Diplomatica Belgica - Details Chartre 4063

DiBe ID

4063

ACTEURS

Auteur(s)
(= auteur de l'acte écrit)

Fonction/titre: pape
Nom: Alexandre III
Institution/juridiction: Rome
Diocèse:
Principauté: États pontificaux
Ordre religieux:

Disposant(s)

(= auteur de l'acte juridique)

Fonction/titre: pape
Nom: Alexandre III
Institution/juridiction: Rome
Diocèse:
Principauté: États pontificaux
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom: Philippe II abbé
Institution/juridiction: Park
Diocèse: Diocèse Liège
Principauté: Brabant (Leuven)
Ordre religieux: Prémontrés

DATATION

Datation interprétée (préférentielle)	10/9/1179 (donnée par document / mentioned in document - )
Datation interprétée (toutes)	10/9/1179 (donnée par document / mentioned in document - ) Qualification érudite: -
Date dans la charte	10/9/1179
Date de lieu (dans le texte)	Sigy
Date de lieu (normalisée)	Segni (ITALIA, Latium, Roma) Diocèse: Principauté: États pontificaux

RESUME ET DESCRIPTION

Résumé	prend l'abbaye sous sa protection et confirme ses possessions (énumération) et ses privilèges
Description	Langue: latin Véracité: document non suspecté Tradition de l'acte: copie (source diplomatique) Nature diplomatique: bulle

