‹
›
retourner aux résultats
| DiBe ID | 4464 |
| ACTEURS |
|
Auteur(s)
(= auteur de l'acte écrit) |
Fonction/titre:
archevêque Nom: Adolphe I de Berg-Altena Institution/juridiction: Cologne Diocèse: Diocèse Cologne Principauté: Basse-Lotharingie Ordre religieux: |
|
Disposant(s) (= auteur de l'acte juridique) |
Fonction/titre:
archevêque Nom: Adolphe I de Berg-Altena Institution/juridiction: Cologne Diocèse: Diocèse Cologne Principauté: Basse-Lotharingie Ordre religieux: |
|
Bénéficiaire(s)
(= bénéficiaire) |
Fonction/titre:
institution monastique Nom: Simon abbé Institution/juridiction: Reims (S.Remi) Diocèse: Diocèse Reims Principauté: France Ordre religieux: Bénédictins |
|
Fonction/titre:
institution monastique Nom: Institution/juridiction: Meerssen Diocèse: Diocèse Liège Principauté: Basse-Lotharingie Ordre religieux: Bénédictins |
| DATATION |
|
Datation interprétée
(préférentielle) |
//1195 (donnée par document / mentioned in document - ) |
|
Datation interprétée
(toutes) |
//1195 (donnée par document / mentioned in document - ) Qualification érudite: - |
| //1125 (date impossible / impossible date - DIPLOMATA BELGICA: COPIE MEERSSEN 10/11) Qualification érudite: - | |
|
Date dans la charte
|
//1195 |
|
Date de lieu (dans le texte) |
|
|
Date de lieu (normalisée) |
Diocèse: Principauté: |
| RESUME ET DESCRIPTION |
| Résumé | à l'exemple des évêques de Liège , confirme à la prévôté de Meerssen (NEDERLAND, Limburg, Meerssen) , dépendance de l'abbaye rémoise , ses statuts et ses possessions |
|
Description
|
Langue:
latin Véracité: document non suspecté Tradition de l'acte: original Nature diplomatique: charte |
| TEXTE DU DOCUMENT |
| In nomine sanctae et indiuiduae trinitatis. Adolphus Dei gratia sanctae Coloniensis aecclesiae humilis minister. Uenerabili in Christo fratri Simone abbati monasterii sancti Remigii eiusque fratribus tam presentibus quam futuris regularem uitam professis in perpetuum. Ex iniuncto nobis a Deo presulatus officio debitores sumus, si quid in uinea domini nobis credita utiliter plantatum fuerit, nostri assensus benedictione irrigare et fidelis scripture testimonio incrementum dare, utque actus nostri sub debita habeantur memoria et piae sollicitudinis posteris relinquamus exempla. Proinde quae in diebus sacerdotii nostri ad requiem et commodum uenerabilis domus beati Remigii a uenerabilibus episcopis Leodiensis aecclesiae Alexandro, Alberone, Heinrico et archidyaconis Herimanno, Ottone, qui et ipse diebus nostris adhuc superest, pie et laudabiliter ordinata sunt, ob reuerentiam Dei uiuentis et uenerabilem memoriam preciosi confessoris beati Remigii presentis scripti patrocinio uoluntarie approbamus et communimus, ut libertatem et requiem, quam prefati uenerabiles uiri prefato monasterio in aecclesia Marne et pertinentiis suis reuerenter indulserunt, quiete et inconcusse ex hoc in reliquum Deo auctore obtineant, sicut sequens docebit scriptura. Ut uidelicet tam in prepositura quam in canoniis decedentibus clericis, qui prefatae aecclesiae beneficia possident, iuxta prouidentiam et dispositionem uestram et successorum uestrorum, dilecte in Christo frater Symon abba et uenerabiles in domino fratres, loco clericorum decedentium monachi subrogentur. Prepositus uero, qui ex parte uestra uel successorum uestrorum eidem loco prefuerit, sacerdotem sub tali prebenda, qualem ipse prepositus consensu abbatis et fratrum cenobii sancti Remigii constituit, Leodiensi archidiacono presentabit, a quo nimirum animarum cura sibi committetur et ipsi sacerdos de omni episcopali et synodali iure secundum Leodiensis episcopatus consuetudinem respondebit, hoc plane adiuncto et determinato, ut ab omni parrochiali officio