Diplomatica Belgica - Details Chartre 488

DiBe ID

488

ACTEURS

Auteur(s)
(= auteur de l'acte écrit)

Fonction/titre: comte/comtesse
Nom: Thierry d'Alsace
Institution/juridiction: Flandre
Diocèse: Diocèse Tournai
Principauté: Flandre
Ordre religieux:

Disposant(s)

(= auteur de l'acte juridique)

Fonction/titre: comte/comtesse
Nom: Thierry d'Alsace
Institution/juridiction: Flandre
Diocèse: Diocèse Tournai
Principauté: Flandre
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom: Jean I abbé
Institution/juridiction: Marchiennes
Diocèse: Diocèse Arras
Principauté: Flandre
Ordre religieux: Bénédictins

DATATION

Datation interprétée (préférentielle)	16/2/1166 (donnée par document / mentioned in document - DE HEMPTINNE-VERHULST)
Datation interprétée (toutes)	16/2/1166 (donnée par document / mentioned in document - DE HEMPTINNE-VERHULST) Qualification érudite: -
	16/2/1167 (nouveau style / new style - DUVIVIER) Qualification érudite: -
Date dans la charte	16/2/1166
Date de lieu (dans le texte)	Insulae
Date de lieu (normalisée)	Lille (FRANCE, Hauts-de-France, Nord) Diocèse: Diocèse Tournai Principauté: Flandre

RESUME ET DESCRIPTION

Résumé	confirme les règlements d'avouerie concédés à l'abbaye par ses prédécesseurs Baudouin V et Charles , comtes de Flandre
Description	Langue: latin Véracité: document non suspecté Tradition de l'acte: original Nature diplomatique: charte

