Diplomatica Belgica - Details Chartre 4989

DiBe ID

4989

ACTEURS

Auteur(s)
(= auteur de l'acte écrit)

Fonction/titre: comte/comtesse
Nom: Thierry d'Alsace
Institution/juridiction: Flandre
Diocèse: Diocèse Tournai
Principauté: Flandre
Ordre religieux:

Disposant(s)

(= auteur de l'acte juridique)

Fonction/titre: comte/comtesse
Nom: Thierry d'Alsace
Institution/juridiction: Flandre
Diocèse: Diocèse Tournai
Principauté: Flandre
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom:
Institution/juridiction: Eaucourt
Diocèse: Diocèse Arras
Principauté: Flandre
Ordre religieux: Chanoines Saint-Augustin

DATATION

Datation interprétée (préférentielle)	24/12/1145 (terminus ante quem - DE HEMPTINNE-VERHULST)
Datation interprétée (toutes)	24/12/1145 (terminus ante quem - DE HEMPTINNE-VERHULST) Qualification érudite: -
	25/12/1144 (terminus post quem - DE HEMPTINNE-VERHULST) Qualification érudite: -
	//1145 (donnée par document / mentioned in document - ) Qualification érudite: -
Date dans la charte	//1145
Date de lieu (dans le texte)
Date de lieu (normalisée)	Diocèse: Principauté:

RESUME ET DESCRIPTION

Résumé	confirme plusieurs donations (énumération)
Description	Langue: latin Véracité: document non suspecté Tradition de l'acte: copie (source diplomatique) Nature diplomatique: charte