monachi eiusdem loci penitus absoluantur. Prebenda autem sacerdotis de uoluntate abbatis sancti Remigii et totius capituli et prepositi Marnensis constituta haec est: decima de Houtem magna et minuta et in eadem uilla quatuor bonualia terrae cum omnibus oblationibus capellae eiusdem uillae exceptis hiis, quae obsequiis defunctorum presente defuncto offerri solent, de illis enim quarta tantum pars sacerdotis erit, item quarta pars omnium oblationum aecclesiae de Marsna et in tota parrochia quarta pars de beneficio unctionis infirmorum et de elemosinis,, quae tam ipsi sacerdoti quam monachis relinquuntur, quarta pars et de censu beati Remigii uiginti solidos Leodiensis monetae. Cetera omnia ad aecclesiam illam spectantia auctoritate apostolica usibus monachorum collata sunt. Item conceduntur ad usus eorum decimae noualium totius parrochiae et totius allodii. Conceditur etiam eisdem monachis aecclesiae chorus de Marne ad seruiendum Deo et quatuor capellae ad eandem aecclesiam pertinentes et ad capellas pertinentia, quas prepositus ita ordinet, ut ibidem seruiatur Deo. Ad haec adicientes statuimus, ut, quascumque possessiones, quaecumque bona in presentiarum eadem aecclesia iuste et canonice possidet aut in futurum concessione pontificum, liberalitate regum, largitione principum, oblatione fidelium seu aliis iustis modis Deo propitio poterit adipisci, firma ei perpetuo et illibata permaneant. Hanc ergo nostrae confirmationis paginam sigilli nostri impressione communitam uenerabili cenobio sancti Remigii contulimus auctoritate beati Petri et nostra statuentes, ut, quicumque tam piae ordinationis sua temeritate perturbator extiterit, quousque condigne resipiscens satisfaciat, horrendi anathematis uinculo districte subiaceat. Huius rei testes sunt: Luodewicus maior in Colonia prepositus, Godefridus prepositus sancti Gereonis, Cunradus prepositus sancti Seuerini, Tirricus prepositus sancti Andreae, Tirricus sanctorum Apostolorum prepositus, Radolphus maioris aecclesiae in Colonia scolasticus, Godefridus capellarius, Radolphus prepositus de Marsna et Guido monachus, Tirricus comes de Wide, Wilhelmus comes Iuliacensis et Gerardus frater eius, Henricus de Hokeniswagin, Herimannus aduocatus, Herimannus de Alftra, Adam pincerna, Otto camerarius. Data est haec confirmationis pagina anno incarnati uerbi M°C°XCV°, indictione XIII-a, regnante Henrico glorioso et inuicto Romanorum imperatore augusto anno imperii eius V-to, pontificatus nostri anno II°. | |
| Source | RAMACKERS J. 1932 |
| TRADITION |
| EDITIONS ET TRAVAUX |
|
Edition(s)
|
RAMACKERS J.. Niederrheinische Urkunden und Briefe des 12. und 13. Jahrhunderts aus französischen und belgischen Archieven und Bibliotheken, dans: Annalen des Historischen Vereins für den Niederrhein insbesondere das alte Erzbistum Köln, 121 (1932), p.61-78., n.7, p.75-77, |
| Travaux | KNIPPING R.. Die Regesten der Erzbischöfe von Köln im Mittelalter, II (1100-1205) (Publikationen der Gesellschaft für Rheinische Geschichtkunde, 21), Bonn, 1901., 2, n.1499, p.302, LIEN LIEN |
| HAAS J.A.K.. Chronologische lijst van de charters gedateerd voor 1301 (Rijksarchief in Limburg, 6), Maastricht, 1972., n.48, p.33, | |
| POIRIER-COUTANSAIS F.. Les abbayes bénédictines du diocèse de Reims, dans: Gallia Monastica. Tableaux et cartes de dépendances monastiques publiés sous la direction de J.-F. LEMARIGNIER, I, Paris, 1974., p.41, 79, | |
| REGIONAAL HISTORISCH CENTRUM LIMBURG. Proosdij Meerssen (Charters), 968-1746, Toegangsnummer: 14.D033 (J.A.K. Haas, Plaatsingslijst van de charters der proosdij Meerssen 968-1746, Maastricht, 2000), Ressource électronique, n.1016, LIEN LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
