‹
›
retourner aux résultats
| DiBe ID | 5522 |
| ACTEURS |
|
Auteur(s)
(= auteur de l'acte écrit) |
Fonction/titre:
évêque Nom: Pierre I d'Alsace Institution/juridiction: Cambrai Diocèse: Diocèse Cambrai Principauté: Cambrai Ordre religieux: |
|
Disposant(s) (= auteur de l'acte juridique) |
Fonction/titre:
institution monastique Nom: Institution/juridiction: Lobbes Diocèse: Diocèse Cambrai Principauté: Liège Ordre religieux: Bénédictins |
|
Fonction/titre:
autre Nom: Guy Institution/juridiction: Fontaine-l'Evêque Diocèse: Diocèse Liège Principauté: Liège Ordre religieux: |
|
|
Bénéficiaire(s)
(= bénéficiaire) |
Fonction/titre:
institution monastique Nom: Institution/juridiction: Lobbes Diocèse: Diocèse Cambrai Principauté: Liège Ordre religieux: Bénédictins |
|
Fonction/titre:
autre Nom: Guy Institution/juridiction: Fontaine-l'Evêque Diocèse: Diocèse Liège Principauté: Liège Ordre religieux: |
| DATATION |
|
Datation interprétée
(préférentielle) |
19/10/1171 (donnée par document / mentioned in document - ) |
|
Datation interprétée
(toutes) |
19/10/1171 (donnée par document / mentioned in document - ) Qualification érudite: - |
|
Date dans la charte
|
19/10/1171 |
|
Date de lieu (dans le texte) |
Cameraci |
|
Date de lieu (normalisée) |
Cambrai (FRANCE, Hauts-de-France, Nord)
Diocèse: Diocèse Cambrai Principauté: Cambrai |
| RESUME ET DESCRIPTION |
| Résumé | fait connaître l'accord intervenu entre Guy et l'abbaye au sujet d'un cours d'eau et de la limite de certains bois appartenant à l'abbaye (énumération) |
|
Description
|
Langue:
latin Véracité: document non suspecté Tradition de l'acte: copie (source diplomatique) Nature diplomatique: charte |
| TEXTE DU DOCUMENT |
| In nomine patris et filii et spiritus sancti amen. Consuete circumspectionis est ut si qua de re grandi controuersia inter aliquas personas habita iudicio seu compositione terminata fuerit perpetue scripti memorie commendetur ne forte processu temporis propter rei preterite obliuionem super ea re diffinita noue lites incipiant suscitari.eapropter ego Petrus diuina permissione Cameracensis electus tam presentibus quam futuris innotescere uolo quod inter ecclesiam beati Petri Lobiensis et Guidonem de Fontanis in presentia nostra causa uertebatur super ac in fonte et cursu eius cum terminis siluarum quibusdam et rebus subnotatis prefatus itaque Guido dicti fontis cursum ab assueto alueolo ecclesia contradicente uiolenter auerterat et alias transire coegerat quare subtractis aquis tam uiuariis quam molendinis ecclesie dampnum uiginti marcarum magni ponderis erogasse accusabatur porro cum per longinqui temporis possessionem et proprietatem synodali iudicio fons ille et cursus et cetera subnotata ecclesie Lobiensi fuissent adiudicata et testes per quos dampnum illatum ecclesie probaretur producti essent die statuta super depositionibus in presentia nostra publicandis prenominati litigatores inter se pacem composuerunt forma pacis taliter existente Guido confessus est et recognouit quod fons dictus et cursus eius de possessione et proprietate sunt ecclesie Lobiensis sicut fuerat adiudicatum se que promisit cum filiis suis et posteris eorum pacem firmam ecclesie Lobiensi super hoc et subnotatis perpetuo seruaturum de qua pace firmiter a filiis suis tenenda se ipsum constituit fideiussorem tali conditione quod si uel ipse uel filii eius super hiis omnibus molestiam aliquam aut iniuriam inferrent ecclesie Lobiensi sine causarum cognicionibus ad conquestionem eiusdem ecclesie statim excommunicarentur dampnati in uiginti marcis magni ponderis prenominatis ecclesie Lobiensi ante relaxationem excommunicacionis reddendis preterea confessus est et recognouit idem Guido coram nobis quod a fonte predicto usque ad siluam de Castellione sicut per circominaiges de Lerna Fontanis Anderlobia Forcies prestante consilium et assensum Gerardo Tudiniensi aduocato cum aliis multis uiris prudentibus fuerat declaratum totum intraiacens erat de possessione et proprietate ecclesie Lobiensis in qua silua uidelicet intraiacente mansuarii de Lerna habent mortua ligna pro foco et pro edificando uiua postulata licentia ab ecclesia tamen prius quantum uoluerit dare similiter a prato piscis usque ad pontem Bauonis et a ponte Bauonis usque ad locum Fontinelle et a Fontinella usque ad fossatam Gilardi et a fossata Gilardi usque ad fossam porcinam et a fossa porcina usque ad quercum latronis totum intraiacens et introclusum cum silua de Castellione et silua de Morignies totum est de possessione et proprietate ecclesie Lobiensis in quibus omnibus locis tam siluis quam terris sicut respiciunt et pertinent ad potestatem de Lerna in dominatum est ecclesie Lobiensis nec quicquid in eis iuris habent mansionarii sed omnis eorum questus theoloneum custodia panagium siluagium inuentio apum bannum iustitia qualiscumque et euentus omnis et inuentus sunt ecclesie Lobiensi. Si uero forestarius ecclesie prouocatus per contumacem uiolentiam sibi factam denegato pignore aduocatum interpellauerit quod proinde captum fuerit aduocato ad domum ecclesie perducetur et quando inde peruenerit aduocatus emolumenti tertiam partem habebit. Et ne Guido predictus aut eius successores imposterum recognitionem istam et pacis confirmationem in irritum malitiose reuocare nitantur presentem paginam tam nostro quam ecclesie Cameracensis sigillo ad defensionem ecclesie Lobiensis et quietem placuit insignire. Testes hujus pacis et confirmationis sunt Alardus ecclesie Cameracensis archidiaconus Hugo Cameracensis decanus magister Willielmus Galterus de sancto Martino diaconi Robertus Cameracensis prepositus Anselmus de Bellemeis cantor Egidius de Gondelcourt Hugo de Villa clerici electi Balduinus abbas sancti sepulchri et alii multi. Actum Cameraci anno dominice incarnationis 1171 mense octobri in crastino Luce euangeliste. | |
| Source | PONCELET E. 1913 |
| EDITIONS ET TRAVAUX |
|
Edition(s)
|
PONCELET E.. Cartulaire de l'église Saint-Lambert de Liège (Publications de la Commission royale d'Histoire, Series I in 4°), V-VI, Bruxelles, 1913-1933., 6, annexe 5, p.242-244, |
| Travaux | WEYN G.. Les seigneurs de Fontaine-l'Evêque des origines au milieu du XIIIe siècle, dans: Mémoires et Publications de la Société des Sciences des Arts et des Lettres du Hainaut, 96 (1992), p.18-68., p.30-31, |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