TEXTE DU DOCUMENT


In nomine sanctę et indiuiduę trinitatis amen. Ego Theodericus Flandriarum comes publica sanctarum scripturarum assertione religiosarum que personarum intimatione didici quod licet tota mundanę sublimitatis pulchritudo corruptioni subiaceat sola tamen elemosinarum prerogatiua ante deum nunquam deflorescit. Ut igitur apostolo precipiente: bonum operemur ad omnes maxime autem ad domesticos fidei sanctę Aiulcurtensis ecclesię fratribus totam terram arabilem et quicquid decimę in uilla que dicitur Corcelles Comitis Symon castellanus Atrebatensis de Balduino mieta in feodum tenebat et ille de me eodem Symone castellano cum Balduino ceteris que fratribus suis et Balduino mieta cum filio suo Hugone concedentibus mihi que reddentibus liberam concedo. Hanc itaque largitionem tam sigilli mei operosa impressione quam subscriptarum personarum testimonio inuiolabilem stabilem que legitime confirmo. Signum Ratsonis de Gaura. Signum Elberti de Carency. Signum Alardi de Spinoy. Signum Eustachii de Spinoy. Signum Roberti de Fossa. Signum Roberti de Maisnil. Signum Nicolai de Bailol. Signum Werinfridi de Atrebato. Signum Gualteri de Noella. Signum Balduini filii Guidonis de Noella fratris eius. Signum Adam de Hamelancourt. Signum Eustachii de Greminis. Signum Eustachii de Louwes. Signum Gamelonis de Louwes. Signum Petri de Mory. Signum Roberti de Bayloys. Tertiam quoque partem decimę de sancto Leodegario quam Garnerus de Hamelancurt de me in feodum tenens prefatę ecclesię, annuente uxore sua et filiis Warnero et Hugone coram multis testibus pro salute animę suę suorum que benigne contulit libere concedo. Ut autem ista concessio in perpetuum rata et inconuulsa persistat tam modernis quam posteris scripto priuilegii mei et sigilli mei impressione subscriptarum que personarum attestatione confirmo. Signum prefati Guarneri. Signum Anselli de Husdeng. Signum Hugonis castellani. Signum Alardi de Croysilles. Signum Petri de Mory. Signum Theobaldi de Baliolo. Signum Mathei de Barastra. Signum Rogeri macue. Signum Hugonis filii eius. Signum Adam de Hamelancurt. Signum Walteri de Spaheng. Signum Alardi senis. Signum Alardi. Signum Hugonis de Busci. Signum Roberti canesun. Signum Thietberti de Sapenies. Preterea quicquid in sarto Guicardi qui et Paganus nominatus est mihi hereditario iure contigerat quicquid etiam in terra de Colroy habebam fundum uidelicet ipsius terrę et terragium et decimam quantum ad meam partem pertinebat et quicquid per se uel per suos operarios ad proprios usus sartauerant et disruperant et deinceps sartare et disrumpere poterunt quicquid etiam in Ogeri Monte et in suis appendiciis predecessores eorum sartauerant et disruperant et ad terram arabilem seu frugiferam excoluerant quicquid etiam tam ipsi quam eorum successores per se uel per suos operarios ad proprios usus sartare et disrumpere poterunt et quantum sibi in eadem silua ad ignem et propria ędificia necessarium fuerit pro salute anime Cononis nepotis mei hoc ipsum eo inter angustias et in articulo illatę sibi mortis constituto postulante supradictę ecclesię fratribus perpetua libertate concedo. Quam largitionem indissolubilem esse uolens sigilli mei impressione et subscriptorum uirorum attestatione sanciui. Signum Iuonis Suessionensis comitis. Signum Guidonis Pontiuensis comitis. Signum Anselli de Husdeng. Signum Anselli dapiferi de Batpalmis. Signum Hugonis castellani. Signum Balduini caldrun. Signum Gualteri de Noella. Signum Balduini de Insula. Signum Hugonis de Balol. Signum Balduini rufi. Signum Thietberti de Sapenies. Signum Balduini medici. Signum Roberti de Mera. Ansellus etiam de Husdeng quicquid in predicta uilla de Corcellis habebat et tertiam partem molendini de Ballescourt cum omni dominio et roagium et duas partes piscium pendiculorum et ab eodem molendino quicquid aquę et prati continetur a ripa in ripam usque ad molendinum de Salice et totum molendinum de Getefol eidem ecclesię centum nonaginta marcharum precio uendidit. Et ut hoc firmiter teneretur et ab omnibus reclamatoribus ecclesiam inde tueretur tam ipse quam Aigelina uxor eius fide data spopondit. Fuit autem res gesta hoc in ---. Ansellus de Husdeng predicta omnia ab Ingelranno Ternensium comite Ingelrannus a me tenuerat. Reddidit ea Ansellus Ingelranno. Reddidit Ingelrannus et mihi contulit. Hoc Aigelina uxor Anselli cum Roberto filio suo concessit etiam. Ansellus et Adelidis fratres Ingelranni que quia spontanei reddiderunt et concesserunt secundum morem curię illis illorum que successoribus abiudicata sunt. Ego autem predictas possessiones de feodo alodium feci et predictę Ailcurtensi ecclesię pro salute animę meę in elemosynam dedi presentis que cartę auctoritate communiui. Signum Arnulfi comitis de Gisnes. Signum Roberti aduocati Bituniensis. Signum Gilleberti de Berges. Signum Walteri castellani de Sancto Audomaro. Signum Balduini Atrebatensis castellani. Signum Balduini de Bailliol. Signum Anselli de Bailloil. Signum Warini de Anesin. Signum Roberti Le Brun. Signum Hugonis de Baillol. Signum Petri de Mory. Signum Walteri de Marchellies. Anno domini M° C° XL° V° consulatus autem domini Theoderici predicti comitis XVI° in agro inter Legni et Bargam decime de sancto Leodegario facta est concessio apud Brai uero de Colroy et de sarto Wicardi qui et Paganus nuncupatus est de Ogeri quoque Monte largitio et in ecclesia beatę Marię de Aiulcurte ramo atque cespite facta est oblatio. De terra quoque de Corcellis et de decima eiusdem uille in Atrebatensi urbe in domo Vurici confirmata est largitio.

Source	DE HEMPTINNE TH.-VERHULST A. 1988

TRADITION

Original	Non
Manuscrit(s)	Paris, Bibliothèque nationale de France [BNF], Collection MOREAU 61 ()
	Arras, Médiathèque Palais Saint-Vaast [BM], Manuscrit 205 (1601-1700)

EDITIONS ET TRAVAUX

Edition(s)	DE HEMPTINNE TH.-VERHULST A.. De oorkonden der graven van Vlaanderen (juli 1128-september 1191) II. Uitgave. Band I: regering van Diederik van de Elzas (juli 1128-19 januari 1168) (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 1988., n.85, p.142-145,
Travaux	DE HEMPTINNE TH.-VERHULST A.. De oorkonden der graven van Vlaanderen (juli 1128-september 1191) II. Uitgave. Band I: regering van Diederik van de Elzas (juli 1128-19 januari 1168) (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 1988., p.142,