‹
›
retourner aux résultats
| DiBe ID | 489 |
| ACTEURS |
|
Auteur(s)
(= auteur de l'acte écrit) |
Fonction/titre:
comte/comtesse Nom: Philippe d'Alsace Institution/juridiction: Flandre Diocèse: Diocèse Tournai Principauté: Flandre Ordre religieux: |
|
Disposant(s) (= auteur de l'acte juridique) |
Fonction/titre:
comte/comtesse Nom: Philippe d'Alsace Institution/juridiction: Flandre Diocèse: Diocèse Tournai Principauté: Flandre Ordre religieux: |
|
Bénéficiaire(s)
(= bénéficiaire) |
Fonction/titre:
avoué Nom: Etienne Institution/juridiction: Marchiennes Diocèse: Diocèse Arras Principauté: Flandre Ordre religieux: |
|
Fonction/titre:
institution monastique Nom: Jean I abbé Institution/juridiction: Marchiennes Diocèse: Diocèse Arras Principauté: Flandre Ordre religieux: Bénédictins |
| DATATION |
|
Datation interprétée
(préférentielle) |
16/2/1166 (donnée par document / mentioned in document - DE HEMPTINNE-VERHULST/COPPIETERS STOCHOVE) |
|
Datation interprétée
(toutes) |
16/2/1166 (donnée par document / mentioned in document - DE HEMPTINNE-VERHULST/COPPIETERS STOCHOVE) Qualification érudite: - |
| 16/2/1167 (nouveau style / new style - DUVIVIER) Qualification érudite: - | |
|
Date dans la charte
|
16/2/1166 |
|
Date de lieu (dans le texte) |
apud Insulam |
|
Date de lieu (normalisée) |
Lille (FRANCE, Hauts-de-France, Nord)
Diocèse: Diocèse Tournai Principauté: Flandre |
| RESUME ET DESCRIPTION |
| Résumé | expulse de Marchiennes l'avoué qui prétendait y séjourner contrairement aux droits de l'abbaye et confirme les actes de ses prédécesseurs concernant l'avouerie |
|
Description
|
Langue:
latin Véracité: document non suspecté Tradition de l'acte: original Nature diplomatique: charte |
| TEXTE DU DOCUMENT |
| -CRUX- In nomine sanctę et indiuiduę trinitatis. Prouide satis et sollerter antiquorum excogitauit sollertia ut ad memoriam posteris transmittendam litteris commendarent et confirmarent quęque iuste instituerant uel a predecessoribus suis bene instituta esse cognouerant. Unde ego Philippus per dei misericordiam comes Flandriarum notum uolo fieri tam futuris quam presentibus patre meo comite Theoderico Iherosolimis existente Iohannem Marcianensis ęcclesię abbatem et monachos in mei et baronum meorum presentia frequenter querimoniam deposuisse pro iniuriis et uariis oppressionibus quas Stephanus dictus aduocatus eidem ęcclesię inferebat et maxime quia apud Marcianas uillam sanctę Rictrudis contra uoluntatem abbatis et monachorum manebat et in hoc predeccessorum meorum instituta et priuilegia transgrediens. Ad audiendam igitur utriusque partis controuersiam tam abbati quam Stephano diem denominaui. Ad hanc itaque apud Insulam conuenerunt Stephanus cum parentela sua abbas quoque et monachi cum cartis et priuilegiis suis que antecessores mei comes scilicet Balduinus marchio et comes Karolus conscribi et suorum impressione sigillorum corroborari fecerant. Quę cum in audientia omnium qui conuenerant lecta essent et Stephanus prout melius poterat respondisset ipso et fratribus suis audientibus a baronibus meis iuste et concorditer iudicatum est quod continentia priuilegiorum que ibi allata erant usquequaque per me teneri et adimpleri deberet et libertas prefatę ęcclesię in omnibus conseruari nec debebat nec poterat aliquis aduocatus nec aliqua terrena potestas nolente ęcclesia manere ubicumque potestatem haberet beata Rictrudis et siquis per uiolentiam ibi manere aliquando presumpserit a comite Flandriarum inde expellendus est. Dictante ergo iusticia et concordi baronum meorum iudicio eieci Stephanum cum suis heredibus de uilla Marcianensi in omnibus iure suo eis reseruato sicut antecessores mei scriptum reliquerant et hic quoque subnotatum inuenitur. Hęc sunt igitur quę in potestatibus ęcclesię accipiet aduocatus de omni forisfractura ubi ęcclesia ope indigens eum in auxilium uocauerit si per iusticiam eius aliquid adquisierit ipse terciam partem habebit. Quod si non fuerit uocatus nichil omnino habebit. Maiores dabunt ei in natiuitate domini II° sextaria uini et II°s capones et ipse cibabit eos et homines eorum pane et carne et uino. In pascha dabunt ei II° sextaria uini tantum. Adiutorium tempore obsidionis uel hostilitatis generalis IIII-or uel V-e ebdomadarum accipiet in potestatibus de carruca II°s solidos de dimidia unum de operario diuite an paupere III-es denarios. Coccus ęcclesię pistor cambarius et qui cum carro de nemore ligna adducit nichil dabunt ei quia liberi sunt. In hoste quoque regali per manus ministrorum abbatię accipiet in potestatibus VIII° palefridos. Et hoc semel in anno si necessitas euenerit. Sin autem nichil omnino accipiet. Palefridos ferrare faciet hominibus qui eos ducent in uictu et calciamentis prouidebit. Cum fuerit reuersus statim omnes palefridos illos restituet dominis suis. Quod donec fecerit nichil pro eo facient nec ęcclesia nec homines ęcclesię. Preter hęc nichil debet habere