‹
›
retourner aux résultats
| DiBe ID | 7342 |
| ACTEURS |
|
Auteur(s)
(= auteur de l'acte écrit) |
Fonction/titre:
évêque Nom: Eudes Institution/juridiction: Cambrai Diocèse: Diocèse Cambrai Principauté: Cambrai Ordre religieux: |
|
Disposant(s) (= auteur de l'acte juridique) |
Fonction/titre:
institution monastique Nom: Renier abbé Institution/juridiction: Liessies Diocèse: Diocèse Cambrai Principauté: Hainaut Ordre religieux: Bénédictins |
|
Fonction/titre:
seigneur Nom: Gossuin Le Borgne Institution/juridiction: Avesnes-sur-Helpe Diocèse: Diocèse Cambrai Principauté: Hainaut Ordre religieux: |
|
|
Bénéficiaire(s)
(= bénéficiaire) |
Fonction/titre:
institution monastique Nom: Renier abbé Institution/juridiction: Liessies Diocèse: Diocèse Cambrai Principauté: Hainaut Ordre religieux: Bénédictins |
|
Fonction/titre:
seigneur Nom: Gossuin Le Borgne Institution/juridiction: Avesnes-sur-Helpe Diocèse: Diocèse Cambrai Principauté: Hainaut Ordre religieux: |
| DATATION |
|
Datation interprétée
(préférentielle) |
2/7/1112 (terminus ante quem - VAN MINGROOT) |
|
Datation interprétée
(toutes) |
2/7/1112 (terminus ante quem - VAN MINGROOT) Qualification érudite: - |
| 1/1/1112 (terminus post quem - VAN MINGROOT) Qualification érudite: - | |
| //1112 (donnée par document / mentioned in document - ) Qualification érudite: - | |
|
Date dans la charte
|
//1112 |
|
Date de lieu (dans le texte) |
|
|
Date de lieu (normalisée) |
Diocèse: Principauté: |
| RESUME ET DESCRIPTION |
| Résumé | notifie et confirme l'accord conclu entre les deux parties dans le différend qui les opposait quant à la possession d'une forêt dite La Haie , située entre Liessies et Solre-le-Château , et d'une autre dite La Fagne |
|
Description
|
Langue:
latin Véracité: document non suspecté Tradition de l'acte: copie (source diplomatique) Nature diplomatique: charte |
| TEXTE DU DOCUMENT |
| In nomine sancte et indiuidue trinitatis. Odo diuina miseratione Cameracensium episcopus cunctis christi fidelibus in perpetuum. Quod rationabiliter ueritate attestante et iudicio proborum hominum actum esse dignoscitur scripto debet commendari ne processu temporis ueritas obliuione elabatur ymmo per eam pax et concordia perpetuo conseruetur. Eapropter noticie posterorum transmittimus quod Gossuinus Auesnensis qui ob iniurias et inuasiones uillarum ecclesie Letiensis a domino papa Paschali excommunicatus fuerat in presentia nostra et Balduini comitis Hanoniensis recognitione facta uillarum et siluarum et tocius iuris ecclesie a nobis iniusticiam suam recognoscens absolutus est. Huius uero pacis et concordie uix per annum obseruata confirmatione inter ipsum et ecclesiam iterum grandis querela super silua que Haia dicitur que etiam Letiis et silue de Solra adiacet et super quadam parte silue de Fania que allodio sancti Petri de Mostiers sancte que Monegundis et sancti Remigii sancte quoque Aldegundis contigua est exorta est asseuerante Gossuino tam Haiam quam predictam partem Fanie eidem ecclesie se nunquam resignasse. Econtra autem ecclesia asserebat testimonio fidelium utramque siluam et Haie et Fanie de allodio Letiensis esse et hoc allodium de Letiis tam in terris quam in siluis dominum Theodericum ecclesie fundatorem libere et absolute eidem ecclesie contulisse et ipsum Gossuinum in reconciliatione sua totum ex integro abdicasse. Nos ergo per Rainerum eiusdem loci abbatem audita molestia et inquietatione ecclesie pacem inter eos etiam secundo reformare cupientes Theodericum et Anselmum archidiaconos et Wedricum abbatem de Alto Monte quia priori compositioni ecclesie et domini Auesnensis interfuerant loco nostri Letias direximus ut audita ecclesie querimonia secundum pactionem que inter ecclesiam et eundem Gossuinum per nos nouiter facta fuerat idem Gossuinus per eos submoneretur ut ab iniusta inuasione siluarum ecclesie cessaret et si in aliquo predicte pactioni et justicie contrairet ex parte nostra excommunicatus remaneret. Submonitus itaque ab eis Gossuinus et pristine excommunicationis timore compunctus insuper etiam pio affectu arguente cum Agnete coniuge sua quatuor uillarum potestates adunari fecit uidelicet de Willies de Monasterio in Fania de Wasleirs et de Trelon et post de unaquaque duos uiros maioris etatis et sanioris consilii elegit quos fide data sub iuramento affirmare fecit in presentia archidiaconorum et abbatis quod de allodio Letiensi circumquaque ueritatem dicerent et tam ipsi quam ecclesie quam ceteris sanctis qui in allodio Fanie ei participantur jus suum in ueritate attribuerent. Hii uiri ad hujusmodi diuisionem electi peracto sacramento iurisiurandi tres uiros scilicet Gerardum de Moreniis Lambertum uillicum de Trelon Eurardum uillicum de Willies quia diuisionem Fanie melius scire uidebantur se cum assumpserunt et seorsum de re iniuncta consilio