Diplomatica Belgica - Details Chartre 3940

DiBe ID

3940

ACTEURS

Auteur(s)
(= auteur de l'acte écrit)

Fonction/titre: pape
Nom: Célestin III
Institution/juridiction: Rome
Diocèse:
Principauté: États pontificaux
Ordre religieux:

Disposant(s)

(= auteur de l'acte juridique)

Fonction/titre: pape
Nom: Célestin III
Institution/juridiction: Rome
Diocèse:
Principauté: États pontificaux
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom:
Institution/juridiction: S.Ghislain
Diocèse: Diocèse Cambrai
Principauté: Hainaut
Ordre religieux: Bénédictins

DATATION

Datation interprétée (préférentielle)	27/7/1191 (donnée par document / mentioned in document - )
Datation interprétée (toutes)	27/7/1191 (donnée par document / mentioned in document - ) Qualification érudite: -
Date dans la charte	27/7/1191
Date de lieu (dans le texte)	Rome apud sanctum Petrum
Date de lieu (normalisée)	Rome (S.Pierre) (ITALIA, Latium, Roma) Diocèse: Principauté: États pontificaux

RESUME ET DESCRIPTION

Résumé	prend l'abbaye sous sa protection et lui confirme ses possessions (énumération) et ses droits
Description	Langue: latin Véracité: document non suspecté Tradition de l'acte: copie (source diplomatique) Nature diplomatique: bulle

