‹
›
retourner aux résultats
| DiBe ID | 3838 |
| ACTEURS |
|
Auteur(s)
(= auteur de l'acte écrit) |
Fonction/titre:
évêque Nom: Gérard II Institution/juridiction: Cambrai Diocèse: Diocèse Cambrai Principauté: Cambrai Ordre religieux: |
|
Disposant(s) (= auteur de l'acte juridique) |
Fonction/titre:
évêque Nom: Gérard II Institution/juridiction: Cambrai Diocèse: Diocèse Cambrai Principauté: Cambrai Ordre religieux: |
|
Bénéficiaire(s)
(= bénéficiaire) |
Fonction/titre:
institution monastique Nom: Wicfridus abbé Institution/juridiction: S.André-du-Cateau Diocèse: Diocèse Cambrai Principauté: Cambrai Ordre religieux: Bénédictins |
| DATATION |
|
Datation interprétée
(préférentielle) |
//1091 (donnée par document / mentioned in document - ) |
|
Datation interprétée
(toutes) |
//1091 (donnée par document / mentioned in document - ) Qualification érudite: - |
|
Date dans la charte
|
//1091 |
|
Date de lieu (dans le texte) |
Cameraci |
|
Date de lieu (normalisée) |
Cambrai (FRANCE, Hauts-de-France, Nord)
Diocèse: Diocèse Cambrai Principauté: Cambrai |
| RESUME ET DESCRIPTION |
| Résumé | désigne l'abbé Wicfridus pour exercer dans certains cas les fonctions de vicaire et d'archichapelain et confirme à l'abbaye des possessions (énumération) |
|
Description
|
Langue:
latin Véracité: document non suspecté Tradition de l'acte: original Nature diplomatique: charte |
| TEXTE DU DOCUMENT |
| -crux-. In nomine sanctae et indiuiduae trinitatis patris et filii et spiritus sancti. Gerardus secundus non merito sed dei gratia Cameracensium episcopus omnibus christi fidelibus tam posteris quam pręsentibus sic cum iustitia apparere in conspectu dei ut manifestata gloria eius mereantur sociari. Cum cotidie diuina uox pusillum gregem ne timeat euangelico adhortetur eloquio generaliter admonens ut: uenditis quę possident dent elemosinam et sibi thesaurizent in cęlo quo fur non aproppiat nec tinea corrumpit uel erugo nobis specialiter quos ille summus pater familias in domo sua quę est ęcclesia adhoc constituit ut tritici mensuram in tempore erogemus eius familię huic salutari mandato efficaciter conuenit obędire. Proinde ego Gerardus aliquando dei miseratione huic tam sanctę ac piae ammonitioni aurem cordis accommodans simul que omnium dei electorum et maxime sanctorum apostolorum iudicio in extremo examine siue uitę siue morti destinandos esse nos recordans aeclesiam de Nouo Castello quam beatę memorię domnus Gerardus ante me tertius episcopus in honore sancti Andreae amici dei et de mari ab ipso christo uocati apostoli pro salute anime suę suorum que successorum summa diligentia fundauerat. Quam que successor eius domnus Lietbertus episcopus alodiis altaribus aliis que rebus necessariis ampliauerat proposse meo amplificare et exaltare gregem que pusillum inibi deo seruientem tueri et consolari tota mentis intentione disposui. Primum igitur ad honorem et prouectum supradictę aeclesię domnum Guisfridum abbatem uel quicumque abbas ipsius loci extiterit sicut domnum Waldricum uenerabilem abbatem supradicti domni Lietberti uideram fuisse uicarium et archicapellanum nostrum ita substitui ut in disponendis principalibus negotiis nostris quasi conlateralis noster nobis assistat omnes que malefactores ęcclesię suę excommunicandi et per nos absoluendi auctoritatem habeat. Siquando uero me Romam uel curtim imperatoriam adire seu aliquando contigerit infirmari ipse interim Cameracensi presideat aecclesię festiua altaris officia peragat et a ministris nostris cuncta uictus necessaria pro uelle suo percipiat. Quod si ad Remense concilium me aliquando euocatum infirmari seu aliquo precipuo negotio contigerit preoccupari ipse ut uicarius et conlateralis noster excusaturus nos pro nobis ibit et iustam absentię nostrę causam prout sibi iudicatum fierit comprobabit. Et quia dicente domino: dignus est operarius cibo suo pro hac labore et dispendio nos ei hanc mercedem recompensamus ut