‹
›
retourner aux résultats
| DiBe ID | 4152 |
| ACTEURS |
|
Auteur(s)
(= auteur de l'acte écrit) |
Fonction/titre:
pape Nom: Adrien IV Institution/juridiction: Rome Diocèse: Principauté: États pontificaux Ordre religieux: |
|
Disposant(s) (= auteur de l'acte juridique) |
Fonction/titre:
pape Nom: Adrien IV Institution/juridiction: Rome Diocèse: Principauté: États pontificaux Ordre religieux: |
|
Bénéficiaire(s)
(= bénéficiaire) |
Fonction/titre:
institution monastique Nom: Withardus abbé Institution/juridiction: Flône Diocèse: Diocèse Liège Principauté: Liège Ordre religieux: Chanoines Saint-Augustin |
| DATATION |
|
Datation interprétée
(préférentielle) |
13/11/1156 (donnée par document / mentioned in document - ) |
|
Datation interprétée
(toutes) |
13/11/1156 (donnée par document / mentioned in document - ) Qualification érudite: - |
|
Date dans la charte
|
13/11/1156 |
|
Date de lieu (dans le texte) |
Laterani |
|
Date de lieu (normalisée) |
Rome (Latran) (ITALIA, Latium, Roma)
Diocèse: Principauté: États pontificaux |
| RESUME ET DESCRIPTION |
| Résumé | confirme les possessions et les immunités de l'abbaye (énumération) |
|
Description
|
Langue:
latin Véracité: document non suspecté Tradition de l'acte: original Nature diplomatique: bulle |
| TEXTE DU DOCUMENT |
| Adrianus episcopus seruus seruorum dei dilectis filiis Giuardo abbati ecclesie beati Mathei de Flona eius que fratribus tam presentibus quam futuris regularem uitam professis in perpetuum. Religiosam uitam eligentibus apostolicum conuenit adesse presidium ne forte cuiuslibet temeritatis incursus aut eos a proposito reuocet aut robur quod absit sacre religionis infringat. Quo circa dilecti in domino filii uestris iustis postulationibus clementer annuimus et prefatam ecclesiam in qua diuino mancipati estis obsequio sub beati Petri et nostra protectione suscipimus et presentis scripti priuilegio communimus statuentes ut quascumque possessiones quecunque bona eadem ecclesia impresentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis procurante domino poterit adipisci firma uobis uestris que successoribus et illibata permaneant. In quibus hec propriis duximus exprimenda uocabulis ecclesiam baptismalem de Flona cum omnibus pertinentiis suis et uennam que est in Mosa quicquid in Hotine possidetis quicquid iuris habetis in silua de Claromonte et de Heximala possessionem quam in Vingiz habetis sartum de Gislebreceies ecclesiam baptismalem de Iahira et decimam et allodium quod in eadem uilla habetis cum molendino et allodium quod Hermaengardis et filius eius Nicholaus uobis legitime concesserunt duas ecclesias in Helencines superiori et inferiori cum omnibus decimis suis salua conuentione pacis quam inter ecclesiam de Flona et abbatem de Helencines uenerabilis frater noster Henricus Leodiensis episcopus mediante Gerlando Floreffiensi abbate noscitur statuisse allodium quod in eadem uilla habetis in agris pratis pascuis et aquarum decursibus possessionem omnem quam in Aionis Curte habetis possessionem quam in Hultem habetis quod in Gest et in Wines possidetis allodium quod in Rosut habetis possessionem quam in Hunafia habetis tam in ecclesia quam in uilla quicquid in uilla de Velerue habetis ecclesiam baptismalem et decimam de Drait quod in Warnanz habetis ecclesiam baptismalem de Antea cum omnibus pertinentiis suis molendinum de Vmbrai ecclesiam de Bossoit baptismalem et quicquid in eadem uilla habetis quod in Tillieres in Vileir in uilla in ecclesia et in decima de Mandale habetis et censum quem in Fiez habetis. Statuimus autem ut ordo canonicus qui secundum deum et beati Augustini regulam in eodem loco noscitur institutus perpetuis ibidem temporibus inuiolabiliter obseruetur. Obeunte uero te nunc eiusdem loci abbate uel tuorum quolibet successorum nullus ibi qualibet surreptionis astutia seu uiolentia preponatur nisi quem fratres communi consensu uel fratrum pars consilii sanioris secundum deum et beati Augustini regulam prouiderint eligendum. Decernimus ergo ut nulli omnino hominum liceat supradictam ecclesiam temere perturbare aut eius possessiones auferre uel ablatas retinere minuere seu quibuslibet uexationibus fatigare sed illibata omnia et integra conseruentur eorum pro quorum gubernatione et sustentatione concessa sunt usibus omnimodis profutura salua sedis apostolice auctoritate et dyocesani episcopi canonica iustitia. Si qua igitur in futurum ecclesiastica secularis ue persona hanc nostre constitutionis paginam sciens contra eam temere uenire temptauerit secundo tertio ue commonita nisi presumptionem suam congrua satisfactione correxerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Ihesu christi aliena fiat atque in extremo examine districte ultioni subiaceat. Cunctis autem eidem loco sua iura seruantibus sit pax domini nostri Ihesu christi quatenus et hic fructum bone actionis percipiant et apud districtum iudicem premia eterne pacis inueniant. Amen. Amen. Amen. -rota- ego Adrianus catholicę ecclesię episcopus subscripsi-. Monogramma-. Ego Ymarus Tusculanus episcopus subscripsi-. Ego Guido presbiter- cardinalis- tituli- sancti Grisogoni subscripsi-. Ego Hubaldus presbiter- cardinalis- tituli- sancte Praxedis subscripsi-. Ego Manfredus presbiter- cardinalis- tituli- sanctę Sauinę subscripsi-. Ego Octauianus presbiter- cardinalis- tituli- sanctę Cecilię subscripsi-. Ego Henricus presbiter- cardinalis- tituli- sanctorum Nerei et Achillei subscripsi-. Ego Otto diaconus- cardinalis- sancti Georgii ad uelum aureum subscripsi-. Ego Guido diaconus- cardinalis- sancte Marie in porticu subscripsi-. Ego Odo diaconus- cardinalis- sancti Nicholai in carcere Tulliano subscripsi-. Datum- Laterani- per manum Rolandi sancte Romane ecclesie presbiteri cardinalis et cancellarii idus- nouembris- indictione V-a incarnationis dominice anno M° C° L° VI° pontificatus uero domini Adriani pape IIII anno secundo. | |
| Source | RAMACKERS J. 1934 |
| TRADITION |
| EDITIONS ET TRAVAUX |
|
Edition(s)
|
RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.81, p.207-209, |
| Travaux | WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.196, LIEN LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
