DiBe ID | 3410 |
ACTEURS |
Auteur(s)
(= auteur de l'acte écrit) |
Fonction/titre:
pape Nom: Calixte II Institution/juridiction: Rome Diocèse: Principauté: États pontificaux Ordre religieux: |
Disposant(s) (= auteur de l'acte juridique) |
Fonction/titre:
pape Nom: Calixte II Institution/juridiction: Rome Diocèse: Principauté: États pontificaux Ordre religieux: |
Bénéficiaire(s)
(= bénéficiaire) |
Fonction/titre:
institution monastique Nom: Isaac abbé Institution/juridiction: Voormezele Diocèse: Diocèse Thérouanne Principauté: Flandre Ordre religieux: Chanoines Saint-Augustin |
DATATION |
Datation interprétée
(préférentielle) |
1/11/1123 (donnée par document / mentioned in document - ) |
Datation interprétée
(toutes) |
1/11/1123 (donnée par document / mentioned in document - ) Qualification érudite: - |
Date dans la charte
|
1/11/1123 |
Date de lieu (dans le texte) |
apud Montem Cassinum |
Date de lieu (normalisée) |
Mont Cassin (ITALIA, Lazio, Cassino)
Diocèse: Principauté: Naples |
RESUME ET DESCRIPTION |
Résumé | prend l'abbaye sous sa protection et lui confirme ses possessions (énumération) |
Description
|
Langue:
latin Véracité: document non suspecté Tradition de l'acte: copie (source diplomatique) Nature diplomatique: bulle |
TEXTE DU DOCUMENT |
Calixtus episcopus seruus seruorum dei dilectis filiis Ysaac Formoselensis ecclesie abbati eiusdem que fratribus canonicam uitam professis eorum que successoribus in eadem religione permansuris in perpetuum. Equitatis et iusticie ratio persuaderet nos ecclesiis perpetuam rerum suarum firmitatem et uigoris inconcussi munimenta conferre. Non enim conuenit christi seruos diuino famulatui deditos peruersis prauorum hominum molestiis agitari et temerariis quorumlibet uexationibus fatigari. Similiter predia usibus celestium secretorum dedicata nullas potentum angarias nichil debent extraordinarium sustinere. Cum enim communis omnium ecclesiarum cura nobis concessa sit uestram dilecti in christo filii Formoselensem debemus ecclesiam apostolice auctoritatis suffragio et eius protectionis patrocinio communire. Vite uero canonice ordinem quem professi estis presentis priuilegii auctoritate firmamus et ne cui post professionem exhibitam proprium quid habere neue sine abbatis uel congregationis licentia de claustro discedere liceat interdicimus et tam uos quam uestra omnia sedis apostolice protectione roboramus. Vobis namque uestris que successoribus in eadem religione permansuris perpetuo possidenda sancimus scilicet altaria de Formosella de Rininghe cum tertia parte decimarum de Marc de Eluerdinga de Thikebusc de Selebeke de Santuort saluo nimirum iure Teruanensis ecclesie. Terras quoque quas dedit Ysaac cum socru sua Ermengarda ecclesie Formoselensi terras quas dedit Adam filius Ysaac terras quas dedit Ysaac filius Ade cum uxore sua Mabilia terras quas dedit Eggebertus canonicus terras quas dedit Ysaac prepositus et mater sua terras quas dedit Galterus canonicus filius Galteri terram que data est pro anima Reingeri de Lochris terras quas dedit Karolus comes in uilla Formosellensi et in uilla de Testrep terras quas dedit Baldewinus comes super ripam maris et in uilla de Ethellingem terram quam dedit Robertus comes in uilla de Geleuelt que data est pro anima Ysaac iunioris iacens in uilla de Curnes terram que fuit Kinberti et libertatem eiusdem terre datam a Bertulfo filio Ysaac. Preterea terras in parochiis de Bredene de Iabbeke de Widescath de Warenstun de Chembla de Noua Ecclesia de Terdingheem de Thickebuse de Eluerdinghe de Flamertingha de March ecclesie uestre Formoselensi appendentes et uniuersa que in presentiarum pro communis uictus sustentatione possidere uidemini et quocumque in futurum concessione pontificum liberalitate principum uel oblatione fidelium iuste atque canonice poteritis adipisci. Decernimus ergo ut nulli omnino hominum liceat eandem ecclesiam temere perturbare aut eius possessiones auferre uel ablatas retinere uel iuste datas suis usibus uendicare minuere uel temerariis uexationibus fatigare sed omnia integra conseruentur pro quorum sustentatione et gubernatione concessa sunt usibus omnimodis profutura. Obeunte te nunc eius loci abbate uel tuorum quolibet successorum nullus ibi qualibet surreptionis astucia seu uiolentia preponatur nisi quem fratres communi concensu uel fratrum pars consilii sanioris secundum dei timorem de suo de alieno si expedierit collegio prouiderint eligendum. Si qua sane ecclesiastica secularis ue persona hanc nostre constitutionis paginam sciens temere contra eam uenire temptauerit secundo tercio ue commonita si non satisfactione congrua emendauerit potestatis honoris que sui dignitate careat ream que se diuino iudicio de perpetrata iniquitate cognoscat et a sacratissimo corpore et sanguine dei et domini nostri Iesu christi aliena fiat atque in extremo districte ultioni subiaceat. Cunctis etiam eidem loco iusta seruantibus sit pax domini nostri Iesu christi quatenus et hic fructum bone actionis percipiant et apud districtum iudicem premia eterne pacis inueniant. Amen. Amen. Amen. Datum apud montem Cassinum per manum Aimerici sancte Romane ecclesie diaconi et cancellarii kalendis nouembris indictione secunda incarnationis dominice anno M° C° XXIII° pontificatus autem domni Calyxti secundi pape anno V°. | |
Source | ROBERT U. 1891 |
TRADITION |
Original
|
Non |
Manuscrit(s) | Brugge, Rijksarchief [RA], Verzameling Aanwinsten 3472 (1101-1300) |
Londres, British Library, Additional MSS 32343 F (1101-1200) |
EDITIONS ET TRAVAUX |
Edition(s)
|
ROBERT U.. Bullaire du pape Calixte II (1119-1124). Essai de restitution, 2 vol., Paris, 1891., 2, n.416, p.223-225, LIEN LIEN |
Travaux | JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 1, n.7081, p.814, LIEN LIEN LIEN LIEN LIEN LIEN LIEN |
WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.120, LIEN LIEN |