendinum quoque de Fossato intra urbem precibus Gossuini, germani mei atque parentum nostrorum libere perpetuo possidendum concessit. Geraldus episcopus succedens Ansello Sancto Martino altare de Anuelin cum apendiciis suis et altare de Moscherun dedit et confirmauit. Tempore predecessoris nostri Walteri episcopi fratres de Sancto Martino VIII-to pensiones butyri probati ad pondus castri Brugensis adquisierunt in ecclesia Sancti Petri Aldeburgensis, ab eadem ęcclesia annis singulis soluendas, quod abbas Aldeburgensis assensu capituli sui confirmauit et Walterum episcopum confirmare fecit . Nos quoque altaria de Zulte et de Wachines ad sollempnizandum nostri obitus anniuersarium eidem monasterio benigne contulimus. Habet quoque sepefata Sancti Martini ecclesia diuersas in diuersis locis elemosinas et multas possessiones quas per suos conquisiuit officiales, inter quas tenet fluuiolum qui dicitur Ries prope Tornacum et cuncta molendina a molendino Tyeselini usque in Scaldum, et ex altera parte Tornaci fluuiolum qui uocatur Maira et super illum duo molendina, et in ipsa ciuitate similiter duo quorum unum uocamus Pluuiarium, alterum Fossatum, de quo supra mentionem fecimus, insuper et domos et redditus aliquos in ciuitate et circa ciuitatem, terras quas iure possidet hereditario, quasdam earum excolens de monasterii habitatione, alias de mansionibus culturę congruis uidelicet de Warnauio, de Dusiperio, de Longa salice, de Tintinies, de Froiana, de Spelcin, de Canfen, de Oueniis in Peuela. Hec igitur omnia que descripta sunt cum apendiciis eorum et cetera que apud Cateniis, apud Warchin, apud Eureniis et cuncta que in Flandria siue in toto episcopio nostro in presentiarum absque calumnia Sancti Martini tenet ęcclesia, ut quieta et libera et inconcussa in eternum possideat, eidem monasterio confirmamus per presentis pagine monimentum, posteris nostris precipientes quatinus si quis sepefatam Sancti Martini ęcclesiam inquietare uel molestare in aliquo horum quę descripsimus presumpserit, anathemati subiaceat donec resipiscens pro arbitrio abbatis satisfecerit. Huius itaque possessionis descripte tenorem approbamus legitimum quem presenti pagina confirmamus, cui etiam nostri sigilli imaginem appendimus et ad eius corroborationem idoneorum testium nomina subnotamus. Signum Eurardi episcopi. S. Arnulfi decani. S. Gossuini et Theoderici archidiaconorum. S. Theoderici prepositi. S. Theoderici, Thome, Henrici presbiterorum. S. Gonteri decani. S. magistri Gualteri, S. magistri Lamberti diaconorum. S. Henrici, Oliueri, Gossuini subdiaconorum. Actum Tornaci, anno Uerbi incarnati M° C° LXXX° IIII°, feliciter. | |
| Source | PYCKE J.-VLEESCHOUWERS C. 2014 |
| TRADITION |
| EDITIONS ET TRAVAUX |
|
Edition(s)
|
D'HERBOMEZ A.. Chartes de l'abbaye de Saint-Martin de Tournai (Publications de la Commission royale d'Histoire. Chroniques belges inédites. Series I in 4°), I, Bruxelles, 1898., 1, n.137, p.142-144, LIEN LIEN LIEN |
| PYCKE J.-VLEESCHOUWERS C.. Les actes des évêques de Tournai (1146-1190). Episcopalis officii sollicitudo II, vol. 2 (Tournai – Art et Histoire, Instruments de travail, 22), Louvain-la-Neuve, 2014. , n.137, p.189-192, | |
| Travaux | VLEESCHOUWERS C.. Chronologische problemen aangaande de bisschoppen van Doornik (1146-1218): episcopaatsjaren en jaarstijl, dans: Handelingen van het Genootschap voor Geschiedenis "Société d'Emulation" te Brugge, 117 (1980), p.5-55., p.26, |
| LAURENT R.. Verzameling zegelafgietsels van het Algemeen Rijksarchief / Collection de moulages de sceaux des Archives générales du Royaume, Ressource électronique, I 347 - 319, LIEN LIEN LIEN | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.272, LIEN LIEN | |
| VLEESCHOUWERS C.-VAN MELKEBEEK M.. Le rôle de l'entourage des évêques de Tournai (1146-1300) dans la chancellerie épiscopale (avec relevé des sceaux), dans: Mémoires de la Société d'Histoire et d'Archéologie de Tournai, 2 (1981), p.7-80., p.32, |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
