‹
›
retourner aux résultats
| DiBe ID | 5317 |
| ACTEURS |
|
Auteur(s)
(= auteur de l'acte écrit) |
Fonction/titre:
comte/comtesse Nom: Philippe d'Alsace Institution/juridiction: Flandre-Vermandois Diocèse: Diocèse Tournai Principauté: Flandre Ordre religieux: |
|
Disposant(s) (= auteur de l'acte juridique) |
Fonction/titre:
comte/comtesse Nom: Philippe d'Alsace Institution/juridiction: Flandre-Vermandois Diocèse: Diocèse Tournai Principauté: Flandre Ordre religieux: |
|
Bénéficiaire(s)
(= bénéficiaire) |
Fonction/titre:
institution monastique Nom: Institution/juridiction: Ninove Diocèse: Diocèse Cambrai Principauté: Flandre Ordre religieux: Prémontrés |
| DATATION |
|
Datation interprétée
(préférentielle) |
24/12/1167 (terminus ante quem - DE HEMPTINNE-VERHULST) |
|
Datation interprétée
(toutes) |
24/12/1167 (terminus ante quem - DE HEMPTINNE-VERHULST) Qualification érudite: - |
| 25/12/1166 (terminus post quem - DE HEMPTINNE-VERHULST) Qualification érudite: - | |
| //1167 (donnée par document / mentioned in document - ) Qualification érudite: - | |
|
Date dans la charte
|
//1167 |
|
Date de lieu (dans le texte) |
|
|
Date de lieu (normalisée) |
Diocèse: Principauté: |
| RESUME ET DESCRIPTION |
| Résumé | se déclare l'avoué de l'abbaye et ratifie une charte de Gérard de Grimbergen dans laquelle celui-ci confirme les possessions de l'abbaye (énumération) ; PUT-PEERSMAN attribuent fautivement l'acte au comte Thierry |
|
Description
|
Langue:
latin Véracité: document non suspecté Tradition de l'acte: original Nature diplomatique: charte |
| TEXTE DU DOCUMENT |
| -CRUX- In nomine sancte et indiuidue trinitatis. Philippus dei ordinante clementia Flandrie et Viromandie comes tam futuris quam presentibus in perpetuum. Quoniam diuinorum iudiciorum dispositio mihi Flandrie et Viromandie dominium et iusticie commendauit gubernaculum pro ratione commissi talenti omnibus mee potestatis hominibus congruam tutelam ecclesiis uero christi et omnibus religionis uitam professis pre ceteris familiarem debeo protectionem utpote quorum precibus et meritis eternis recipiar tabernaculis. Eapropter Niniuensem abbatiam liberam esse et ad meam aduocatiam iure hereditario pertinere profiteor et eam in sua libertate cum suis omnibus habitis et habendis conseruare debeo. Quod et ipsum omnes post me comites Flandrenses utpote legitimi eius aduocati perpetua successione debebunt et siquis eam querela aliqua pulsauerit ubi Flandrensis curia iudicauerit de possessione et elemosina sua respondebit et hoc ei constituo decretum ne deinceps aduocatia eius de manu Flandrensium comitum dari uel exfeodari preualeat. Et quia domnus Gerardus Grinbergensis et uxor eius domna Magtildis cum liberis suis prefate abbatie possessiones et iura que ab ipsis et a predecessoribus uel hominibus suis possederat recognouerunt dederunt confirmauerunt et ad usus fratrum se conseruaturos promiserunt et me denique pacti conseruatorem consenserunt precibus ipsius domni Gerardi possessiones et iura ecclesie quasi de manibus eorum suscipio et cum ipsis et pro ipsis ecclesie recognosco do et confirmo et ad usus fratrum tueri polliceor sic tamen ut siquis deinceps pactum uiolauerit nec per fratres ecclesie corrigi ualuerit sed apud comitem querelam deponi necesse sit comes ut aduocatus ecclesie sese obiciat et digna preuaricatorem uindicta uel dampno percellat. Ut autem immobiliter pactum ipsum in perpetuum perseueret placuit tenorem eiusdem pacti et priuilegium prefati domni Gerardi suis uerbis