TEXTE DU DOCUMENT


Alexander, episcopus, seruus seruorum Dei, dilectis filiis Philippo, abbati sancte Marie in Parco, eiusque fratribus tam presentibus quam futuris regularem uitam professis in perpetuum. Cum simus ad curam et regimen uniuersalis ecclesie, licet immeriti, prouidentia superne dispositionis assumpti, si quando postulantur a nobis que ad ecclesiarum tuitionem pertineant, petentium desideriis clementer decet nos condescendere et eorum uota effectu prosequente complere. Eapropter, dilecti in Domino filii, uestris iustis postulationibus clementer annuimus et prefatum locum, in quo diuino mancipati estis obsequio, sub beati Petri et nostra protectione suscipimus et presentis scripti priuilegio communimus. Statuentes ut quascumque possessiones, quecumque bona eadem ecclesia in presentiarum iuste et canonice possidet aut in futurum concessione pontificum, largitione regum uel principum, oblatione fidelium seu aliis iustis modis prestante Domino poterit adipisci, firma uobis uestrisque successoribus et illibata permaneant, in quibus hec propriis duximus exprimenda uocabulis: locum in quo prefata ecclesia sita est cum omnibus pertinentiis suis, parchum Louaniensem cum appendiciis suis, molendinis et terre circumiacentibus, ecclesiam de Cella cum dote sua et decimis maioribus et minoribus, ecclesiam de Litbaica cum dote sua et decimis suis, terram de Barla, terciam partem de duabus partibus decime de Lacu, terram de Hegenhoua et Gadenbos, terram de Sancto Medardo et molendinum, terram de Fossam cum molendinis et uiuariis et siluam que inter ipsa uiuaria sita est, terram de Fossam et Hildeberga quam Gerardus de Hildeberga uestre ecclesie contulit, terram de Morsle, terram de Nothengem cum appendiciis suis et decima, terram de Hermelengem, terram de Meldbruch, allodia de Wesenbecha, de Oppem, de Wolua, de Stocla, molendina de Heuerla, prata de Viulcela, allodium de Landen, terram de Rode cum pratis et appendiciis suis, ecclesiam de Rode cum dote sua et medietatem decimationis maioris et minoris eiusdem uille, terram de Veldune cum appendiciis suis et molendinis, quartam partem decime de Wechere, de Hach et de Wackersele, terram de Sconebuca cum siluis et appendiciis suis, terram de Bersela, terram de Gansorne, terram de Ceila cum iure suo et quicquid quadragenaria possessione quiete possidetis. Sane noualium uestrorum que propriis manibus aut sumptibus colitis, siue de nutrimentis uestrorum animalium, nullus a uobis decimas exigere uel extorquere presumat. Cum autem generale interdictum terre fuerit, liceat uobis, clausis ianuis, exclusis excommunicatis et interdictis, non pulsatis campanis, suppressa uoce diuina officia celebrare. Liceat quoque uobis clericos uel laicos e seculo fugientes liberos et absolutos ad conuersionem recipere et eos sine contradictione aliqua retinere. Prohibemus insuper ut nulli fratrum uestrorum post factam in eodem loco professionem liceat de claustro discedere, nisi obtentu arcioris religionis, discedentem non absque communi litterarum cautione nullus audeat retinere. Caballum quem archidiaconus pro abbatis institutione in stallo suo simoniace requirit, dari et exigi prohibemus. Preterea nouas et indebitas exactiones ab archiepiscopis, episcopis, archidiaconis seu decanis aliisue omnibus ecclesiasticis personis omnino fieri prohibemus. Sepulturam quoque illius loci liberam esse concedimus ut eorum deuotioni et extreme uoluntati qui se illic sepeliri deliberauerint, nisi forte excommunicati sint uel interdicti, nullus obsistat, salua tamen iusticia parrochialium ecclesiarum a quibus mortuorum corpora assumuntur. Obeunte uero te, nunc eiusdem loci abbate, uel tuorum quolibet successorum nullus ibi qualibet surreptionis astutia seu uiolentia preponatur, nisi quem fratres communi consensu uel fratrum pars sanioris consilii secundum Dei Timorem et beati Augustini regulam prouiderint eligendum. Decernimus ergo ut nulli omnino hominum liceat eandem ecclesiam temere perturbare aut eius possessiones auferre uel ablatas retinere, minuere seu quibuslibet uexationibus fatigare, sed omnia integra conseruentur eorum pro quorum gubernatione ac sustentatione concessa sunt usibus omnimodis profutura, salua sedis apostolice auctoritate et diocesani episcopi canonica iusticia. Si qua igitur in futurum ecclesiastica secularisue persona hanc nostre constitutionis paginam sciens contra eam temere uenire temptauerit, secundo tercioue canonica, nisi reatum suum congrua satisfactione correxerit, potestatis honorisque sui dignitate careat reamque se diuino iudicio existere de perpetrata iniquitate cognoscat et a sacratissimo corpore ac sanguine Dei et Domini Redemptoris nostri Iesu Christi aliena fiat atque in extremo examine districte ultioni subiaceat. Cunctis autem eidem loco sua iura seruantibus sit pax Domini nostri Iesu Christi, quatinus et hic fructum bone actionis percipiant et apud districtum iudicem premia eterne pacis inueniant; amen. Ego Alexander, catholice ecclesie episcopus. Ego Aubaldus, Hostiensis episcopus. Ego Theodinus, Portuensis et sancte Rufine episcopus. Ego Gratianus, diaconus cardinalis sanctorum Cosme et Damiani. Ego Matheus, sancte Marie noue diaconus cardinalis. Datum Signie, per manum Alberti, sancte Romane ecclesie presbiteri cardinalis et cancellarii, IIII idus septembris, indictione XII-a, incarnationis dominice anno M° C° LXXVIII°, pontificatus uero domini Alexandri pape III anno XX°.

Source	DILLO M.-VAN SYNGHEL G.A.M. 2000

TRADITION

Original	Non
Copie(s) séparée(s)	Heverlee, Archief Abdij Park,
Manuscrit(s)	Heverlee, Archief Abdij Park, Cartulaire B (ancien A/11)-Rayon VII-24 (1201-1300)
	Heverlee, Archief Abdij Park, Cartulaire D (ancien D14)-Rayon VII-26 (1401-1500)
	Heverlee, Archief Abdij Park, Chartrier ()

EDITIONS ET TRAVAUX

Edition(s)	DILLO M.-VAN SYNGHEL G.A.M.. Oorkondenboek van Noord-Brabant tot 1312, II. De heerlijkheden Breda en Bergen op Zoon, 1 (709-1288) (Instituut voor Nederlandse Geschiedenis), 2 vol., Den Haag, 2000., II,1, n.916, p.109-111, LIEN LIEN
Travaux	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.13469, p.350, LIEN LIEN LIEN LIEN LIEN LIEN LIEN
	DILLO M.-VAN SYNGHEL G.A.M.. Oorkondenboek van Noord-Brabant tot 1312, II. De heerlijkheden Breda en Bergen op Zoon, 1 (709-1288) (Instituut voor Nederlandse Geschiedenis), 2 vol., Den Haag, 2000., II,1, p.109, LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.587, LIEN LIEN