‹
›
retourner aux résultats
| DiBe ID | 6768 |
| ACTEURS |
|
Auteur(s)
(= auteur de l'acte écrit) |
Fonction/titre:
pape Nom: Grégoire VII Institution/juridiction: Rome Diocèse: Principauté: États pontificaux Ordre religieux: |
|
Disposant(s) (= auteur de l'acte juridique) |
Fonction/titre:
pape Nom: Grégoire VII Institution/juridiction: Rome Diocèse: Principauté: États pontificaux Ordre religieux: |
|
Bénéficiaire(s)
(= bénéficiaire) |
Fonction/titre:
comte/comtesse Nom: Robert I le Frison Institution/juridiction: Flandre Diocèse: Diocèse Tournai Principauté: Flandre Ordre religieux: |
|
Fonction/titre:
chapitre cathédral/collégial Nom: Institution/juridiction: S.Omer Diocèse: Diocèse Thérouanne Principauté: Flandre Ordre religieux: |
| DATATION |
|
Datation interprétée
(préférentielle) |
25/3/1076 (nouveau style / new style - SANTIFALLER/JAFFE) |
|
Datation interprétée
(toutes) |
25/3/1076 (nouveau style / new style - SANTIFALLER/JAFFE) Qualification érudite: - |
| 25/3/1075 (donnée par document / mentioned in document - ) Qualification érudite: - | |
| //1079 (conjecture précise / accurate conjecture - WAUTERS) Qualification érudite: - | |
|
Date dans la charte
|
25/3/1075 |
|
Date de lieu (dans le texte) |
Lateranis |
|
Date de lieu (normalisée) |
Rome (Latran) (ITALIA, Latium, Roma)
Diocèse: Principauté: États pontificaux |
| RESUME ET DESCRIPTION |
| Résumé | concède au comte de Flandre un privilège destiné aux chanoines de S . Omer , dans lequel il confirme les dispositions prises en faveur du chapitre par le pape Nicolas I ainsi que ses possessions et ses droits et lui en accorde de nouveaux (énumération) |
|
Description
|
Langue:
latin Véracité: document non suspecté Tradition de l'acte: original Nature diplomatique: bulle |
| TEXTE DU DOCUMENT |
| Gregorius episcopus seruus seruorum dei. Dilecto in christo filio Roberto Flandrensium comiti salutem et apostolicam benedictionem. Sicut ex pastoralis curae amministratione quam circa omnes filios ecclesiae paterno affectu debemus exhibere scimus nostri officii esse ut si quelibet persona ab apostolica sede quippiam uisa fuerit quaerere quod contra rationem et ecclesiasticam regulam uideatur esse non solum non debeamus assensum accomodare uerum etiam conatum uoluntatis inique omnino cassare et ad nichilum redigere. Ita quoque sollicite uolumus prouidere deo per omnia nobis auxiliante ne quis a presentia nostra uideatur recedere absque desiderii sui perfectione si eum uiderimus ea desiderare quae ruinam uitiis et germina uirtutibus uideantur amministrare. Quod circa desiderii tui petitionibus auditis benigne quia ad pacem et utilitatem sanctae religionis uidentur pertinere ecclesiae quam beatus Audomarus tertius Morinorum episcopus fundauit in honore beatę dei genitricis Mariae et quae usque in hodiernum diem eiusdem episcopi uenerabilis habetur corpore huiusmodi priuilegia presentis auctoritatis nostrae decreto indulgemus concedimus atque firmamus renouamus que etiam illa quae beatus Niolaus a beato Gregorio quadragesimus secundus eidem ecclesiae fecit priuilegia petente Balduino quodam tuo progenitore qui ad apostolorum limina ad eundem papam ueniens promeruit pacificari eorum auctoritate cum socero suo Karolo imperatore cuius filiam sibi copulauerat eo ignorante statuentes nullum regum antistitum nullum quacumque praeditum dignitate uel quemquam alium de his quae eidem ecclesiae a beato Audomaro Adrualdo et ceteris donata sunt uel in futuro a quibuslibet aliis de proprio iure iuste collata fuerint sub cuiuslibet causae occasionis ue specie minuere uel auferre et siue suis applicare siue aliis quasi piis causis pro suae auaritiae excusatione concedere sed cuncta quae ibi oblata sunt uel offerri contigerit tam ab Arnulfo presenti praeposito et Sicardo decano ceteris que