suis continentiis et testimoniis mea auctoritate meo obligare priuilegio. Est autem huiuscemodi: Gerardus de Grinbergis et uxor eius Magtildis et filii eorum Gerardus et Arnulfus tam futuris quam presentibus in perpetuum. Quia diuina dispensante clementia domno Gerardo Niniuensis abbatie fundatori iure hereditario successimus ne ab operibus eius bonis degenerare uideamur quę bene inchoauit nos optime consummare decreuimus et quecumque ipse uel participes uel homines eius et quecumque nos uel participes uel homines nostri prefate abbatie contulerunt uel denique quecumque abbatia usque in hanc diem possidit rata fore et ab omni nostra querela libera confitemur et ad usus fratrum confirmare et tueri debemus. Siquis autem hominum nostrorum possessionem aliquam abbatie querela aliqua impetere uoluerit legitime id fieri opportebit uiolentiam autem uel perturbationem inferri ecclesie non patiemur. Siquis uero rebellis nos audire noluerit sed dominium nostrum subterfugerit et ecclesiam uexauerit nos communicato cum ecclesia consilio et auxilio quam poterimus tutelam procurabimus. Ut autem possessiones ecclesie deinceps integre et inconcusse conseruentur placuit eas que memorie occurrunt nominare et litteris et munimento nostro confirmare. Sunt autem he antiqua quecumque ecclesie possessio altare et tota decima de Niniue duo molendina iuxta atrium cum clausulis aquarum et aquis suis quicquid iacet a manso Reineri et a manso Gerardi parui usque ad terram Aline et a publica uia usque quo uiuarium clausule inferioris extenditur. Sub clausula inferiori particulam terre ad cespites fodiendos iuxta cauam plateam mansus unus iuxta atrium duo bunarii de terra Amelrici curtes Netherwic cum prato usque ad Teneram et ibidem quatuor tendicule piscatorie et piscatio in Tenera Stritmers et iuxta Stritmers duo prata curtis Waterscap et unus bunarius terre de hereditate de Netherwic XI bunarii de terra Willelmi de Merbecca XVII bunarii de terre Herbrandi aduocati IIII-or bunarii terre et dimidius silue Ridiue unus bunarius de terra Amelrici VIII bunarii et sororis eius Claricie unus bunarius sex dietarii a Balduino de Eichem Wethencot cum XV bunariis et pratum de Uedencot circumquaque usque ad fonticulum de terra Theoderici de Inferno IX dietarii terra tota de duobus Gisengem excepto uno dietario et uno bunario Ermengardis et duobus bunariis iuxta Quercetum et dimidio bunario Roberti pratum etiam de Holemersca circumquaque post curtim Lamberti usque ad Magnum Gisengem curtis Rubruc cum terris pratis et siluis a Wentersdal usque ad Hungerrot alnetum sub curia totum pratum ante curiam silua Menthot cum terminis suis supra Hungerroth III bunarii silue terra Hugonis cantis et Giselberti ungule cum pratis et siluis ecclesia de Herlinchoue cum tota decima Rostwic terre et prati VIII bunarii Uiuerbroc et Perreken cum indaginibus et terminis suis Hungerrot cum indaginibus suis Gantstrata VII bunarii cum suis indaginibus Ilant terra iuxta Anahou Henrici rog cum suis indaginibus Dunst et Pendens Quercus allodium de Roslar curtis Scora cum suis terris pratis indaginibus et Trubo cum suis appertinentiis terra quam cambiuit nobis Clarebaldus et terra Balduini de Poleka tercia pars decime de Okengem terra et silua Symonis de Ledeberga terra et silua Henrici de Lewa libertas lapidum fodiendorum et euehendorum de terra Reinsuendis de Okengem et filii suiwalteri IIII-or bunarii de terra Walteri pagani V bunarii ad foramen Gerardi dimidius bunarius. Hec et siqua sunt alia et