‹
›
retourner aux résultats
| DiBe ID | 506 |
| ACTEURS |
|
Auteur(s)
(= auteur de l'acte écrit) |
Fonction/titre:
pape Nom: Alexandre III Institution/juridiction: Rome Diocèse: Principauté: États pontificaux Ordre religieux: |
|
Disposant(s) (= auteur de l'acte juridique) |
Fonction/titre:
pape Nom: Alexandre III Institution/juridiction: Rome Diocèse: Principauté: États pontificaux Ordre religieux: |
|
Bénéficiaire(s)
(= bénéficiaire) |
Fonction/titre:
institution monastique Nom: Yves abbé Institution/juridiction: Tournai (S.Martin) Diocèse: Diocèse Tournai Principauté: Flandre Ordre religieux: Bénédictins |
|
Fonction/titre:
institution monastique Nom: Gautier prieur Institution/juridiction: Thourotte (S.Amand) Diocèse: Diocèse Noyon Principauté: France Ordre religieux: Bénédictins |
| DATATION |
|
Datation interprétée
(préférentielle) |
1/7/1178 (donnée par document / mentioned in document - ) |
|
Datation interprétée
(toutes) |
1/7/1178 (donnée par document / mentioned in document - ) Qualification érudite: - |
|
Date dans la charte
|
1/7/1178 |
|
Date de lieu (dans le texte) |
Laterani |
|
Date de lieu (normalisée) |
Rome (Latran) (ITALIA, Latium, Roma)
Diocèse: Principauté: États pontificaux |
| RESUME ET DESCRIPTION |
| Résumé | énumère les possessions du prieuré que l'abbaye S . Martin avait à Thourotte et les place sous sa protection |
|
Description
|
Langue:
latin Véracité: document non suspecté Tradition de l'acte: original Nature diplomatique: bulle |
| TEXTE DU DOCUMENT |
| Alexander episcopus seruus seruorum dei. Dilectis filiis Gautero priori sancti Amandi Thorotensis eius que fratribus tam presentibus quam futuris regularem uitam professis in perpetuum. Quotiens illud a nobis petitur quod religioni congruit et honestati noscitur conuenire animo nos decet libenti concedere et petentium desideriis suffragium debemus congruum impertiri. Eapropter dilecti in domino filii ad preces et instantiam dilecti filii nostri Iuonis abbatis sancti Martini Tornacensis cui prioratus uester subiectus est uestris iustis postulationibus clementer annuimus et prefatum locum in quo diuino mancipati estis obsequio sub beati Petri et nostra protectione suscipimus et presentis scripti priuilegio communimus. In primis siquidem statuentes ut ordo monasticus qui secundum dei timorem et beati Benedicti regulam in ecclesia uestra statutus esse dinoscitur perpetuis ibidem temporibus inuiolabiliter obseruetur. Preterea quascumque possessiones quecumque bona in presentiarum iuste et canonice possidetis aut in futurum concessione pontificum liberalitate regum largitione principum oblatione fidelium siue aliis iustis modis deo propitio poteritis adipisci firma uobis uestris que successoribus et illibata permaneant. In quibus hec propriis duximus uocabulis exprimenda locum ipsum in quo uestrum monasterium situm est molendinum cum aqua terras terragia uineas uinagia census et prata decimas pratorum ortorum que et fructuum et terrarum Iohannis cheuet ubicumque sint nauigium de Bella Rippa et terras circa ecclesiam adiacentes quas a sancto Stephano et sancto Richario tenetis saluis eorum decimis et terragiis et censu quicquid etiam in diuersis parrochiis monasterio uestro uicinis possidetis uidelicet in hospitibus terris pratis uineis uinagiis et censu tertiam partem totius decime de Brion quatuor minas minus et Tasnerias tertiam partem totius decime de Camberone et Machemont et ibidem annuatim duos modios auene et decimas terrarum uestrarum et quarundam aliarum apud Mares tredecim minas frumenti quas soluit uobis ecclesia sancte Margarite uiginti solidos quos soluit uobis ecclesia de Fresmont pro decima Plene Uallis medietatem totius decime de Chosdun cum tractu eius quintum passagium per terram domini eiusdem castri roagia et coltas uinearum quas sub eius dominio possidetis molendina de Claroes et de Allencurte libera duos modios frumenti in molendino de Louet et duos in molendino de Sparso Monte dimidium modium apud Baugi et tantumdem in grangia Oddonis de Longuel apud Chosdun quicquid in Nouiomo et in Compendio et in uilla de Maregni possidetis in hospitibus Furnis terris uineis et censu curiam de Diuincurte quam tenetis a sancto Stephano de Chosi et terras et prata saluis eorum decimis terragiis et censu et tribus corueis per annum et cuncta