‹
›
retourner aux résultats
| DiBe ID | 3376 |
| ACTEURS |
|
Auteur(s)
(= auteur de l'acte écrit) |
Fonction/titre:
comte/comtesse Nom: Baudouin IV Institution/juridiction: Hainaut Diocèse: Diocèse Cambrai Principauté: Hainaut Ordre religieux: |
|
Disposant(s) (= auteur de l'acte juridique) |
Fonction/titre:
comte/comtesse Nom: Baudouin IV Institution/juridiction: Hainaut Diocèse: Diocèse Cambrai Principauté: Hainaut Ordre religieux: |
|
Bénéficiaire(s)
(= bénéficiaire) |
Fonction/titre:
institution monastique Nom: Eudes II abbé Institution/juridiction: S.Denis Diocèse: Archevêché Sens Principauté: France Ordre religieux: Bénédictins |
|
Fonction/titre:
avoué Nom: Gautier III de Bousies Institution/juridiction: Solesmes Diocèse: Diocèse Cambrai Principauté: Hainaut Ordre religieux: |
| DATATION |
|
Datation interprétée
(préférentielle) |
//1162 (terminus ante quem - DUVIVIER) |
|
Datation interprétée
(toutes) |
//1162 (terminus ante quem - DUVIVIER) Qualification érudite: - |
| //1152 (terminus post quem - DUVIVIER) Qualification érudite: - | |
| //1153 (conjecture précise / accurate conjecture - DUVIVIER) Qualification érudite: - | |
|
Date de lieu (dans le texte) |
|
|
Date de lieu (normalisée) |
Diocèse: Principauté: |
| RESUME ET DESCRIPTION |
| Résumé | notifie et approuve l'accord conclu entre Eudes et Gautier au sujet des droits que ce dernier s'arrogeait dans le village de Solesmes [chirographe] |
|
Description
|
Langue:
latin Véracité: document non suspecté Tradition de l'acte: copie (source diplomatique) Nature diplomatique: charte |
| TEXTE DU DOCUMENT |
| In nomine summe et indiuidue trinitatis. Baldoinus dei gratia comes de monte Hainau uir illustris. Quoniam hominum uita breuis est labilis que memoria res gestas memorie litterarum commendare consueuit antiquitas. Propterea notum fieri uolumus tam futuris quam presentibus conuentionem concordie que inter uenerabilem abbatem sancti Dyonisii Odonem et Walterium aduocatum de Solemio statuta est tenenda quidem imperpetuum ab abbate uel successoribus suis atque Walterio uel heredibus illius de oppressionibus et uiolentis exactionibus quas contra ius et consuetudinem in terra beati Dyonisii exercebat pro quibus etiam antecessores eius precepto apostolico sententie anathematis subiacuisse et in eadem sententia uitam finisse noscuntur. Domum namque defensabilem in propria beati Dyonisii uilla Solemio contra uoluntatem abbatis constructam tenebat et ab hominibus ter in anno talliam uiolenter exigebat et quicquid eius militibus guerrarum tempore ab eisdem hominibus credebatur penitus eis auferebat mortuas manus et forestem atque iustitias beati Dyonisii omnino sibi usurpauerat preterea si quis de hominibus ecclesie in exitu suo uel conuersione de terra sua aliquid beato Dyonisio conferre uoluisset ipse non permittebat. Cum igitur predictum aduocatum pro hiis atque aliis iniustitiis a domino papa publice excommunicatum tandem abbas sancti Dyonisii coram multis conuenisset ille diutino anathematis uinculo absolui desiderans recognouit prefatam domum iniuste firmatam eam que in manu abbatis et monachorum suorum quietam reddidit. Abbas uero preuidens et cauens si munitionis illius destrueretur firmitas tocius terre sue infirmaretur immunitas habito cum suis consilio domum ipsam beato Dyonisio fideliter seruandam ea ratione aduocato comendauit quod quociens ipsi abbati uel successoribus eius placuerit ille cedens exhibebit domum que liberam eis reconsignabit neque per domum ipsam guerram aliquam manu tenebit nisi propter defensionem beati Dyonisii uel pro fidelitate comitis de monte Hainau. De tallia uero quia nichil ei certum abbas statuere uolebat pepigit idem aduocatus quod bis tantum in anno talliam faceret