‹
›
retourner aux résultats
| DiBe ID | 7161 |
| ACTEURS |
|
Auteur(s)
(= auteur de l'acte écrit) |
Fonction/titre:
évêque Nom: Etienne Institution/juridiction: Tournai Diocèse: Diocèse Tournai Principauté: Tournaisis Ordre religieux: |
|
Disposant(s) (= auteur de l'acte juridique) |
Fonction/titre:
évêque Nom: Etienne Institution/juridiction: Tournai Diocèse: Diocèse Tournai Principauté: Tournaisis Ordre religieux: |
|
Fonction/titre:
institution monastique Nom: Roger abbé Institution/juridiction: Cysoing Diocèse: Diocèse Tournai Principauté: Flandre Ordre religieux: Arrouaise |
|
|
Bénéficiaire(s)
(= bénéficiaire) |
Fonction/titre:
institution monastique Nom: Institution/juridiction: Cysoing Diocèse: Diocèse Tournai Principauté: Flandre Ordre religieux: Arrouaise |
| DATATION |
|
Datation interprétée
(préférentielle) |
17/3/1194 (donnée par document / mentioned in document - FAZY/DE COUSSEMAKER) |
|
Datation interprétée
(toutes) |
17/3/1194 (donnée par document / mentioned in document - FAZY/DE COUSSEMAKER) Qualification érudite: - |
| 17/3/1195 (nouveau style / new style - WAUTERS VII,1287) Qualification érudite: - | |
| //1194 (donnée par document / mentioned in document - WAUTERS III,38) Qualification érudite: - | |
|
Date dans la charte
|
//1194 |
| 17/3/1194 | |
|
Date de lieu (dans le texte) |
|
|
Date de lieu (normalisée) |
Diocèse: Principauté: |
| RESUME ET DESCRIPTION |
| Résumé | approuve la charte de l'abbé Roger relatant les fondations d'anniversaires à acquitter et les revenus y affectés |
|
Description
|
Langue:
latin Véracité: document non suspecté Tradition de l'acte: copie (source diplomatique) Nature diplomatique: charte |
| TEXTE DU DOCUMENT |
| In nomine sancte et indiuidue trinitatis patris et filii et spiritus sancti amen. Uniuersis sancte matris ecclesie prelatis et filiis ad quod littere iste peruenerint frater Rogerus ecclesie Cisoniensis abbas inutilis et indignus in domino salutem. Memores predecessorum nostrorum in quorum labores immeriti deo permittente introiuimus quorum non solum temporali sed etiam spirituali pane sustentamur et uiuimus ne ingratitudinis argui ualeamus diem exitus eorum memorialem et solemnem perpetuis temporibus agere decernimus cum uigiliis nouem lectionum et integra commendatione campanarum pulsatione et missarum celebratione factum Machabeorum prae oculis habentes qui specialiter orare consueuerant pro his qui cum pietate dormitionem acceperant. Ne autem fratres nostri acidia aut occasione aliqua ad hoc officium exsequendum negligentes inueniantur aut inuiti sed ad omne opus bonum reddantur hylares et iocundi de redditibus ad preposituram nostram spectantibus XX duas libras Tornacensis monete accepimus unde XX solidos ad uinum emendum in usum fratrum unicuique cuius anniuersarium celebrabitur et nomen exprimetur fecimus assignari. Alioquin si clauderemus ora canentium dominum fratres de onere sibi imposito merito deberent conqueri et nos non de pastoris officio sed sicut mercenarii possemus reprehendi si obturaremus os boui trituranti. Volumus autem quod ista constitutio rata et inconuulsa in perpetuum habeatur et ut altius memorie commendetur semel in anno in die sancti Eurardi in pleno capitulo legatur et ibidem ab omnibus in uerbo domini censeatur quod suis temporibus istorum anniuersariorum et aliorum quorum nomina exprimentur et a nouiciis professionem facientibus et ab abbate nouiter electo antequam ei obedientiam exhibeant faciant firmiter et inuiolabiliter obseruari. Pro anniuersario Theobaldi