ad inuicem habito totam Haiam predictam de allodio Letiensi esse insuper et quoddam allodium in auialibus Helpre quod ex una parte Helpre fluuii allodio uille que Helpra dicitur et allodio sancte Monegundis sancti que Petri de Mostiers ex altera parte fluuii feodo Emelardi et terre de Simeri contiguum est ab antiquo beatam Hiltrudem iure debito possedisse communi assensu contestati sunt. Exinde in Faniam procedentes ne discordia uel error inter ecclesiam et dominum Auesnensem ceteros que sanctos qui Fanie participantur amplius oriretur loca certa denominauerunt per que unicuique jus suum assignarunt. Processum est igitur a superiori furceo Turbe per Copinii auialia et per riuum qui inibi oritur usque ad campum de Runcroet et usque ad riuum subtus positum et toto ipso riuo usque ad quercum clauatum in loco ubi tres uie in inuicem copulantur uidelicet de Helpra ad Trelon de Willies ad Wasleirs et inde ad Letias. De hac uia processerunt usque ad riuum Merdosi Voium ubi transitus est euntibus ad Waslers et inde usque ad originem ipsius riui ubi sortitur et inde usque ad originem riui de Argilia et ipsum riuum sequentes uenerunt ad terram sancti Martini de Glaion et inde usque ad riuum de Corbion ubi transitur propius de Glaion. Ab hoc riuo infra predictos terminos tam terram quam siluam de allodio Letiensi esse et illam dominum Auesnensem antiquo iure possedisse sed illam a domino Theoderico in fundatione ecclesie libere et absolute et absque omni aduocatia attributam esse tam fideliter quam et ueraciter concordi uoce affirmauerunt. Reliquam uero partem Fanie extra predictos terminos ex una parte sanctae Aldegundi sancto Petro sancte Monegundi sancto Hilario ex altera parte uersus Trelon sancto Remigio et sancte Aldegundi salua aduocatia domini Auesnensis iure perpetuo possidendam attribuerunt. Quam tamen partem sancti Remigii et sancte Aldegundis utrique communem et equalem esse unanimiter attestati sunt. Porro a predicto riuo de Corbion sicut prosequitur idem riuus usque ad riuum de Trelon et inde ab alio riuo qui Salneria dicitur usque ad Tassenarias et usque ad calceiam ubi transeunt euntes de Letiis ad Feron et e transuerso usque ad terram de Sanctis et de Ramulgies allodium cuiusdam Milonis nobilis uiri fuisse et tempore quatuor canonicorum qui Letiis antiquitus fuerunt ab eodem Milone libere et absolute et absque omni aduocatia attributum ecclesie Letiensi asseruerunt. Et tali modo predicti electi diuisioni allodii de Letiis absque omni contradictione facte imposuerunt finem. Sane Gossuinus audita ueritate et testimonio uirorum quos ad diuisionem faciendam elegerat de iniusta inuasione siluarum ecclesie resipiscens totum allodium de Letiis ex integro tam in Haya quam in predictis locis Fanie sicut a predecessore suo Theoderico libere et absque omni aduocatia ecclesie Letiensi collatum fuerat in presentia archidiaconorum et multorum proborum hominum secundo jam recognouit et ut hec recognitio ad nos qui archidiaconos ad pacem reformandam direxeramus per eos referretur et scripto memorie commendaretur humiliter expetiit. Nos quoque audita reformatione pacis inter ecclesiam Letiensem et dominum Auesnensem per predictos uiros qui loco nostri interfuerant petitioni Gozuini quia iusta et rationabilis esse uidebatur benigne acquiescentes tam sigillo nostro quam testimonio personarum nostrarum que hanc reformationem pacis ueraciter audiuerant corroborauimus et omnes qui hanc pacem amplius perturbauerint siue libertatem ecclesie infregerint iterum secundo excommunicamus. Signum Theoderici archidiaconi. Signum Anselmi archidiaconi-. Signum Alardi archidiaconi-. Signum Erleboldi prepositi. Signum Roberti Widonis Mascelini clericorum. Signum Wedrici abbatis de Alto Monte. Signum Ragineri abbatis sancti sepulcri. Signum Goifridi abbatis de Nouo Castello. Actum est hoc anno dominice incarnationis M C X II° indictione quinta. Ego Guerinbaldus sancte matris ecclesie Cameracensis cancellarius scripsi et subscripsi. | |
| Source | DUVIVIER CH. 1865 |
| TRADITION |
| EDITIONS ET TRAVAUX |
|
Edition(s)
|
DUVIVIER CH.. Recherches sur le Hainaut ancien (Pagus Hainoensis) du VIIe au XIIe siècle, Bruxelles, 2 vol., Bruxelles, 1865-1866., n.101, p.502-506, LIEN |
| Travaux | VAN MINGROOT E.. Liste provisoire des actes des évêques de Cambrai de 1031 à 1130, dans: Serta devota in memoriam Guillelmi Lourdaux. Pars posterior: cultura mediaevalis, ed. W. VERBEKE, M. HAVERALS, R. DE KEYSER, J. GOOSSENS (Mediaevalia Lovaniensia, n.21), Leuven, 1995., n.46, p.40, |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.63, LIEN LIEN | |
| BRUCHET M.. Répertoire numérique. Série H. Tome I. Fonds bénédictins et cisterciens. 1 H à 35 H (Archives départementales du Nord), Lille, 1928., col.2, p.147, LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
