Diplomatica Belgica - Details Chartre 7174

Diplomatica Belgica - Details Chartre 7174

DiplomataBelgica

colophon | à propos de | copyright | contact | english version

Recherche | Recherche Tradition

DiBe 1 sur 1

‹

›

retourner aux résultats

DiBe ID

7174

ACTEURS

Auteur(s) (= auteur de l'acte écrit)	Fonction/titre: comte/comtesse Nom: Baudouin V Institution/juridiction: Hainaut Diocèse: Diocèse Cambrai Principauté: Hainaut Ordre religieux:
Disposant(s) (= auteur de l'acte juridique)	Fonction/titre: comte/comtesse Nom: Baudouin V Institution/juridiction: Hainaut Diocèse: Diocèse Cambrai Principauté: Hainaut Ordre religieux:
	Fonction/titre: autre Nom: Pecquencourt (de), Gossuin Institution/juridiction: INCONNUE Diocèse: Diocèse Arras Principauté: Hainaut Ordre religieux:
Bénéficiaire(s) (= bénéficiaire)	Fonction/titre: institution monastique Nom: Institution/juridiction: Anchin Diocèse: Diocèse Arras Principauté: Hainaut Ordre religieux: Bénédictins

DATATION

Datation interprétée (préférentielle)	//1186 (donnée par document / mentioned in document - )
Datation interprétée (toutes)	//1186 (donnée par document / mentioned in document - ) Qualification érudite: -
Date dans la charte	//1186
Date de lieu (dans le texte)
Date de lieu (normalisée)	Diocèse: Principauté:

RESUME ET DESCRIPTION

Résumé	notifie qu'en sa présence Gossuin a renoncé à toutes les prétentions qu'il avait émises à l'encontre de la métairie de Pecquencourt qu'il tenait de l'abbaye d'Anchin ; le comte se porte garant de cette renonciation
Description	Langue: latin Véracité: document non suspecté Tradition de l'acte: original Nature diplomatique: charte

TEXTE DU DOCUMENT


Ego Balduinus, Dei gratia Hainoensium comes, notum uolo fieri omnibus presentibus et futuris quod cum Aquicinctensis ecclesia quondam concessisset predecessoribus hominis sui Gozuini et ipsi Gozuino uillicationem de Piscatoriscurte ad tempus administrandam, quandiu eidem ecclesie complaceret, et ecclesia prefatam uillicationem a Gozuino requisisset, Gozuinus eum ad ius suum perpetuum uisus est intorquere. Abbas igitur et monachi Aquicincti, cum super hoc grauiter mouerentur, diem prefixerunt Gozuino quo in presentia hominum ecclesię super hac iniuria responderet, eisdem hominibus ad audiendam querelam et iudicium faciendum ad diem prefixum conuocatis. Cumque die statuto in presentia hominum ecclesię ab utraque parte in causam processum fuisset, facto clamore et responso, homines ecclesie quibus cause decisio incumbebat tam alti negotii definitionem per se uerentes attemptare iudicium curię meę duxerunt expetendum. Cum igitur cause processum formamque clamoris facti atque responsi in presentia mea et hominum meorum recitassent, homines mei prefatam uillicationem Gozuino abiudicauerunt et quod ipsa uillicatio in potestate et dominio ecclesie Aquicinctensis remanere deberet iudiciali sententia decreuerunt. Nomina autem eorum qui hoc iudicium protulerunt hęc fuerunt: Eustachius de Ruet, Egydius de Cimai, Hugo de Crois, Karolus de Frasne, Nicholaus de Barbenceun, Balduinus castellanus de Montibus, Rainerus de Trit, Hauellus de Cauren, Almannus de Proui, et plures alii. Uidens igitur Gozuinus quod ab incepta causa decidisset, alias atque alias de nouo excogitans iniurias, panem prebendarum domo ecclesię et in nemoribus ipsius ligna ad focum suum et ad edificia facienda reclamauit, sed querimonias suas nulla ualens ratione comprobate, beniuolorum tandem suorum consiliis adquieuit et in presentia abbatis et fratrum et etiam hominum ecclesię ueniens Aquicinctum, cognouit et testatus est se nichil iuris in predicta uillicatione habere, seu etiam in pane uel in nemoribus siue pratis aut aquis ecclesię. Abiudicatis itaque sibimetipsi a seipso omnibus supradictis rebus, abiudicate sunt etiam ei ab hominibus ecclesie qui presentialiter affuerunt. Post abiudicationem autem factam, Gozuinus et Heluidis uxor eius et ipsorum liberi res omnes expressas nominatim omnimodis abiurauerunt et in tantum a se fecerunt alienas ut interposita fidelitate sua et etiam iuramento promitterent quod in domo Aquicincti ne semel quidem comedere presumerent in futurum nisi de permissu et licentia abbatis aut prepositi Aquicincti. Ut autem Gozuinus et heredes eius in posterum erga ecclesiam et fratres bone essent uoluntatis, tres modiate terrę ad mensuram Duacensem eis sunt ab abbate et fratribus in territorio de Loffres assignare, ea ratione ut et ipse Gozuinus et qui ei sunt hereditarie successuri faciendi sint Aquicinctensi abbati ligii hominii et ligii seruitii debitores. Huic rei interfuerunt hii quorum nomina sunt subscripta. Symon abbas Aquicincti, Egydius prior, Amolricus cantor, Adam, Gobertus, Gotrannus, Walterus sacerdotes; Hugo, Robertus de Berleinmont, Ernulfus de Harlebecche diachoni; Gunterus prepositus, Lambertus camerarius monachi; Adam de Horden dapifer, Adam filius eius, Gobertus de Bruilo, Gozellus de Aniz, Robertus de Montenni, Adam de Quinci milites; Nicholaus filius Goberti de Liebertus de Riulai, Malnurus et multi alii. Ut res autem plenius firmaretur, Gozuinus in presentia mea ueniens prefatam conuentionem sicut in presenti est scripto recitata recognoscens, quicquid aduersus ecclesiam Aquicinctensem reclamauerat totum ex integro coram me et hominibus meis guerpiuit. Quod ut firmius in posterum teneretur, me exinde obsidem fieri petiit et impetrauit. Ad maiorem etiam confirmationem rem, sicut in presenti pagina descripta est, sigilli mei impressione et subtersignatorum testium annotatione roboraui, Signum mei ipsius Balduini Haionensium comitis. Signum Balduini filii mei. Signum Eustachii de Ruet. Signum Eustachii filii eius. Signum Hugonis de Crois. Signum Egydii de Cymai. Signum Roberti de Belraim. Signum Vuillelmi de Anzain. S. Gozuini de Tulin. Actum anno Uerbi incarnati M°C°LXXX°VI°

Source	GERZAGUET J.-P. 2005

TRADITION

Original	Oui Lille, Archives départementales du Nord [AD], 1H 43/479
Manuscrit(s)	Lille, Archives départementales du Nord [AD], 1 H 477 ()

EDITIONS ET TRAVAUX

Edition(s)	GERZAGUET J.-P.. Les chartes de l'abbaye d'Anchin, (ARTEM. Atelier de Recherche sur les Textes Médiévaux, 6), Turnhout, 2005., n.246, p.330-331,
	CHARTAE GALLIAE. Base de données de chartes médiévales, Ressource électronique, F10512, LIEN LIEN
Travaux	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.655, LIEN LIEN
	BRUCHET M.. Répertoire numérique. Série H. Tome I. Fonds bénédictins et cisterciens. 1 H à 35 H (Archives départementales du Nord), Lille, 1928., col.1, p.6, LIEN

Collaborateur: Philippe Demonty