militis habemus VIII raserias frumenti ad mensuram Vitriaci pro quibus dedit VIII marcas super campum de Senlis. Pro anniuersariis Simonis et Ode patris et matris Goselini seruientis nostri et ipsius Goselini habemus X et octo raserias frumenti ad predictam mensuram pro quibus dedit G-- filius eorum XX marcas super campum de Relenquieze et Folquinpire et Tiesselenfosse. Pro anniuersariis Lamberti et Ode patris et matris fratris Roberti canonici nostri habemus III raserias frumenti pro quibus dedit predictus Robertus III marcas et ecclesia nostra duas super eamdem terram. Apud Vironries X libras Duacensis monete super duas raserias terre pro anniuersario Rogeri et Ermentrudis patris et matris Segardi canonici nostri. Pro anniuersario Lamberti et Ogiue patris et matris Iacobi canonici nostri XX solidos Flandrensis monete quos habemus apud Herstesberghe. Pro anniuersario Gossuini de Horca III quartiers terre apud Lam. Dedimus apud Cheren LX solidos apud Tornacum LXV oblationes de Genez apud Mesenies IIII-m et dimidiam redditum Fr-- de Bello Campo quatuor marcas quas habemus apud Hasc super hortum Stephani Billart de acquisitione Nicolai Cellens habemus VI marcas super bonarium terre Egidii de Holten super terram Gualteri de Gruisons et R-- fratris eius CLXVII libras de terra Gualteri fiet anniuersarium Baldewini et Emme uxoris eius patris et matris patris Nicolai de Basseia et ipsius Nicholai et Ogeri abbatis patris eius et de bonario terre Rogeri fiet anniuersarium Ingelranni canonici nostri. Porro XXII libras prefatas quas de prepositura accepimus ita assignauimus commemorationi sanctorum ecclesie nostre tertio idus iulii solemniter agende XX solidos commemorationi fratrum et sororum nostrarum que fiet octauo idus martii XX solidos anniuersario domini Raynaldi Remensis archiepiscopi qui ordinem huic ecclesie instituit XX solidos anniuersario domini Eurardi Tornacensis episcopi XX solidos anniuersario domini Stephani Tornacensis episcopi XX solidos anniuersario domini Samuelis abbatis XX solidos anniuersario domini Simonis predecessoris nostri XX solidos anniuersario nostro XX solidos diei III XX solidos diei VII XX solidos diei XXX XX solidos. Et hoc obseruabitur die obitus nostri et quamdiu uixerimus die ordinationis nostre cantabitur missa de spiritu sancto o sapientia XX solidos et post obitum nostrum ipso die cantabitur missa pro defunctis anniuersario domini Gommari prioris XX solidos anniuersario Sare priorisse de Belrepaire XX solidos anniuersario Berte matris mee XX solidos anniuersario Rogeri patris mei XX solidos anniuersario prioris Alexandri XX solidos anniuersario Andree canonici nostri XX solidos anniuersario Eusebie matris domini Hugonis XX solidos anniuersario Ermentrudis matris fratris Brictii XX solidos anniuersario fratris Hugonis de Basseia XX solidos anniuersario sororis Besselendis XX solidos anniuersario sororis Erenberge XX solidos pro his duabus habemus XXX libras supra quamdam terram. Pro anniuersario domini Anselmi abbatis habemus XXX solidos. De oblationibus Cisoniensis parochie presenti etiam pagine inseruimus decimam de Cheren in usum uini minutorum domum lapideam in monticulo Tornacensi ad usum infirmorum decumbentium. Pro festo sancti Calixti VII libras de Liz et de Tofflers pro festis sanctorum per totum annum duos modios frumenti ad mensuram Tornacensem unum modium quem debet nobis Hugo de Liz et alium modium de quo habemus tres raserias apud Gruisons III raserias Islenses apud Hecin XI raserias apud Hasc de hospitibus nostris et