eo modo quod homines de eo non conquererentur quod si conquesti fuerint aduocatus pro uoluntate abbatis infra quadraginta dies submonitus emendabit sicut homo ipsius homo enim ipsius est. Si uero pro deffensione terre beati Dyonisii uel comitis de monte milites ei necessarii fuerint homines beati Dyonisii cogi non poterunt ut aliquid eis credant quod si sponte super uadimonia quicquam crediderint usque ad quindecim dies sustinebunt post quindecim dies si debita non persoluerint uadimonia ad usuram ubi uoluerint pro debito suo mittent. Iustitiae quas beato Dyonisio auferebat monachis et seruientibus eorum ad iusticiam cogi non poterunt uel si ab aliquo transeunte forisfactum aliquod perpetratum fuerit monacho uel eius seruientibus absentibus uel ignorantibus aduocato autem uel ipsius seruientibus presentibus aduocatus in curiam beati Dyonisii ad iusticie executionem uenire compellet. Sed et mortuas manus et forestem atque seruientes omnes uidelicet maiorem decanum et molendinarium et furnarium camberarium bubulcos atque alios seruientes beati Dyonisii a tallia et omnimoda exactione quietos clamauit. Concessit preterea ut quilibet pro sua uel suorum conuersione uel morte beati Dyonisii conuenientem facere possit donationem quod antea ut prediximus omnino non permittebat. Illud etiam concessit ut apud Bellum Ramum easdem consuetudines quas apud Solemium beatus Dyonisius obtineat. Denique hanc se conuentionem tenere ipse cum aliis quampluribus in manu abbatis affidauit et uenerabilem episcopum Cameracensem Nicholaum et Symonem de Oisiaco atque Nicholaum de Auesnis inde obsides dedit ita quod si ab hac conuentione tenenda aliquatenus ipse defecerit olim promulgate in eum pro predictis excessibus anathematis sententie infra quadraginta dies iterum subiacebit et nos testes et adiutores erimus quatenus et sententia super eum confirmetur et ducentas libras quas pro illatis iniuriis et rapinis abbati se redditurum spopondit persoluere compellatur. Nomina autem eorum qui conuentionem istam tenendam cum aduocato affidauerunt hec sunt Amandus de Donein Walterus de Alneto Fulco frater eius Noel de Querein Raimundus de sancto Piato Drogo prepositus Werricus prepositus Robertus de Romeriis Fulcum de Sorre Drogo de Sumein Goran de Vendengies Alulfus de Fraxineto Rainerus de Bermerenc Rainerus col rosti Herbertus de Senleches. Testium uero nomina sunt ista Adam abbas Castelli Bartholomeus monachus eius Petrus abbas sancti Richarii Wido et Hugo monachi eius Philippus Willelmus Ioscho Herbertus monachi beati Dyonisii Iohannes decanus et Iohannes nepos eius Thomas clericus Willelmus brunau Petrus clericus Baldricus filius Ramundi Walterus maior de Solemio Baldoinus auunculus eius Symon decanus Hugo de Romeriis Nicholaus de Bunzeis Arnulfus de Guasnes Gunterus de Brene Odo de platea Stephanus de Hauci Rodulphus de sancto Piato Ansellus de Castello Girardus filius eius Alexander de Castello Hugo de Briene Waldricus de porta Wiscelinus sutor Tescho Arraguns Mainerius Robertus blundus Hugo pincharz Rodulphus maior de Seri Petrus decanus. | |
| Source | DUVIVIER CH. 1863 |
| TRADITION |
| EDITIONS ET TRAVAUX |
|
Edition(s)
|
DUVIVIER CH.. Quelles étaient l'importance et les limites du Pagus Hainoensis jusqu'au XIe siècle ?, dans: Mémoires et Publications de la Société des Sciences des Arts et des Lettres du Hainaut, 2e série, 9, Mons, 1863-1864., n.127 ter, p.587-590, LIEN |
| Travaux | WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.370, LIEN LIEN |
| PIETRESSON DE SAINT-AUBIN P.. Répertoire numérique. Série G. Tome II. Fascicule 1. Clergé régulier. 3 G à 5 G (Archives départementales du Nord), Lille, 1968., col.2, p.105, LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
