Diplomatica Belgica - Details Chartre 5769

DiBe ID

5769

ACTEURS

Auteur(s)
(= auteur de l'acte écrit)

Fonction/titre: pape
Nom: Alexandre III
Institution/juridiction: Rome
Diocèse:
Principauté: États pontificaux
Ordre religieux:

Disposant(s)

(= auteur de l'acte juridique)

Fonction/titre: pape
Nom: Alexandre III
Institution/juridiction: Rome
Diocèse:
Principauté: États pontificaux
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom: Simon I abbé
Institution/juridiction: Anchin
Diocèse: Diocèse Arras
Principauté: Hainaut
Ordre religieux: Bénédictins

DATATION

Datation interprétée (préférentielle)	16/5/1176 (donnée par document / mentioned in document - )
Datation interprétée (toutes)	16/5/1176 (donnée par document / mentioned in document - ) Qualification érudite: -
Date dans la charte	16/5/1176
Date de lieu (dans le texte)	Anagnie
Date de lieu (normalisée)	Anagni (ITALIA, Latium, Frosinone) Diocèse: Principauté: États pontificaux

RESUME ET DESCRIPTION

Résumé	prend l'abbaye sous sa protection et lui confirme ses biens et ses droits (énumération)
Description	Langue: latin Véracité: document non suspecté Tradition de l'acte: copie (source diplomatique) Nature diplomatique: bulle

