Diplomatica Belgica - Details Chartre 3142

DiBe ID

3142

ACTEURS

Auteur(s)
(= auteur de l'acte écrit)

Fonction/titre: pape
Nom: Innocent II
Institution/juridiction: Rome
Diocèse:
Principauté: États pontificaux
Ordre religieux:

Disposant(s)

(= auteur de l'acte juridique)

Fonction/titre: pape
Nom: Innocent II
Institution/juridiction: Rome
Diocèse:
Principauté: États pontificaux
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom: Evrard prieur
Institution/juridiction: Flône
Diocèse: Diocèse Liège
Principauté: Liège
Ordre religieux: Chanoines Saint-Augustin

DATATION

Datation interprétée (préférentielle)	4/12/1138 (donnée par document / mentioned in document - )
Datation interprétée (toutes)	4/12/1138 (donnée par document / mentioned in document - ) Qualification érudite: -
Date dans la charte	4/12/1138
Date de lieu (dans le texte)	Laterani
Date de lieu (normalisée)	Rome (Latran) (ITALIA, Latium, Roma) Diocèse: Principauté: États pontificaux

RESUME ET DESCRIPTION

Résumé	prend l'abbaye sous sa protection et lui confirme la règle de saint Augustin ainsi que ses possessions (énumération) et ses droits
Description	Langue: latin Véracité: document non suspecté Tradition de l'acte: original Nature diplomatique: bulle