quotiens nostram expetierit presentiam particeps mensę nostrę si ei placuerit sumptus necessarios de domo nostra accipiat omnia altaria sua in episcopio nostro libera et sine persona possideat partem que obsoniorum quę ad episcopum pertinet in beneficio sempiterno iure teneat. Hęc omnia a prędecessoribus meis domno scilicet Gerardo atque Lietberto abbati et supradictę aecclesie statuta et nunc a nobis concessa a successoribus nostris obsecramus in domino Ihesu firmiter obseruari nec ulla umquam ratione mutari sed ut tanti piscatoris retibus queant illaqueari sepedictam ęcclesiam eius uenerentur et defendant orationibus fratrum se assiduę committant quae sunt corporis necessaria ut boni patres filiis ipsis prouideant nouerint que patenter quia quicumque hanc prędecessorum meorum et meae constitutionis paginam aliquando quod absit pertemptauerit uiolare uel super hoc quod hic sancitum est ęcclesiam ipsam turbare auctoritate dei patris et sanctorum apostolorum et nostra perpetuo dampnentur anathemate nisi mox pęnitentes eidem ęcclesie studuerint satisfacere. Pręterea quędam quę nostris temporibus ipsi aecclesię donata sunt hic uolumus annotare altare scilicet de Mainriu et XXX solidos de teloneo Castellensi unoquoque anno pro altari de Bussuth quod ab eis concambiaui alodium quoque de sancto Gaugerico quod Ermengardis de Monte Acuto pro anima sua et coniugum et parentum suorum sancto Andreae contradidit alodium etiam quod Lietbertus qui dicitur sicheruns et uxor eius Elechindis habebant apud Aldreneias et Squarmenium et Formeias et quod ipsi ambo super altare sanctę Marię Cameracensis ecclesię coram nobis adstantibus que multis clericis et laicis legalibus uiris quorum nomina subnotantur liberum omnino et quietum sicut tenuerant cum omni familia quam ibi habebant ipsi sancto pro salute animę suę tradiderunt et alodium de Gisleni curte quod Heldiardis dedit cuius alodii partem quamdam iam Amolricus Lescheriensis dederat. Partem etiam alodii de Fontanis et de Becheneis et de Mediolanis quę pro Oilardo data est et partem alodii de Baseio quę pro anima cuiusdam Heriuardi Lescheriensis data est. Nomina quoque legalium testium tam clericorum quam laicorum qui hęc omnia uiderunt et interfuerunt in hac carta assignauimus et quę suprascripta sunt eorum testimonio corroboramus. Signum -crux- mei ipsius -mon- pontificis. Signum Mathelini archidiaconi et prępositi. Signum Alardi archidiaconi. Signum Ansfridi archidiaconi. Signum Widrici archidiaconi. Signum Hugonis decani. Signum Werimboldi cancellarii. Signum Guidonis cantoris. Signum Alboldi Guiffridi Huboldi capellanorum. Signum Iohannis militis. Signum Fulchonis uicedomini. Signum Rotberti rufi. Signum Walteri coleth. Signum Ingebrandi. Signum Fulchonis. Signum Lietuulfi. Signum Amolrici Castellensis. Nequis uero aliquando instigante inimico omnium bonorum diabolo contra huius priuilegii auctoritatem audeat insurgere sigilli nostri eum corroboramus impressione et uiolatorem ira sancti spiritus et sanctorum omnium dampnamus et nostra excommunicatione. Actum hoc Cameraci anno dominicae incarnationis IXCI indictione XIIII epactis XXVIII concurrente II anno presulatus domni Gerardi XIIII -sig-. | |
| Source | COURTOIS M. 1981 |
| TRADITION |
| EDITIONS ET TRAVAUX |
|
Edition(s)
|
COURTOIS M.. 59. Chartes originales antérieures à 1121 conservées dans le département du Nord, I, Nancy, 1981., p.142-143, |
| GIRAUD C.-RENAULT J.-B.-TOCK B.-M., ÉDS.. Chartes originales antérieures à 1121 conservées en France (Centre de Médiévistique Jean SCHNEIDER - Université de Lorraine), Ressource électronique, acte n.418, LIEN LIEN | |
| Travaux | WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.577, LIEN LIEN |
| BRUCHET M.. Répertoire numérique. Série H. Tome I. Fonds bénédictins et cisterciens. 1 H à 35 H (Archives départementales du Nord), Lille, 1928., col.2, p.115, LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
