Diplomatica Belgica - Details Chartre 3750

DiBe ID

3750

ACTEURS

Auteur(s)
(= auteur de l'acte écrit)

Fonction/titre: pape
Nom: Célestin III
Institution/juridiction: Rome
Diocèse:
Principauté: États pontificaux
Ordre religieux:

Disposant(s)

(= auteur de l'acte juridique)

Fonction/titre: pape
Nom: Célestin III
Institution/juridiction: Rome
Diocèse:
Principauté: États pontificaux
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom: Herimannus abbé
Institution/juridiction: Oudenburg
Diocèse: Diocèse Tournai
Principauté: Flandre
Ordre religieux: Bénédictins

DATATION

Datation interprétée (préférentielle)	26/2/1196 (nouveau style / new style - RAMACKERS/JAFFE)
Datation interprétée (toutes)	26/2/1196 (nouveau style / new style - RAMACKERS/JAFFE) Qualification érudite: -
	26/2/1195 (donnée par document / mentioned in document - ) Qualification érudite: -
Date dans la charte	26/2/1195
Date de lieu (dans le texte)	Romae apud sanctum Petrum
Date de lieu (normalisée)	Rome (S.Pierre) (ITALIA, Latium, Roma) Diocèse: Principauté: États pontificaux

RESUME ET DESCRIPTION

Résumé	prend l'abbaye sous sa protection et lui confirme ses droits et ses possessions
Description	Langue: latin Véracité: document non suspecté Tradition de l'acte: original Nature diplomatique: bulle

