Diplomatica Belgica - Details Chartre 3701

DiBe ID

3701

ACTEURS

Auteur(s)
(= auteur de l'acte écrit)

Fonction/titre: pape
Nom: Innocent II
Institution/juridiction: Rome
Diocèse:
Principauté: États pontificaux
Ordre religieux:

Disposant(s)

(= auteur de l'acte juridique)

Fonction/titre: pape
Nom: Innocent II
Institution/juridiction: Rome
Diocèse:
Principauté: États pontificaux
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom: Etienne III abbé
Institution/juridiction: Liège (S.Jacques)
Diocèse: Diocèse Liège
Principauté: Liège
Ordre religieux: Bénédictins

DATATION

Datation interprétée (préférentielle)	29/11/1137 (donnée par document / mentioned in document - )
Datation interprétée (toutes)	29/11/1137 (donnée par document / mentioned in document - ) Qualification érudite: -
	//1138 (terminus ante quem - RAMACKERS) Qualification érudite: -
	//1134 (terminus post quem - RAMACKERS) Qualification érudite: -
Date dans la charte	29/11/1137
Date de lieu (dans le texte)	Rome
Date de lieu (normalisée)	Rome (ITALIA, Latium, Roma) Diocèse: Principauté: États pontificaux

RESUME ET DESCRIPTION

Résumé	prend l'abbaye sous sa protection et lui confirme ses possessions (énumération) et la libre élection de l'abbé
Description	Langue: latin Véracité: document non suspecté Tradition de l'acte: copie (source diplomatique) Nature diplomatique: bulle

TEXTE DU DOCUMENT


Innocentius episcopus seruus seruorum dei dilecto filio Stephano abbati monasterii sancti Iacobi siti in insula Leodii eius que fratribus tam presentibus quam futuris regularem uitam professis in perpetuum. Quociens illud a nobis petitur quod rationi noscitur conuenire animo nos decet libenti concedere et petentium desideriis congruum impertiri suffragium. Eapropter dilecti in domino filii uestris rationabilibus postulationibus clementer annuimus et beati Iacobi monasterium in quo omnipotentis dei estis obsequiis mancipati apostolice sedis priuilegio communimus. Statuentes ut quecumque bona quascumque possessiones idem cenobium in presentiarum iuste et legitime possidet aut in futurum concessione pontificum largitione regum uel principum oblatione fidelium seu aliis iustis modis auxiliante domino poterit adipisci firma uobis uestris que successoribus et per uos iamdicto monasterio illibata permaneant. In quibus hec propriis nominibus annotanda subiunximus ecclesiam sancti Remigii sitam ante fores eiusdem monasterii terram quoque circa idem monasterium adiacentem scilicet bonnarium et nouem pedes quem Blandricus Leodiensis episcopus in dotem monasterio donauit et eam ab omni exactione seculari liberam scripto suo firmauit uillam que dicitur Selua cum ecclesia et omnibus adiacenciis suis et consuetudinibus et iustitiis in quibus locis omnibus aduocato non liceat metas sui iuris excedere in priuilegiis ecclesie uestre conscriptas uillam quoque Ernaum cum suis circumadiacentiis et iustis consuetudinibus que in antiquis eiusdem monasterii priuilegiis continentur ecclesiam de Ernan quam canonici ecclesie sancti Pauli pro bono pacis uobis concesserunt ita ut per duos menses in refectorio eisdem canonicis prouidere debeatis de qua nimirum uilla nonam tam in mensis quam in ceteris fructibus ad elemosinam beate Marie persoluatis annuatim Hanretium cum ecclesia Domnum Cirici cum ecclesia in qua utraque uilla secundum quod consuetum est aduocatus non ueniat nisi uocatus medietatem uillę de Echa cum iure quod in ecclesia eiusdem loci habetis et redditibus quos iusto iudicio canonicorum ecclesie sancti Lamberti cum tota annona uidemini recuperasse predia etiam que a nobilibus uiris Steppone et Thebaldo fratre eius uobis collata sunt uidelicet Massiuil Columbir Eyram Wetehan Bilesten et Strunam possessiones quoque seu predia que Walterus Teutonicus et Henricus nepos eius uobis contulerunt Hadegrin Vremtich Engranrode et partem uille Malle medietatem terre uille de Bachenges cum appendiciis suis et iure quod in ecclesia ipsius loci habetis portiunculas uillarum et mansorum a fidelibus collatas de Alincourt Wasmoint Holon Linei Lens Vellerouz item uillas Boiles Rokelenges et ius quod in ecclesia ad eadem loca pertinente habetis in territorio Ultraiectensi Wamelam uillam cum redditibus suis in territorio Treuerensi uineas cum redditibus et terris quas super Mosellam per diuersa loca tenetis. Obeunte uero te nunc eiusdem loci abbate uel tuorum quolibet successorum nullus inibi qualibet subreptionis astutia seu uiolentia preponatur nisi quem fratres communi consensu uel pars consilii sanioris secundum dei timorem et beati Benedicti regulam prouiderint eligendum qui nimirum a dyocesano episcopo absque prauitate seu exactione aliqua consecrationem accipiat. Decernimus ergo ut nulli omnino hominum liceat prefatum cenobium temere perturbare aut eius possessiones auferre uel ablatas retinere minuere aut aliquibus uexationibus fatigare sed omnia integra conseruentur eorum pro quorum gubernatione et sustentatione concessa sunt usibus omnimodis profutura salua nimirum Leodiensis episcopi canonica reuerentia. Si quis igitur in posterum huius nostre constitutionis paginam sciens contra eam temere uenire temptauerit potestatis honoris que sui dignitate careat si secundo tertio ue commonitus congrue reatum suum non correxerit atque a sacratissimo corpore ac sanguine dei et domini nostri Iesu christi alienus fiat atque in extremo examine districte ultioni subiaceat. Cunctis autem eidem loco sua iura seruantibus sit pax domini nostri Iesu christi quatinus et hic fructum bone actionis percipiant et apud districtum iudicem premia eterne pacis inueniant. Amen. Amen. Amen. -rota- ego Innocentius catholicę ecclesie episcopus subscripsi-. -CRUX- Ego Conrardus Sabinensis episcopus subscripsi-. -CRUX- Ego Drogo Ostiensis episcopus subscripsi-. -CRUX- Ego Anselmus presbiter- cardinalis- tituli- sancti Laurentii in Lucina subscripsi-. -CRUX- Ego Lictifredus presbiter- cardinalis- sancti Uitalis tituli- Vestine subscripsi-. -CRUX- Ego Martinus presbiter- cardinalis- tituli- sancti Stephani subscripsi-. -CRUX- Ego Gregorius diaconus- cardinalis- sanctorum Sergii et Bachi subscripsi-. -CRUX- Ego Guido diaconus- cardinalis- sancti Adriani subscripsi-. -CRUX- Ego Grisogonus diaconus- cardinalis- sancte Marie in porticu subscripsi-. -CRUX- Ego Iuo diaconus- cardinalis- sancte Marie in Aquiro subscripsi-. Datum- Rome per manum Luce presbiteri cardinalis agentis uicem domini Aimerici sancte Romane ecclesie diaconi cardinalis et cancellarii III kalendas- decembris indictione I-a incarnationis dominice anno M° C° XXXVII° pontificatus uero domini Innocentii pape II anno VIII°.

