Diplomatica Belgica - Details Chartre 5885

DiBe ID

5885

ACTEURS

Auteur(s)
(= auteur de l'acte écrit)

Fonction/titre: roi/reine
Nom: Philippe I
Institution/juridiction: France
Diocèse: Archevêché Sens
Principauté: France
Ordre religieux:

Disposant(s)

(= auteur de l'acte juridique)

Fonction/titre: roi/reine
Nom: Philippe I
Institution/juridiction: France
Diocèse: Archevêché Sens
Principauté: France
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom:
Institution/juridiction: Hasnon
Diocèse: Diocèse Arras
Principauté: Hainaut
Ordre religieux: Bénédictins

DATATION

Datation interprétée (préférentielle)	4/8/1065 (terminus post quem - PROU)
Datation interprétée (toutes)	4/8/1065 (terminus post quem - PROU) Qualification érudite: -
	//1065 (donnée par document / mentioned in document - ) Qualification érudite: -
Date dans la charte	//1065
Date de lieu (dans le texte)	Corbeie in basilica beati Petri apostoli
Date de lieu (normalisée)	Corbie (FRANCE, Hauts-de-France, Somme) Diocèse: Diocèse Amiens Principauté: France

RESUME ET DESCRIPTION

Résumé	à la demande de Baudouin V , comte de Flandre et de son fils , confirme à l'abbaye la possession de tous ses biens et particulièrement ceux qui lui avaient été donnés par ses fondateurs (énumération) et que le fils du comte avait restitués
Description	Langue: latin Véracité: document non suspecté Tradition de l'acte: copie (source diplomatique) Nature diplomatique: diplôme