canonicis presentibus quam ab eis qui in loco eorum officio que successuri sunt perenni tempore illibata et sine inquietudine aliqua uolumus possideri eorum tamen usibus pro quorum sustentatione gubernatione que concessa sunt modis omnibus profutura. Item constituimus ut obeunte praeposito uel decano eiusdem ecclesiae non alius ibi substituatur quacumque obreptionis astutia nisi quem consensus canonicorum canonicae et secundum dei timore praeuiderit ordinandum uel elegerit constituendum. Hoc quoque presenti capitulo subiungimus ut locum auaritiae excludamus nullum de regibus nullum de comitibus nullum de sacerdotibus uel quemcumque alium per se subpositam ue personam de ordinatione uel constitutione eiusdem praepositi uel decani aut de quibuscumque causis ad ecclesiam illam pertinentibus audere in auro uel alia qualibet specie commodi quicquam accipere neque eundem praepositum uel decanum prouectionis suae causa dare praesumere ne hac occasione ea quae a fidelibus piis offeruntur locis aut iam oblata sunt consumantur. Illos autem duos solidos quos episcopi Morinorum hactenus in cena domini exigebant sibi ab ecclesia illa annuatim dari antequam oleum et crisma legatis suis uellet dare ex dei omnipotentis et sanctorum apostolorum Petri et Pauli et nostra auctoritate prohibemus amplius exigi et dari quoniam nefandissimum scelus Symoniace hereseos uidetur et exigens et persoluens exercere in olei et crismatis uenudatione et redemptione. Quod si aliquis episcoporum illorum oleum suum et crisma pro hac re uoluerit retrahere uel ordines clericorum uel consecrationes ecclesiarum uel si diuinum officium in eadem uel ecclesiis locis ue ad eam pertinentibus pro hac re ausus fuerit prohibere liberam facultatem habeant praefati rectores uel subditi eorum diuinum officium celebrare et ordinationes et crisma uel oleum a uicinis episcopis accipere ipsis quae diuina et apostolica praecipimus auctoritate quatenus uobis exequantur necessaria uestra quamdiu a uestris non poteritis illa impetrare. Hec igitur omnia quae huius nostri pagina decreti continet tam presentibus quam cunctis qui in eo ordine et loco quo ipsi sunt successerint uel eis quorum interesse potuerit imperpetuum seruanda decernimus. Si quis uero regum sacerdotum iudicum atque secularium personarum hanc constitutionis nostre paginam agnoscens contra eam uenire temptauerit potestatis honoris que sui dignitate careat reum que se diuino iudicio existere de perpetrata iniquitate cognoscat et nisi uel ea quae ab illo male ablata sunt restituerit uel digna pęnitentia illicite acta defleuerit a sacratissimo corpore et sanguine dei ac redemptoris nostri Iesu christi alienus fiat atque in eterno examine districte ultioni subiaceat. Cunctis autem eidem loco iusta seruantibus sit pax domini nostri Iesu christi quatenus et hic fructum bone actionis recipiant et apud districtum iudicem praemia eternae pacis inueniant. -r- -beneualę datum Lateranis VIII kalendas- aprilis per manus Petri cardinalis presbiteri et bibliothecarii anno ab incarnatione domini millesimo LXXV pontificatus uero domni Gregorii- pape VII anno III indictionę XIIII. | |
| Source | SANTIFALLER L. 1957 |
| TRADITION |
|
Original
|
Non |
| Manuscrit(s) | S.Omer, Archives municipales [AM], Archives du Chapitre - 2 G 54 (1301-1400) |
| EDITIONS ET TRAVAUX |
|
Edition(s)
|
SANTIFALLER L.. Quellen und Forschungen zum Urkunden- und Kanzleiwesen Papst Gregors VII. I. Teil. Quellen: Urkunden. Regesten. Facsimilia (Studi e Testi,190), Citta del Vaticano, 1957., 1, n.114 (+ fac-similé), p.110-113, |
| Travaux | JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 1, n.4984, p.617, LIEN LIEN LIEN LIEN LIEN LIEN LIEN |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.546, LIEN LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
