Diplomatica Belgica - Details Chartre 6133

DiBe ID

6133

ACTEURS

Auteur(s)
(= auteur de l'acte écrit)

Fonction/titre: pape
Nom: Innocent III
Institution/juridiction: Rome
Diocèse:
Principauté: États pontificaux
Ordre religieux:

Disposant(s)

(= auteur de l'acte juridique)

Fonction/titre: pape
Nom: Innocent III
Institution/juridiction: Rome
Diocèse:
Principauté: États pontificaux
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom:
Institution/juridiction: Ten Duinen
Diocèse: Diocèse Thérouanne
Principauté: Flandre
Ordre religieux: Cisterciens

DATATION

Datation interprétée (préférentielle)	21/5/1199 (donnée par document / mentioned in document - )
Datation interprétée (toutes)	21/5/1199 (donnée par document / mentioned in document - ) Qualification érudite: -
Date dans la charte	21/5/1199
Date de lieu (dans le texte)	Laterani
Date de lieu (normalisée)	Rome (Latran) (ITALIA, Latium, Roma) Diocèse: Principauté: États pontificaux

RESUME ET DESCRIPTION

Résumé	prend l'abbaye sous sa protection , lui confirme ses droits , ses privilèges et ses possessions (énumération) ainsi que l'usage de la règle de saint Benoît
Description	Langue: latin Véracité: document non suspecté Tradition de l'acte: copie (source diplomatique) Nature diplomatique: bulle

