Diplomatica Belgica - Details Chartre 3934

DiBe ID

3934

ACTEURS

Auteur(s)
(= auteur de l'acte écrit)

Fonction/titre: pape
Nom: Alexandre III
Institution/juridiction: Rome
Diocèse:
Principauté: États pontificaux
Ordre religieux:

Disposant(s)

(= auteur de l'acte juridique)

Fonction/titre: pape
Nom: Alexandre III
Institution/juridiction: Rome
Diocèse:
Principauté: États pontificaux
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom: Lambert abbé
Institution/juridiction: S.Ghislain
Diocèse: Diocèse Cambrai
Principauté: Hainaut
Ordre religieux: Bénédictins

DATATION

Datation interprétée (préférentielle)	31/12/1176 (nouveau style / new style - JAFFE)
Datation interprétée (toutes)	31/12/1176 (nouveau style / new style - JAFFE) Qualification érudite: -
	31/12/1177 (donnée par document / mentioned in document - ) Qualification érudite: -
Date dans la charte	31/12/1177
Date de lieu (dans le texte)	Beneventi
Date de lieu (normalisée)	Bénévent (ITALIA, Campania, Benevento) Diocèse: Principauté: Naples

RESUME ET DESCRIPTION

Résumé	prend l'abbaye sous sa protection et lui confirme ses possessions (énumération) et ses droits
Description	Langue: latin Véracité: document non suspecté Tradition de l'acte: copie (source diplomatique) Nature diplomatique: bulle

TEXTE DU DOCUMENT


Alexander seruus seruorum dei dilecto filio Lamberto abbati sancti Gisleni eius que fratribus tam praesentibus quam futuris regularem uitam professis in perpetuum. Quotiens a nobis illud petitur quod religioni et honestati conuenire dignoscitur animo nos decet libenti concedere et petentium desideriis congruum suffragium impertiri. Eapropter dilecti in domino filii uestris iustis postulationibus clementer annuimus et praefatum monasterium in quo diuino estis obsequio mancipati sub beati Petri et nostra protectione suscipimus et praesentis scripti priuilegio communimus. Inprimis siquidem statuimus ut ordo monasticus qui secundum deum et beati Benedicti regulam in eodem loco institutus esse dignoscitur perpetuis ibidem temporibus inuiolabiter obseruetur. Praeterea quascumque possessiones quaecumque bona idem monasterium in praesentiarum iuste et canonice possidet aut in futurum concessione pontificum largitione regum uel principum oblatione fidelium aut aliis iustis modis praestante domino adipisci poterit firma uobis uestris que successoribus et illibata permaneant in quibus haec propriis duximus exprimenda uocabulis locum ipsum in quo praefatum monasterium constructum est cum omnibus pertinentiis suis altare de Hersella altare de Homberghes altare de Rascenghem capellam de Herieriponte molendinum de Roncheries altare de Louengies altare de Doulchies et capellam de Squiri altare de Hunchignies cum appenditiis curtem de Alemannis cum omni decima eiusdem curtis et terrae ad ipsam pertinentis et decimas noualium et de nutrimentis animalium nullus a uobis decimas praesumat exigere. In parochialibus autem ecclesiis quas tenetis liceat uobis clericos eligere et episcopo praesentare quibus si idonei fuerint episcopus curam animarum committat qui de plebis quidem cura episcopo uobis autem de temporalibus debeant respondere. Sepulturam quoque ipsius loci liberam esse concedimus ut eorum deuotioni et extremae uoluntati qui se illico sepeliri deliberauerint nisi forte excommunicati uel interdicti sint nullus obsistat salua tamen iustitia earum ecclesiarum a quibus mortuorum corpora assumuntur. liceat etiam clericos uel laicos e saeculo fugientes liberos et absolutos ad conuersionem recipere et in uestro monasterio sine contradictione aliqua retinere. Prohibemus insuper ut nulli fratrum uestrorum post factam in monasterio uestro professionem fas sit de eodem monasterio absque licentia abbatis sui discedere discedentem uero sine communium litterarum uestrarum cautione nullus audeat retinere praeterea libertates immunitates et antiquas et rationabiles consuetudines monasterii uestri integras et illibatas praesenti decreto manere sancimus. Obeunte te uero nunc eiusdem loci abbate uel tuorum quolibet successorum nullus ibi qualibet subreptionis astutia seu uiolentia praeponatur nisi quem fratres communi consensu uel fratrum pars consilii sanioris secundum deum et beati Benedicti regulam prouiderint eligendum. Decernimus ergo ut nulli omnino hominum liceat praefatum monasterium temere perturbare aut eius possessiones auferre uel ablatas retinere minuere seu quibuslibet molestiis fatigare sed per omnia integra et illibata seruentur eorum pro quorum gubernatione ac sustentatione concessa sunt usibus omnimodis profutura salua sedis apostolicae aucthoritate et dioecesani episcopi canonica iustitia. Si qua igitur in futurum ecclesiastica saecularis ue persona hanc nostrae confirmationis paginam sciens contra eam temere uenire temptauerit secundo tertio ue commonita nisi reatum suum digna satisfactione correxerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore et sanguine dei et domini nostri redemptoris Iesu christi aliena fiat atque in extremo examine districtae ultioni subiaceat. Cunctis autem eidem loco sua iura seruantibus sit pax domini nostri Iesu christi quatenus et hic fructum bonae actionis percipiant et apud districtum iudicem praemia aeternae pacis inueniant. Amen. Ego Alexander catholicae ecclesiae episcopus. Ego Albertus presbyter cardinalis tituli sancti Laurentii in Lucina. Ego Boso presbyter cardinalis sanctae Pudentianae tituli pastoris. Ego Theodinus presbyter cardinalis sancti uitalis tituli Vestinae. Ego Petrus presbyter cardinalis tituli sanctae Susannae. Ego Guillelmus Portuensis et sanctae Rufinae episcopus. Ego Manfredus Praenestinus episcopus. Ego Iacinthus sanctae Mariae in cosmedin diaconus cardinalis. Ego Ciathius diaconus cardinalis sancti Adriani. Ego Hugo diaconus cardinalis sancti Eustachii iuxta templum Agrippae. Ego Laborans diaconus cardinalis sanctae Mariae in porticu. Datum Beneuenti per manum Gratiani sanctae Romanae ecclesiae subdiaconi et notarii II° calendas ianuarii indictione X incarnationis dominicae anno MCLXXVII° pontificatus uero domni Alexandri papae III anno XVIII°.

Source	DE REIFFENBERG F. 1844

TRADITION

Original	Non
Manuscrit(s)	Mons, Archives de l'Etat [AE], Fonds Cartulaires 61 (1301-1400)
	Mons, Archives de l'Etat [AE], Fonds Cartulaires 60 (1401-1600)

EDITIONS ET TRAVAUX

Edition(s)	DE REIFFENBERG F.. Monuments pour servir à l'histoire des provinces de Namur, de Hainaut et de Luxembourg (Publications de la Commission royale d'Histoire, Series I in 4°), I, Bruxelles, 1844; IV, Bruxelles, 1846; VIII, Bruxelles, 1848., 8, p.385-387, LIEN LIEN
Travaux	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.12747, p.300, LIEN LIEN LIEN LIEN LIEN LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.559, LIEN LIEN