Diplomatica Belgica - Details Chartre 35272

DiBe ID

35272

ACTEURS

Auteur(s) (= auteur de l'acte écrit)	Fonction/titre: pape Nom: Honorius III Institution/juridiction: Rome Diocèse: Principauté: États pontificaux Ordre religieux:
Disposant(s) (= auteur de l'acte juridique)	Fonction/titre: pape Nom: Honorius III Institution/juridiction: Rome Diocèse: Principauté: États pontificaux Ordre religieux:
Bénéficiaire(s) (= bénéficiaire)	Fonction/titre: abbé/abbesse (à titre personnel) Nom: N Institution/juridiction: S.Quentin-en-l'Ile Diocèse: Diocèse Noyon Principauté: France Ordre religieux: Bénédictins
	Fonction/titre: doyen (chapitre) Nom: N Institution/juridiction: S.Quentin Diocèse: Diocèse Noyon Principauté: France Ordre religieux:
	Fonction/titre: archidiacre Nom: Jean Institution/juridiction: Cambrai (Brabant) Diocèse: Diocèse Cambrai Principauté: Cambrai Ordre religieux:
	Fonction/titre: institution monastique Nom: Institution/juridiction: Reims (S.Remi) Diocèse: Diocèse Reims Principauté: France Ordre religieux: Bénédictins

DATATION

Datation interprétée (préférentielle)	9/1/1219 (conjecture précise / accurate conjecture - HOROY/REGISTRA VATICANA/DIPLOMATA BELGICA)
Datation interprétée (toutes)	9/1/1219 (conjecture précise / accurate conjecture - HOROY/REGISTRA VATICANA/DIPLOMATA BELGICA) Qualification érudite: -
Date de lieu (dans le texte)	Laterani
Date de lieu (normalisée)	Rome (Latran) (ITALIA, Latium, Roma) Diocèse: Principauté: États pontificaux

RESUME ET DESCRIPTION

Résumé

le pape charge l'abbé de S . Quentin-en- l'Ile , le doyen de S . Quentin et un archidiacre de Cambrai (J . ; probablement Jean , archidiacre de Brabant) d'examiner un appel fait au Saint-Siège par les moines de S . Rémi ; l'appel concernait une visite canonique faite à leur monastère par l'évêque de Beauvais (probablement , Milo de Chatillon-Nanteuil) alors qu'il se rendait en pèlerinage en Terre Sainte avec l'archevêque de Reims ; les moines rémois contestaient cette visite

Description

Langue: latin
Véracité: document non suspecté Tradition de l'acte: copie (source diplomatique)
Nature diplomatique: bulle