TEXTE DU DOCUMENT


Innocentius episcopus, seruus seruorum Dei, dilectis filiis abbati monasterii de Dunis eiusque fratribus tam presentibus quam futuris regularem uitam professis in perpetuum. Religiosam uitam eligentibus apostolicam conuenit adesse presidium ne forte cuiuslibet temeritatis incursus aut eos a prosito reuocet, aut robur, quod absit, sacre religionis infringat. Eapropter, dilecti in Domino filii, uestris iustis postulationibus clementer annuimus et prefatum monasterium de Dunis, in quo diuino mancipati estis obsequio, sub beati Petri et nostra protectione suscipimus et presentis scripti priuilegio communimus. In primis siquidem statuentes ut ordo monasticus, qui secundum et beati Benedicti regulam Cisterciensem fratrum in eodem monasterio institutus esse dinoscitur, perpetuis ibidem temporibus inuiolabiliter obseruetur. Preterea quascumque possessiones, quecumque bona idem monasterium in presentiarum iuste et canonice possidet aut in futurum concessione pontificum, largitione regum uel principum, oblatione fidelium seu aliis iustis modis, prestante Domino, poterit adipisci, firma uobis uestrisque successoribus et illibata permaneant. In quibus hec propriis duximus exprimenda uocabulis: locum ipsum in quo prefatum monasterium situm est, cum omnibus pertinentiis suis, ex dono comitum Flandrensium, tam de terra dunarum quantum propriis aratris excolere uultis, et ad pascua uestrorum animalium opus habetis; grangias de Hem, de Alnothi domo, de Pomerio, de Sintines et Erambaldi Capella, cum omnibus terris, redditibus et libertatibus suis; aquam illam que uenit a Sintines et Mardic et transit slusam Sintinensium et sic pergit ad mare, cum omni piscatione sua, qualitercumque homines illam effodere uel transmutare conati fuerint, a Mardica Ueteri usque in Uenecam et a Riflich usque in mare; terram in solitudine que dicitur Moor et Wormoor ad turuas fodiendas, et ne quis infra terminos uestros publicas inquisitiones facere uel cetera ad compescendos rusticos instituta super uos infringere presumat, sicut ex concessione et donatione comitum Flandrensium libere et quiete ac pacifice possidetis et in eorum autenticis continetur, quinque mensuras partim dunarum, parim sic werplandii, ex donatione comitis Philippi apud Greuenigen ad piscatorum retia desicanda et ex eiusdem dono sexaginta solidos ex officio Leonii, notarii, ad sacrificium altaris in Ramis Palmarum singulis annis Furnis soluendos; quinquaginta quatuor circiter marcas et arietes castratos quinquaginta tres, quos de terra censuali trecentarum uiginti quatuor circiter mensurarum in territorio Furnensi uersus Ysaram iacent, singulis annis soluere tenebamini, sicut uobis predictus comes Flandrie Philippus imperpetuum absolute remisit, quam etiam donationem Balduinus, comes Flandrie et Hainonie, nepos eius, concessit et confirmauit, sicut in eorum autenticis continetur; superaratra etiam et releuationes consuetudinarias, exactiones et omnia onera, que aliis terris noscuntur imposita, que ad ius cancellarie pertinebant, Gerardus, prepositus Brugensis et Flandrie cancellarius, assensus Brugensis capituli, sicut in eorum scriptis exinde factis continetur, libera ecclesie uestre in perpetuum et absoluta remisit; grangiam de Rillandh cum omni libertate, iure et dominio, sicut in eadem terra tenuerat Arnoldus de Rillandh de Heinrico de Scothen et ipse Heinricus cum uxore sua et filiis quicquid in ea proprietatis et possessionis, quicquid iuris et dominii cum aliis appenditiis habebat, ecclesie uestre sollempni donatione contulit et scripti sui munimine confirmauit; decimas eiusdem terre sub pensione uiginti solidorum Coloniensis monete Traiecti datiue annuatim soluendorum ecclesie sancti Saluatoris in Traiecto, quamdiu eandem terram colueritis, sicut inter uos et ecclesie predicte capitulum est compositum et utrimque scripto confirmatum; terram illam maris inter Ossenisse et Huntenisse iacentem, que werplandh siue Zand uocatur, et quicquid iuris ad eam pertinet uel quicquid ei deinceps ex mari accreuerit cum tota decima, siue a uobis, siue ab aliis de corde maris eruta, inclusa fuerit et possessa, sicut comes Flandrie et Hainonie Balduinus eandem terram libere et quiete ac pacifice habendam dedit et possidendam et terram de Wastulit et Birulit cum omnibus pertinentiis suis; sane laborum uestrorum, quos propriis manibus aut sumptibus colitis, tam de terris cultis quam incultis, siue de ortis et uirgultis et piscationibus uestris seu de nutrimentis animalium uestrorum, nullus a uobis decimas exigere uel extorquere presumat. Liceat quoque uobis clericos uel laicos, liberos et absolutos e seculo fugientes ad conuersionem recipere et eos absque contradictione aliqua retinere prohibemus, insuper ut nulli fratrum uestrorum post factam in monasterio uestro professionem, fas sit, absque abbatis sui lecentia sic , de eodem loco discedere. Discedentem uero absque communium litterarum cautione nullus audeat retinere. Quod si quis forte retinere presumpserit, licitum sit uobis in ipsos monachos, siue conuersos regularem sententiam promulgare. Illud districtius inhibentes, ne terras seu quodlibet beneficium ecclesie uestre collatum, liceat alicui particulariter dari siue aliquo modo alienari absque consensu et licentia abbatis et maioris partis capituli uestri pro aliquo, fide iubeat uel ab aliquo pecuniam mutuo accipiat, ultra precium capituli uestri prouidentia constitutum, nisi propter manifestam domus uestre utilitatem. Quod si facere presumpserit non teneatur conuentus pro hiis aliquatenus respondere. Licitum propterea sit uobis in causis propriis siue ciuilem, siue criminalem contineant questionem, fratrum uestrorum testimoniis uti, ne pro defectu testium ius uestrum in aliquo ualeat deperire. Insuper auctoritate apostolica inhibemus ne ullus episcopus uel alia quelibet persona, ad synodos uel conuentus forenses uos ire, uel iudicio seculari de propria scabina uel possessionibus uestris subiacere compellat, nec ad domos uestras causa ordines celebrandi, causas tractandi uel conuentus aliquos conuocandi uenire presumat, nec regularem electionem abbatis uestri impediat, aut de instituendo, uel remouendo eo qui pro tempore fuerit, contra statuta Cysterciensis ordinis se aliquatenus intromittat. Si uero episcopus, in cuius parrochia domus uestra fundata est, cum humilitate ac deuotione qua conuenit requisitus, substitutum abbatem benedicere et alia que ad officium episcopale pertinent, uobis conferre renuerit, licitum sit eidem abbati, si tamen sacerdos fuerit, proprios nouitios benedicere et alia que ad officium suum pertinent exercere et uobis omnia ab alio episcopo percipere, que a uestro fuerint denegata. Illud adicientes ut in recipiendis professionibus, que a benedictis uel benedicendis abbatibus exhibentur, ea sint episcopi forma et expressione contenti, que ab origine ordinis noscitur instituta, ut scilicet abbates ipsi saluo ordine suo profiteri debeant, et contra statuta ordinis sui nullam professionem facere compellantur. Pro consecrationibus uero altarium uel ecclesiarum, siue pro oleo sancto uel quolibet ecclesiastico sacramento, nullus a uobis aut sub obtentu consuetudinis, uel alio modo quicquam audeat extorquere, sed hec omnia gratis uobis episcopus dyocesanus inpendat, alioquin liceat uobis quecumque uolueritis catholicum adire antistitem grauem et communionem apostolice sedis habentem qui nostra fretus auctoritate uobis quod postulatur impendat. Quod si sedes dyocesani episcopi forte uacauerit, interim omnia ecclesiastica sacramenta a uicinis episcopis accipere libere et absque contradictione possitis, sic tamen ut ex hoc nullum preiudicium in posterum propriis episcopis generetur, quia uero interdum propriorum episcoporum copiam non habetis. Sit quem episcopum Romanum sedis, ut diximus grauem atque communionem apostolice sedis habentem et de quo plenam noticiam habeatis per uos transire contigerit, ab eo benedictiones uasorum et uestium consecrationes altarium accipere, ordinationes monachorum auctoritate apostolice sedis recipere ualeatis. Porro si episcopi uel alii ecclesiarum rectores in monasterium uestrum uel personas inibi constitutas suspensionis, excommunicationis uel interdicti sententiam promulgauerint, siue etiam in mercennarios uestros pro eo quod decimas non soluitis, siue aliqua occasione, eorum que ab apostolica benignitate uobis indulta fuit, seu benefactores uestros pro eo quod aliqua uobis beneficia, uel obsequia ex caritate prestiterint, uel ad laborandum adiuuerint in illis diebus in quibus uos laboratis et alii feriantur, eandem sententiam protulerint, ipsam tanquam contra sedis apostolice indulta prolatam duximus irritandam, nec ulle littere firmitatem habeant quas tacito nomine Cysterciensis ordinis et contra tenorem apostolicorum priuilegiorum constiterit impetrari. Paci quoque ac tranquillitati uestre paterna in posterum sollicitudine prouidere uolentes, auctoritate apostolica prohibemus ut infra clausuras locorum seu grangiarum uestrarum nullus rapinam seu furtum committere, ignem apponere, sanguinem fundere, hominem temere capere uel interficere, seu uiolentiam audeat excercere. Preterea omnes libertates et immunitates a predecessoribus nostris Romanis pontificibus ordini uestro concessas, necnon libertates et exemptiones secularium exactionum a regibus et principibus uel aliis fidelibus rationabiliter uobis indultas auctoritate apostolica confirmamus et presentis scripti priuilegio communimus. Decernimus ergo ut nulli omnino hominum liceat prefatum monasterium temere perturbare aut eius possessiones auferre, uel ablatas retinere, minuere seu quibuslibet uexationibus fatigare, sed omnia integra conseruentur, eorum pro quorum gubernatione atque sustentatione concessa sunt usibus omnimodis pro futura, salua sedis apostolice auctoritate. Si qua igitur in futurum ecclesiastica secularisue persona hanc nostre constitutionis paginam sciens contra eam temere uenire temptauerit, secundo tertioue commonita, nisi reatum suum congrua satisfactione correxerit, potestatis honorisque dignitate sui careat reamque se diuino iudicio existere de perpetrata iniquitate recognoscat et a sanctissimo corpore ac sanguine Dei ac Domini Redemptoris nostri Ihesu Christi aliena fiat atque in extremo examine diuine ultioni subiaceat. Cunctis autem eidem loco sua iura seruantibus sit pax Domini nostri Ihesu Christi, quatinus et hic fructum bone actionis percipiant et apud districtum iudicem premia eterne pacis inueniant, amen. Datum Laterani per manum Reinaldi, domini pape notari, cancellarii uicem agentis, XII kalendas iunii, indictione III-a, incarnationis dominice anno M° C° XC°IX°, pontificatus domini Innocentii pape III anno secundo.