TEXTE DU DOCUMENT


Alexander, episcopus, seruus seruorum Dei, dilectis filiis Simoni, abbati monasterii Sancti Saluatoris Acquicinctensis, eiusque fratribus tam presentibus quam futuris regularem uitam professis in perpetuum. Religiosam uitam eligentibus apostolicum conuenit adesse praesidium, ne forte cuiuslibet temeritatis incursus aut eos a proposito reuocet aut robur, quod absit, sacrae religionis infringat. Eapropter, dilecti in Domino filii, uestris iustis postulationibus clementer annuimus et prefatum monasterium, in quo diuino mancipati estis obsequio, sub beati Petri et Pauli et nostra protectione suscipimus et presentis scripti patrocinio communimus, statuentes ut quascumque possessiones, quecumque bona idem monasterium inpresentiarum iuste et canonice possidet aut in futurum concessione pontificum, largitione regum uel principum, oblatione fidelium seu aliis iustis modis prestante Domino poterit adipisci, firma uobis uestrisque successoribus et illibata permaneant. In quibus hec propriis duximus exprimenda uocabulis locum ipsum qui Acquiscinctum dicitur, et proximas uillas, Piscatoriscurtem scilicet et Vereit et Oberchicurtem, altare ipsius loci solutum a persona et ab omni exactione et redditu, sicut hactenus habuistis, capellanos etiam uestras de Piscatoriscurte et de Aymeries et de Durlendo et de Hesdinio liberos et ab omni exactione et redditu solutos, ut in omnibus uobis tantum et uestris successoribus respondeant et obediant, sicut usque nunc est obseruatum. Addidimus etiam, ut, si quis de ecclesie seruientibus infra insulam illam manentibus culpam admiserit, unde bannum aut aliquid tale persoluere debeat, in potestate uel uoluntate abbatis sit, salua tantum episcopi et archidiaconi iusticia in imponenda penitencia. Altare etiam de Vreit, altare de Oberchicourt, altare de Bruislo, altare de Villeirs et de Scleuaing et de Fenain et de Oysi in Uiconia et de Bruel et de Caontin, altare de Schercin et de Grenay et de Burssa, altare de Wendinio et de Vermella, altare de Hinges et de Dieuath, altare de Horthon et de Bailliolo, altare de Henninel et de Sancto Vulmaro, altare de Ambligehem, altare de Gisbech et de Burich et de Corrieres et de Buignastra, altare de Rumalcurte et de Sancto Remigio ante portam Cameracensem, altare etiam de Fresnoit et de Gommeniis et de Grenly, que habetis de dono Petri Cameracensis electi, altare de Trauuilier et de Trescalt et de Summen et de Wandelgies, altare de Bermeren et de Riuo et de Capella, altare de Cauuegnicourt cum omni decima de Villeirs in episcopatu Cameracensi altare de Vuluth et de Inchy et de Bussi et de Barala, altare de Salchi et de Dicleuenna et de Aingehem et de Monstriees, altare de Frasne et de Wisbeccha et de Gagge, altare de Templouio et de Polliuilla cum omnibus appendiciis suis, altare de Bellaquercu et de Bellauilla et de Bernastra, altare de Fereueris et de Herin, altare de Nigella iuxta castrum de Lens cum omnibus appendiciis suis, cambas in Cameraco et in Duaco et in Valencianis, redditus de Auesnis castro, de unaquaque uidelicet domo et de circummanentibus eiusdem castri burgensibus quatuor denarios in die Natalis Domini et de parte uille que dicitur Henninel cum tercia parte decime et molendino, curtem de Scleueng et de Brueria et de Loffres et de Albenciolo, curtem de Oysi et de Salchi et de Aluile, curtem de Barala cum terra eidem curti adiacente, quam Thomas Atrebatensis ecclesie uestre contulit curtem de Inchy et de Cauuegnicurt cum omni decima, curtem de Bileham et de Traunaruileir et de Sancto Remigio et de Poncels cum nemore de Mainencurt, et de Ernulcurt et de Ualle presbiteri, curtem de Tremoni et de Neasla et de Creenthon et de Membrechies et de Capella, curtem de Fuston et de Riuo et de Vendelgies et de Somen, curtem de Maen et de Fraisnoit et de Gagge et de Aingem, curtem de Dicleuenna et de Gellin et de Moustiers et de Templouio, curtem de Amerin cum terra, quam emistis a Waltero de Formosella, curtem de Curcellis et de Schercin et aliam de Schercin iuxta flumen Scarpe, curtem de Dorges et de Nigella iuxta Lens, curtem Sancti Uulmari et de Lohes et Gernay et de Hinges et de Bella Auesna, uillam de Henrimeis cum