aduocatus in ęcclesia nec ista accipere nisi per manus ministrorum abbatię. Pro molendinis enim II°bus qui sunt in uilla Berberia et pro II carrucatis terre que sunt in Noella quas Albricus abbas dedit supradicto comiti Balduino et comes idem beneficium dedit Hugoni hauet de Albiniaco qui post eundem comitem primus ęcclesię constitutus est aduocatus debet seruire ęcclesię et promptus semper esse adiutor aduocatus. Sciendum quoque est quod equalem potestatem habebunt omnes hospites potestatum tam aduena quam indigena et quia aduocatus bannum non faciet nec precarias nec latronem accipiet nec coreuias nec palefridos nec ministri eius aliquid accipient. Non interpellabit quemquam ad campum de hominibus ęcclesię sed ille contra quem aget iudicio scabinorum cum sacramento sola manu purgabit se. Nec licet ei nec alicui terrene potestati in dominicatu nec in uilla aliqua sancte Rictrudis contra uoluntatem abbatis uel monachorum manere nec conuiuia preparare nec placita tenere nec denariorum uel pecunię collectionem ab incolis exigere nec uiolentiam aliquam inferre. Iterum non licet ei terras ęcclesię emere aut in uadimonium accipere nec seruos nec ancillas eiusdem ęcclesię in feodo militibus dare nec aliquid ab illis per uiolentiam exigere. In siluis quoque et nemoribus sancte Rictrudis uel in aquis ipsius nullum habet ius nec potestatem nec homines ęcclesię contra uoluntatem abbatis manutenere potest. Hęc superius litteris comprehensa a Balduino comite Attrebati confirmata et sigilli sui impressione et subscriptione testium corroborata sunt presente Hugone hauet cui comes supradictos molendinos et II carrucatas dedit ut esset ęcclesię promptus adiutor. Quod si negligeret coram comite et baronibus suis iudicauerit ex ore suo ut ipse et successores eius datum supradictum et aduocationem quam de comite tenebant perderent. Comes etiam Karolus eius successor scripto suo auctoritate sui sigilli impresso et suorum testimonio baronum hęc eadem confirmauit. Ego etiam Philippus dei gratia Flandriarum comes ad humilem Iohannis supradicti abbatis et monachorum quę apud Insulam facta est petitionem suggerente etiam et concedente comite Theoderico patre meo qui reuersus erat de Iherosolimis dictante etiam iusticia et baronibus meis iudicantibus quod antecessorum meorum priuilegia per me tenenda et adimplenda essent in hac pagina statuo et decerno sub sigilli mei impressione et annotatione testium ut libertas prefatę ęcclesię sicut a supradictis predecessoribus meis constituta inuenta est et hic annotata perpetuam optineat firmitatem nec aduocatus nec quilibet alius eorum quę in priuilegiis nostris communiter scripta sunt quicquam audeat infringere. Signum Theoderici comitis. Signum Mathei comitis Bolonie. Signum Hugonis abbatis sancti Amandi. Signum Hugonis abbatis sancti Petri Gandensis. Signum Roberti prepositi de Area. Signum Walteri monachi de Subrenghim. Signum Roberti aduocati Betuniensis. Signum Eustachii camerarii. Signum Rogeri dapiferi. Signum Hellini filii eius. Signum Michahelis conestabuli. Signum Rogeri de Cison. Signum Rogeri castellani Curtriacensis. Signum Balduini castellani Yprensis. Signum Willelmi castellani Sancti Audomari. Signum Hugonis castellani Insulensis. Signum Walteri de Locris. Signum Sigeri de Subrenghim. Signum Walteri Attrebatensis. Signum Gerardi prepositi Duacensis. Signum Amolrici de Landast. Signum Bernardi de Rusbais. Signum Wenemari de Biez. Signum Roberti de Landast. Signum Hugonis de Lambris. Signum Gerardi de Forest. Signum Gerardi de Landast. Signum Willelmi de Ruma. Signum Iohannis de Balos. Signum Roberti de Gondulcurt. Nouerint quoque tam futuri quam presentes quod in presentia nostra et curię nostre Stephanus et Rainerus filius eius quicquid barones mei iudicauerant et carte presentes attestabantur se omnino obseruaturos fide et sacramento ibi polliciti sunt patre meo et me inde fideiussoribus constitutis. Actum apud Insulam anno domini M° C° LX° VI° XIIII kalendas martii feria quarta. | |
| Source | DE HEMPTINNE TH.-VERHULST A. 1988 |
| TRADITION |
| EDITIONS ET TRAVAUX |
|
Edition(s)
|
DE HEMPTINNE TH.-VERHULST A.. De oorkonden der graven van Vlaanderen (juli 1128-september 1191) II. Uitgave. Band I: regering van Diederik van de Elzas (juli 1128-19 januari 1168) (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 1988., n.255, p.404-407, |
| Travaux | COPPIETERS STOCHOVE H.. Regestes de Philippe d'Alsace, comte de Flandre, dans: Annales de la Société d'Histoire et d'Archéologie de Gand, 7 (1906), p.1-177., n.48, p.19, LIEN LIEN |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.293, LIEN LIEN | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.226, LIEN LIEN | |
| BRUCHET M.. Répertoire numérique. Série H. Tome I. Fonds bénédictins et cisterciens. 1 H à 35 H (Archives départementales du Nord), Lille, 1928., col.2, p.190, LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