Source	DILLO M.-VAN SYNGHEL G.A.M. 2000

TRADITION

Original	Oui Brugge, Archief Groot Seminarie [A Gr. Sem.], Ten Duinen-Ter Doest 16/2
Manuscrit(s)	Brugge, Archief Groot Seminarie [A Gr. Sem.], Manuscrit 169/34 (1201-1300)
	Brugge, Rijksarchief [RA], Verzameling Aanwinsten 1396 (1301-1400)

EDITIONS ET TRAVAUX

Edition(s)	KOCH A.C.F.. Oorkondenboek van Holland-Zeeland tot 1299. I: eind van de zevende eeuw tot 1222, 'S-Gravenhage, 1970., 1, n.234 (édition fragmentaire), p.394, LIEN LIEN
	DILLO M.-VAN SYNGHEL G.A.M.. Oorkondenboek van Noord-Brabant tot 1312, II. De heerlijkheden Breda en Bergen op Zoon, 1 (709-1288) (Instituut voor Nederlandse Geschiedenis), 2 vol., Den Haag, 2000., II,1, n.926, p.127-131, LIEN LIEN
Travaux	POTTHAST A.. Regesta pontificum Romanorum inde ab anno post Christum natum 1198 ad annum 1304, 2 vol., Berlin, 1874 - 1875., 2, n.710 a, p.2042, LIEN LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 3, p.112, LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.411, LIEN LIEN