TEXTE DU DOCUMENT


In nomine sanctae et indiuiduae trinitatis. Philippus diuina propitiante clementia rex. Si liberalitatis nostre munere locis deo dicatis quiddam conferimus beneficii et necessitates aecclesiasticas ad petitiones seruorum dei nostro releuamus juuamine atque regali tuemur munimine id nobis et ad mortalem uitam temporaliter transiendam et ad ęternam feliciter optinendam profuturum liquido credimus. Unde notum esse uolumus omnibus praesentis temporis et futuri aecclesie christi nostris que fidelibus quia precellentissimi et amabiles marchiones Balduinus pater cum filio equiuoco cognato meo petiuerunt cum omni humilitate et reuerentia magnificentiam nostre potestatis quatinus eis regali edicto illud inuiolabile confirmaremus in posterum quod sanctae recordationis Iohannes uir illustris et Eulalia soror sua tradiderunt de proprio jure cenobio Hasnoniensi in honore Petri apostolorum principis fundato et a uenerabili Vindiciano Cameracensi antistite dedicato tam in aecclesiis quam in uillis agris territoriis et reliquis possessionibus quae jure et legaliter memoratum tenet cenobium in presenti uel quae deinceps in jure ipsius uoluerit diuina pietas augeri uel per se uel per successores suo uel per quoscumque nobiles seu seruos redemptionem animarum suarum quantum in eis est prouisuros. Hoc etiam inserendum superioribus utile et proficuum duximus quod Ermentrudis regina nobilitatis titulo pręclara cum filia sibi equiuoca loco prefato tam humiliter quam caritatiuae condescenderit eum que tam consilio quam rebus ditauerit atque tam munificentia quam priuilegio corroborauerit. Habebat autem id temporis in sceptris Francia Karolum augustum agnomine caluum apud quem memorata regina tam sui nobilitate quam probitate ualebat non modicum qui petitione tantae principis ei se loco inclinauit et majestatis regiae munificentia et priuilegiis ditauit. Sed quia processu temporis multa negligenter inde fuerant sublata et beneficiis militum seculariter addita supradicti marchiones metu et anxietate futuri discriminis exterriti supplicauerunt ut praecinctum parrochię totius uillae Hasnoniensis quam ipsi concambio mutauerunt ab his quorum erat beneficium liberum et ab omni exactione absolutum firmaremus tam in campis quam in aqua et in siluis uel hominibus potestatis ipsius cenobii uel aduenis quos albanos uocant uel seruis tam sanctorum quam hominum infra precinctum commanentibus nulla occasione uel aduocatur uel fiscalis debiti ab aliqua seu magna seu parua persona nisi ab abbate supramemorati loci distringendis. Precati sunt etiam ut instrumenta cartarum quibus a fundamento cenobium ipsum usque ad presens tempus ditatum fuerat per negligentiam ibidem commorantium perdita nostra regali auctoritate repararentur ita ut quicquid in presenti idem cenobium quiete et absque ullius contradictione tenere uel possidere uidetur in aecclesiis uillis territoriis bercariis in electione etiam abbatis nostra inconuulsa permanere dignanter decernat majestas regalis. Annuit itaque benignissima dignatio nostra precibus humilitatis eorum concedendo quod et in perpetuum supradicto cenobio ad munimen proficiat et dominationi nostrae celeberrimum nomen apud posteros semper exhibeat. Statuimus ergo et firmamus pręcepto auctoritatis regiae celsitudinis ut illa quae Hasnoniensi cenobio a Iohanne uiro illustri et sorore sua Eulalia uenerabili sunt concessa et a Balduino cognato meo recuperata seu de proprio possessionis suę aucta uel augenda uel a quocumque fideli pro remuneratione eterne hereditatis ampliata uel amplianda sine retractatione uel diminutione permaneant illibata et sicut a principio disposita sunt omnino sint inuiolata et nostro regali edicto omni tempore inrefragabiliter roborata ita ut nec prefati marchiones quorum hoc firmo rogatu nec eorum successores uel alius aliquis magnus seu paruus dominium ullum audeant usurpare tam in incolis quam in possessione. Decernimus etiam quod si quis contra statutum regalis gloriae et fidelium nostrorum totius que regni nobis a domino collati agere temptauerit quasi inimicus dominorum et rei publicę ab omni priuetur aecclesiastico uel militari uel etiam fiscali beneficio. Ad quod perroborandum auctoritatis nostrae imprimimus sigillum idoneorum testium auctoritate comprobatum. Signum Geruasii Remorum archiepiscopi. Signum Balduini Nouiomensis episcopi. Signum Widonis Ambianensis episcopi. Signum Widonis Beluacensis episcopi. Signum Folconis abbatis Corbeiensis. Signum Waleranni camerarii. Signum Radulfi dapiferi. Signum Widonis buticularii. Signum Baldrici conestaule. Signum Balduini marchionis Flandrensis signum Balduini filii eius et reparatoris eiusdem loci. Signum Radulfi comitis. Signum Walteri filii eius et Symonis fratris sui. Signum Willelmi comitis Suessionensis. Signum Widonis de Monte Lietheri. Signum Tietbaldi de Monte Monrenci. Signum Nauelonis de Peirefonz. Signum Widonis de Rochafort. Signum Wazelini de Calni. Signum Eustachii comitis. Signum Raingoti Gandensis. Signum Arnulfi de Aldinarda. Signum Walteri de Cimai. Signum Walteri comitis de Hesdin. Signum Balduini comitis de Gisnes. Signum Walteri castellani Duacensis. Signum Anselmi. Signum Rotberti aduocati de Atrebato. Signum Iohannis aduocati. Signum Balduini Gandensis signum Arnulfi de Arda. Signum Isaac de Vallentianis. Signum Gozuini Montensis. Signum Hugonis Haueth. Signum Iberti de Lietsines. Signum Walteri de Lens. Signum Wietdrici de Tornaco. Actum Corbeie in basilica beati Petri apostoli anno ab incarnatione domini M LXV indictione III epactas- XI regnante Philippo rege anno VI episcopante Lietberto Cameracensi anno XVII. Ego Balduinus cancellarius scripsi.

Source	PROU M. 1908

TRADITION

Original	Non
Manuscrit(s)	Douai, Bibliothèque municipale [BM], Manuscrit 1342 (1401-1500)
	Paris, Bibliothèque nationale de France [BNF], Collection BALUZE 40 ()
	Bruxelles, Bibliothèque royale de Belgique / Koninklijke Bibliotheek van België, Manuscrit 7748 (Catalogue Van der Gheyn 3605) (1501-1700)

EDITIONS ET TRAVAUX

Edition(s)	DEWEZ J.. Histoire de abbaye de Saint-Pierre d' Hasnon, Lille, 1890., annexe D, p.553-556, LIEN
	PROU M.. Recueil des actes de Philippe Ier, roi de France (1059-1108) (Chartes et Diplômes relatifs à l'Histoire de France), Paris, 1908., n.23, p.63-66, LIEN LIEN
Travaux	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.517, LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.675, LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.68, LIEN LIEN