suis appendiciis, curtem de Bellauilla et de Poliuilla cum suis appendiciis, cutrem de Flasseroles et duas parte decime de castro Oysi et triginta hospites et dimidium molendinum, dimidium uiuarium in uilla que dicitur Inchi, Vuerimbaldi curiam, in uilla de Fraisnoit unum molendinum, quartam partem uille de Dorges dimidiam de Amerin tam in terra quam in aqua et terciam partem decime, remissiones exactionum tam de animalibus quam de uino in terra Radulfi comitis Uiromandensis, et in terra Ingelranni nobilis uiri de Fera, in terra Adam de Vuallencort, in terra Oylardi de Sancto Quintino, in terra Simonis illustris uiri de Oysi, pontenagium de Sairi et de Marceriis et de Ribodimonte, quod remisit comes Godefridus de Bulcinio, nemus etiam quod Robertus de Montegni et Robertus filius eius, Gerardus etiam de Lalaing et Simon filius eius ecclesie uestre contulerunt, theloneum quoque Duacense et totum allodium Iohannis de Bursa et quicquid ex dono ipsius et Agnetis uxoris eius habetis, curtem de Nouianth cum terra Mathei de Turmi, cum omnibus etiam que ad eamdem curtem pertinent tam in terris quam in uineis et redditibus, quicquid etiam apud prefatam uillam Nouiant inpresentiarum habetis et in futurum acquirere poteritis, ecclesiam Sancti Georgii Hisdiniensis omnino liberam et uobis in cellam perpetuo possidendam cum omnibus donationibus Ingelranni comitis et aliis beneficiis suis, altaria de Fraisnoit et de Hubi et de Villeman et de Boneriis et de Crucicolis, curtem de Capella et de cum omnibus appendiciis suis, curtem de Uaccaria et de Hatonmaisnil et de Hareuesnis, curtem de Boffles et de Boneriis, curtem de Crucicolis et de Hasnicourth cum omnibus appendiciis earum, curtem de Becherel cum molendino et uiuario et nemore et ceteris appendiciis suis, curtem de Aubin cum molendino et omnibus que ad eamdem curtem pertinent tam in terra quam in aqua et nemore et molendinum de Boin, curtem de Hubi cum omnibus appendiciis suis, quandam etiam portionem nemoris de Forestel, quam commutauit ecclesia uestra a Philippo comite Flandrie ecclesiam Sancti Supplicii apud Dorlens cum suis appendiciis scilicet curtem de Belloredditu et de Rosel cum nemore de Sery et decima de Uiconia, unam carucatam terre apud Resel, terragium de dono Iberti, mansum etiam ipsius curtis liberum, altare etiam de Bernastra, altare de Bellarquercu cum omnibus appendiciis suis, altare de Sancto Aceolo, ecclesiam Sancti Martini in eodem castro sitam in ea libertate quam habuit tempore canonicorum cum omnibus suis appendiciis, altare de Begonmaisnil, altare de Erpin, altare de Aucoce soluta a persona et a omni redditu et exactione, unam carucatam terre in Seri et terciam partem decime ipsius carucate, deeimam de Puceuuiler que de Viconia est, et de Henrissarth que de Viconia est, et quicquid habetis de dono Hugonis Corbel, ecclesiam Sancte Marie de Aimeries omnino liberam et uobis in cellam perpetuo possidendam cum omnibus appendiciis suis, Wuinghin scilicet, Altauilla, Ursegnies, Gisegnies et Clarges, altare de Hestrees et de Bassiam et decimas earundem uillarum, insuper Odam cum progenie sua, preterea mediam partem aque tocius territorii de Ameries, theloneum totum in sollempnitate ecclesie dedicationis per totam uillam, per totum uero aliud tempus in curte et in atrio et in omni loco per allodium prefate ecclesie, terras quoque siluas, aquas et prata que ab ecclesia Malbodiensi prefata ecclesia acquisiuit, carrucatam terre quam nobilis mulier Ermengardis ecclesie contulit, preterea ex dono Iberti et Gisleni de Gommenies totum alodium et terragium quod habebant apud Beri. Terminos etiam uestras auctoritate apostolica uobis confirmamus, sicut aqua de Scarpo et de Bais aliunde quoque nascens, uidelicet in terra Girardi de Lalain, hinc inde congregata per molendinum eiusdem Girardi transiens in fossatum ecclesie uestre decurrit, ipsum quoque fossatum quo a Scarpo usque ad Aquiscinctum aqua ducitur, cum exclusis utriusque ripe et piscibus eiusdem aque. Obeunte uero te nunc eiusdem loci abbate uel tuorum quolibet successorum, nullus ibi qualibet subreptionis astutia seu uiolentia preponatur, nisi quem fratres communi consensu uel fratrum pars consilii