TEXTE DU DOCUMENT


Celestinus episcopus seruus seruorum dei dilectis filiis Hermanno abbati sancti Petri Aldenborgensis eius que fratribus tam presentibus quam futuris regularem uitam professis in perpetuum. Effectum iusta postulantibus indulgere et uigor equitatis et ordo exigit rationis presertim quando petentium uoluntates et pietas adiuuat et ueritas non relinquit. Eapropter dilecti in domino filii uestris iustis postulationibus clementer annuimus et prefatum monasterium in quo diuino mancipati estis obsequio sub beati Petri et nostra protectione suscipimus et presentis scripti priuilegio communimus in primis siquidem statuentes ut ordo monasticus qui secundum deum et beati Benedicti regulam in eodem monasterio institutus esse dinoscitur perpetuis ibidem temporibus inuiolabiliter obseruetur. Preterea quascumque possessiones quecumque bona idem monasterium impresentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis prestante domino poterit adipisci firma uobis uestris que successoribus et illibata permaneant in quibus hec propriis duximus exprimenda uocabulis locum scilicet in quo prefatum monasterium situm est cum omnibus pertinentiis suis tertiam partem decime totius parrochie de Aldemborg tertiam preterea partem decime et oblationes omnes et quecumque de altario sancte Marie proueniunt exceptis beneficiis que ad presbyteratum pertinent que omnia sub annuo censu octo librarum et undecim solidorum quos annuatim debetis exoluere quemadmodum in priuilegiis Tornacensis ecclesie continetur uobis auctoritate apostolica confirmamus decimam de Erninkem terram quam habetis apud Aldemborg sane noualium uestrorum que propriis manibus aut sumptibus colitis siue de nutrimentis animalium uestrorum nullus a uobis decimas exigere uel extorquere presumat. liceat quoque uobis clericos uel laicos liberos et absolutos e seculo fugientes ad conuersionem recipere et eos absque contradictione aliqua retinere. Prohibemus insuper ut nulli fratrum uestrorum post factam in monasterio uestro professionem fas sit absque abbatis sui licentia nisi arctioris religionis obtentu de eodem loco discedere. Discedentem uero absque communi litterarum cautione nullus audeat retinere. Nichilominus etiam arctius inhibemus ne episcopo archidiacono uel eorum ministerialibus canonicis seu clericis aliis pro confirmatione intronizatione uel benedictione abbatis uestri palefridum capam sericam aut quicquid aliud facultas uel licentia pateat a uobis obtentu cuiuslibet consuetudinis exigendi. Si uero pro hiis a uobis quicquam exegerint cum detestabile sit et obuium rationi libere uobis liceat eis quod postulauerint denegare. Cum autem generale interdictum terre fuerit liceat uobis clausis ianuis exclusis excommunicatis et interdictis non pulsatis Campanis suppressa uoce diuina officia celebrare. Sepulturam preterea eiusdem loci liberam esse decernimus ut eorum deuotioni et extreme uoluntati qui se illic sepeliri deliberauerint nisi forte excommunicati uel interdicti fuerint nullus obsistat salua tamen iusticia illarum ecclesiarum a quibus mortuorum corpora assumuntur. Obeunte uero te nunc eiusdem loci abbate uel tuorum quolibet successorum nullus ibi qualibet surreptionis astucia seu uiolentia preponatur nisi quem fratres communi consensu uel fratrum pars consilii sanioris secundum dei timorem et beati Benedicti regulam prouiderint eligendum. Decernimus ergo ut nulli omnino hominum liceat prefatum monasterium temere perturbare aut eius possessiones auferre uel ablatas retinere minuere seu quibuslibet uexationibus fatigare sed omnia integra conseruentur eorum pro quorum gubernatione ac sustentatione concessa sunt usibus omnimodis profutura salua sedis apostolicę auctoritate et diocesani episcopi canonica iusticia. Siqua igitur in futurum ecclesiastica secularis ue persona hanc nostre constitutionis paginam sciens contra eam temere uenire temptauerit secundo tertio ue commonita nisi reatum suum congrua satisfactione correxerit potestatis honoris que sui careat dignitate ream que se diuino iudicio existere de perpetrata iniquitate cognoscat et a sacratissimo corpore et sanguine dei et domini redemptoris nostri Iesu christi aliena fiat atque in extremo examine diuine ultioni subiaceat. Cunctis autem eidem loco sua iura seruantibus sit pax domini nostri Iesu christi quatinus et hic fructum bone actionis percipiant et apud districtum iudicem premia eterne pacis inueniant. Amen. Amen. Amen. -rota-. Ego Celestinus catholice ecclesie episcopus subscripsi- -beneualetę. -CRUX- Ego Albinus Albanensis episcopus subscripsi-. -CRUX- Ego Octauianus Hostiensis et Velletrensis episcopus subscripsi-. -CRUX- Ego Petrus Portuensis et sancte Rufine episcopus subscripsi-. -CRUX- Ego Pandulfus basilice XII apostolorum presbyter- cardinalis- subscripsi-. -CRUX- Ego Melior sanctorum Iohannis et Pauli presbyter- cardinalis- tituli- Pamachii subscripsi-. -CRUX- Ego Iordanus sancte Pudentiane tituli- pastoris presbyter- cardinalis- subscripsi-. -CRUX- Ego Iohannes tituli- sancti Clementis cardinalis- Viterbiensis et Tuscanensis episcopus subscripsi-. -CRUX- Ego Guido presbyter- cardinalis- sancte Marie trans Tiberim tituli- Calixti subscripsi-. -CRUX- Ego Hugo presbyter- cardinalis- sancti Martini tituli- Equitii subscripsi-. -CRUX- Ego Cinthius tituli- sancti Laurentii in Lucina presbyter- cardinalis- subscripsi-. -CRUX- Ego Suffredus tituli- sancte Praxedis presbyter- cardinalis- subscripsi-. -CRUX- Ego Fidantius tituli- sancti Marcelli presbyter- cardinalis- subscripsi-. -CRUX- Ego Gratianus sanctorum Cosme et Damiani diaconus- cardinalis- subscripsi-. -CRUX- Ego Gerardus sancti Adriani diaconus- cardinalis- subscripsi-. -CRUX- Ego Gregorius sancte Marie in porticu diaconus- cardinalis- subscripsi-. -CRUX- Ego Gregorius sancti Georgii ad uelum aureum diaconus- cardinalis- subscripsi-. -CRUX- Ego Nicholaus sancte Marie in cosmydin diaconus- cardinalis- subscripsi-. -CRUX- Ego Gregorius sancti angeli diaconus- cardinalis- subscripsi-. Datum Rome apud sanctum Petrum per manum Centii sancte Lucie in Orthea diaconi cardinalis domni pape camerarii V kalendas- martii indictione XIIII-ta incarnationis dominice anno M° C° XC° V° pontificatus uero donni Celestini pape III anno quinto.

Source	VAN DE PUTTE F. 1843

TRADITION

Original	Oui Brugge, Rijksarchief [RA], Blauwe nummers 6664
Manuscrit(s)	Brugge, Rijksarchief [RA], Fonds Oudenburg I A - INV 83/1 (1401-1500)

EDITIONS ET TRAVAUX

Edition(s)	RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.363 (édition fragmentaire), p.499-500,
	VAN DE PUTTE F.. Chronique du monastère d'Oudenbourg de l'Ordre de S. Benoît, publiée pour la première fois d'après un manuscrit du 15e siècle. Chronicon monasterii Aldenburgensis Maius. (Recueil de Chroniques, Chartes et autres Documents concernant l'Histoire et les Antiquités de la Flandre-Occidentale;Série 1, 5), Gand, 1843., n.19, p.106-108, LIEN LIEN
Travaux	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.17333, p.620, LIEN LIEN LIEN LIEN LIEN LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 3, p.53, LIEN LIEN
	LAURENT R.. Verzameling zegelafgietsels van het Algemeen Rijksarchief / Collection de moulages de sceaux des Archives générales du Royaume, Ressource électronique, I 347 - 31910, LIEN LIEN LIEN
	LAURENT R.. Verzameling zegelafgietsels van het Algemeen Rijksarchief / Collection de moulages de sceaux des Archives générales du Royaume, Ressource électronique, I 347 - 31911, LIEN LIEN LIEN