que ad domum illam pertinere noscuntur curiam de Montegni et altare cum omnibus pertinentiis suis scilicet nemore terris decimis tam frugum quam animalium sicut ea tenetis ab ecclesia sancte Marie Nouiomensis sub annuo censu duodecim solidorum monete publice et si qua alia ibidem possidetis curiam de Laceni cum omnibus ad illam pertinentibus terris scilicet pratis nemore hospitibus censu et terragiis et omnia que ab ecclesia Nouiomensi ibidem tenetis saluis clericorum terragiis et censu et decimis episcopi. liceat quoque cunctis fidelibus de suis facultatibus tam mobilibus quam immobilibus monasterio uestro dare et fratribus oblata sine ulla contradictione libere possidere. Sane noualium uestrorum que propriis manibus aut sumptibus colitis siue de nutrimentis uestrorum animalium nullus a uobis decimas exigere uel extorquere presumat. Ad has libertates et immunitates a regibus et principibus tam ecclesiasticis quam mundanis monasterio uestro rationabiliter indultas et antiquas et rationabiles consuetudines eiusdem monasterii integras et illibatas presenti decreto manere sanctimus. Sepulturam quoque ipsius loci liberam esse decernimus ut eorum deuotioni et extreme uoluntati qui se illic sepeliri deliberauerint nisi forte excommunicati uel interdicti sint nullus obsistat salua tamen iusticia illarum ecclesiarum a quibus mortuorum corpora assumentur. Decernimus ergo ut nulli omnino hominum liceat prefatum monasterium temere perturbare aut eius possessiones auferre uel ablatas retinere minuere aut aliquibus uexationibus fatigare sed omnia integra conseruentur eorum pro quorum gubernatione ac sustentatione concessa sunt usibus omnimodis profutura salua sedis apostolice auctoritate et diocesani episcopi canonica iusticia et prefati monasterii sancti Martini reuerentia et subiectione. Si qua igitur in futurum ecclesiastica secularis ue persona hanc nostre constitutionis paginam sciens contra eam temere uenire temptauerit secundo tercio ue commonita nisi satisfactione congrua id emendauerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore et sanguine dei et domini redemptoris nostri Ihesu christi aliena fiat atque in extremo examine diuine ultioni subiaceat. Cunctis autem eidem loco iusta seruantibus sit pax domini nostri Ihesu christi quatinus et hic fructum bone actionis percipiant et apud districtum iudicem premia eterne pacis inueniant. Amen. Amen. Amen. -rota- ego Alexander catholice ecclesie episcopus subscripsi-. -beneualetę -CRUX- Ego Hubaldus Hostiensis episcopus subscripsi-. -CRUX- Ego Iohannes presbiter- cardinalis- sanctorum Iohannis et Pauli tituli- Pamachii subscripsi-. -CRUX- Ego Boso presbiter- cardinalis- sancte Pudentiane tituli- pastoris subscripsi-. -CRUX- Ego Petrus presbiter- cardinalis- tituli- sancte Susanne subscripsi-. -CRUX- Ego Viuianus presbiter- cardinalis- tituli- sancti Stephani in Celio monte subscripsi-. -CRUX- Ego Iacintus sancte Marie in cosmydyn diaconus- cardinalis- subscripsi-. -CRUX- Ego Ardicio diaconus- cardinalis- sancti Theodori subscripsi-. -CRUX- Ego Cinthyus diaconus- cardinalis- sancti Adriani subscripsi-. -CRUX- Ego Hugo diaconus- cardinalis- sancti angeli subscripsi-. -CRUX- Ego Rainerius diaconus- cardinalis- sancti Georgii ad uelum aureum subscripsi-. -CRUX- Ego Arduinus diaconus- cardinalis- sancte Marie in uia lata subscripsi-. Data- Laterani- per manum Alberti sancte Romane ecclesie presbiteri cardinalis et cancellarii kalendis- iulii indictione XI-a incarnationis dominice anno M° C° LXX° VIII° pontificatus uero domini Alexandri pape III anno XVIIII. -bulla- | |
| Source | GORDIERE L.A. 1886 |
| TRADITION |
|
Original
|
Non |
| Manuscrit(s) | Tournai, Archives de l'Etat [AE], Fonds Cartulaires 79 (1201-1300) |
| Tournai, Archives de l'Etat [AE], Fonds Cartulaires 81 (1201-1300) |
| EDITIONS ET TRAVAUX |
|
Edition(s)
|
RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.193, p.333-335, |
| GORDIERE L.A.. Le prieuré de Saint-Amand de l'ordre des Bénédictins, dépendant de l'abbaye de Saint-Martin de Tournay, situé dans l'ancien diocèse de Noyon sur le terroir de Machemont (Oise), suivi de son cartulaire, Compiègne, 1886., n.32, p.183-185, | |
| Travaux | WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.253, LIEN LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