TEXTE DU DOCUMENT


Innocentius episcopus seruus seruorum dei dilecto filio Euerardo priori eius que fratribus in ecclesia beati Mathei apostoli et euangeliste in loco qui Flona dicitur sita canonicam uitam professis tam presentibus quam futuris in perpetuum. Sicut iniusta poscentibus nullus est tribuendus effectus ita legitima desiderantium non est differenda petitio. Et quidem si religiosorum uirorum clementem dominum reperimus. Eapropter dilecti in domino filii uestris iustis petitionibus duximus annuendum et ecclesiam beati Mathei de Flona in qua diuinis estis obsequiis mancipati apostolicae sedis patrocinio communimus. In primis siquidem statuentes ut ordo canonicus qui secundum beati Augustini regulam ibidem noscitur institutus perpetuis futuris temporibus inuiolabiliter conseruetur. Nulli etiam fratrum uestrorum licitum sit post factam in eodem loco professionem absque libera et communi fratrum licentia inde recedere uel cuiuslibet occasionis optentu ad alia loca transire discedentem uero nullus episcoporum abbatum priorum uel aliarum quarumlibet personarum suscipere audeat uel retinere. Porro beneficia libertates a bone memorie Heinrico Leodiensi episcopo uel ab aliis uiris ecclesię uestrae rationabilibus modis collatas que in presentiarum iuste habetis quascumque etiam possessiones et bona concessione pontificum liberalitate regum uel principum oblatione fidelium aut aliis iustis titulis in posterum deo propitio poteritis adipisci firma uobis et per uos eidem ecclesiae in perpetuum et illibata permaneant. In quibus hec propriis uocabulis exprimenda subiunximus uidelicet iura que in uilla de Aiuncurt et ecclesia ipsius loci et ea que in ecclesia et uilla Hunafie possidetis ea etiam que uobis competunt in ecclesia de Pereswez cum octo bonuariis in Vileirs sex bonuaria in Gerartmont sex bonuaria ius quod habetis apud Iairam tam in uilla quam in ecclesia familia et usuariis porro molendina super Flonam a fundatoribus uestrę ecclesię constituta cum necessario et sufficienti cursu aquę sicut statutum est libera et ab omni uexatione quieta permaneant necnon etiam siluam ad usus molendinorum atque molentium sicut statutum est absque contrarietate aliqua habeatis censum insuper et alia ecclesiastica siue secularia iura que de predicta uilla de Flona uobis et uestrę ecclesię competunt quiete et pacifice teneatis. Ad hec quemadmodum a prenominato Heinrico episcopo stabilitum esse cognoscitur baptizandi in uestra ecclesia uobis concedimus facultatem. Olei quoque sacramentum a dyocesano suscipietis episcopo. Preterea allodium et familiam quam Albertus de Tileris in eadem uilla ecclesię uestrę donauit sex etiam bonuaria allodii et quartam partem molendini et unam curtem a fratre Thoma uobis collatam ea etiam que a fratribus eius ibidem acquisistis ecclesiam beati Petri de Drhahit cum omnibus pertinentiis eius quam dedit Albertus comes de Musial ea que Baldricus clericus de Hoio dedit uobis in Iaira tam in ecclesia quam in uilla tria bonuaria terre et unam curtem cum aliis a Rohulfo de Cantauerina et Arnulfo de Coruueremen in eadem uilla uobis collatam quicquid etiam Erardus in Rosuht et Iohannes in Hothina et in Vileir et in Bosoith tam in ecclesia quam in uilla tenebant duodecim bonuaria allodii cum una curte in Warnant que dedit Gotrannus donum insuper quod fecit uobis episcopus Alexander de allodio Gislebreceis consensu et rogatu Reinboldi de Gesserin et Heinrici de Iahan qui tenebant illud in feudo. Confirmamus etiam uobis concessionem de medietate uenne in Mosa et silue ad reparationem ipsius uennę a primo Alberone Leodiensi episcopo uobis legitime factam necnon reliquam medietatem predicte uennę quam tenebant nobiles uiri comes Gislebertus de Aixa et comes Lanbertus de Claromonte consentientibus filiis in utilitatibus predicti loci ab ipsis donatam aliam quoque siluam Clarimontis que mortua dicitur ad cotidianos usus ecclesię et hospitalis prout necessitas exigit quam idem uiri dederunt uestrę ecclesię pro qua utique mortua silua iamdicto comiti Gisleberto et heredibus eius XII denarios in festo beati Remigii uestra ecclesia annualiter persoluere debet quicquid etiam Rodulphus sacerdos et nepos eius Bastianus dederunt uobis in Uileir sancti Thrudonis sex etiam bonuaria allodii et duas curtes in Hernau a Frederico de Harmala uobis concessas ecclesiam beati Sulpicii de inferiori Helecines cum decima et omnibus pertinentiis suis quam dedit Baldricus miles ius quod habetis in ecclesia beati Martini de Mandaleh insuper XX bonuaria allodii et VI curtes quas uestra ecclesia acquisiuit in Gesth parrochialem quoque ecclesiam beati Martini in uilla Helecines superioris cum decima et pertinentiis suis quam dedit uobis Reinerus agnomine papa et Wigerus frater eius quinque etiam solidos quos idem Reinerus pro anima matris suę in festo sancti Remigii singulis annis ecclesie uestrę persoluere debet censum quod habetis in Fiez et in Termagn et in Herant et in Hoio allodium etiam quod tenetis in Uelleroth et in Hologh. Decernimus ergo ut nulli omnino hominum liceat uos uel ecclesiam uestram super hac nostra constitutione temere perturbare aut eius possessiones uel bona auferre uel ablatas retinere minuere uel temerariis uexationibus fatigare sed omnia integra conseruentur uestris usibus omnimodis profutura. Si quis igitur in posterum huic decreto contraire temptauerit secundo tercio ue commonitus nisi reatum suum condigne correxerit omnipotentis dei et beatorum Petri et Pauli apostolorum eius indignationem incurrat et excommunicationi subiaceat. Conseruantes autem eidem loco que sua sunt dei et domini redemptoris nostri et eorundem apostolorum eius gratiam consequantur. Amen. Amen. Amen. -r- ego Innocentius catholicę ecclesię episcopus subscripsi- -bu-. Ego Connardus Sabinensis episcopus subscripsi-. Ego Gregorius presbyter- cardinalis- ecclesię apostolorum subscripsi-. Ego Petrus presbyter- cardinalis- tituli- sancti Marcelli subscripsi-. Ego Crescentius presbyter- cardinalis- tituli- sanctorum Marcellini et Petri subscripsi-. Ego Gerardus presbyter- cardinalis- tituli- sanctę crucis in Ierusalem subscripsi-. Ego Martinus presbyter- cardinalis- tituli- sancti Stefani in Celio monte subscripsi-. Ego Comes presbyter- cardinalis- tituli- Eudoxie subscripsi-. Ego Lucas presbyter- cardinalis- tituli- sanctorum Iohannis et Pauli subscripsi-. Ego Guido sanctę Romanę ecclesię indignus sacerdos subscripsi-. Ego Iuo presbyter- cardinalis- tituli- sanctorum Laurentii et Damasi subscripsi-. Ego Stantius presbyter- cardinalis- sancte Sabine subscripsi-. Ego Guido diaconus- cardinalis- sanctorum Cosme et Damiani subscripsi-. Ego Hubaldus diaconus- cardinalis- sancte Marie in uia lata subscripsi-. Ego Chrysogonus diaconus- cardinalis- sancte Marie in porticu subscripsi-. Datum- Laterani per manum Aimerici sanctę Romanaę aecclesiaę diaconi cardinalis et cancellarii II nonas- decembris- indictione II-a incarnationis dominicę anno M° C° XXX° VIII° pontificatus uero domni Innocentii pape II anno VIIII.

Source	RAMACKERS J. 1934

TRADITION

Original	Oui Liège, Archives de l'Etat [AE], Flône 7
Manuscrit(s)	Liège, Bibliothèque Générale de Philosophie et Lettres (BGPhL), Manuscrit 2026 (1301-1400)
	Liège, Bibliothèque Générale de Philosophie et Lettres (BGPhL), Manuscrit 2014 (1601-1700)

EDITIONS ET TRAVAUX

Edition(s)	RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.34, p.130-133,
Travaux	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.151, LIEN LIEN