propter hoc abbas et prepositus liberi prorsus erunt ab omni uino refectorii. Ad supplementum quoque eorum que promissa sunt ne forte quid aliquo impedimento deficiat superaddidimus modium frumenti quem debemus magistro Simoni ut post mortem ipsius in usum uini proueniat et uolumus quod anniuersarium sororis Sare de Burghiella inde fiat. Si autem prefatas terras pignori obligatas redimi contigerit pecunia illa non nisi in usus anniuersariorum transferetur et quidquid de premissis obligationibus residuum fuerit totum in usum uini ad utilitatem fratrum communiter expendetur similiter de omnibus obuentionibus largitionibus presenti pagine annotatis. Si quis autem ordinationi huic de assensu capituli nostri a nobis facte contraire presumpserit iram et indignationem non solum uiuorum sed etiam omnium fidelium defunctorum quorum beneficium et subuentionem nititur expilare tanquam predo uiolentus incurrat et partem cum Dathan et Abyron quos terra uiuos absorbuit accipiat donec ad emendationem uenerit et reatum suum congrua satisfactione correxerit. Huic autem constitutioni consenserunt abbas et fratres quorum nomina subscripta sunt. Signum domini Rogeri abbatis. Signum Alexandri prioris Symonis Theobaldi Hugonis de Bruila Gilleberti Petri Nicolai primi Nicolai de Basseya Brictii Gommari de Borburg Symonis de Mescines Gomari Iberti Hugonis Mathei Roberti Segardi Bernardi presbiterorum. Signum Symonis Iacobi dyaconorum. Signum Walcheri Lamberti Thome Ioannis Alardi subdyaconorum. Ad maiorem quoque cautelam et presentis pagine firmitatem ea que scripta sunt sigillo capituli nostri et proprii sigilli nostri impressione confirmauimus. Stephanus dei gratia Tornacensis episcopus dilectis filiis Rogero abbati et capitulo Cisoniensi salutem. Considerantes deuotionem uestram non solum circa curam feruere uiuorum sed et memoriam habere defunctorum constitutiones uestras presenti pagine annotatas tanquam iustas et honestas acceptantes grato et hylari assensu uobis occurrimus et eas in sinum nostrum pro uiribus nostris defensuri pro nostro affectu suscipimus et ea que scripsistis tam pro uiuis quam pro defunctis et sententiam excommunicationis quam super contradictores et peruasores hujus pagine unanimi assensu et uoluntate tulistis episcopali authoritate approbamus et sigilli nostri impressione confirmamus. Actum anno dominice incarnationis M° C° nonagesimo quarto consecrationis domini Stephani Tornacensis episcopi secundo ordinationis domini Rogeri abbatis tertio quinto decimo calendas aprilis. | |
| Source | DE COUSSEMAKER I. 1886 |
| TRADITION |
|
Original
|
Non |
| Manuscrit(s) | Lille, Médiathèque municipale Jean Lévy [BM], Manuscrit 113 (Collection GODEFROY 137) (1601-1700) |
| EDITIONS ET TRAVAUX |
|
Edition(s)
|
DE COUSSEMAKER I.. Cartulaire de l'abbaye de Cysoing et de ses dépendances (867-XVIIe s.), Lille, 1886., n.57, p.77-81, LIEN LIEN |
| Travaux | FAZY M.. Note sur le style employé par Etienne de Tournai pour dater ses actes, dans: Bibliothèque de l'Ecole des Chartes, 69 (1908), p.169-184., p.178-179, LIEN LIEN |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.2, p.1287, LIEN LIEN | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 3, p.38, LIEN LIEN | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.2, p.1286, LIEN LIEN | |
| GERZAGUET J.-P.. Beaurepaire : de la chapelle (vers 868 ?) au prieuré canonial masculin (fin XIIIe siècle), dans: Revue du Nord, 3/2004 (n° 356 - 357), p. 511-524., p.519, LIEN LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