TEXTE DU DOCUMENT


-CRUX- In nomine sanctę et indiuiduę trinitatis. Prudenter satis antiquorum excogitauit sollertia ut litteris commendarent et confirmarent quę honeste ac recte a se facta posteros latere nolebant. Unde et ego Theodericus dei gratia Flandrensium comes ad noticiam tam futurorum quam presentium hic annotari iussi qualiter comes Balduinus marchio proauus meus beatę Rictrudis Marcianensis abbatiam per CCCC uel eo amplius annos hoc est a sui constitutione ab omni redditu aduocationis semper fuisse liberam coram baronibus suis Attrebati cognouerit et testatus sit annuens humili petitioni Alberici abbatis et fratrum ipsius ęcclesię suggerente etiam et concedente Adela comitissa coniuge sua filia regis Roberti. Sed quoniam preualente secularium nequitia ad sui defensionem aduocato indigebat supradictus abbas dedit ipsi comiti duos molendinos qui sunt in uilla Berberia et duas carrucatas terrę in uilla Nigella ut esset ęcclesię fidelis aduocatus et defensor ipsa tamen ęcclesia in sua antiqua libertate semper manente. Comes autem molendinos illos cum terra supradicta dedit Hugoni hauet de Albiniaco eo tenore ut in omnibus esset ęcclesię Marcianensis promptus adiutor. Quod si negligeret coram comite et baronibus suis iudicauit ut et ipse et successores eius datum supradictum et aduocationem quam de eo tenebant perderent. Et hęc sunt que ei in potestatibus ęcclesię concessa sunt. De omni forisfractura ubi ęcclesia ope indigens eum in auxilium uocauerit si per iusticiam eius aliquid adquisierit ipse terciam habebit partem. Quod si non fuerit uocatus nichil omnino debebit habere. Maiores ęcclesię dabunt ei in natiuitate domini II° sextaria uini et II°s cappones et ipse cibabit eos et famulos eorum pane carne et uino. In pascha dabunt ei II° sextaria uini tantum. Adiutorium tempore obsidionis uel hostilitatis generalis IIII-or uel V-e ebdomadarum accipiet in potestatibus de carruca scilicet II°s solidos de dimidia unum de operario diuite uel paupere III-es denarios. Coccus ęcclesię magister pistorum cambarius magister pistorum et qui cum carro de nemore ligna adducit nichil dabunt ei quia omnino ab omni redditu semper liberi erunt. In hoste quoque regali per manus ministrorum abbatię in potestatibus accipiet VIII° palefridos. Et hoc semel in anno si necessitas euenerit. Sin autem nichil omnino. Palefridos ferrare faciet hominibus qui eos ducent in uictu et calciamentis prouidebit. Cum fuerit reuersus statim omnes palefridos illos restituet dominis suis. Quod donec fecerit nichil pro eo faciet ęcclesia nec homines ęcclesię. Preter hęc nichil debet habere aduocatus in ęcclesia nec ista accipere nisi per manus ministrorum abbatię. Pro supradictis enim molendinis et terra ut prediximus seruire debet ęcclesię et semper promptus esse adiutor. Non bannum faciet nec precarias nec latronem accipiet nec coreuias nec palefridos nec ministri eius aliquid accipient. Sciendum quoque quod non interpellabit quemquam ad campum de hominibus ęcclesię sed ille contra quem aget iudicio scabinorum cum sacramento sola manu purgabit se. Nec licet ei nec alicui terrenę potestati in aliqua uilla sancte Rictrudis contra uoluntatem abbatis uel monachorum manere nec conuiuia preparare nec placita tenere nec denariorum uel pecunię collectionem ab incolis exigere nec ullam uiolentiam inferre. Equalem libertatem habebunt omnes hospites potestatum tam aduena quam indigena. Iterum non licet ei terras ęcclesię emere aut in uadimonium accipere nec seruos nec ancillas in feodo militibus dare nec aliquid ab illis per uiolentiam exigere. In siluis quoque sancte Rictrudis uel in aquis ipsius nullam habet potestatem nec homines ęcclesię contra uoluntatem abbatis manutenere potest. Hęc superius litteris comprehensa a Balduino comite proauo meo Attrebati confirmata et sigilli sui impressione et subscriptione testium corroborata sunt. Comes etiam Karolus eius successor scripto suo auctoritate sui sigilli impresso et suorum testimonio baronum hęc eadem confirmauit. Ego etiam Theodericus dei gratia Flandrensium comes ad humilem Iohannis abbatis et monachorum quę apud Insulam facta est petitionem suggerente etiam filio meo comite Philippo dictante etiam iusticia et baronibus meis iudicantibus quod antecessorum meorum priuilegia per me tenenda et adimplenda essent in hac pagina statuo et decerno sub sigilli mei impressione et annotatione testium ut libertas prefatę ęcclesię sicut a supradictis predecessoribus meis constituta inuenta est et hic annotata perpetuam optineat firmitatem nec aduocatus nec quilibet alius eorum quę in priuilegiis nostris communiter scripta sunt quicquam audeat infringere. Signum mei Theoderici comitis. Signum Philippi comitis filii mei. Signum Mathei comitis Bolonię filii mei. Signum Hugonis abbatis sancti Amandi. Signum Hugonis abbatis sancti Petri Gandensis. Signum Roberti prepositi de Area. Signum Roberti aduocati Betuniensis. Signum Eustachii camerarii. Signum Rogeri dapiferi. Signum Hellini filii eius. Signum Michahelis conestabuli. Signum Rogeri de Cison. Signum Rogeri castellani Curtriacensis. Signum Willelmi castellani Sancti Audomari. Signum Balduini castellani Yprensis. Signum Hugonis castellani Insulensis. Signum Walteri de Locris. Signum Walteri Attrebatensis. Signum Sigeri de Subrenghim. Signum Gerardi prepositi Duacensis. Signum Bernardi de Rusbais Amolrici de Landast Wenemeri de Biez Gerardi de Forest Hugonis de Lambris Gerardi et Roberti de Landast. Signum Willelmi de Ruma. Actum Insule anno domini M° C° LX° VI° XIIII° kalendas martii feria quarta. Nouerint quoque tam futuri quam presentes quod Stephanus qui quandam partem huius aduocationis tenebat et eandem ęcclesiam ualde infestabat a filio meo Philippo cum essem Iherosolimis submonitus die denominata cum Rainero filio suo Insulę uenit in presentia mea cum fuissem reuersus in presentia quoque filiorum meorum et principum suprascriptorum ibi quicquid in aduocatione supradicta iniuste reclamabat cum fide et sacramento guerpiuit.

Source	DE HEMPTINNE TH.-VERHULST A. 1988

TRADITION

Original	Oui Lille, Archives départementales du Nord [AD], 10H 56/964
Manuscrit(s)	Lille, Archives départementales du Nord [AD], 10 H 323 (1101-1600)
	Lille, Archives départementales du Nord [AD], 10 H 325 (1770)
	Paris, Bibliothèque nationale de France [BNF], Collection MOREAU 74 ()

EDITIONS ET TRAVAUX

Edition(s)	DE HEMPTINNE TH.-VERHULST A.. De oorkonden der graven van Vlaanderen (juli 1128-september 1191) II. Uitgave. Band I: regering van Diederik van de Elzas (juli 1128-19 januari 1168) (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 1988., n.254, p.402-404,
Travaux	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.479, LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.293, LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.226, LIEN LIEN