sanioris, secundum Dei timorem et beati Benedicti regulam, de suo uel de alieno si oportuerit collegio, prouiderint eligendum. Consecrationes uero altarium siue basilicarum et ordinationes monachorum, qui ad sacros ordines fuerint promouendi, a diocesano episcopo suscipietis, si quidem catholicus fuerit et gratiam atque communionem apostolice sedis habuerit et ea gratis et absque ulla prauitate uoluerit exhibere. Alioquin, pro eorumdem sacramentorum susceptione, catholicum quem malueritis antistitem adeatis qui, apostolice sedis fultus auctoritate, quod postulatur, indulgeat. Sepulturam quoque eiusdem loci omnium cellarum uestrarum omnino liberam esse decernimus, ut illorum qui se illic sepeliri deliberauerint, deuotioni et extreme uoluntati, nisi forte excommunicati sint uel interdicti, nullus obsistat, salua tamen iusticia illarum ecclesiarum a quibus mortuorum corpora assumuntur. Cum autem generale interdictum terre fuerit, liceat uobis, clausis ianuis, non pulsatis campanis, exclusis interdictis et excommunicatis, subpressa uoce diuina officia celebrare. Sane noualium uestrorum quae propriis manibus aut sumptibus colitis siue de nutrimentis uestrorum animalium nullus a uobis decimas presumat exigere. Decernimus ergo ut nulli omnino hominum liceat prefatum monasterium temere perturbare aut eius possessiones auferre uel ablatas retinere, minuere seu quibuslibet uexationibus fatigare, sed illibata omnia et integra conseruentur eorum pro quorum gubernacione et sustentacione concessa sunt usibus omnimodis profutura, salua sedis apostolice auctoritate et diocesani episcopi canonica iustitia. Si qua igitur in futurum ecclesiastica secularisue persona, hanc nostrae constitutionis paginam sciens, contra eam temere uenire temptauerit, secundo tercioue commonita, nisi presumptionem suam congrua satisfactione correxerit, potestatis honorisque sui dignitate careat reamque se diuino iudicio existere de perpetrata iniquitate cognoscat et a sacratissimo corpore ac sanguine Dei et Domini Redemptoris nostri Iesu Christi aliena fiat atque in extremo examine districtae ultioni subiaceat. Cunctis autem eidem loco sua iura seruantibus sit pax Domini nostri Iesu Christi, quatinus et hic fructum bone actionis percipiant et apud districtum iudicem premia eterne pacis inueniant. Amen. -ROTA- Ego Alexander catholice ecclesie episcopus subscripsi -BENEVALETE-. -CRUX- Ego Hubaldus Hostiensis episcopus subscripsi. -CRUX- Ego Bernardus Portuensis et sancte Rufine episcopus subscripsi. -CRUX- Ego Iohannes presbiter cardinalis tituli sanctorum Iohannis et Pauli tituli Pamachii subscripsi. -CRUX- Ego Albertus presbiter cardinalis tituli sancti Laurentii in Lucina subscripsi. -CRUX- Ego Guillelmus presbiter cardinalis tituli sancti Petri ad uincula subscripsi. -CRUX- Ego Boso presbiter cardinalis sancte Pudenciane tituli Pastoris subscripsi. -CRUX- Ego Iohannes presbiter cardinalis tituli sancti Marci subscripsi. -CRUX- Ego Theodinus presbiter cardinalis sancti Uitalis tituli Uestine subscripsi. -CRUX- Ego Petrus presbiter cardinalis tituli sancte Susanne subscripsi. -CRUX- Ego Iacinctus diaconus cardinalis sancte Marie in Cosmidyn subscripsi. -CRUX- Ego Cinthius diaconus cardinalis sancti Adriani subscripsi. -CRUX- Ego Hugo diaconus cardinalis sancti Eustachii iuxta templum Agrippe subscripsi. -CRUX- Ego Laborans diaconus cardinalis sancte Marie in porticu subscripsi. -CRUX- Ego Rainerius diaconus cardinalis sancti Georgii ad uelum aureum subscripsi. Datum Anagnie per manus Graciani sancte Romane ecclesie subdiaconi et notarii, XVII° kalendas iunii, indictione VIIII incarnationis dominice anno M°C°LXXVI°, pontificatus uero domni Alexandri pape III anno XVII°.

Source	GERZAGUET J.-P. 2005

TRADITION

Original

Non

EDITIONS ET TRAVAUX

Edition(s)	RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.174, p.314-318,
	GERZAGUET J.-P.. Les chartes de l'abbaye d'Anchin, (ARTEM. Atelier de Recherche sur les Textes Médiévaux, 6), Turnhout, 2005., n.189, p.279-283,
	CHARTAE GALLIAE. Base de données de chartes médiévales, Ressource électronique, F10459, LIEN LIEN
Travaux	RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., p.314,