Diplomatica Belgica - Details Chartre 3383

DiBe ID

3383

ACTEURS

Auteur(s)
(= auteur de l'acte écrit)

Fonction/titre: comte/comtesse
Nom: Baudouin IV
Institution/juridiction: Hainaut
Diocèse: Diocèse Cambrai
Principauté: Hainaut
Ordre religieux:

Disposant(s)

(= auteur de l'acte juridique)

Fonction/titre: noble/homme noble
Nom: Amalricus
Institution/juridiction: INCONNUE
Diocèse:
Principauté:
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom: Clarboldus abbé
Institution/juridiction: Hautmont
Diocèse: Diocèse Cambrai
Principauté: Hainaut
Ordre religieux: Bénédictins

DATATION

Datation interprétée (préférentielle)	4/9/1166 (donnée par document / mentioned in document - )
Datation interprétée (toutes)	4/9/1166 (donnée par document / mentioned in document - ) Qualification érudite: -
Date dans la charte	4/9/1166
Date de lieu (dans le texte)	in Castriloco
Date de lieu (normalisée)	Mons (BELGIQUE, Région Wallonne, Hainaut) Diocèse: Diocèse Cambrai Principauté: Hainaut

RESUME ET DESCRIPTION

Résumé	confirme la donation , faite par Amalricus, homme noble, d'un alleu sis à Hargnies (Nord, Avesnes-sur-Helpe, Aulnoye-Aymeries, Hargnies) et relate les formalités de cette tradition
Description	Langue: latin Véracité: document non suspecté Tradition de l'acte: copie (source diplomatique) Nature diplomatique: charte

TEXTE DU DOCUMENT


In nomine patris et filii et spiritus sancti. Balduinus dei gratia Henoniensium comes tam futuris quam presentibus. labentibus annis et tempore cursus sui tenorem uolubilitate proagente assidua rerum gestarum perit memoria et mater erroris obliuio ueritatis obnubilans certitudinem ordinem confundit iusticie hinc subeunt rixe et frequentissime succrescente malo discordie sancta pacis etiam inter amicos rumpuntur federa. Hec mala sola tollunt litterarum annotamina et scriptorum monimenta precipue cum sigillis corroborantur principum. Propterea quoddam negotium ad Altimontense pertinens monasterium in nostra presentia et nostre curie frequentia diffinitum nostro dilecto uidelicet Clarembaldo eiusdem Altimontensis monasterii abbate postulante presenti pagine placuit inserere et nostre auctoritatis sigillo confirmare. Quidam igitur uir illustris Amolricus nomine cogitans qualiter multitudini peccaminum suorum posset obuiare et proprie saluti anime simul que antecessorum suorum animabus succurrere iuxta precepta euangelica dicentia: date elemosinam et omnia munda sunt uobis elemosinam de toto proprio alodio in territorio Harigniacensi adiacente proposuit facere et illud Altimontensi monasterio ad usus fratrum ibidem deo seruientium conferre. Cum igitur quadam die in nostra starent presentia Amolricus et abbas alter paratus ad donandum et alter ad recipiendum abbas de manu nostra baculum arripuit et in manu Amolrici posuit per quem ipse Amolricus alodium donauit et abbatem inuestiuit sic dicens: ego Amolricus uir illustris et parentum filius illustrium in presentia domini Nicholai Cameracensis episcopi simul que Alardi archidyaconi et aliorum clericorum et in presentia Balduini comitis et principum astantium totum alodium in territorio Harigniacensi adiacens et mihi proprium et cum participibus commune et quicquid ibidem possideo tam in agris quam in pratis aquis siluis nemoribus hospites simul et quoslibet redditus in manum Clarembaldi abbatis pono et inuestituram et sollempnem donationem facio ut ille abbas et successores sui et ecclesia Altimontensis que constructa est in honore beatorum apostolorum Petri et Pauli et in qua requiescit beatissimus Marcellus papa et martyr parentes que mei ibidem in domino quiescentes uniuersalis diem expectant iudicii absolutum et ea libertate qua tenuerunt antecessores mei et ego post illos liberum absque omni aduocato seu quolibet exactore iure perpetuo possideat. In donatione etiam manum apposui et sic dixi: in hac donatione ego Balduinus comes manum appono quia hoc beneficium quoad uixero ad pacem tuebor ecclesie et post meis successoribus tuendum relinquo. Hanc igitur donationem tam sollempnem tam absolutam ab ipso etiam auctore beneficii Amolrico uidelicet attentissime omni excluso aduocato tam liberam sub nostrorum hominum etiam approbatione factam nos approbamus et nostro sigillo cum subscriptis munimus testibus. Precipimus etiam ut predictum beneficium in bona pace in bona securitate mea que meis hominibus approbantibus donatum et libertate sine aduocato sub nostro et nostrorum successorum tuitione Altimontensis ecclesia ulterius feliciter possideat. Amen. Signum Nicholai de Rumigni. Signum Egidii de Cymai. Signum Eustachii de Ruz. Signum Theoderici de Ligni. Signum Nicholai de Barbenchun. Signum Karoli de Frasnoth et Ludouici fratris eius. Signum Hauuelli de Cheuren. Acta sunt hec in Castriloco anno ab incarnatione domini millesimo centesimo LXVI° indictione XIIII° concurrente uero epacta XVII° II nonas septembris die dominica imperante Frederico Romanorum glorioso imperatore Nicholao Cameracensi episcopo administrante ad laudem et gloriam domini nostri Ihesu christi cui est honor et gloria per omnia secula seculorum. Amen. Sciendum autem Amolricum in manu sua retinuisse quosdam fructus terre scilicet totum carruagium preter decimam. In carruagio suo et in tota sua parte alodii totam decimam habebit abbas et mediam partem terragiorum contra ipsum Amolricum solo excepto suo carruagio. Habebit etiam mediam partem quorumlibet reddituum tam in molendino quam in hospitibus quam in censuris seu etiam quibuslibet aliis commodis. Postquam autem Amolricus obierit uel secularem habitum seu uitam mutauerit et terram tenere desierit hec omnia erunt abbatis propria. Hoc etiam sciendum est quod hoc beneficium abbas C et X libris remunerauit.

Source	DUVIVIER CH. 1863

TRADITION

Original	Non
Manuscrit(s)	Paris, Bibliothèque nationale de France [BNF], Nouvelles acquistions latines 1386 (1201-1300)

EDITIONS ET TRAVAUX

Edition(s)	DUVIVIER CH.. Quelles étaient l'importance et les limites du Pagus Hainoensis jusqu'au XIe siècle ?, dans: Mémoires et Publications de la Société des Sciences des Arts et des Lettres du Hainaut, 2e série, 9, Mons, 1863-1864., n.135, p.610-612, LIEN
Travaux	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.472, LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.756, LIEN LIEN