TEXTE DU DOCUMENT


Celestinus episcopus seruus seruorum dei dilectis filiis abbati monasterii sancti Gisleni eius que fratribus tam praesentibus quam futuris regularem uitam professis in perpetuum. Quotiens a nobis petitur quod religioni et honestati conuenire dignoscitur animo nos decet libenti concedere et petentium desideriis congruum suffragium impertiri eapropter dilecti in domino filii uestris iustis postulationibus clementer annuimus et praefatum monasterium sancti Gisleni in quo diuino estis obsequio mancipati ad exemplar praedecessorum nostrorum felicis recordationis Alexandri et Lucii Romanorum pontificum sub beati Petri et nostra protectione suscipimus et praesentis scripti priuilegio communimus inprimis siquidem statuentes ut ordo monasticus qui secundum deum et beati Benedicti regulam in eodem monasterio institutus esse dignoscitur perpetuis ibidem temporibus inuiolabiliter obseruetur praeterea quascumque possessiones quaecumque bona idem monasterium in praesentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis praestante domino poterit adipisci firma uobis uestris que successoribus et illibata permaneant in quibus haec propriis duximus exponenda uocabulis locum ipsum in quo praefatum monasterium situm est cum omnibus pertinentiis suis uillam Hornut cum omnibus pertinentiis suis in uilla Slogia curtem dominicatam et carrucatam terrae arabilis cum curtilibus et omni decima tam ipsius terrae quam omnium feodorum eiusdem uillae decimas quas habetis de terris sancti Petri decimam de uinea Hugonis Villare quod dicitur Ultra Montes cum appenditiis suis Harminiacum et Beweniis decimam de curte et de terris sancti Landelini in nouella terram arabilem unius carrucatae quartam partem uillae Blelgiis cum pertinentiis suis et districto uillam Waherias et curtem dominicatam ab omni aduocatione et decima liberam in uilla quae dicitur Wamia allodium Gonteri et aegidii filii eius de Cing terram que Hugonis de Aengien cum aliis terris curtilibus redditibus pratis et siluis partem uillae Durni cum uilla et districto ecclesiam quam sub annuo censu centum solidorum Cameracensis monetae ab ecclesia sancti Gaugerici possidetis in uilla Chauren curtem dominicatam cum terris pratis aquis siluis et curtilibus et portione decimae ab omni dominio libera et ab aliis partibus diuisa in uilla quae dicitur Harchies tres fertones ad pondus Flandriae quae Alnensis debet ecclesia pro terra Heluidis in Resbaco curtem dominicatam et tres partes totius allodii tam in terris quam in siluis in aquis pratis et redditibus cum districto apud Runcherias sex marcas argenti ad pondus Coloniae quas debet Camberonensis ecclesia sub annuo censu pro eiusdem loci terris et altari cum capella de Herieriponte altare de Cella cum appenditiis suis Hornut et Quaternione ecclesiam de Durno cum appenditiis suis Blelgiis Hercana Astices et Slogio ecclesiam de Villari cum appendiciis suis Harminiaco et Bewengiis ecclesiam de Wamia cum suis pertinentiis Wamiolo et Resiniis Basecles cum appendiciis suis Altregium cum capella de uilla cum omnibus appendiciis suis ab omni exactione liberum praeter episcopi obsonium apud Imbrechies curtem et terras dominicatas cum pratis et aquis duas partes communis allodii ab omni exactione liberas altare de Bossut a personatu et ab omni exactione liberum praeter annuum sex solidorum redditum pro episcopi obsonio altare de Baldurno cum appendicio suo Villeroth ab omni exactione liberum praeter annuum trium solidorum redditum pro episcopi obsonio altare de Eligenies et de Tumaides capellam de Ramegnies liberam a personatu et omni exactione praeter episcopi obsonium Abechias cum appendiciis suis Belchi Molembais Popiola Pierwez et aliis appendiciis suis altaria quoque a bonae memoriae Nicholao quondam Cameracensi episcopo uobis collata et eiusdem priuilegiis confirmata Harchies cum appendiciis suis Grandi Ecclesia Stambrusia et capella de Equicampo altare de Blathum liberum et sine personatu capellam de Wierez liberam praeter sonegium duodecim denariorum altare de Thulin cum appendicio suo Hainin altare de Hunchignies altare de Herselle altare de Rascengien altare de Humbergher altare de Goy cum terra et aliis appendiciis suis altare de Louuignies cum appendiciis suis Dolziis et capella de Squery capellam delfayt et capellam de Herieriponte liberas ab omni exactione et personatu in uilla Alemans curtem dominicatam et decimam ipsius curtis et terrae ad eamdem curtem pertinentis in terris uineis pratis et siluis curtem et terras dominicatas apud Altregium et partes communis allodii in terris aquis pratis siluis et redditibus ab omni exactione et aduocatione liberas uillam Bassecles cum omnibus appendiciis suis et uillicationem eiusdem uillae in eleemosynam monasterio uestro concessam. Praeterea quidquid terrae siue aquae continetur inter Wamiam et Hanneton ab exitu fontium suorum usque ad loca ubi in Hainam cadunt