Diplomatica Belgica - Details Chartre 3937

DiBe ID

3937

ACTEURS

Auteur(s)
(= auteur de l'acte écrit)

Fonction/titre: pape
Nom: Lucius III
Institution/juridiction: Rome
Diocèse:
Principauté: États pontificaux
Ordre religieux:

Disposant(s)

(= auteur de l'acte juridique)

Fonction/titre: pape
Nom: Lucius III
Institution/juridiction: Rome
Diocèse:
Principauté: États pontificaux
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom: Lambert abbé
Institution/juridiction: S.Ghislain
Diocèse: Diocèse Cambrai
Principauté: Hainaut
Ordre religieux: Bénédictins

DATATION

Datation interprétée (préférentielle)	12/1/1185 (nouveau style / new style - JAFFE)
Datation interprétée (toutes)	12/1/1185 (nouveau style / new style - JAFFE) Qualification érudite: -
	12/1/1184 (donnée par document / mentioned in document - ) Qualification érudite: -
Date dans la charte	12/1/1184
Date de lieu (dans le texte)	Veronae
Date de lieu (normalisée)	Vérone (ITALIA, Veneto, Verona) Diocèse: Archevêché Aquilée Principauté: Empire Allemand

RESUME ET DESCRIPTION

Résumé	prend l'abbaye sous sa protection et lui confirme ses possessions (énumération) et ses droits
Description	Langue: latin Véracité: document non suspecté Tradition de l'acte: copie (source diplomatique) Nature diplomatique: bulle

