Diplomatica Belgica - Details Chartre 3938

DiBe ID

3938

ACTEURS

Auteur(s)
(= auteur de l'acte écrit)

Fonction/titre: pape
Nom: Urbain III
Institution/juridiction: Rome
Diocèse:
Principauté: États pontificaux
Ordre religieux:

Disposant(s)

(= auteur de l'acte juridique)

Fonction/titre: pape
Nom: Urbain III
Institution/juridiction: Rome
Diocèse:
Principauté: États pontificaux
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom: Lambert abbé
Institution/juridiction: S.Ghislain
Diocèse: Diocèse Cambrai
Principauté: Hainaut
Ordre religieux: Bénédictins

DATATION

Datation interprétée (préférentielle)	7/3/1187 (nouveau style / new style - JAFFE)
Datation interprétée (toutes)	7/3/1187 (nouveau style / new style - JAFFE) Qualification érudite: -
	7/3/1186 (donnée par document / mentioned in document - ) Qualification érudite: -
Date dans la charte	7/3/1186
Date de lieu (dans le texte)	Veronae
Date de lieu (normalisée)	Vérone (ITALIA, Veneto, Verona) Diocèse: Archevêché Aquilée Principauté: Empire Allemand

RESUME ET DESCRIPTION

Résumé	prend l'abbaye sous sa protection et lui confirme ses possessions (énumération) et ses droits
Description	Langue: latin Véracité: document non suspecté Tradition de l'acte: copie (source diplomatique) Nature diplomatique: bulle