et totam piscationem Roae et totam piscationem a Cromba Salice usque ad uillam sancti Gisleni et utramque ripam Hainae a uilla sancti Gisleni ex altera parte usque ad Crombam Salicem et ex altera parte uersus Roam usque ad locum ubi Roa adiuncta Haneton cadit in Hainam excepto uno curtili quod ad nobilem mulierem Beatricem de Boussut pertinere dignoscitur et quidquid iuris habetis de uenditione lignorum quae super ipsam Hainae ripam quae Roae proxima est deposita fuerint quod wiltragium nuncupatur uobis nihilominus confirmamus. Sane noualium uestrorum quae propriis manibus aut sumptibus colitis siue de nutrimentis animalium uestrorum nullus a uobis decimas exigere uel extorquere praesumat liceat que uobis clericos uel laicos e saeculo fugientes liberos et absolutos ad conuersionem recipere et eos absque contradictione aliqua retinere. Prohibemus insuper ut nulli fratrum uestrorum post factam in loco uestro professionem fas sit absque abbatis sui licentia de eodem loco nisi arctioris religionis obtentu discedere discedentem uero absque communium litterarum cautione nullus audeat retinere. Cum autem generale interdictum terrae fuerit liceat uobis clausis ianuis exclusis excommunicatis et interdictis non pulsatis Campanis suppressa uoce diuina officia celebrare. libertates praeterea et immunitates necnon antiquas et rationabiles consuetudines ecclesiae uestrae concessas et hactenus obseruatas ratas habemus et eas futuris temporibus illibatas manere sancimus. Inhibemus insuper ne quis in uos uel ecclesias uestras sine manifesta et rationabili causa excommunicationis uel interdicti sententiam promulgare praesumat. Sepulturam quoque ipsius loci liberam esse decernimus ut eorum deuotioni et extremae uoluntati qui se illic sepeliri deliberauerint nisi forte excommunicati uel interdicti sint nullus obsistat salua tamen iustitia illarum ecclesiarum a quibus mortuorum corpora assumuntur. Obeunte uero te nunc eiusdem loci abbate uel tuorum quolibet successorum nullus ibi qualibet subreptionis astutia seu uiolentia praeponatur nisi quem fratres communi consensu uel fratrum pars consilii sanioris secundum dei timorem et beati Benedicti regulam prouiderint eligendum. Decernimus ergo ut nulli omnino hominum liceat praefatum monasterium temere perturbare aut eius possessiones auferre uel ablatas retinere minuere seu quibuslibet uexationibus fatigare sed omnia integra conseruentur eorum pro quorum gubernatione ac sustentatione concessa sunt usibus omnimodis profutura salua sedis apostolicae auctoritate et dioecesani episcopi canonica iustitia. Si qua igitur in futurum ecclesiastica saecularis ue persona hanc nostrae constitutionis paginam sciens contra eam temere uenire temptauerit secundo tertio ue commonita nisi reatum suum congrua satisfactione correxerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Iesu christi aliena fiat atque in extremo examine districtae ultioni subiaceat. Cunctis autem eidem loco sua iura seruantibus sit pax domini nostri Iesu christi quatenus et hic fructum bonae actionis percipiant et apud districtum iudicem praemia aeternae pacis inueniant. Amen. Ego Celestinus catholicae ecclesiae episcopus ego Pandulphus presbyter cardinalis basilicae XII apostolorum ego Iohannes tituli sancti Clementis cardinalis Tusculanus episcopus ego Romanus tituli sanctae Anastasiae presbyter cardinalis ego Guido presbyter cardinalis sanctae Mariae trans Tiberim tituli Calixti ego Cinthius tituli sancti Laurentii in Lucina presbyter cardinalis ego Albinus Albanensis episcopus ego Octauianus Hostiensis et Velletrensis episcopus ego Iohannes Praenestinus episcopus ego Petrus Portuensis sanctae Rufinae episcopus ego Gerardus sancti Adriani diaconus cardinalis ego Gregorius sanctae Mariae in porticu diaconus cardinalis ego Iohannes sancti Theodori diaconus cardinalis ego Gregorius sanctae Mariae in Aquiro diaconus cardinalis ego Lotarius sanctorum Sergii et Bacchi diaconus cardinalis ego Nicolaus sanctae Mariae in cosmedin diaconus cardinalis. Datum Romae apud sanctum Petrum per manum aegidii sancti Nicolai in carcere Tulliano diaconi cardinalis VI calendas augusti indictione nona incarnationis dominicae MCXCI pontificatus uero domni Celestini III papae anno primo.

Source	DE REIFFENBERG F. 1844

TRADITION

Original	Non
Manuscrit(s)	Mons, Archives de l'Etat [AE], Fonds Cartulaires 60 (1401-1600)
	Mons, Archives de l'Etat [AE], Fonds Cartulaires 61 bis (1628)

EDITIONS ET TRAVAUX

Edition(s)	DE REIFFENBERG F.. Monuments pour servir à l'histoire des provinces de Namur, de Hainaut et de Luxembourg (Publications de la Commission royale d'Histoire, Series I in 4°), I, Bruxelles, 1844; IV, Bruxelles, 1846; VIII, Bruxelles, 1848., 8, p.409-412, LIEN LIEN
Travaux	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.16733, p.581, LIEN LIEN LIEN LIEN LIEN LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 3, p.3, LIEN LIEN