communes in terra nostra usus in pascuis aquis et siqui sunt alii communes usus prefate ecclesie recognoscimus confirmamus et sigilli nostri appositione et hominum nostrorum et aliorum fidelium testimonio corroboramus. Signum Gerardi abbatis de Cameron. Signum Arnulfi abbatis de Hafflingem. Signum Giselberti abbatis de Eiham. Signum Gerbodi abbatis de Geraltimont. Signum Hildebrant abbatis de Get. Signum Henrici decani. Signum Herbrandi aduocati. Signum Walteri de Adengem. Signum Sigeri castellani de Alost. Signum Rabodonis de Rumest. Signum Sigeri de Halthem. Signum Nicolai de Marca. Signum Walteri de Impes. Hactenus domnus Gerardus. Has uero et ceteras ecclesię possessiones ecclesiam uidelicet de Lidekerka cum omnibus suis appertinentiis terris decimis aquis pratis piscatione lignorum et ceterorum usibus curiam de Cathem cum omnibus suis curiam de Roslar cum omnibus suis et que sunt alia habita uel habenda honor Flandrie prefate ecclesie debet custodire ablata uero uel temerata restituere uel uiolentiis iusticia obuiare ut qui contumax in his custodiendis honori Flandrie reuerentiam non detulerit sed ecclesiam perturbauerit non ei honor uel iusticia parcat Flandrensis sed sui honoris et rerum suarum detrimento et suimet ipsius periculo uindicetur. Ut autem hec omnia inconcussa deinceps conseruentur hanc munimenti mei paginam sigilli mei auctoritate et baronum meorum attestatione auctorizare curaui. Signum Roberti prepositi de Arie. Signum magistri Euerardi. Signum Eustachii camerarii. Signum Walteri Sigeri Arnulfi fratrum de Cortrai. Signum Walteri de Rolengem. Signum Bernardi de Somergem. Signum Balduini de Vehcta. Signum Willelmi de Hus de Bruges. Signum Balduini de Prat. Signum Wlurici de Rokengem. Signum Fromoldi de Wingen. Signum Henrici de Morslethe. Actum anno dominice incarnationis M° C° LX° VII° indictione XV-a epacta XXVIII-a concurrente VI-a. | |
| Source | DE HEMPTINNE TH.-VERHULST A. 1988 |
| TRADITION |
| EDITIONS ET TRAVAUX |
|
Edition(s)
|
DE HEMPTINNE TH.-VERHULST A.. De oorkonden der graven van Vlaanderen (juli 1128-september 1191) II. Uitgave. Band I: regering van Diederik van de Elzas (juli 1128-19 januari 1168) (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 1988., n.276, p.435-438, |
| Travaux | DE SAINT-GENOIS J.. Monuments anciens, essentiellement utiles à la France, aux provinces de Hainaut, Flandre, Brabant, Namur... et autres pays limitrophes de l'Empire: recueillis par le Cte Joseph de Saint-Genois, [s.l.], 1782-1804., I,1, p.477, LIEN LIEN LIEN |
| COPPIETERS STOCHOVE H.. Regestes de Philippe d'Alsace, comte de Flandre, dans: Annales de la Société d'Histoire et d'Archéologie de Gand, 7 (1906), p.1-177., n.54, p.21, LIEN LIEN | |
| GODEFROY D.-J.. Inventaire chronologique et detaillé des chartes de la chambre des comptes a Lille, s.l., s.d., n.92, p.43, | |
| PUT E.-PEERSMAN C.. Inventaris van het archief van de Sint-Cornelius- en Sint-Cyprianusabdij te Ninove (met inbegrip van archieven van het leenhof ten Berge in Woubrechtegem en de laathoven van de abdij in Ninove en Kattem). 1092-1796 (1812) (Rijksarchief te Beveren. Inventarissen), Brussel, 2008., Ressource électronique, K144 - 39, LIEN LIEN | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.482, LIEN LIEN | |
| VREDIUS O.. Sigilla comitum Flandriae et inscriptiones diplomatum ab iis editorum cum expositione historica Olivari Vredi Iuris-consulti Brug., Brugis Flandrorum, 1639., p.20, LIEN LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
