‹
›
retourner aux résultats
| DiBe ID | 4029 |
| ACTEURS |
|
Auteur(s)
(= auteur de l'acte écrit) |
Fonction/titre:
évêque Nom: Henri de Leez Institution/juridiction: Liège Diocèse: Diocèse Liège Principauté: Liège Ordre religieux: |
|
Disposant(s) (= auteur de l'acte juridique) |
Fonction/titre:
évêque Nom: Henri de Leez Institution/juridiction: Liège Diocèse: Diocèse Liège Principauté: Liège Ordre religieux: |
|
Bénéficiaire(s)
(= bénéficiaire) |
Fonction/titre:
institution monastique Nom: Fulbert prieur Institution/juridiction: Géronsart Diocèse: Diocèse Liège Principauté: Namur Ordre religieux: Chanoines Saint-Augustin |
| DATATION |
|
Datation interprétée
(préférentielle) |
//1149 (donnée par document / mentioned in document - ) |
|
Datation interprétée
(toutes) |
//1149 (donnée par document / mentioned in document - ) Qualification érudite: - |
|
Date dans la charte
|
//1149 |
|
Date de lieu (dans le texte) |
|
|
Date de lieu (normalisée) |
Diocèse: Principauté: |
| RESUME ET DESCRIPTION |
| Résumé | nomme Fulbertus prieur de Géronsart et confirme à l'abbaye ses possessions |
|
Description
|
Langue:
latin Véracité: document non suspecté Tradition de l'acte: copie (source diplomatique) Nature diplomatique: charte |
| TEXTE DU DOCUMENT |
| In nomine patris et filii et spiritus sancti amen. Ego Henricus dei gratia Leodiensis episcopus huius nominis secundus notum facio omnibus ecclesie christifidelibus tam futuris quam presentibus quia predecessor noster bone memorie domnus Albero episcopus huius nominis primus rogatu fratris Iohannis sacerdotis aliorum que dei seruorum cum eo sub regula sancti Augustini canonice uiuentium partem predii episcopalis iuxta Iamnedam intra terminos sancte Marie Namucensis liberalitate sua deo et sancto Augustino obtulit et eisdem dei seruis per manum Lamberti comitis qui aduocatus erat ipsius predii firma et legitima donatione contradidit. Ubi a predictis dei seruis cooperante fidelium deuotione ecclesia constructa est nouo opere et plures inibi deo seruientes adunati sunt. Quorum honesta conuersatione permotus predecessor noster Alexander deuotione sua eiusdem ecclesie applicuit eam que in honorem dei ad titulum sancte Marie semper uirginis sancti que Augustini episcopali benedictione dedicauit atque ad ampliandum ipsius atrium de predio episcopali superaddidit. Et ne qua ex hoc in posterum suboriri posset controuersie calumpnia certis ab adiacenti terra discreuit terminis et tam ea que ab antecessore nostro predicto Alberone collata fuerant quam que ipse Alexander contulerat in dotem ac possessionem perpetuam legaliter confirmauit. Domnus quoque Albero secundus spe diuine misericordie subnixus eundem locum dilexit ei que fratrem Iohannem sacerdotem preficiens in omnibus utilitati et paci seruorum dei inibi commanentium paterne consuluit ita ut omnem siluam adiacentem et loca pascualia necessariis eorum usibus sicut prius tenebant absque exactionis alicuius respectu perpetualiter indulsit ut tam in usu ignis necessario quam in construendis siue fulciendis edificiis competens habeant ex eius munificentia beneficium et sufficiens ac perpetuum in quoscunque usus necessarios solatium. Nos itaque memorandis eorum exemplis premoniti loci etiam augmentatione gaudentes et magnam de nostris addimus fiduciam et cuncta que a bonis predecessoribus nostris loco predicto collata sunt concedimus et confirmamus. Et quemadmodum predictus Albero secundus eidem loco predictum Iohannem preposuit ea scilicet ratione ut more aliarum ecclesiarum nostrarum in quibus regulariter uiuitur fratribus et omnibus illic deo seruientibus tamquam pater et prior uerbo et exemplo in corpore et in anima prodesse studeret nulli que persone nisi sibi et successoribus nostris scilicet Leodiensis ecclesie episcopis super hoc responderet sic nos quoque sub eadem conditione fratrem Fulbertum eiusdem loci prelatione donamus. Confirmamus ei etiam ecclesiam de Herpens quam nobilis mulier Haduidis uidua cum filio suo Philippo per manum Berengeri de Lez liberi hominis predicto Alberoni secundo legaliter tradidit ad opus predictorum fratrum illic deo seruientium. Quod si quis presentium uel futurorum hec aliquando infringere temptauerit et quietem seruorum dei iniquis machinationibus presumpserit perturbare hunc modis omnibus ac perpetue maledictionis anathemate condempnamus. Unde in testimonium confirmationis karta hec precepto nostro conscripta et sigilli nostri est impressione signata. Et de hiis qui presentes fuerunt testes ydonei adhibiti sunt supramemoratus Berengerus de Lez per cuius manum traditio hec facta est comes Otto de Duras Wilelmus aduocatus de Ciney Theodericus de Argentel frater eius. Confirmationis huius testes sunt Alexander prepositus Hubertus decanus Almaricus archidiaconus Bruno archidiaconus et ceteri quam plures. Actum est hoc anno ab incarnatione domini M° C° XL° IX° indictione XII. | |
| Source | BARBIER J. 1867 |
| TRADITION |
| EDITIONS ET TRAVAUX |
|
Edition(s)
|
BARBIER J.. Documents extraits du cartulaire du chapitre de Fosses, dans: Analectes pour servir à l'Histoire ecclésiastique de la Belgique, 4 (1867), p.396-422; p.489-505., n.1, p.464-466, |
| Travaux | DEREINE CH.. Les chanoines réguliers au diocèse de Liège avant saint Norbert (Académie royale de Belgique, Classe des Lettres et des Sciences morales et politiques, Mémoires 47, fasc.1), Bruxelles, 1952., p.85-87, |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.732, LIEN LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