TEXTE DU DOCUMENT


Lucius episcopus seruus seruorum dei dilectis filiis Lamberto abbati monasterii sancti Gisleni eius que fratribus tam praesentibus quam futuris regularem uitam professis in perpetuum. Effectum iusta postulantibus indulgere et uigor aequitatis et ordo exigit rationis praesertim cum petentium uoluntates et pietas adiuuat et ueritas non relinquitur. Eapropter dilecti in domino filii uestris iustis postulationibus clementer annuimus et praefatum monasterium in quo diuino mancipati estis obsequio sub beati Petri et nostra protectione suscipimus et praesentis scripti priuilegio communimus inprimis siquidem statuentes ut ordo monasticus qui secundum deum et beati Benedicti regulam in eodem monasterio institutus esse dignoscitur perpetuis ibidem temporibus inuiolabiter obseruetur. Praeterea quascumque possessiones quaecumque bona idem monasterium in praesentiarum iuste et canonice possidet aut in futurum concessione pontificum largitione regum uel principum oblatione fidelium seu iustis aliis modis deo propitio poterit adipisci firma uobis uestris que successoribus et illibata permaneant in quibus haec propriis duximus uocabulis exponenda locum ipsum in quo praefatum monasterium situm est cum omnibus pertinentiis suis uillam Hornut cum pertinentiis suis in uilla Slogia curtem dominicatam et carrucatam terrae arabilis cum curtilibus et omni decima tam ipsius terrae quam omnium feodorum eiusdem uillae et de terris tam cultis quam incultis de curte sancti Petri decimas sicut hactenus habuistis decimam de uinea Hugonis Villare quod dicitur Ultra Montes cum pertinentiis suis et eiusdem loci ecclesiam cum appendiciis suis Arminiaco et Bewenniis decimam de curte et de terris sancti Landelini in nouella terram arabilem unius carrucatae quartam partem uillae Blelgiis cum pertinentiis suis et districto in uilla quae dicitur Wamia allodium Gonteri et aegidii filii eius de Cing terram que Hugonis de Aengien cum aliis terris curtilibus redditibus pratis et siluis partem uillae Durni cum uilla et districto uillam Waherias et curtem dominicatam ab omni aduocatione et decima liberam ecclesiam quae sub annuo censu centum solidorum Cameracensis monetae ab ecclesia sancti Gaugerici possidetis in uilla Chauren curtem dominicatam cum terris pratis aquis siluis et curtilibus et portione decimae ab omni dominio libera et ab aliis partibus diuisa in uilla quae dicitur Harcheiis tres fertones ad pondus Flandriae quos Alnensis debet ecclesia pro terra Heluidis in Resbaco curtem dominicatam et tres partes totius allodii tam in terris quam in siluis in aquis pratis et redditibus cum districto apud Roncherias sex marcas argenti ad pondus Coloniae quas debet Camberonensis ecclesia sub annuo censu pro eiusdem loci terris et altari cum capella de Herieriponte altare de Cella cum appendiciis suis Hornut et Quaternione ecclesiam de Durno cum appendiciis suis Blelgiis Hercana Astices et Slogio ecclesiam de Villari cum appendiciis suis Harminiaco et Beweniis ecclesiam de Wamiis cum suis pertinentiis Wamiolo et Resiniis Bassecles cum appendiciis suis Altregium cum capella de uilla cum omnibus appendiciis ab omni exactione liberum praeter episcopi obsonium apud Imbrechiis curtem et terras dominicatas cum pratis et aquis et duas partes communis allodii ab omni exactione liberas altare de Bossut a personatu et omni exactione liberum praeter annuum sex denariorum redditum pro episcopi obsonio altare de Baldurno cum appenditio suo Villerot ab omni exactione liberum praeter annuum trium solidorum redditum pro episcopi obsonio altare de Eligniis et de Tumaides capellam de Ramegniis a personatu et omni exactione liberam praeter episcopi obsonia Abeceias cum appendiciis suis Belchi Molembais Popiola Petrewez et aliis appendiciis suis altaria quoque a bonae memoriae Nicholao quondam Cameracensi episcopo uobis collata et eiusdem priuilegiis confirmata Harceiis cum appendiciis Grandi Ecclesia et Stambrusia et capella de Equicampo altare de Blato liberum et sine personatu capellam de Weltes liberam praeter sonegium duodecim denariorum altare de Tulin cum appendicio suo Hainin altare de Hunceniis altare de Hersella altare de Rascengen altare de Humberges altare de Goi cum terra et aliis appendiciis suis altare de Louegniis cum appendiciis Dolziis et capella de Squeri capellam de Fait et capellam de Herieriponte liberas ab omni exactione et personatu in uilla Allemanis curtem dominicatam et decimam ipsius curtis et terrae ad eamdem uillam pertinentem in terris uineis pratis siluis et quaeque in pago Suessionensi iuste et pacifice possidetis curtem et terras dominicatas apud Altregium et partes communis allodii in terris aquis pratis siluis et redditibus ab omni exactione et aduocatione liberas uillam Bassecles cum omnibus appendiciis suis et uillicationem eiusdem uillae in eleemosynam uestro monasterio concessam cum libertatibus et pertinentiis quas praedicta beneficia habere noscuntur. Sane noualium uestrorum quae propriis manibus aut sumptibus colitis siue de nutrimentis animalium uestrorum nullus a uobis decimas exigere uel extorquere praesumat. liceat quoque uobis clericos uel laicos e saeculo fugientes liberos et absolutos ad conuersionem recipere et eos absque contradictione aliqua retinere. Cum autem generale interdictum terrae fuerit liceat uobis clausis ianuis exclusis excommunicatis et interdictis non pulsatis Campanis suppressa uoce diuina officia celebrare. Sepulturam quoque ipsius loci liberam esse decernimus ut eorum deuotioni et extremae uoluntati qui se illic sepeliri deliberauerint nisi forte excommunicati uel interdicti sint nullus obsistat salua tamen iusticia illarum ecclesiarum a quibus mortuorum corpora assumuntur. Obeunte uero te nunc eiusdem loci abbate uel tuorum quolibet successorum nullus ibi qualibet subreptionis astucia seu uiolentia praeponatur nisi quem fratres communi consensu uel fratrum pars consilii sanioris secundum dei timorem et beati Benedicti regulam prouiderint eligendum. Antiquas quoque et rationabiles consuetudines libertates etiam et immunitates eidem monasterio rationabiliter concessas et hactenus obseruatas auctoritate apostolica confirmamus. Inhibemus insuper ne quis in uos uel ecclesias uestras sine manifesta et rationabili causa excommunicationis uel interdicti sententiam audeat promulgare. Decernimus ergo ut nulli omnino hominum fas sit praefatum monasterium temere perturbare aut eius possessiones auferre uel ablatas retinere minuere seu quibuslibet uexationibus fatigare sed omnia integra conseruentur eorum pro quorum gubernatione ac sustentatione concessa sunt usibus omnimodis profutura salua sedis apostolicae auctoritate et dioecesanorum episcoporum canonica iustitia. Si qua igitur in futurum ecclesiastica saecularis ue persona hanc nostrae constitutionis paginam sciens contra eam uenire temptauerit secundo tertio ue commonita nisi reatum suum digna satisfactione correxerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Iesu christi aliena fiat atque in extremo examine diuinae ultioni subiaceat. Cunctis autem eidem loco sua iura seruantibus sit pax domini nostri Iesu christi quatenus et hic fructum bonae actionis percipiant et apud districtum iudicem praemia aeternae pacis inueniant. Amen amen. Ego Lucius catholicae ecclesiae episcopus. Ego Iohannes tituli sancti Marci presbyter cardinalis. Ego Laborans presbyter cardinalis sanctae Mariae trans Tiberim tituli Calixti. Ego Hubertus presbyter cardinalis tituli sancti Laurentii in Damaso. Ego Pandulphus presbyter cardinalis tituli basilicae XII apostolorum. Ego Theodinus Portuensis et sanctae Rufinae sedis episcopus. Ego Henricus Albanensis episcopus. Ego Theobaldus Hostiensis et Velletrensis episcopus. Ego Gratianus sanctorum Cosmae et Damiani diaconus cardinalis. Ego Ioffredus sanctae Mariae in uia lata diaconus cardinalis. Ego Albinus sanctae Mariae nouae diaconus cardinalis. Datum Veronae per manum Alberti sanctae Romanae ecclesiae presbyteri cardinalis et cancellarii II idus ianuarii indictione III incarnationis dominicae anno MCLXXXIIII pontificatus uero domni Lucii papae III anno quarto.

Source	DE REIFFENBERG F. 1844

TRADITION

Original	Non
Manuscrit(s)	Mons, Archives de l'Etat [AE], Fonds Cartulaires 60 (1401-1600)

EDITIONS ET TRAVAUX

Edition(s)	DE REIFFENBERG F.. Monuments pour servir à l'histoire des provinces de Namur, de Hainaut et de Luxembourg (Publications de la Commission royale d'Histoire, Series I in 4°), I, Bruxelles, 1844; IV, Bruxelles, 1846; VIII, Bruxelles, 1848., 8, p.396-400, LIEN LIEN
Travaux	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.15349, p.484, LIEN LIEN LIEN LIEN LIEN LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.640, LIEN LIEN