Diplomatica Belgica - Details Chartre 4954

DiBe ID

4954

ACTEURS

Auteur(s) (= auteur de l'acte écrit)	Fonction/titre: comte/comtesse Nom: Thierry d'Alsace Institution/juridiction: Flandre Diocèse: Diocèse Tournai Principauté: Flandre Ordre religieux:
Disposant(s) (= auteur de l'acte juridique)	Fonction/titre: comte/comtesse Nom: Thierry d'Alsace Institution/juridiction: Flandre Diocèse: Diocèse Tournai Principauté: Flandre Ordre religieux:
	Fonction/titre: autre Nom: Niger (Raoul) Institution/juridiction: Testerep Diocèse: Diocèse Tournai Principauté: Flandre Ordre religieux:
Bénéficiaire(s) (= bénéficiaire)	Fonction/titre: institution monastique Nom: Institution/juridiction: S.Amand Diocèse: Diocèse Tournai Principauté: Flandre Ordre religieux: Bénédictins
	Fonction/titre: autre Nom: Niger (Raoul) Institution/juridiction: Testerep Diocèse: Diocèse Tournai Principauté: Flandre Ordre religieux:

DATATION

Datation interprétée (préférentielle)	18/3/1133 (donnée par document / mentioned in document - )
Datation interprétée (toutes)	18/3/1133 (donnée par document / mentioned in document - ) Qualification érudite: -
Date dans la charte	18/3/1133
Date de lieu (dans le texte)	Brugis
Date de lieu (normalisée)	Bruges (BELGIË, Vlaams Gewest, West-Vlaanderen) Diocèse: Diocèse Tournai Principauté: Flandre

RESUME ET DESCRIPTION

Résumé	déclare que Raoul a vendu à l'abbaye un fief , qu'il tenait de lui dans la paroisse de Bredene , que l'abbaye peut garder ce fief comme alleu et qu'il a donné ce bien en fief à Raoul
Description	Langue: latin Véracité: document non suspecté Tradition de l'acte: copie (source diplomatique) Nature diplomatique: charte

TEXTE DU DOCUMENT


In nomine patris et filii st spiritus sancti. Iustum est ut terrenorum principum auctoritas siue potestas ecclesiis dei prouideat et earum commodis studiosius inseruiat quatinus et ipsarum ecclesiarum dei oratio deuota ipsis principibus apud summum omnium principem deum prodesse ualeat. Proinde ego Theodericus dei miseratione comes Flandrie quibus que successoribus meis omnibus etiam tam presentibus quam futuris fidelibus notum fieri per huius inscriptionis testamentum uolo quod Radulphus niger de Testereth uiginti mensuras terre que sunt iuxta Testereth in parrochia de Bredenah quas de me in feodum tenebat ecclesie beati Amandi XL marchis argenti uendiderit. Que uenditio quoniam sine meo assensu et uoluntate firma manere non poterat ipse Radulphus ipsum feodum in presentia baronum meorum michi sponte sua reddidit. Et ego illud ecclesie beati Amandi concessi dedi et legaliter confirmaui ut deinceps predicta ecclesia predictum feodum non iam sicut feodum sed sicut suum allodium cum redditibus suis in propria inuestitura iure hereditario habeat et teneat pro suo arbitrio disponat et ordinet et omnino cum plena libertate et quiete perpetuo possideat. Huic mee concessioni siue traditioni assensit ipse Radulphus filii fratres et cognati eius quorum nomina inferius notata sunt qui et pacem ecclesie omni tempore omni modo super hac re se seruaturos fidei atestatione confirmauerunt. Illud etiam ad euidentius rei testimonium huic scripto inserere uolui quod ipse Radulphus quantum terre de meo feodo uendidit tantumdem michi de suo allodio tradidit et ego illud sicut iam de iure meo ne seruitium perderem illi in feodum habendum reddidi. Super hoc ut a nostra sublimitate et hec commutatio et presens commutationis inscriptio firmum obtineat uigorem et inconuulsam stabilitatem testimonium legitimarum personarum et sigilli mei impressionem supposui. Signum Frumaldi clerici. Signum Basilii clerici. Signum Gerardi clerici. Signum Gualcheri scabini aduocati. Signum Heionis scabini Tangradi filii. Signum Balduini scabini Hugonis filii. Signum Rainbaldi scabini de Dudesella. Signum Rogeri scabini Erenfridi filii. Signum Herenfridi scabini de Stenes. Signum Gualteri scabini de Sclipes. Signum Lodbreth scabini de Iadbeca. Signum Lamberti scabini Siobbal. Hec sunt nomina hominum meorum feodatorum qui interfuerunt signum Hachet castellani. Signum Geruasii. Signum Theoderici de Guasia. Signum Euerardi de Gandauo. Signum Lamberti de Rideuorth. Signum Arnulphi de Orscampo. Signum Lamberti de Guinghimes. Actum Brugis anno ab incarnatione domini M° C° XXXIII° XV kalendas aprilis. Hi sunt qui fidem dederunt Radulphus Eustachius et Gualterus filii eius Herbertus et Bertulfus generi eius Gualcherus et Hurswina fratres eius Raingerus patruus eius Radulphus Wippeswit Erenfridus Rainbaldus lac Basilius clericus.

Source	DE HEMPTINNE TH.-VERHULST A. 1988

TRADITION

Original	Non
Manuscrit(s)	Lille, Archives départementales du Nord [AD], 12 H 2 (1201-1300)

EDITIONS ET TRAVAUX

Edition(s)

DE HEMPTINNE TH.-VERHULST A.. De oorkonden der graven van Vlaanderen (juli 1128-september 1191) II. Uitgave. Band I: regering van Diederik van de Elzas (juli 1128-19 januari 1168) (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 1988., n.20, p.45-46,