TEXTE DU DOCUMENT


Urbanus episcopus seruus seruorum dei dilecto filio Lamberto abbati monasterii sancti Gisleni eius que fratribus tam praesentibus quam futuris regularem uitam professis in perpetuum. Religiosam uitam eligentibus apostolicum conuenit adesse praesidium ne forte cuiuslibet temeritatis incursus aut eos a proposito reuocet aut robur quod absit sacrae religionis infringat. Eapropter dilecti in domino filii uestris iustis postulationibus clementer annuimus et praefatum monasterium sancti Gisleni in quo diuino mancipati estis obsequio ad exemplar felicis recordationis Lucii praedecessoris nostri sub beati Petri et nostra protectione suscipimus et praesentis scripti priuilegio communimus inprimis siquidem statuentes ut ordo monasticus qui secundum deum et sancti Benedicti regulam in eodem loco institutus esse dignoscitur perpetuis ibidem temporibus inuiolabiliter obseruetur. Praeterea quascumque possessiones quascumque bona idem monasterium in praesentiarum iuste ac canonice possidet aut in futurum concessione pontificum largitione regum uel principum oblatione fidelium seu iustis aliis modis praestante domino poterit adipisci firma uobis uestris que successoribus et illibata permaneant in quibus haec propriis duximus uocabulis exponenda locum ipsum in quo praefatum monasterium situm est cum omnibus pertinentiis suis uillam Hornut cum pertinentiis suis in uilla Logia curtem dominicatam et carrucatam terrae arabilis cum curtilibus et omni decima tam ipsius terrae quam omnium feodorum eiusdem uillae decimas quas habetis in terris sancti Petri decimam de uinea Hugonis uillare quod dicitur Ultra Montes cum pertinentiis suis et eiusdem loci ecclesiam cum appendiciis suis Harminiaco et Beweniis decimam de curte et de terris sancti Landelini in nouella terram arabilem unius carrucatae quartam partem uillae Blelgiis cum pertinentiis suis et districto in uilla quae dicitur Wamia allodium Gonteri et aegidii filii eius de Cing terram que Hugonis de Aengien cum aliis terris curtilibus redditibus pratis et siluis partem uillae Durni cum uilla et districto uillam Waherias et curtem dominicatam ab omni aduocatione et decima liberam ecclesiam quam sub annuo censu centum solidorum Cameracensis monetae ab ecclesia sancti Gaugerici possidetis in uilla Chauren curtem dominicatam cum terris aquis pratis siluis et curtibus et portione decimae ab omni dominio libera et ab aliis partibus diuisa in uilla quae dicitur Harcheis tres fertones ad pondus Flandriae quos Alnensis debet ecclesia pro terra Heluidis in Resbaco curtem dominicatam et tres partes totius allodii tam in terris quam in siluis in aquis pratis et redditibus cum districto apud Roncherias sex marcas argenti ad pondus Coloniae quas debet Camberonensis ecclesia sub annuo censu pro eiusdem loci terris et altari cum capella de Herieriponte altare de Cella cum appendiciis suis Hornut et Quaternione ecclesiam de Durno cum appendiciis Blelgiis Hercana Astices et Slogio ecclesiam de Villari cum appendiciis suis Harminiaco et Bewengiis ecclesiam de Wamia cum suis pertinentiis Wamiolo et Resigniis Bassecles cum appendiciis suis Altregium cum capella de uilla cum pertinentiis suis apud Imbrecies curtem et terras dominicatas cum pratis et aquis duas partes communis allodii altare de Bossut cum pertinentiis suis altare de Baldurno cum appendicio suo Vilerot altare de Elignies et de Tumaides capellam de Ramigniis cum appendiciis suis Abecias cum appendiciis suis Belchi Molembais Popiola Piereweiz et aliis cum appendiciis suis altaria quoque a bonae memoriae Nicholao quondam Cameracensi episcopo uobis collata et eius priuilegiis confirmata Harcies cum appendiciis suis Grandi Ecclesia Strabrusia et capella de Equicampo altare de Blatum capellam de Wieres altare de Tulin cum appendicio suo Henin altare de Hunchignies altare de Hersella altare de Rascengien altare de Humberges altare de Goy cum terra et aliis appendiciis suis altare de Louigniis cum appendiciis suis Dolziis et capella de Squeri capellam delfait et capellam de Herieriponte in uilla Alemannis curtem dominicatam et decimam ipsius curtis et terrae ad eamdem curtem pertinentis in terris uineis pratis siluis et capellam ad usus familiae curtem et terras dominicatas apud Altregium et partes communis allodii in terris aquis pratis siluis et redditibus uillam Bassecles cum omnibus appendiciis suis et uillicationem eiusdem uillae in eleemosinam monasterio uestro concessam. Sane noualium uestrorum quae propriis manibus aut sumptibus colitis siue de nutrimentis animalium uestrorum decimas a uobis nullus extorquere praesumat. liceat quoque uobis clericos uel laicos e saeculo fugientes liberos et absolutos ad conuersionem recipere et eos absque contradictione aliqua retinere. Prohibemus insuper ne ulli fratrum uestrorum post factam in eodem loco professionem fas sit de eodem monasterio discedere discedentem uero absque litterarum communium cautione nullus audeat retinere. Cum autem generale interdictum terrae fuerit liceat uobis clausis ianuis interdictis et excommunicatis exclusis non pulsatis Campanis suppressa uoce diuina officia celebrare sepulturam que ipsius loci liberam esse concedimus ut eorum deuotioni et extremae uoluntati qui se illic sepeliri deliberauerint nisi forte excommunicati uel interdicti sint nullus obsistat salua tamen iustitia illarum ecclesiarum a quibus mortuorum corpora assumuntur. Obeunte uero te nunc eiusdem loci abbate uel tuorum quolibet successorum nullus ibi qualibet subreptionis astutia seu uiolentia praeponatur nisi quem fratres communi consensu uel fratrum maior pars consilii sanioris secundum deum et beati Benedicti regulam prouiderint eligendum. Consuetudines etiam antiquas libertates et immunitates rationabiliter monasterio uestro et ecclesiae uestris concessas et hactenus obseruatas ratas habemus eas que futuris temporibus illibatas manere censemus. Inhibemus insuper ne quis in uos uel ecclesias uestras sine manifesta et rationabili causa excommunicationis suspensionis uel interdicti sententiam audeat promulgare. Decernimus ergo ut nulli omnino hominum liceat praefatum monasterium temere perturbare aut eius possessiones auferre uel ablatas retinere minuere seu quibuslibet uexationibus fatigare sed omnia integra et illibata seruentur pro quorum gubernatione ac sustentatione concessa sunt usibus omnimodis profutura salua sedis apostolicae authoritate et dioecesanorum episcoporum canonica iustitia. Si qua igitur in futurum ecclesiastica saecularis ue persona hanc nostrae constitutionis paginam sciens contra eam temere uenire praesumpserit secundo tertio ue commonita nisi reatum suum congrua satisfactione correxerit potestatis honoris que sui dignitate careat ream que se diuino iudicio de perpetrata iniquitate cognoscat et a sacratissimo corpore ac sanguine dei et domini redemptoris nostri Iesu christi aliena atque in extremo examine districtae subiaceat ultioni. Cunctis autem eidem monasterio sua iura seruantibus sit pax domini nostri Iesu christi quatenus et hic fructum bonae actionis percipiant et apud districtum iudicem praemia aeternae pacis inueniant. Amen amen amen. Ego urbanus catholicae ecclesiae episcopus. Ego Petrus presbyter cardinalis tituli sanctae Susannae. Ego Laborans presbyter cardinalis sanctae Mariae trans Tiberim tituli Calixti. Ego Pandulphus presbyter cardinalis tituli XII apostolorum. Ego maior presbyter cardinalis sanctorum- Iohannis et Pauli tituli Pamachii. Ego Henricus Albanensis episcopus. Ego Paulus Praenestinus episcopus. Ego Iacintus sanctae Mariae in cosmydin diaconus cardinalis. Ego Gratianus sanctorum Cosmae et Damiani diaconus cardinalis. Ego Rollandus sanctae Mariae in porticu diaconus cardinalis. Ego Petrus sancti Nicolai in carcere Tullio diaconus cardinalis. Ego Radulphus sancti Georgii ad uelum aureum diaconus cardinalis. Datum Veronae per manum Alberti Romanae ecclesiae presbyteri cardinalis et cancellarii nonis martii indictione quinta incarnationis dominicae anno MCLXXXVI pontificatus uero domni urbani papae III anno secundo.

Source	DE REIFFENBERG F. 1844

TRADITION

Original	Non
Manuscrit(s)	Mons, Archives de l'Etat [AE], Fonds Cartulaires 61 bis (1628)

EDITIONS ET TRAVAUX

Edition(s)	DE REIFFENBERG F.. Monuments pour servir à l'histoire des provinces de Namur, de Hainaut et de Luxembourg (Publications de la Commission royale d'Histoire, Series I in 4°), I, Bruxelles, 1844; IV, Bruxelles, 1846; VIII, Bruxelles, 1848., 8, p.401-404, LIEN LIEN
Travaux	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.15950, p.524, LIEN LIEN LIEN LIEN LIEN LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.660, LIEN LIEN