Diplomatica Belgica - Details Chartre 4363

DiBe ID

4363

ACTEURS

Auteur(s)
(= auteur de l'acte écrit)

Fonction/titre: pape
Nom: Innocent II
Institution/juridiction: Rome
Diocèse:
Principauté: États pontificaux
Ordre religieux:

Disposant(s)

(= auteur de l'acte juridique)

Fonction/titre: pape
Nom: Innocent II
Institution/juridiction: Rome
Diocèse:
Principauté: États pontificaux
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom: Luc abbé
Institution/juridiction: Liège (Mont-Cornillon)
Diocèse: Diocèse Liège
Principauté: Liège
Ordre religieux: Chanoines Saint-Augustin

DATATION

Datation interprétée (préférentielle)	4/5/1143 (donnée par document / mentioned in document - )
Datation interprétée (toutes)	4/5/1143 (donnée par document / mentioned in document - ) Qualification érudite: -
Date dans la charte	4/5/1143
Date de lieu (dans le texte)	Laterani
Date de lieu (normalisée)	Rome (Latran) (ITALIA, Latium, Roma) Diocèse: Principauté: États pontificaux

RESUME ET DESCRIPTION

Résumé	confirme à l'abbaye ses possessions et lui accorde des privilèges (énumération)
Description	Langue: latin Véracité: document non suspecté Tradition de l'acte: tradition inconnue Nature diplomatique: bulle

TEXTE DU DOCUMENT


Innocentius episcopus seruus seruorum dei dilectis filiis Lucae abbati ecclesiae sanctorum apostolorum in Monte Cornelio iuxta Leodium sitae eius que fratribus tam praesentibus quam futuris regularem uitam professis in perpetuum. Ad hoc nobis ecclesiae catholicae cura a summo pastore deo commissa est ut dei seruos paternis affectibus diligamus et eo amplius studeamus ipsorum deuotionem modis omnibus confouere quo feruentius ipsis disciplinis ecclesiasticis et sanctorum patrum regulis inhaerere noscuntur tunc enim deo gratus apostolicus impeditur famulatus si sanctorum locorum salubris institutio rigor et ordo nostris patrociniis in religionis puritate fuerint conseruata. Ea propter dilecti in domino filii uestris iustis postulationibus clementer annuimus et praefatam ecclesiam in qua diuino mancipati estis obsequio sub beati Petri et nostra protectione suscipimus et presentis scripti priuilegio communimus statuentes ut quascumque possessiones quaecumque bona in praesentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis deo propitio poterit adipisci firma uobis uestris que successoribus et illibata permaneant. In quibus haec propriis duximus exprimenda uocabulis in Viler qui dicitur episcopi terram Udelini Gisleberti et Hillini cum domibus cortiliis et pratis. In urbe Leodii 25 solidos quos de suo thelonio singulis annis Obertus episcopus in dedicatione ecclesiae uobis donauit. Domum quam dedit Lambertus de Mosa et duas mensas forenses et hortum monti ecclesiae uestrae adiacentem et quatuor solidos Rodulphi de uico sancti- Ioannis quos pro anima sua ecclesiae uestrae donauit terram quam dedit supradictus Lambertus de Mosa in uilla quae dicitur Lantins cum domibus et cortiliis. Terram quam dedit uobis Fredericus uillicus de Iupilia et uxor eius Mabilia in eadem uilla Lantins. Terram etiam quam dedit uobis Gislebertus et uxor eius Richeldis in uilla quae dicitur Hollonia super Iecoram et in altera uilla quae dicitur Hastaples cum domibus cortiliis pratis censu denariorum. Praeterea quidquid habetis in uilla quae appellatur Richen scilicet in ecclesia in censu denariorum in terra arabili in syluis pratis terris cultis et incultis quidquid etiam habetis in uilla quae dicitur Melcherul et in sarto quod appellatur Colieres in loco qui dicitur Heys siue curtus Aufridi et in uilla quae dicitur Gonherys scilicet in ecclesia beati Petri et sancti Georgii in decima in censu denariorum in terra arabili et in syluis pratis pascuis terris cultis et incultis et in uilla quae appellatur Radenchen scilicet domum hospitalem cum suis pertinentiis. Sane laborum uestrorum quos propriis manibus aut sumptibus colitis siue de nutrimentis uestrorum animalium nullus omnino clericus uel laicus decimas a uobis exigere praesumat. Ordinem quoque et propositum uestrum canonice uiuendi secundum beati Augustini regulam et institutionem Praemonstratensis ecclesiae nullus audeat immutare uel super uos ordinem alterius professionis inducere nulli etiam fratrum uestrorum post factam ibidem professionem absque abbatis et capituli sui licentia liceat ex eodem claustro discedere discedentem uero nullus audeat retinere oleum autem infirmorum consecrationes altarium uel ecclesiarum ac ordinationes clericorum a dioecesano episcopo accipiatis si gratiam sedis apostolicae habuerit et ea uobis gratis et sine exactione aliqua exhibere uoluerit alioquin eadem a quolibet catholico accipiatis episcopo qui nostra fultus authoritate quod postulatur indulgeat. Porro libertatem ecclesiae uestrae ab episcopis Oberto et Alberone priuilegio determinatam atque firmatam assensu Leodiensis ecclesiae uobis authoritate appostolica confirmamus. Decernimus ergo ut nulli omnino hominum liceat praefatam ecclesiam temere perturbare aut eius possessiones auferre uel ablatas retinere minuere aut aliquibus uexationibus fatigare sed omnia integra conseruentur eorum pro quorum gubernatione et sustentatione concessa sunt usibus omnimode profutura salua dioecesani episcopi canonica iusticia. Si quae igitur in futurum ecclesiastica secularis ue persona hanc nostrae constitutionis paginam sciens contra eam temere uenire tentauerit secundo tertio ue commonita si non satisfactione congrua emendauerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore et sanguine dei et domini redemptoris nostri Iesu christi aliena fiat atque in extremo examine districtae ultioni subiaceat cunctis autem eidem loco iura seruantibus sit pax domini nostri Iesu christi quatenus et hic fructum bonae actionis percipiant et apud districtum iudicem praemia aeternae pacis inueniant amen amen amen. -CRUX- Ego Innocentius catholicae ecclesiae episcopus. l s datum Laterani per manum Gerardi sanctaę Romanae ecclesiae presbyteri- cardinalis- ac bibliothecarii IV nonas- maii indictione VI incarnationis dominicae anno M C XLIII pontificatus d-- d-- Innocenti papae secundi anno 14.

Source	HUGO C.L. 1734

TRADITION

Original	Oui Liège, Archives de l'Evêché, Mont-Cornillon 1
Manuscrit(s)	Liège, Archives de l'Evêché, G IV 7 (1601-1700)

EDITIONS ET TRAVAUX

Edition(s)	HUGO C.L.. Sacri et canonici ordinis Praemonstratensis annales. Probationes, 2 vol., Nancy, 1734-1736., 1, col.273-274, LIEN LIEN
Travaux	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 1, n.8362, p.911, LIEN LIEN LIEN LIEN LIEN LIEN LIEN
	COENEN J.. Limburgsche Oorkonden (98-1340), 4 vol., Maaseik, 1932-1942., 1, n.347, p.153-154,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.240, LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.239, LIEN LIEN