Source	RAMACKERS J. 1934

TRADITION

Original	Non
Copie(s) séparée(s)	Liège, Archives de l'Etat [AE],
Manuscrit(s)	Liège, Archives de l'Etat [AE], Abbaye de Saint-Jacques (Liège) - Chartrier ()

EDITIONS ET TRAVAUX

Edition(s)	RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.31, p.126-128,
	RAMACKERS J.. Papsturkunden in Frankreich. Neue Folge, II: Normandie, III: Artois, IV: Picardie (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.21-23-27), Göttingen, 1937-1940-1942., 4, n.2 (édition fragmentaire), p.526-527,
	CAMPS H.P.H.. Oorkondenboek van Noord-Brabant tot 1312, I. De Meierij van 's-Hertogenbosch (met de heerlijkheid Gemert), 1 (690-1294) (Rijks geschiedkundige Publicatiën), 'S-Gravenhage, 1979., I,1, n.38 (édition fragmentaire), p.60-61, LIEN LIEN
	CHARTAE GALLIAE. Base de données de chartes médiévales, Ressource électronique, F10082, LIEN LIEN
Travaux	RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., p.126,
	STIENNON J.. Etude sur le chartrier et le domaine de l'abbaye de Saint-Jacques de Liège (1015-1209) (Bibliothèque de la Faculté de Philosophie et Lettres de l'Université de Liège, 124), Paris, 1951., p.133-136, LIEN
	CAMPS H.P.H.. Oorkondenboek van Noord-Brabant tot 1312, I. De Meierij van 's-Hertogenbosch (met de heerlijkheid Gemert), 1 (690-1294) (Rijks geschiedkundige Publicatiën), 'S-Gravenhage, 1979., I,1, p.60, LIEN LIEN
	NIERMEYER J.F.. Onderzoekingen over luikse et maastrichtse oorkonden en over de Vita Baldrici Episcopi Leodiensis. Een bijdrage tot de geschiedenis van burgerij en geestelijkheid in het Maasgebied tot het begin van de dertiende eeuw (Bijdragen van het Instituut voor middeleeuwsche Geschiedenis der Rijks-universiteit te Utrecht, 20), Groningen, 1935., p.50, 71-73, LIEN LIEN