TEXTE DU DOCUMENT


Honorius, ---, dilectis filiis --- abbati monasterii Sancti Quintini in Insula, et --- decano Sancti Quintini Nouionensis dioecesis et I. Archidiacono Cameracensis. Dilectus filius --- Beluacensis. Electus nobis per nuntium, et litteris intimauit, quod cum uenerabilis frater noster --- Remensis. Archiepiscopus iter Ierosolymitanae peregrinationis aggrediens, sibi uices suas in Remensis. Prouincia commisisset, ipse audit, fama publica diuulgante, quod ecclesia Sancti Remigii Remensis. languente capite membrisque infirmantibus graue patiebatur in spiritualibus detrimentum, illuc ad petitionem abbatis causa uisitationis procedens, receptis sufficientibus depositionibus monachorum eiusdem ecclesiae iuratorum, liquido comperisset quod per abbatis negligentiam ecclesia multipliciter erat collapsa, propter quod seuerius potuerat procedere contra eum; uolens tamen misericorditer agere cum eodem, si forte sano usus consilio, saltem ex tunc intelligeret, ut bene ageret, ac se ad frugem uitae conuerteret melioris, de prudentum uirorum consilio, deliberatione habita diligenti, ordinationem, ut eius uerbo utamur, fecit in eadem ecclesia de caetero firmiter obseruandam, cuius tenorem ad nos ab eodem electo sub suo sigillo transmissum, uobis sub bulla nostra duximus destinandum. Hanc autem ordinationem, sicut idem electus suis nobis litteris intimauit, abbas et conuentus eiusdem ecclesiae tanquam prouidam et necessariam approbantes, humiliter receperunt, excepto quod cum in ordinatione contineatur, ut abbas ad exsoluenda quaedam quae in ordinatione continentur eadem, se astringat corporali praestito iuramento, idem abbas se ad id nolens astringere, quamquam super hoc deliberationis inducias postularit, tandem in uocem appellationis, occasione propter hoc friuola mendicata prorupit Praefatus uero electus appellationi huiusmodi quam frustratoriam reputabat minime deferens, primo in eum suspensionis, ac demum crescente ipsius contumacia excommunicationis sententias promulgauit. Quare supplicauit nobis humiliter et deuote, ut cum ipsi ecclesiae utiliter prouidisset, sicut sibi uisum fuerat expedire, relicto uobis quod superesset agendum, indemnitati eiusdem ecclesiae, paterna dignaremur diligentia prouidere. Nuntii uero praedictorum abbatis et conuentus apud Sedem Apostolicam constituti, e contrario responderunt, quod cum praefatus electus ad eorum monasterium accessisset uisitationis ibidem officium impensurus, promisit eisdem, quod canonice in inquisitione procederet, et de abbatis consilio corrigeret corrigenda. Qui postmodum quod promiserat non seruato, et praetermissa forma Concilii generalis non exprimendo capitulo, de quibus erat inquisitio facienda, in eorum grauamen ad inquisitionem pro sua uoluntate processit, statuens, ut idem abbas quatuor monachos et totidem laicos secum haberet, sine quorum consilio, uel ad minus eorum quatuor nihil magnum disponeret, nullas expensas faceret, nec aliquem contractum summam uiginti librarum excedentem iniret, augendi, minuendi et mutandi penes se potestate retenta, adiiciens etiam, ut abbas de seruando statuto huiusmodi praestaret corporaliter iuramentum. Sed cum praedictus abbas statutum peteret publicari, ut si quis personam ipsius tangeret, ei super hoc defensionis copia non deesset, idem electus id facere recusauit, propter quae omnia memoratus abbas sentiens sibi, et monasterio graue praeiudicium generari, et praedictum electum contra promissionem suam, et concilii formam in inquisitione perperam processisse cognoscens, nostram audientiam appellauit, appellationi eius conuentu eiusdem monasterii adhaerente. Sed praedictus electus eius appellatione contempta, primo suspensionis, et post iter arreptum ad Sedem Apostolicam ueniendi, in ipsum et sequaces eius excommunicationis sententias promulgauit, quamuis arrepto itinere corporis debilitate correptus remanserit secus Alpes. Quare praedicti nuntii humiliter petierunt praedictam excommunicationis sententiam, utpote post appellationem ad nos legitime interpositam promulgatam, irritam nuntiare, uel saltem abbatem ad cautelam absolui. Quia uero super his nobis non potuit fieri plena fides, discretioni uestrae de utriusque partis procuratorum assensu per Apostolica scripta mandamus, quatenus abbate, et sequacibus eius ante litis ingressum absolutis iuxta formam ecclesiae, ad cautelam, et inquisita super praemissis, et cognita ueritate, si processum electi praedicti canonicum esse inueneritis, moderatione adhibita quam aequitas persuaserit adhibendam, ipsum auctoritate Apostolica confirmetis. Alioquin sicut iustum fuerit, irritetis eumdem. Contradictores, si qui fuerint, uel rebelles, per censuram ecclesiasticam appellatione postposita compescendo. Nullis litteris obstantibus praeter assensum partium ueritati, et iustitiae praeiudicantibus a Sede Apostolica impetratis. Quod si non omnes his exsequendis interesse potueritis, duo uestrum ea nihilominus exsequantur. Datum Laterani, quinto idus ianuarii, pontificatus nostri anno tertio.

Source	HOROY C.-A. 1879

TRADITION

Original	Non
Manuscrit(s)	Rome, Archivio Segreto Vaticano [ASV], Registra Vaticana 10 ()

EDITIONS ET TRAVAUX

Edition(s)

HOROY C.-A.. Honorii Romanorum pontificis opera omnia, I-V, (Medii aevi Bibliotheca Patristica ser. I t.I-V), Parisiis, 1879-1883., 3, n.94, col.92-93, LIEN LIEN